ⴰⵔ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⵙⴳⴳⵯⵙⴰⵏ ⴰⵎⵣⵡⴰⵔⵓ ⵏ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⴷⴷⴰⵡ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ

ⴷⴷⴰⵡ ⵉⵡⵉⵣ ⴰⵎⴰⵜⵜⵓⵢ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴰⵔ ⵉⵙⵏⵎⴰⵍⴰ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 22 ⵏⵓⵡⴰⵏⴱⵉⵔ ⴳ ⵕⵕⴱⴰⵟ, ⴰⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⵙⴳⴳⵯⵙⴰⵏ ⴰⵎⵣⵡⴰⵔⵓ ⵉ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ, ⴷⴷⵓ ⵜⵎⴰⵜⴰⵔⵜ: “ⴰⴱⵕⵍⴰⵎⴰⵏ ⵉⵎⵉⵙⵙ ⴰⵙⵉⵍⴰⵏ ⵉ ⵓⵙⴽⵔ ⵏ ⵜⵏⴳⴰⴷⴷⴰⵢⵜ ⴷ ⵢⵉⵙⴽⵉⵍ”. 

ⵉⵍⵍⴰ ⵓⵏⵎⵓⵇⵇⴰⵔ ⴳ ⵓⵙⴰⵜⵉ ⵏ ⵜⵙⵜⵔⴰⵜⵉⵊⵉⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⵎⵀⵍ ⵏ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⴷ ⵜⵓⵎⴰⵢⵉⵏ ⵜⵉⴷⵙⵜⴰⵔⵉⵏ ⵙⵎⵖⵔⵏⵉⵏ ⵉⵣⵔⴼⴰⵏ ⵏ ⵜⵎⵖⴰⵔⵜ, ⴷ ⵓⵍⵜⴰⵖ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵡⵓⵔⵉⵜⴰⵏⴰⵎⵓⵔⵜ ⵏ ⵓⵙⴷⵓⵙ ⵏ ⵉⵣⵔⴼⴰⵏ ⵏ ⵜⵎⵖⴰⵔⵉ ⴷ ⵓⵙⵎⵖⵔ ⵏⵏⵙⵏ.

ⵉⵡⴰⵜⵜⵙ ⵓⵏⵎⵓⵇⵇⴰⵔ ⴰⴷ ⴰⵎⵣⵡⴰⵔⵓ ⴰⵙⵎⵔⵙⵍ ⵏ ⵓⵎⴹⴰⴽⴰⵕ ⴰⴱⵕⵍⴰⵎⴰⵏⵉ ⴼ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ, ⴷ ⵓⵏⵏⵓⵕⵣⵎ ⵏ ⵓⵎⵙⴰⵡⴰⵍ ⴷ ⵓⵎⴹⴰⴽⴰⵕ ⴰⴳⴷⵓⴷⴰⵏ ⵊⴰⵔ ⵓⴱⵕⵍⴰⵎⴰⵏ ⴷ ⵉⵎⵙⵜⴳⴳⴰⵔⵏ ⵉⵎⵏⵜⴰⵢⵏ, ⴷ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⵜ ⵎⵙⴽⴰⵔ ⵥⵉⵍⵏⵉⵏ ⵅⴼ ⵓⵙⵏⵜⵍ ⴰⴷ. 

ⵉⵡⴰⵜⵜⵙ ⵓⵍⴰ ⵉⵥⵉⵕ ⵏ ⵓⵎⵎⵉⵥⵏ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ, ⴷ ⵜⵏⴰⵥⴰⵕⵉⵏ ⵍⵍⴰⵏⵉⵏ, ⴷ ⵜⵙⵓⵎⵔⵜ ⵏ ⵉⴽⵛⵓⵎⵏ ⵉⴱⵕⵍⴰⵎⴰⵏⵉⵢⵏ ⵉ ⵓⵣⵓⵛⵛⵍ ⵏ ⵓⵙⵡⵉⵔ ⵏ ⵢⵉⵙⴽⵉⵍ ⵊⴰⵔ ⵡⴰⵡⵜⵎ ⴷ ⵜⴰⵡⵜⵎⵜ ⴳ ⵍⵎⵖⵔⵉⴱ, ⴷ ⵜⵡⵉⵣⵉ ⵉ ⵓⵙⴽⵔ ⵏ ⵉⵡⵜⵜⴰⵙⵏ ⵏ ⵓⵖⴰⵡⴰⵙ ⵏ ⵜⴳⵎⵉ ⵜⴰⵙⵓⵍⴰⵏⵜ 2030, ⴼ ⵓⵕⵥⵥⵓⵎ ⵏ ⵓⵎⴹⴰⴽⴰⵕ ⵅⴼ ⵜⵣⵣⵉⴳⵣⵜ ⵉⵍⵍⴰⵏ ⴼ ⵜⵎⵢⴰⵇⵇⴰⵏⵜ ⵏ ⵓⵙⴱⴷⴷⵉ ⵏ ⵡⴰⵏⴰⵡⵏ ⵏ ⵓⵙⵏⵓⵃⵢⵓ ⵎⴳⴰⵍ ⵏ ⵜⵎⵖⴰⵔⵜ ⵍⵍⵉ ⵉⵣⵎⵎⵉⵎ ⵍⵎⵖⵔⵉⴱ ⴳ 1993. 

ⵔⴰⴷ ⵢⵉⵍⵉ ⵓⵍⴰ ⵓⵣⵣⵔⴰⵢ ⵏ ⵜⵉⵔⵎⵉⵜⵉⵏ ⵏ ⵓⵎⵣⴰⵣⴰⵍ ⴷ ⵜⵎⵙⴽⴰⵔ ⵥⵉⵍⵏⵉⵏ ⵍⵍⴰⵏⵉⵏ ⴳ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ, ⵙ ⵜⵖⵔⵉ ⵏ ⵉⵙⴳⵓⵎⵏ ⵣⴷⵉⵏⵉⵏ ⴷ ⵓⵙⵙⵉⵥⴹⵕ ⵏ ⵜⵎⵖⴰⵔⵜ ⴳ ⵜⵓⴷⵔⵜ ⵜⴰⵎⴰⵜⴰⵢⵜ, ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵙⴽⵔ ⵏ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ. 

ⵔⴰⴷ ⴷⵔⵓⵏ ⴳ ⵓⵏⵎⵓⵇⵇⴰⵔ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⴼ ⵢⵉⵙⴽⵉⵍ ⴷ ⵜⵏⴳⴰⴷⴷⴰⵢⵜ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴱⵕⵍⴰⵎⴰⵏⵉⵢⵏ ⵉⵎⵖⵔⵉⴱⵉⵢⵏ, ⵉⴳⵏⵙⴰⵙⵏ ⵙⴳ ⵉⴱⵕⵍⴰⵎⴰⵏⵏ ⵉⵎⴷⴷⵓⴽⴽⵯⴰⵍ, ⵉⴳⵏⵙⴰⵙⵏ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ, ⵜⵉⵎⵙⵎⵓⵏⵉⵏ ⴷ ⵜⴳⵔⴰⵡⵉⵏ ⵏ ⵡⴰⵎⵓⵏ ⴰⵖⵔⵎⴰⵏ, ⵉⵎⵓⵣⴰⵢⵏ ⴷ ⵉⵎⵔⵣⵓⵜⵏ.