ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵉⵡⴹ ⵏ ⵜⵙⵎⵓⵏⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵢⵏⴰⵙ 01 ⴱⵕⴰⵢⵕ 2021
ⵉⵙⵏⵎⴰⵍⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔ, ⵜⴰⵙⵎⵓⵏⵉ ⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⴰⵢⵏⴰⵙ 01 ⴱⵕⴰⵢⵕ 2021, ⵜⵥⵍⵉ ⵉ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⵖ ⵜⵉⴹⴰⴼ ⴷ ⵓⵣⵣⵔⴰⴼ.
ⴳ ⵜⵣⵡⵉⵔⵉ, ⵉⵙⵙⴽⵜⵉ ⴷ ⵓⵏⵙⵙⵉⵅⴼ ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ ⵜⵉⵎⵙⴰⵔⵉⵏ ⵜⴰⵏⴰⵎⵓⵔⵉⵏ ⵙⵜⴰⵡⵀⵎⵎⴰⵏⵉⵏ ⵏ ⵓⵙⴰⵢⵔⵓⵔ ⴰⵏⴰⵎⵓⵔ ⴳ ⵓⵙⵙⴰⵏ ⴳⴳⵓⵔⴰⵏⵉⵏ, ⵍⵍⵉⴳ ⵉⵏⵏⵓⵕⵥⵎ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ ⴰⵙⵎⵓⵙⵙⵓ ⴰⵏⴰⵎⵓⵔ ⵏ ⵓⵛⵕⴰⴹ. ⵉⵙⴰⵡⴰⵍ ⵓⵏⵙⵙⵉⵅⴼ ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ ⴼ ⵓⵙⵓⵜⴳ ⵏⵏⵙⵏ ⵉ ⵜⵙⵏⵜⴰⵢⵜ ⵜⴰⴳⵍⴷⴰⵏⵜ ⵜⴰⵎⴰⵜⵜⵓⵢⵜ, ⴷ ⵓⵙⵓⵜⴳ ⵏ ⵡⴰⵏⴰⵡ ⴰⵎⵖⵔⵉⴱⵉ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵜⵎⴰⵎⴽⵜ ⴷ ⵉⴱⵔⵉⴷⵏ ⵏ ⵓⵙⵡⵓⴷⴷⵓ ⵏ ⵓⴱⴰⵢⵢⵓⵕ ⴷ ⵡⴰⴷⴷⴰⴷⵏ ⵥⵉⵍⵏⵉⵏ ⵏ ⵓⵙⴼⴰⵙⴽⴰ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⴳ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ.
ⴰⵛⵕⴰⴹ ⴰⵎⵣⵡⴰⵔⵓ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵙ, ⵎⴳⴰⵍ ⴽⵓⴼⵉⴷ 19 ⵉⴳⴰ ⵜⴰⵎⴰⵜⴰⵔⵜ ⵉⵥⵍⵉⵏ ⵉ ⴽⵓ ⵉⵎⵖⵔⵉⴱⵉⵢⵏ ⵍⵍⵉ ⵔⴰⴷ ⵉⵙⴷⵓⵙ ⴰⵙⵢⴰⴼⴰ ⵙ ⵓⵙⵓⵏⴼⵓ ⴷ ⵓⵙⴱⴷⴷⵉ ⵏ ⵜⵓⵔⴷⴰⵡⵉⵏ ⴷ ⵓⵖⵓⵍ ⵏ ⵓⵏⴰⵔⵓⵣ ⵉ ⵓⵣⵣⵔⴰⵢ ⵏ ⵜⴼⵔⴽⵉⵡⵉⵏ ⵛⴷⴷⴰⵏⵉⵏ ⴷ ⵓⵍⵜⴰⵖ ⴰⵎⴳⵔⵓ ⴳ ⵜⵎⵙⴽⴰⵔ ⵏ ⵡⴰⵔⴰⵢ ⴳ ⵓⵛⵕⴰⴹ ⴷ ⴷⴼⴼⵉⵔ ⵏⵏⵙ, ⵉ ⵜⴼⴰⵜⵉⵜ ⵏ ⵉⵏⵎⵓⵔⴰⵏ ⵜⵏⵎⵓⵔⴰⵜⵉⵏ.
ⴳⵉⵏⵜ ⵜⵣⴷⴰⵢⵉⵏ ⵜⵉⵎⵖⵔⵉⴱⵉⵢⵉⵏ ⵜⵉⵏⵉⵊⵉⵔⵉⵢⵉⵏ ⵜⵉⵎⵙⴰⵔⵉⵏ ⵙⵜⴰⵡⵀⵎⵎⴰⵏⵉⵏ ⵍⵍⴰⵏⵉⵏ ⴳ ⵓⵙⴰⵢⵔⵓⵔ ⴰⵏⴰⵎⵓⵔ; ⵉⵙⵙⴽⵊⵜⵉ ⴷ ⵓⵏⵙⵙⵉⵅⴼ ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ ⵜⵓⵎⴰⵢⵜ ⵏ ⵓⵏⵢⴰⵍⴽⴰⵎ ⵏ ⵜⵉⵍⵉⴼⵓⵏ ⵉⵍⵍⴰⵏ ⵊⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵕⴱⴱⵉ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵏⵉⵊⵉⵔⵢⴰ, ⴰⵏⵢⴰⵍⴽⴰⵎ ⴰⴷ ⵉⵙⴷⴷⵉⴷⵏ ⴼ ⵜⵉⵔⴰⵜ ⵉⵛⵛⴰⵔⵏ ⵏ ⵉⵙⵏⴼⴰⵔⵏ ⵉⵙⵜⵔⴰⵜⵉⵊⵉⵢⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵙⵍⴰⵡⴰⵏ ⴰⴽⴽⵯ ⴰⵣⵔⵉⵔⴳ ⵏ ⵍⴳⴰⵣ ⵏⵉⵊⵉⵔⵢⴰ-ⵍⵎⵖⵔⵉⴱ ⴷ ⵓⵙⴽⵔ ⵏ ⵓⵙⴰⵡⵓⵔ ⵏ ⵓⴼⴰⵔⵙ ⵏ ⵍⴰⵏⴳⵔⵉⵢⴰⵜ ⴳ ⵏⵉⵊⵉⵔⵢⴰ.
ⵉⵙⴷⴷⵉⴷ ⵓⵏⵙⵙⵉⵅⴼ ⴷ ⵉⴼⵔⴷⴰⵙ ⵏ ⵓⵙⵇⵇⵉⵎ ⴼ ⵡⴰⵜⵉⴳ ⵏ ⵓⵎⵢⴰⵡⴰⵙ ⴰⴼⵔⵉⵇⵉ ⵎⵓ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵢⴰⵏ ⵓⵎⵏⵉⴷ ⵉⵥⵍⵉⵏ ⵙ ⵉⵔⵣⴰⴼⵏ ⵏⵏⵙ ⴳⴳⵓⵜⵏⵉⵏ ⵉ ⵜⵎⵉⵣⴰⵔ ⵏ ⵉⴼⵔⵉⵇⵢⴰ, ⴰⵢⵍⵍⵉ ⵉⴼⴽⴰⵏ ⴰⵙⴰⵜⵉ ⴰⵎⴰⵢⵏⵓ ⵉⵙⵓⵍⵏ ⵉ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴼⴽⴰⵏⵉⵏ ⵉⵙⵏⴼⴰⵔⵏ ⴷ ⵉⵖⴰⵡⴰⵙⵏ ⵓⵏⴳⵉⵎⵏ ⴷ ⵉⵙⵜⵔⴰⵜⵉⵊⵉⵢⵏ.
ⴳ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⴳ ⵜⵉⴹⴰⴼ, ⵜⵎⴷⴰⵡⴰⵍ ⵜⵙⵎⵓⵏⵉ ⴳ ⵉⵎⵔⵙⵉ ⵏ ⵜⵖⵉⵎⵉⵜ ⵉⵥⵍⵉⵏ ⵉ ⵉⵙⵇⵙⵉⵜⵏ ⵏ ⵜⵙⵔⵜⵉⵜ ⵜⴰⵎⴰⵜⴰⵢⵜ ⴼ “ⵜⴰⵙⵔⵜⵉⵜ ⵜⵓⵏⴱⵉⴹⵜ ⵉ ⵓⵙⵏⴰⵍ ⵏ ⵓⵢⴰⴼⵓ ⴰⵏⴰⵎⵓⵔ”, ⵉⵎⴷⴰⵡⴰⵍ ⵓⵍⴰ ⴼ ⵉⵎⵔⵙⵉ ⵏ ⵜⵖⵉⵎⵉⵜ ⵏ ⵉⵙⵇⵙⵉⵜⵏ ⵉⵎⵉⵡⴰⵏⵏ ⵏ ⵡⴰⵢⵏⴰⵙ 8 ⴱⵕⴰⵢⵕ ⵉⵥⵍⵉⵏ ⵉ ⵓⵛⴰⵎⵓⵛ ⴰⵏⴰⵎⵓⵏ ⴷ ⵜⵓⵚⴽⵉⵡⵉⵏ ⵜⵉⵏⴰⴷⴷⵉⵡⵉⵏ.
ⵜⵙⴷⴷⵉⴷ ⵜⵙⵎⵓⵏⵉ ⴼ ⵡⴰⵜⵉⴳ ⵏ ⵓⴼⴰⵔⵙ ⵏ ⵜⵉⴹⴰⴼ ⴳ ⵜⵙⵎⵉⴳⴰⵍ ⵏ ⵓⵙⴰⴳⴳⵯ, ⴳ ⵙⵡⵓⵔⵉⵏ ⴽⵉⴳⴰⵏ ⵏ ⵉⴳⵏⵙⴰⵙⵏ ⵏ ⵜⵎⵜⵜⵉ ⴳ ⵎⵏⵏⴰⵡⵜ ⵜⵙⵎⵉⴳⴰⵍ ⵜⵉⵏⴰⵎⵓⵏⵉⵏ ⴷ ⵜⴷⵎⵙⴰⵏⵉⵏ. ⴳⵉⵏ ⵉⵏⵇⵇⵉⵙⵏ ⵜⵜⵓⵙⴽⴰⵔⵏⵉⵏ ⴰⵢⴷⴰ ⵉⵙⵜⴰⵡⵀⵎⵎⴰⵏ ⵖ ⵜⵓⵙⵙⵏⴰ ⵏ ⵉⵙⴰⵡⵓⵔⵏ ⴷ ⵉⵖⴰⵡⴰⵙⵏ ⴷ ⵜⵡⵓⵔⵉ ⵏ ⵜⵎⵔⵙⴰⵍ, ⵉⵏⵇⵇⵉⵙⵏ ⴰⴷ ⵜⵜⵓⵙⴽⴰⵔⵏ ⵙ ⵜⵣⵣⵓⵍⴰⵏⵜ ⵢⴰⵜⵜⵓⵢⵏ ⴷ ⵉⵙⵖⵍⴰⴼ ⴼⴰⵡⵏⵉⵏ ⵉ ⵓⵣⵣⵔⴰⵢ ⵏ ⵜⵎⵓⴽⵔⵉⵙⵏ ⵙ ⵓⵎⵢⴰⵡⴰⵙ ⴷ ⵜⵏⴱⴰⴹⵜ.
ⴳ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ, ⵙⴰⵡⵍⵏ ⵉⵎⴷⵔⴰⵡⵏ ⴳ ⵜⵙⵎⵓⵏⵉ ⴼ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⵍⵍⵉ ⴷ ⴰⴳⵓⵔⵏⵉⵏ ⴳ ⵜⵙⵓⵜⵍⵜ ⴰⴷ, ⵙⴷⴷⵉⴷⵏ ⴼ ⵡⴰⵜⵉⴳ ⵏ ⵡⴰⵢⴷⴰ ⴰⵣⵣⵔⴰⴼ ⵉⵜⵜⵓⵙⴽⴰⵔⵏ ⴳ ⵜⵙⵓⵜⵍⵜ ⴰⴷ ⵙ ⵙⵉⵏ ⵡⴰⴳⵏⴰⵔⵏ ⵏ ⵓⴹⵕⵉⵚ ⴰⵣⵣⵔⴰⴼ.
ⵉⵍⵍⴰ ⵓⵎⴷⴰⵡⴰⵍ ⴼ ⵜⵖⵉⵎⵉⵜⵉⵏ ⵏ ⵓⵙⵉⵏⴰⵙ ⴷ ⵓⴽⵕⴰⵙ 9 ⴷ 10 ⴱⵕⴰⵢⵕ, ⵉ ⵓⵙⵜⴰⵢ ⴷ ⵓⵣⵣⵔⴰⵢ ⵏ ⵉⴹⵕⵉⵚⵏ ⵉⵣⵣⵔⴰⴼⵏ ⵓⵊⴰⴷⵏⵉⵏ, ⵔⴰⴷ ⵜⵥⵍⵉ ⵜⵖⵉⵎⵉⵜ ⵏ ⵜⴷⴳⴳⵯⴰⵜ ⵉ ⵓⵙⵎⴰⴷ ⵏ ⵜⵙⵓⵜⵍⵜ ⵜⴰⵣⵣⵔⴰⴼⵜ.