ⵜⵙⵎⵏⵉⴷ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ ⵜⵉⵎⵙⴽⴰⵔ ⵅⴰⵜⵔⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⵡⵉⵙ 45 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ (AIPA)
ⵜⴷⵔⵓ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵓⵣⵡⴰⴳ ⴷ ⵜⵖⴰⵡⵙⵉⵡⵉⵏ ⵏ ⵉⵎⵖⵔⵉⴱⵉⵢⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵎⵓⵏⵉ ⵜⵉⵙ 45 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵍⵇⴱⵍⵜ ⵏ ⴰⵙⵢⴰ, ⵜⴷⵔⵓ ⴳ ⵜⵖⵉⵎⵉⵜ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⴰⵙⵙ ⵏ 20 ⴽⵟⵓⴱⵕ 2024, ⴼ: ⴰⵎⵢⴰⵡⴰⵙ ⵉ ⵓⵙⵎⴰⴷ ⴷ ⵜⴳⵎⵉ ⵜⴰⵎⴰⵜⴰⵢⵜ, ⵖ ⵜⵙⵎⵏⵉⴷ ⵜⵉⵎⵙⴽⴰⵔ ⵅⴰⵜⵔⵏⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵡⴰⵏⴰⵡ ⴰⵏⴰⵎⵓⵏ ⵓⵏⴳⵉⵎ, ⴳ ⵉⵍⵍⴰ ⵓⵎⵓⴽⵏ ⵏ ⵓⵙⵙⵍⵎⴷ ⴷ ⵓⵙⴷⵓⵙ ⵏ ⵜⵕⵡⵉ ⴷ ⵜⵎⴰⵜⴰⵢⵜ ⴳ ⵓ ⵢⵉⴳⵔ ⴰⴷ, ⴰⴼⵔⴰⴳ ⴰⵏⴰⵎⵓⵏ ⵉ ⵓⵙⴼⵍⵙ ⴰⴷⵓⵙⴰⵏ ⴷ ⵓⵏⴰⵎⵓⵏ ⴰⵎⴰⵜⴰⵢ ⵉ ⵎⴰⵕⵕⴰ ⵉⵡⴷⴰⵏ.
ⵜⵙⴰⵡⵍ ⵓⵍⴰ ⴼ ⵜⵓⴳⴳⴰⵙ ⵍⵍⴰⵏⵉⵏ ⵉ ⵓⵙⵖⵓⴷⵓ ⵏ ⵓⵏⵣⵡⵉ ⵏ ⵜⵡⵓⵔⵉⵡⵉⵏ ⴳ ⵜⴳⵍⴷⵉⵜ, ⵜⵉⵏⵉⵎⴰⵙ ⵉⵡⵙⵏ ⵉⵎⵓⴽⵏ ⴰⴷ ⴳ ⵓⵙⵙⴰⵔⵓ ⴷ ⵓⵙⵙⵔⵇⴱ ⵏ ⵢⵉⴳⵔ ⵓⵙⵍⵉⴳ, ⵉⴳ ⵍⵎⵖⵔⵉⴱ ⵜⴰⵙⴳⴰ ⵉⵜⵜⴰⵡⵉⵏ ⴰⵙⵙⴰⵔⵓ ⵏ ⴱⵕⵕⴰ.
ⵜⵙⵓⵜⴳ ⵜⵏⵙⵙⵉⵅⴼⵜ ⵉⵔⵎⵙⵏ ⵏ ⵜⴳⵍⴷⵉⵜ ⴳ ⵢⵉⴳⵔ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ, ⴷ ⵜⵉⵍⴰⵍⵜ ⵏ ⵉⵙⵏⴼⴰⵔⵏ ⵏⵜⵥⴹⴰⵕⵜ ⵏ ⵜⴰⴼⵓⴽⵜ ⴷ ⵡⴰⴹⵓ ⴷ ⵉⵙⵔⵙⵏ ⵏ ⵓⵙⵉⵎⵉⵎ ⵏ ⵡⴰⵎⴰⵏ ⴳ ⵓⵙⵉⴷⵔⵓⵙ ⵏ ⵓⵙⵎⵔⵙ ⵏ ⵜⵥⴹⴰⵕⵜ ⵜⴰⵇⴱⵓⵔⵜ, ⴷ ⵓⵙⴷⵓⵙ ⵏ ⵜⵙⵓⵍⴰⵏⵜ ⵜⴰⵡⵏⴹⴰⵏⵜ. ⵜⵙⴷⴷⵉⴷ ⵎⴰⵙ ⴷ ⵉⵙⵏⴼⴰⵔⵏ ⴰⴷ ⴰⵔ ⵜⵜⴰⵡⵙⵏ ⴳ ⵜⴳⵎⵉ ⵜⴰⴷⵎⵙⴰⵏⵜ, ⴷ ⵡⴰⵏⴰⵡ ⵉⵥⵉⵍⵏ ⴳ ⵓⵎⴰⴹⴰⵍ ⴰⵄⵕⴰⴱ ⴷ ⵉⴼⵔⵉⵇⵢⴰ.
ⴳ ⵢⵉⴳⵔ ⵏ ⵓⵎⵢⴰⵡⴰⵙ ⴰⵣⵣⵔⴰⴼ, ⵜⵙⴷⴷⵉⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⴼ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉ ⵓⵙⴷⵓⵙ ⵏ ⵓⵙⵎⴰⴷ ⴰⵙⴳⴰⵡⴰⵏ ⴷ ⵓⵙⵏⴰⵍ ⵏ ⵉⵣⵣⵔⴰⴼⵏ ⵉ ⵚⴰⵃⴰ ⵏ ⵜⴳⵎⵉ ⵜⴰⵙⵓⵍⴰⵏⵜ. ⵜⵙⴷⴷⵉⴷ ⴼ ⵡⴰⵜⵉⴳ ⵏ ⵜⵎⵓⵣⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵛⵛⴰⵔⵏⵉⵏ ⵉ ⵓⵙⴷⵓⵙ ⵏ ⵉⵎⵓⴽⵏⵏ ⵉⵣⵣⵔⴰⴼⵏ ⵉ ⵓⵙⵉⴷⵔⵓⵙ ⵏ ⵉⵎⵣⵔⴰⵢⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ.
ⵜⵙⵓⵜⴳ ⵎⴰⵙⵙⴰ ⴱⵏⵄⵣⵉⵣ ⵜⵉⵍⴰⵍⵜ ⵜⴰⵙⵉⵍⴰⵏⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴷⵉⴱⵍⵓⵎⴰⵙⵉⵢⵉⵏ ⴳ ⵓⵙⵡⵉⵔ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵍⵍⵉ ⵉⴳⴰⵏ ⵙⴳ ⵜⵉⵔⵙⴰⵍ ⵏ ⵜⴷⵉⴱⵍⵓⵎⴰⵙⵉⵜ ⵜⴰⵎⵖⵔⵉⴱⵉⵜ, ⵖⵎⴽ ⵍⵍⵉ ⵔⴰⴷ ⵢⴰⵡⵙ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⵙⵙⵔⵇⴱ ⵏ ⵓⵙⵉⴷⴼ ⴰⵙⴳⴰⵡⴰⵏ ⴷ ⵓⵙⵏⴰⵍ ⵏ ⵜⴳⵎⵉ ⵜⴰⵎⴰⵜⴰⵢⵜ.
ⴳ ⵜⴳⵉⵔⴰ, ⵜⵙⵓⵜⴳ ⵎⴰⵙⵙⴰ ⴱⵏⵄⵣⵉⵣ ⴰⵎⵢⴰⵡⴰⵙ ⵊⴰⵔ ⵉⵡⴰⵏⴽⵏ ⵏ ⵜⵙⴳⴰ ⵉ ⵓⵙⴽⵔ ⵏ ⵉⵡⵜⵜⴰⵙⵏ ⵛⵛⴰⵔⵏⵉⵏ ⵣⴷⵉⵏⵉⵏ ⴷ ⵜⴳⵎⵉ ⴷ ⵓⵔⴳⴳⵉⴳ, ⵜⵙⵓⵜⴳ ⵜⴰⴷⵔⴰⵡⵜ ⵉⵕⵡⴰⵏ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵔⴰⵖⵍⴰⵏⵉⵏ.
ⵙⴰⵡⵍⵏ ⵉⴳⵯⵏⵙⴰⵙⵏ ⵏ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴷⵔⵓⵏⵉⵏ ⴳ ⵜⵖⵉⵎⵉⵜ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⴰⴽⴷ ⵍⵎⵖⵔⵉⴱ, ⴷ ⵜⵉⵍⴰⵍⵜ ⵜⴰⵎⵣⵡⴰⵔⵓⵜ ⵏ ⵜⵎⴰⵣⵉⵔⵜ ⵏⵏⵖ ⴳ ⵉⴳⵔⴰⵏ ⵉⴷⵎⵙⴰⵏⵏ ⴷ ⵜⴷⵉⴱⵍⵓⵎⴰⵙⵉⵜ ⴷ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⴷ, ⵜⴳ ⴰⵏⴰⵡ ⵉⵥⵉⵍⵏ ⴳ ⵉⵙⵡⵉⵔⵏ ⵏ ⵓⵎⵏⵥⴰⵡ ⴷ ⵓⵎⴰⴹⴰⵍ.
ⵜⴼⵔⵓ ⵎⴰⵙⵙⴰ ⴱⵏⵄⵣⵉⵣ ⵓⵍⴰ ⴳ ⵜⵖⵉⵎⵉⵜ ⵉⴳⴳⵓⵔⴰⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⴰⵙⵙ ⵏ 21 ⴽⵟⵓⴱⵕ ⵖ ⵉⵜⵜⵓⴼⴽⴰ “ⴰⴳⵎⴰⵎ ⵉⵎⵥⵕⵉ” ⵉ ⵍⴱⴰⵃⵔⴰⵢⵏ ⴷ ⴰⵍⵎⴰⵏⵢⴰ. ⵢⵉⵍⵉ ⵓⵙⵎⴰⵜⵜⵉ ⵏ ⵜⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⵉ ⵎⴰⵍⵉⵥⴰⵢ ⵍⵍⵉ ⵔⴰⴷ ⵉⵙⵏⵓⴱⴳ ⵜⴰⵙⵓⵜⵍⵜ ⵜⵉⵙ 45 ⵍⵍⵉ ⵔⴰⴷ ⵢⴰⵛⴽ.
ⵜⵙⵏⵎⴰⵍⴰ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ ⵜⵓⴳⵜ ⵏ ⵉⵏⵎⵓⵇⵇⴰⵔⵏ ⴷ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵎⵉⵣⴰⵔ: ⵍⴰⵡⵓⵙ, ⴼⵉⵜⵏⴰⵎ, ⴽⴰⵎⴱⵓⴷⵢⴰ. ⵍⵍⴰⵏ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ, ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ, ⴷ ⵓⵣⴷⴰⵢ ⴰⴱⵕⵍⴰⵎⴰⵏⵉ ⵉ ⵓⵙⵏⴰⵍ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ.