ⵍⵎⵖⵔⵉⴱ-ⴼⵕⴰⵏⵚⴰ..ⴰⵙⴷⴷⵉⴷ ⴼ ⵜⵉⴽⴽⵉ ⵏ ⵓⵏⴼⵓⵙ ⵉⵅⴰⵜⵔⵏ ⵉ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ
ⵙⴷⴷⵉⴷⵏ ⵉⵎⵓⵔ ⵏ ⵍⵎⵖⵔⵉⴱ ⴷ ⴼⵕⴰⵏⵚⴰ, ⴳ ⵜⵙⵎⵓⵏⵉ ⵏ ⵜⵔⴰⴱⴱⵓⵜ ⵏ ⵜⴷⴷⵉⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴼⵕⴰⵏⵚⴰ ⴰⵙⵙ ⵏ ⵓⵙⵉⵏⴰⵙ, ⴼ ⵡⴰⵜⵉⴳ ⵏ ⵜⵉⵍⴰⵍⵜ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ ⵖ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ.
ⵉⵎⵙⴰⵙⴰ ⵓⵏⵎⵓⵇⵇⴰⵔ ⴷ ⵓⵔⵣⴰⴼ ⵏ ⵎⴰⵙⵙ ⵉⵎⴰⵏⵡⵉⵍ ⵎⴰⴽⵕⵓⵏ ⵉ ⵍⵎⵖⵔⵉⴱ ⵙ ⵜⵖⵔⵉ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵉⴳ ⵜⴰⵎⵍⴷⴰ ⵏ ⵓⵔⵣⵣⵓ ⵏ ⵜⵎⵙⴰⵔⵉⵏ ⵜⵉⴷⵎⵙⴰⵏⵉⵏ ⴷ ⵜⵙⵔⵜⴰⵏⵉⵏ ⴷ ⵜⴷⵍⵙⴰⵏⵉⵏ ⵛⵛⴰⵔⵏⵉⵏ.
ⵉⵍⵍⴰ ⵓⵔⵣⵣⵓ ⴼ ⵓⵙⵎⵖⵔ ⵏ ⵜⵉⵍⴰⵍⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴳ ⵢⵉⴳⵔ ⴰⵙⵉⵏⵔⴰⵏ, ⵙ ⵜⵉⵍⴰⵍ ⵜⵉⵣⵣⵔⴰⴼⵉⵏ ⴷ ⵜⴷⵉⴱⵍⵓⵎⴰⵙⵉⵢⵉⵏ ⴷ ⵓⵏⵢⴰⵍⴽⴰⵎ ⴷ ⵉⵏⴳⵎⴰⵎⵏ ⵉⵎⵙⵙⵓⴳⵓⵔⵏ ⴳ ⵙⵏⴰⵜ ⵜⵎⵉⵣⴰⵔ.
ⴳ ⵓⵙⴰⵜⵉ ⴰⴷ, ⵉⵍⵍⴰ ⵓⵙⴷⴷⵉⴷ ⴼ ⵓⵣⵓⵛⵛⵍ ⵏ ⵓⵙⵎⵖⵔ ⵏ ⵓⵎⵢⴰⵡⴰ ⴰⴱⵕⵍⴰⵎⴰⵏⵉ ⴳ ⵓⵎⴰⵍⴰ ⵏ ⵜⵣⵣⵉⴳⵣⵜ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵖⵎⴽ ⴰⵏⵏ ⴷ ⵡⴰⵜⵉⴳ ⵏ ⵜⵎⵢⴰⵇⵇⴰⵏⵜ ⵏ ⵜⴳⵯⵎⴰⵜ ⵜⴰⵎⵔⵙⵍⴰⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ ⵍⵍⵉ ⵉⵎⵍⴰⵏ ⵜⵉⵕⵡⵉ ⵉⴳⴳⵓⵜⵏ ⵜⵉⴳⴰⵔⵉⵡⵉⵏ ⴰⴷ.
ⵉⵍⵍⴰ ⵓⵍⴰ ⵓⵎⴹⴰⴽⴰⵔ ⵏ ⵜⵎⴰⵎⴽⵉⵏ ⵏ ⵓⵙⴷⵓⵙ ⵏ ⵓⵎⵓⴷⴷⵓ ⵉ ⵚⴰⵃⴰ ⵏ ⵉⵏⵎⵓⵔⴰⵏ ⴳ ⵙⵏⴰⵜ ⵜⵉⵣⴰⵔ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴷ ⵓⴷⵎⵙⴰⵏ.
ⵙⵓⵜⴳⵏ ⵉⵎⴰⵙⴰⵢⵏ ⵏ ⴼⵕⴰⵏⵚⴰ ⴰⴷⴷⴰⴷ ⵏ ⵜⵎⴰⵣⵉⵔⵜ ⵏⵏⵙⵏ ⵅⴼ ⵜⵎⵙⴰⵔⵜ ⵏ ⵚⵚⵃⵕⴰ ⵜⴰⵎⵖⵔⵉⴱⵉⵜ, ⴷ ⵓⴼⵔⴰⴽ ⵏⵏⵙⵏ ⵎⵏⵉⴷ ⵏ ⵜⵎⵓⵏⵜ ⵜⴰⵏⴰⴽⴰⵎⵜ ⵏ ⵜⴳⵍⴷⵉⵜ, ⴷ ⵎⴰⵙ ⵉⴳⴰ ⵓⵖⴰⵡⴰⵙ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⵜⴰⵔⵙⵍⵜ ⵉⴳⴰⵏ ⵢⴰⵜ ⵉ ⵓⴼⵙⵙⴰⵢ ⵏ ⵓⵎⵏⵣⴰⵖ ⴰⴷ ⵉⵜⵜⵓⵙⴽⴰⵔⵏ.
ⵜⵏⵏⴰⵎⴰⵙⵙ ⵏⴰⵄⵉⵎⴰ ⵎⵓⵜⵜⵛⵓ, ⵜⴰⵎⴰⵔⵉⵜ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⴼⵕⴰⵏⵚⴰ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⴷⴷⵓⴽⴽⵯⵍⴰ ⵜⴰⵎⵖⵔⵉⴱⵉⵜ-ⵜⴰⴼⵕⴰⵏⵚⴰⵡⵉⵜ, ⴳ ⵜⵙⴳⵓⵔⵉ ⵏⵏⵙ ⵉ ⵍⴰⵎⴰⴱ, ⵎⴰⵙ ⵍⵍⴰⵏⵜ ⵜⵣⴷⴰⵢⵉⵏ ⵊⴰ ⵕⵕⴱⴰⵟ ⴷ ⴱⴰⵔⵉⵣ ⴳ ⵜⴼⵔⴽⴰ ⵜⴰⵎⴰⵢⵏⵓⵜ ⵏ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵉⴷⵓⵙⵏ.
ⵜⵙⴷⴷⵉⴷ ⵓⵍⴰ ⴼ ⵡⴰⵜⵉⴳ ⵏ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⴳⵔⴰⵏ ⵏ ⵜⴷⵎⵙⴰ ⴷ ⵜⵙⵔⵜⵉⵜ ⵜⴷⵍⵙⴰ ⴷ ⵡⴰⵡⴰⵏⴰⴹ , ⴷ ⵜⵉⵍⴰⵍⵜ ⵍⵍⵉ ⵙ ⵥⴹⴰⵕⵏ ⴰⴷ ⵜⵜ ⵙⴽⵔⵏ ⵉⵎⵓⵔⴰ ⴳ ⵙⵏⴰⵜ ⵜⵎⵉⵣⴰⵔ ⵉ ⵓⵙⴽⵔ ⵏ ⵡⴰⵡⵜⵜⴰⴷ ⴰⴷ.
ⵖ ⵓⵎⵏⵉⴷ ⵏⵏⵙ, ⵉⵏⵏⴰ ⵓⵎⴰⵔⵉ ⵄⵓⵎⴰⵕ ⵄⵉⵏⴰⵏ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⴼⵕⴰⵏⵚⴰ, ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⵜⴰⵎⵍⴷⴰ ⵏ ⵓⵙⴷⴷⵉⴷ ⴼ ⵡⴰⵜⵉⴳ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⴷ ⵜⴷⴷⵓⴽⵍⴰ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵙⵍⴰⵡⴰⵏ ⴰⴽⴽⵯ ⵙ ⵡⴰⴷⴷⴰⴷ ⵏ ⴼⵕⴰⵏⵚⴰ ⵉⵙⵏⴰⵍⵏ ⵜⴰⵎⵖⵔⵉⴱⵉⵜ ⵏ ⵚⵚⵃⵕⴰ.
ⵢⵉⵏⵉ ⴳ ⵜⵙⴳⵓⵔⵉ ⵏⵏⵙ ⵉ ⵍⴰⵎⴰⴱ, ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⴰⵙⵎⵀⵍ ⵏ ⵉⵙⵡⴰⵍⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵉⵏⴰⵡ ⵏⵏⵙ ⴷⴰⵜ ⵏ ⵓⴱⵕⵍⴰⵎⴰⵏ, ⵉ ⵓⵛⵛⵉⵍ ⵏ ⵜⵉⴽⴽⵉ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⵉ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵜⵉⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵉ ⵓⵏⵄⴰⵕ ⵏ ⵜⵎⵙⴰⵔⵜ ⵜⴰⵏⴰⵎⵓⵔⵜ.
