ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵎⵙⴰⵙⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⵎⴰⵙⵙⴰ ⵎⵉⵜⵙⵓⵍⴰ ⴼ ⵓⵖⴰⵡⴰⵙ ⵏ ⵓⵙⵙⵉⴷⵔ ⵏ ⵜⵣⴷⴰⵢⵉⵏ ⵊⴰⵔ ⵉⴱⵕⵍⴰⵎⴰⵏⵏ ⵏ ⵍⵎⵖⵔⵉⴱ ⴷ ⵓⵕⵓⴱⴱⴰ
ⵉⵎⵙⴰⵙⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙⴰ ⵕⵓⴱⵉⵕⵟⴰ ⵎⵉⵜⵙⵓⵍⴰ, ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⴼ ⵓⵖⴰⵡⴰⵙ ⵍⵍⵉ ⵔⴰⴷ ⵉⵙⵙⵉⴷⵔ ⵜⵉⵣⴷⴰⵢⵉⵏ ⵊⴰⵔ ⵙⵉⵏ ⵉⴱⵕⵍⴰⵎⴰⵏⵏ.
ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴳ ⵜⵙⴳⵓⵔⵉ ⵏⵏⵙ ⵉ ⵍⴰⵎⴰⴱ, ⵎⴰⵙ ⵉⵍⵍⴰ ⵓⵎⴹⴰⴽⴰⵕ ⴰⴽⴷ ⵎⴰⵙⵙⴰ ⵎⵉⵜⵙⵓⵍⴰ ⴼ ⵓⵙⵔⵙ ⵏ ⵓⵖⴰⵡⴰⵙ ⵍⵍⵉ ⵔⴰⴷ ⵉⵙⵙⵉⴷⵔ ⴰⵎⵢⴰⵡⴰⵙ ⵊⴰⵔ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴷ ⵡⵉⵏ ⵓⵕⵓⴱⴱⴰ ⴷ ⵓⵙⵉⵜⵜⵉ ⵏ ⵜⵎⵓⴽⵔⵉⵙⵉⵏ ⴷⴰⵜ ⵏⵏⵙⵏ.
ⵉⵙⴷⴷⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⵍⵍⴰ ⵓⵔⵣⴰⴼ ⵏⵏⵙ ⵉ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵏ ⵓⵕⵓⴱⴱⴰ ⵙ ⵜⵖⵔⵉ ⵏ ⵎⴰⵙⵙⴰ ⵎⵉⵜⵙⵓⵍⴰ, ⴰⵢⵍⵍⵉ ⵉⴳⴰⵏ ⵜⵉⵔⴰⵜ ⵉ ⵡⴰⵖⵓⵍ ⵏ ⵜⵣⴷⴰⵢⵉⵏ ⴷⴼⴼⵉⵔ ⵏ ⵉⵙⵜⴰⵢⵏ ⵉⵎⴳⴳⵓⵔⴰ ⴷ ⵡⴰⵍⴰⵙ ⵏ ⵓⵚⴽⵓ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ.
ⵉⵙⴷⴷⵉⴷ, ⴳ ⵓⵎⵏⴰⴹ ⴰⴷ, ⴼ ⵓⵡⵇⵇⵔ ⵏ “ⵜⴼⴰⴷⵉⵡⵉⵏ ⵏ ⵍⵎⵖⵔⵉⴱ” ⵙ ⵎⴰ ⵔⴰⴷ ⵢⴰⵡⵙ ⴳ ⵜⵉⵍⵉⵜ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⴷ ⵓⵙⴰⵜⵉ ⵏ ⵓⵡⵇⵇⵔ ⵉⵜⵜⵓⵙⵏⴼⴰⵍⵏ.
ⵢⵉⵏⵉ ⵎⴰⵙ ⵜⴱⴷⴷ ⵎⴰⵙⵙⴰ ⵎⵉⵜⵙⵓⵍⴰ ⴼ ⵡⴰⵜⵉⴳ ⵏ ⵍⵎⵖⵔⵉⴱ ⴳ ⵜⵓⴷⵊⵊⵓⵕⴰ ⴷ ⵓⵕⵓⴱⴱⴰ, ⵙ ⵓⵔⴳⴳⵉⴳ ⵏⵏⵙ ⴰⵙⵔⵜⴰⵏ ⴷ ⵓⵏⴰⵎⵓⵏ ⴷ ⵓⴷⵎⵙⴰⵏ, ⴷ ⵜⵎⵙⴽⴰⵔ ⵏⵏⵙ ⴳ ⵎⴰⵕⵕⴰ ⵉⴳⵔⴰⵏ ⴷ ⵜⵙⵔⵜⵉⵜ ⵏⵏⵙ ⵏ ⴱⵕⵕⴰ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ.