ⵜⵙⵏⵓⴱⴳ ⵜⵏⵙⵙⵉⵅⴼⵜ ⵏ ⵙⵍⵓⴼⵉⵏⵢⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ

ⵜⵙⵏⵓⴱⴳ ⵎⴰⵙⵙⴰ ⵏⴰⵜⴰⵛⴰ ⴱⵉⵔⴽ ⵎⵓⵙⴰⵔ, ⵜⴰⵏⵙⵙⵉⵅⴼⵜ ⵏ ⵙⵍⵓⴼⵉⵏⵢⴰ, ⴰⵙⵙ ⵏ ⵡⴰⵢⵏⴰⵙ, ⴳ ⵜⴳⴰⴷⵉⵔⵜ ⵏ ⵜⵏⵙⵙⵉⵅⴼⵜ ⴳ ⵍⵢⵓⴱⴱⵍⵢⴰⵏⴰ, ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵍⵍⴰⵏ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵙⵍⵓⴼⵉⵏⵢⴰ. 

ⴳ ⵓⵙⵏⵓⴱⴳ ⴰⴷ, ⵜⵙⵓⵜⴳ ⵎⴰⵙⵙⴰ ⴱⵉⵔⴽ ⵎⵓⵙⴰⵔ ⵜⴰⵣⵣⵉⴳⵣⵜ ⵏ ⵍⵎⵖⵔⵉⴱ, ⵜⴻⵜⵜⵔ ⴳ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⵙⵓⵜⴳ ⵏⵏⵙ ⴼ ⵜⵓⴳⴳⴰⵙ ⵍⵍⵉ ⵉⵙⴽⴰⵔ ⴱⴰⴱ ⵏ ⵡⴰⴷⴷⵓⵔ. 

ⵜⵙⴷⴷⵉⴷ ⵜⵏⵙⵙⵉⵅⴼⵜ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⵙ ⴰⴽⴷ ⵍⵎⵖⵔⵉⴱ ⵍⵍⵉ ⵉⴳⴰⵏ ⴰⵎⴷⵔⴰⵡ ⵉⵙⵜⴰⵡⵀⵎⵎⴰⵏ ⴳ ⵉⵥⵥⵍⵎⴹ ⵏ ⵉⴼⵔⵉⵇⵢⴰ, ⵜⵉⵏⵉ ⵎⴰⵙ ⵜⵔⴰ ⵜⵎⴰⵣⵉⵔⵜ ⵏⵏⵙ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴷ. 

ⵜⵙⴷⴷⵉⴷ ⵓⵍⴰ ⵎⴰⵙ ⵉⴱⴷⴷ ⵓⵎⵢⴰⵡⴰⵙ ⵏⴳⵔ ⵍⵎⵖⵔⵉⴱ ⴷ ⵙⵍⵓⴼⵉⵏⵢⴰ ⴼ ⵓⵡⵇⵇⵕ ⵉⵜⵜⵓⵙⵏⴼⴰⵍⵏ, ⵜⵉⵏⵉ ⵎⴰⵙ ⴷ ⵉⵇⵇⴰⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏ ⵡⴰⵙⵙⴰⵢ ⴰⵢⵍⴰⵏ ⴷ ⵜⵥⴹⴰⵕⵉⵏ ⵖⵓⵙⵏⵉⵏ. 

ⴳ ⵓⵎⵏⵉⴷ ⵏⵏⵙ, ⵉⵏⵏⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴰⵣⵓⵍ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵜⵏⵙⵙⵉⵅⴼⵜ ⵏ ⵙⵍⵓⴼⵉⵏⵢⴰ, ⴷ ⵓⵙⵓⵜⴳ ⵏⵏⵙ ⵉ ⵓⵙⵡⵉⵔ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵉⵣⴰⵔ ⴷⵔⵓⵏⵉⵏ ⴰⵜⵉⴳⵏ ⵏ ⵓⴼⵔⴰ ⴷ ⵓⵎⵙⵓⵔⵓⴼ ⴷ ⵓⴼⵓⴽⴽⵓ ⵏ ⵉⵎⴰⵖⵏ ⵙ ⵓⴼⵔⴰ ⴷ ⵓⵎⴹⴰⴽⴰⵕ. 

ⵉⵃⴰⴹⵕ ⴳ ⵓⵙⵏⵓⴱⴳ ⵎⴰⵙⵙ ⵄⴰⵣⵣ ⴷⴷⵉⵏ ⴼⴰⵔⵃⴰⵏ, ⴰⵎⵙⵇⴰⴷ ⵏ ⵍⵎⵖⵔⵉⴱ ⴳ ⵙⵍⵓⴼⵉⵏⵢⴰ.