ⵜⴷⵔⵓ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ ⴳ ⵜⵙⵎⵓⵏⵉ ⵜⵉⵙ 45 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ (AIPA)
ⵜⴷⵔⵓ ⵎⴰⵙⵙⴰ ⵙⴰⵍⵎⴰ ⴱⵏⵄⵣⵉⵣ, ⵜⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵓⵣⵡⴰⴳ ⴷ ⵜⵖⴰⵡⵙⵉⵡⵉⵏ ⵏ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴳ ⵜⵙⵎⵓⵏⵉ ⵜⵉⵙ 45 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ, ⴳ ⴼⵢⵉⵏⵜⵢⴰⵏ ⵜⴰⵎⴰⵥⵓⵏⵜ ⵏ ⵜⴳⴷⵓⴷⴰⵏⵜ ⵏ ⵍⴰⵡⵙ ⵜⴰⴷⵉⵎⵓⵇⵔⴰⵟⵉⵜ ⵜⴰⵎⴷⵏⴰⵏⵜ, ⴳ 17 ⴰⵔ 23 ⴽⵟⵓⴱⵕ ⴼ ⵓⵙⵏⵜⵍ: “ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⴷ ⵜⴳⵎⵉ ⴳ ⵜⵙⴳⴰ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ”.
ⵜⴷⵔⵓ ⵎⴰⵙⵙⴰ ⴱⵏⵄⵣⵉⵣ, ⴰⵙⵙ ⵏ 18 ⴽⵟⵓⴱⵕ ⴳ ⵓⵏⵎⵓⵇⵇⴰⵔ ⵏ ⵜⵎⵖⴰⵔⵉⵏ ⵜⵉⵙⵔⵜⴰⵏⵉⵏ, ⵜⵙⴷⴷⵉⴷ ⴼ ⵡⴰⵜⵉⴳ ⵏ ⵜⴷⵔⴰⵡⵜ ⵏ ⵜⵎⵖⴰⵔⵉⵏ ⴳ ⵓⵙⴽⵔ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⴳⵎⵉ ⵜⴰⵙⵓⵎⴰⵏⵜ. ⴷ ⵉⵎⵉⴽⵏⵏ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵍⵍⵉ ⵥⵍⵉⵏⵉⵏ ⵙ ⵜⴷⵔⴰⵡⵜ ⵏ ⵜⵎⵖⴰⵔⵜ ⴳ ⵜⵓⴷⵔⵜ ⵜⴰⵎⴰⵜⴰⵢⵜ ⴷ ⵜⵙⵔⵜⴰⵏⵜ. ⵜⵙⴰⵡⵍ ⵓⵍⴰ ⴼ ⵢⵉⵙⴽⵉⵍ ⵍⵍⵉ ⵉⵙⵙⵕⵚⴰ ⵓⴷⵓⵙⵜⵓⵔ ⵏ ⵍⵎⵖⵔⵉⴱ ⴳ 2011 ⴼ ⵡⴰⵍⴰⵢ ⵏ ⵓⵙⵖⵍ ⵏ ⵜⵎⵖⴰⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵍⵍⵉ ⵉⵍⴽⵎ ⵖⵉⵍⴰⴷ 24 % ⴳ ⵓⵙⵇⵇⵉⵎ ⵏ ⵉⵎⵓⵔⴰ.
ⴰⵙⵙ ⵏ 19 ⴽⵟⵓⴱⵕ, ⵜⵙⵎⵏⵉⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⴱⵕⵕⴰ ⵜⴰⴳⵓⵔⵉ ⴳ ⵜⵙⴰⵡⵍ ⴼ ⵓⵙⵎⴰⴷ ⴰⴷⵎⵙⴰⵏ ⵊⴰⵔ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⴷ ⵓⵎⵢⴰⵡⴰⵙ ⴰⵙⴳⴰⵡⴰⵏ ⵉ ⵓⵙⴱⴷⴷⵉ ⵏ ⵜⴰⵙⵙⴰⵙⵉⵏ ⵜⵉⴷⵎⵙⴰⵏⵉⵏ ⴷ ⵜⵡⵏⴹⴰⵏⵉⵏ ⴳ ⵓⵎⴰⴹⴰⵍ, ⵖⵎⴽⵍⵍⵉ ⵜⵙⵓⵜⴳ ⵜⵉⵍⴰⵍ ⵏ ⵉⴱⵕⵍⴰⵎⴰⵏⵏ ⴳ ⵓⵙⵖⵣⵏ ⵏ ⵜⵎⵢⴰⵇⵇⴰⵏⵉⵏ ⵜⵉⴷⵎⵙⴰⵏⵉⵏ ⴷ ⵜⵏⵙⴱⴰⴱⵉⵏ ⵉ ⵓⵙⴷⵓⵙ ⵏ ⵓⵔⴳⴳⵉⴳ ⴰⴷⵎⵙⴰⵏ ⴷ ⵜⴳⵎⵉ ⵜⴰⵎⴰⵜⴰⵢⵜ.
ⵜⴳⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⵉⵣⴰⵔ ⵏ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ ⴰⵙⴰⵢⵔⴰⵔ ⵏ ⵓⵎⴹⴰⴽⴰⵕ ⴰⴱⵕⵍⴰⵎⴰⵏⵉ ⴷ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵅⴼ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ ⴷⴰⵜ ⵏ ⵜⵙⴳⴰ ⴷ ⵓⵎⴰⴹⴰⵍ, ⴷ ⵜⵓⴳⴳⴰⵙ ⵏ ⵓⵙⵎⴰⴷ ⴰⵙⴳⴰⵡⴰⵏ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵎⴰⵕⵕⴰ ⵉⴳⵔⴰⵏ.
ⵉⴳⴰ ⵍⵎⵖⵔⵉⴱ ⴰⴳⵎⴰⵎ ⵉⵎⵥⵕⵉ ⴳ ⵜⵎⵙⵎⵓⵏⵜ ⵙⴳ ⵛⵓⵜⴰⵏⴱⵉⵔ 2020, ⵍⵍⵉⵖ ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵇⵇⵉⵎ ⴰⴼⵔⵉⵇⵉ ⴷ ⵡⴰⵄⵕⴰⴱ ⴳ ⵜⴳⵔⴰⵡⵜ ⴰⴷ, ⴰⵢⵍⵍⵉ ⵉⴳⴰⵏ ⴰⵙⵓⵜⴳ ⵏ ⵜⵉⵍⴰⵍ ⵜⵉⵎⵣⵡⵓⵔⴰ ⵍⵍⵉ ⵜⵙⴽⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵓⵎⵢⴰⵡⴰⴹ ⴷ ⵓⵎⵢⴰⵡⴰⵙ ⴳ ⵉⴼⵔⵉⵇⵢⴰ ⴷ ⵉⴼⴼⵓⵙ ⵏ ⵍⵇⴱⵍⵜ ⵏ ⴰⵙⵢⴰ, ⴷ ⵜⵉⵍⵉⵜ ⵏ ⵜⵏⴼⵔⵓⵜ ⴷ ⵓⵔⴳⴳⵉⴳ ⴷ ⵜⴳⵎⵉ ⵜⴰⴷⵎⵙⴰⵏⵜ, ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.