ⵙⵜⵔⴰⵙⴱⵓⵔⴳ: ⵉⵙⴷⵓⵙ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵜⴰⴷⵔⴰⵡⵜ ⵏⵏⵙ ⴷ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ
ⵜⴷⵔⵓ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ, ⴰⵢⵏⴰⵙ 30 ⵛⵓⵜⴰⵏⴱⵉⵔ 2024ⴳ ⵓⴳⵣⵣⵓⵎ ⵡⵉⵙ ⴽⴽⵓⵥ ⵏ ⵜⵙⵓⵜⵍⵜ ⵜⴰⵏⵎⵢⵓⵔⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱ (APCE) ⴳ ⵙⵜⵔⴰⵙⴱⵓⵔⵖ.
ⴰⵔ ⵉⵙⵙⴷⵓⵙ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⵎⵢⴰⵡⴰⵙ ⵏⵏⵙ ⵏ ⵜⵎⵙⵎⵓⵏⵜ ⴰⴷ ⴳ ⵉⵍⵍⴰ 612 ⵏ ⵓⴳⵎⴰⵎ, 30 ⵏ ⵡⴰⵏⴹⴰⴼ, 30 ⵏ ⵓⵎⴷⵔⴰⵡ ⴼ ⵡⴰⵜⵉⴳⵏ ⵏ ⵜⴷⵉⵎⵓⵇⵔⴰⵟⵉⵜ. ⵍⵍⵉⵖ ⵉⵟⵟⴰⴼ ⵜⵉⵔⵎⵉⵜ ⵉⵙⵜⴰⵡⵀⵎⵎⴰⵏ ⵙⴳ ⵎⴰⴷ ⵉⴳⴰ “ⴰⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ” ⴳ 2011.
ⵔⴰⴷ ⵜⵉⵍⵉ ⵜⵙⵓⵜⵍⵜ ⴰⴷ ⴼ ⵓⵙⵔⵙ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ, ⵍⵍⵉⵖ ⵜⴳⴳⵓⵜ ⵜⴽⵕⴹⵉ ⴷ ⵜⴰⵙⵙⴰⵙⵜ ⵜⴰⵏⴼⴳⴰⵏⵜ ⴳ ⵖⴰⵣⵣⴰ, ⵖⵎⴽ ⴰⵏⵏ ⴷ ⵜⵎⵙⴰⵔⵉⵏ ⵏ ⵓⵣⵡⴰⴳ ⴷ ⵉⵎⵣⵡⴰⴳ.
ⵔⴰⴷ ⵉⴷⵔⵓ ⵓⴽⴰⴱⴰⵕ ⵏ ⵍⵎⵖⵔⵉⴱ ⴳ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⴷ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⴰⴷ: ⵜⴰⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵜⵉⵙⵔⵜⴰⵏⵉⵏ ⴷ ⵜⴷⵉⵎⵓⵇⵔⴰⵟⵉⵜ, ⵜⴰⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⵇⵇⵉⵎⵜ ⵏ ⵓⵣⵡⴰⴳ ⴷ ⵉⵎⵣⵡⴰⴳ, ⵜⴰⵙⵇⵇⵉⵎⵜ ⵏ ⵜⵎⵙⴰⵔⵉⵏ ⵜⵉⵏⴰⵎⵓⵏⵉⵏ ⴷ ⵓⴷⵡⴰⵙ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵜⴰⵙⵇⵇⵉⵎⵜ ⵏ ⵜⴷⵍⵙⴰ ⴷ ⵜⵎⴰⵙⵙⴰⵏⵉⵏ ⴷ ⵓⵙⵙⵍⵎⴷ ⴷ ⵓⵙⵏⵖⵎⵙ, ⵜⴰⵙⵇⵇⵉⵎⵜ ⵏ ⵢⵉⵙⴽⵉⵍ ⴷ ⴰⵔⴰⵙⵏⵓⵃⵢⵓ.
ⵜⴷⵓⵙ ⵜⴷⵔⴰⵡⵜ ⵏ ⵓⴽⴰⴱⴰⵕ ⴰⵎⵖⵔⵉⴱⵉ ⴳ ⵜⵡⵓⵔⵉⵡⵉⵏ ⵏ ⵜⵎⵙⵎⵓⵏⵜ ⵙ ⵉⵎⵓⴽⵏⵏ ⵉⵎⴰⵢⵏⵓⵜⵏ ⵜⵜⴰⵡⴼⴽⴰⵏⵉⵏ ⵉ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ, ⵙⵍⴰⵡⴰⵏ ⴰⴽⴽⵯ ⵜⵉⵍⵉⵜ ⴳ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵜ ⵜⴰⵙⵓⵍⴰⵏⵜ, ⴰⵙⵎⵏⵉⴷ ⵏ ⵜⵙⵓⵎⴰⵔ ⴷ ⵉⵙⵖⵍⴰⴼ ⴷ ⵜⵖⵜⴰⵙⵉⵏ, ⴰⵙⵎⵏⵉⴷ ⵏ ⵉⵙⵏⴼⵍⵏ ⵜⵜⴰⵡⵣⵎⵎⴰⵎⵏⵉⵏ ⵙ ⵜⵖⴰⵔⴰⵙⵜ ⵉⵛⵛⴰⵔⵏ, ⵜⵓⵜⵔⴰ ⵏ ⵓⵎⴹⴰⴽⴰⵕ ⴼ ⵜⵎⵙⴰⵔⵉⵏ ⵏ ⵖⵉⵍⴰⴷ, ⴰⵣⵔⴼ ⵏ ⵓⵙⵎⵏⵉⴷ ⵏ ⵉⵙⵉⵙⴼⵉⵡⵏ ⵜⵜⵢⵓⵔⴰⵏⵉⵏ ⴷ ⵓⵙⵎⵍ ⵏ ⵓⵎⵏⴰⵇⵇⴰⵙ ⵉ ⴽⵔⴰ ⵏ ⵉⵏⵇⵇⵉⵙⵏ ⵏ ⵓⵙⴰⴳⴳⵯ.