ⴰⵙⵜⴰⵢ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵇⵇⵉⵎⵜ ⵜⴰⵎⵛⵛⴰⵡⴰⵕⵜ ⵏ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵉⴼⵔⵉⵇⵢⴰ
ⵜⵜⵓⵙⵎⴰⴷ ⵜⵙⵓⵜⵍⵜ ⵜⵉⵙ ⵙⵏⴰⵜ ⵏ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵉⴼⵔⵉⵇⵢ, ⵓⵙⵙⴰⵏ ⵏ 26 ⴷ 27 ⴽⵟⵓⴱⵕ 2024 ⴳ ⵖⴰⵏⴰ ⴳ ⴰⴽⵕⴰ ⵙ ⵜⴷⵔⴰⵡⵜ ⵏ ⵓⴳⴳⴰⵔ ⵏ 15 ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴷⴳ ⵉⴼⵔⵉⵇⵢⴰ.
ⴳ ⵜⵙⵓⵜⵍⵜ ⴰⴷ, ⵉⵍⵍⴰ ⵓⵙⵖⵣⵏ ⵏ ⵓⵏⴳⵔⴰⵡ ⴰⵎⵙⴽⴰⵔ ⵏ ⵜⵎⴰⴷⴷⴰⵙⵜ ⴰⴷ ⴷ ⵓⵚⴽⵓ ⵏ ⵉⵏⴳⵎⴰⵎⵏ ⵏⵏⵙ. ⵢⵉⵍⵉ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⴰⴳⵎⴰⵎ ⴳ ⵜⵙⵇⵇⵉⵎⵜ ⵜⴰⵎⵛⴰⵡⴰⵕⵜ ⵙⴳ ⵜⵔⴰⴱⴱⵓⵜ ⵏ ⵉⵥⵥⵍⵎⴹ ⵏ ⵉⴼⵔⵉⵇⵢⴰ. ⵜⵓⵎⴰ ⵜⵙⵇⵇⵉⵎⵜ ⴰⴷ ⵙⵎⵎⵓⵙ ⵉⴳⵎⴰⵎⵏ: ⵙⵎⵎⵓⵙ ⵉⵏⵙⵙⵉⵅⴼⵏ ⵙⵡⵓⵔⵉⵏⵉⵏ ⵏ ⵉⵏⵇⵇⵉⵙⵏⵉⵣⵣⵔⴰⴼⵏ ⴳ ⵉⴼⵔⵉⵇⵢⴰ, ⴷ ⵙⵎⵎⵓⵙ ⵉⵏⵙⵙⵉⵅⴼⵏ ⵣⵔⵉⵏⵉⵏ, ⵉ ⴽⵕⴰⴹ ⵉⵙⴳⴳⵯⴰⵙⵏ. ⵉⵡⴰⵍⴰ ⵎⴰⵙⵙ ⴰⵍⴱⴰⵏ ⵙⵓⵎⴰⵏⴰ, ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵖⴰⵏⴰ, ⵜⴰⵏⵙⵙⵉⵅⴼⵜ ⵏ ⵜⵎⴰⴷⴷⴰⵙⵜ
ⴳ ⵓⵎⴹⴰⴽⴰⵕ ⵏ ⵓⵏⴳⵔⴰⵡ ⴰⵙⵉⵍⴰⵏ ⵏ ⵜⵎⴰⴷⴷⴰⵙⵜ ⴰⴷ, ⵉⵙⵎⵏⵉⴷ ⵓⴽⴰⴱⴰⵕ ⵏ ⴷⴷⵣⴰⵢⵔ ⵜⴰⵙⵓⵎⵔⵜ ⴰⴷ ⵜⵜⵓⴽⴽⵉⵙ ⵜⴼⴰⴷⴰ ⵉⵥⵍⵉⵏ ⵙ “ⵉⵡⴰⵏⴽⵏ ⵍⴰⵏⵉⵏ ⵜⵉⵅⵅⵓⵜⵔⴰ” ⴳ ⵎⴰⴷ ⵉⵥⵍⵉⵏ ⵙ ⵜⵉⵍⵉⵜ, ⵎⴰⵛⵛ ⵜⵉⴹⴰⴼ ⵏ ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵜⴱⵉⴷⴷ ⴷⴰⵜ ⵏ ⵜⵙⵓⵎⵔⵜ ⴰⴷ, ⵍⵍⵉ ⴷ ⵉⵇⵇⴰⵏⵏ ⴰⴷ ⵜⵉⵍⵉ.
ⵉⵙⵎⵏⵉⴷ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵜⴰⴳⵓⵔⵉ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵉⴳⵔ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵔⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵜⵉⵏ ⵓⵎⵏⵥⴰⵡ ⴷ ⵜⵎⵏⴰⴹⵟ. ⵉⵙⵓⵜⴳ ⴰⵙⵏⴰⵍ ⵏ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⵏ ⵎⴰⵕⵕⴰ ⵜⵓⴳⴳⴰⵙ ⵏ ⵓⵙⴽⵔ ⵏ ⵜⴳⵎⵉ ⴳ ⵉⴼⵔⵉⵇⵢⴰ. ⵉⵙⴰⵡⵍ ⵓⵍⴰ ⴼ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵃⵎⴰ ⴰⴷ ⴽⵛⵎⵏ ⵉⵡⴰⵏⴽⵏ ⵏ ⵓⴼⵜⴰⵙ ⵙ ⵢⵉⵍ ⵏ ⴰⵟⵍⴰⵚ, ⵢⵉⵏⵉ ⴰⵙⵓⵜⴳ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵙⵏⵜⴰⵢⵜ ⵍⵍⵉ ⵔⴰⴷ ⵉⵙⵙⵉⵎⵖⵓⵔ ⵉⵡⴰⵏⴽⵏ ⵏ ⵉⴼⵔⵉⵇⵢⴰ.
ⵉⵙⴽⵔ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴳ ⵜⵙⵓⵜⵍⵜ ⴰⴷ ⴽⵉⴳⴰⵏ ⵏ ⵉⵏⵎⵓⵇⵇⴰⵔⵏ, ⴳⵉⵙⵏ ⵡⵉⵏ ⵎⴰⵙⵙ ⴰⵍⴱⴰⵏ ⵙⵓⵎⴰⵏⴰ, ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵖⴰⵏⴰ, ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.
ⵉⵍⵍⴰ ⵓⴳⵔⴰⵡ ⵏ ⵉⵏⵙⵙⵉⵅⴼⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ 2020 ⴳ ⵏⵉⵊⵉⵔⵢⴰ, ⵏⵜⵜⴰⵏ ⴰⴷ ⵉⵙⵎⵓⵏⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⴳ ⵉⴼⵔⵉⵇⵢⴰ.