ⵊⵓⵀⴰⵏⵙⴱⵓⵔⴳ: ⵉⵎⴹⴰⴽⴰⵕⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⵜⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵉⴼⴼⵓⵙ ⵏ ⵉⴼⵔⵉⵇⵢⴰ

ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ ⴳ ⵊⵓⵀⴰⵏⵙⴱⵓⵔⴳ, ⴷ ⵎⴰⵙⵙⴰ ⴰⵏⵊⵉⴽⴰ ⵜⵓⴽⵓⵣⵉⵍⵉ ⴷⵉⴷⵉⵣⴰ, ⵜⴰⵏⵙⵙⵉⵅⴼⵜ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵉⴼⴼⵓⵙ ⵏ ⵉⴼⵔⵉⵇⵢⴰ..

ⴳ ⵜⵣⵡⵉⵔⵉ, ⵉⵙⵙⵔⵖⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙⴰ ⴷⵉⴷⵉⵣⴰ ⴼ ⵓⵙⵜⴰⵢ ⵏⵏⵙ ⴷ ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴳ ⵜⵎⴰⵣⵉⵔⵜ ⵏⵏⵙ, ⵉⵖⵔ ⴰⵙ ⵉ ⵓⵔⵣⴰⴼ ⴰⴱⵕⵍⴰⵎⴰⵏⵉ ⵉ ⵍⵎⵖⵔⵉⴱ, ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵉⴱⵕⵍⴰⵎⴰⵏⵏ ⵏ ⵜⵎⵉⵣⴰⵔ. 

ⵉⵙⴰⵡⵍ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵉⵍⴰⵍⵜ ⵏ ⵍⵎⵖⵔⵉⴱ ⴳ ⵓⵙⵏⴰⵍ ⵏ ⵉⵎⵓⵙⵙⵓⵜⵏ ⵏ ⵓⵙⴷⵔⴼⵉ ⴳ ⵉⴼⵔⵉⵇⵢⴰ, ⴷ ⵓⵙⵏⴰⵍ ⵍⵍⵉ ⵜⴼⴽⴰ ⵜⴳⵍⴷⵉⵜ ⵉ ⵉⴼⴼⵓⵙ ⵏ ⵉⴼⵔⵉⵇⵢⴰ ⵉ ⵓⵙⵍⴻⵍⵍⵉ ⵙⴳ ⵓⵙⴷⵓⵔⵔⵉ. 

ⵢⵉⵏⵉ ⵓⵍⴰ ⵎⴰⵙ ⵢⵓⵊⴰⴷ ⵍⵎⵖⵔⵉⴱ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴽⴷ ⵉⴼⴼⵓⵙ ⵏ ⵉⴼⵔⵉⵇⵢⴰ ⴷ ⵓⵙⵎⵖⵔ ⵏⵏⵙ ⴳ ⴽⵉⴳⴰⵏ ⵏ ⵉⴳⵔⴰⵏ, ⵉⵙⴷⴷⵉⴷ ⵎⴰⵙ ⴷ ⵍⵎⵖⵔⵉⴱ ⴷ ⵉⴼⴼⵓⵙ ⵏ ⵉⴼⵔⵉⵇⵢⴰ ⴷⴰⵔⵙⵏ ⴰⴷⵖⴰⵔ ⵉⵥⵥⴰⵢⵏ ⴳ ⵉⴼⵔⵉⵇⵢⴰ, ⵉⵇⵇⴰⵏ ⴷ ⵓⵙⵙⴰⵔⵓ ⵏ ⵜⵥⴹⴰⵕⵉⵏ ⵏⵏⵙⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉ ⵚⴰⵃⴰ ⵏ ⵉⵎⴰⴷⴰⵏⵏ ⵏⵏⵙⵏ ⴷ ⵓⵎⵏⵥⴰⵡ ⴰⴽⴽⵯ ⵙ ⵓⵙⵎⴰⵇⵍ ⵉⵙⵎⴷⵏ. 
ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵉⵙⵏⴼⴰⵔⵏ ⵉⵙⵜⵔⴰⵜⵉⵊⵉⵢⵏ ⵍⵍⵉ ⵉⵕⵥⵎ ⵍⵎⵖⵔⵉⴱ, ⵙ ⵓⵙⵎⴰⵇⵇⵍ ⵓⵏⵥⵉⵥ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⵎ ⵜⵙⵏⵜⴰⵢⵜ ⵜⴰⴳⵍⴷⴰⵏⵜ ⵉⵡⴰⵜⵜⵙⵏ ⴰⵙⴷⵓⵙ ⵏ ⵡⴰⴷⴰⴼ ⵏ ⵜⵎⵉⵣⴰⵔ ⵏ ⵓⴼⵜⴰⵙ ⵙ ⵢⵉⵍ ⵏ ⴰⵟⵍⴰⵚ, ⴷ ⵉⵙⵏⴼⴰⵔⵏ ⵏ ⵓⵙⵎⵖⵔ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⴷ ⵜⵎⴳⵓⵔⵉ ⵏ ⵜⵀⵉⵔⵉⵜⵉⵏ ⴷ ⵜⵙⴰⵢⵍⴰⵍⵉⵏ ⴷ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⴷ ⵜⴼⵍⵍⴰⵃⵜ, ⴷ ⵓⵙⵓⵜⴳ ⵏ ⵓⴼⴳⴰⵏ ⴷ ⵓⵙⴱⴷⴷⵉ ⵏ ⵉⴼⵔⵉⵣⵏ ⵏ ⵓⵙⵏⴼⵍ ⵏ ⵓⵏⵣⵡⵉ. 
ⵉⵙⴰⵡⵍ ⵓⵍⴰ ⵎⴰⵙ ⵢⵓⵊⴰⴷ ⵍⵎⵖⵔⵉⴱ ⴰⴷ ⵉⴷⵔⵓ ⵜⵉⵔⵎⵉⵜ ⵏⵏⵙ ⴰⴽⴷ ⵉⴼⴼⵓⵙ ⵏ ⵉⴼⵔⵉⵇⵢⴰ ⴳ ⴽⵉⴳⴰⵏ ⵏ ⵉⴳⵔⴰⵏ, ⵍⵍⵉⵖ ⵏⵜ ⵜⴳⴰ ⵜⴳⵍⴷⵉⵜ ⵙⴳ ⵉⵎⵚⵉⴼⵉⴹⵏ ⵉⵙⵉⵍⴰⵏⵏ ⵏ ⵜⵎⵜⵜⵉⵡⵉⵏ ⵏ ⵜⴼⵍⵍⴰⵃⵜ ⵉ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⵉⴼⴼⵓⵙ ⵏ ⵚⵚⵃⵕⴰ. 

ⴳ ⵓⵎⵏⵉⴷ ⵏⵏⵙ, ⵜⵙⵏⵉⵎⵎⵔ ⵜⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵉⴼⴼⵓⵙ ⵏ ⵉⴼⵔⵉⵇⵢⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴼ ⵜⵖⵓⵔⵉ ⵏⵏⵙ ⵉ ⵓⵔⵣⴰⴼ ⵏ ⵍⵎⵖⵔⵉⴱ. 

ⴷⴼⴼⵉⵔ ⵎⴰⴷ ⵜⵙⵎⵏⵉⴷ ⵜⵉⵔⵎⵉⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵜⵎⴰⵣⵉⵔ ⵏⵏⵙ, ⵜⵏⵏⴰ ⵎⴰⵙⵙⴰ ⴷⵉⴷⵉⵣⴰ ⵎⴰⵙ ⵣⵔⵉⵏ ⵉⵙⵜⴰⵢⵏ ⴳⴳⵓⵔⴰⵏⵉⵏ ⴳ 29 ⵎⴰⵢⵢⵓ. 

ⵜⵙⵓⵜⴳ ⵎⴰⵙⵙⴰ ⴷⵉⴷⵉⵣⴰ ⵜⵉⵔⵎⵉⵜ ⵜⴰⴷⵉⵎⵓⵇⵔⴰⵟⵉⵜ ⵏ ⵍⵎⵖⵔⵉⴱ, ⵜⵉⵏⵉ ⵎⴰⵙ ⵜⵓⵊⴰⴷ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵜⵍⵍⴰ ⵜⵉⵢⵢⴰⴼⵓⵜ ⴰⴽⴷ ⵜⴰⴳⵍⴷⵉⵜ.

ⵉⵍⵍⴰ ⵓⵎⴹⴰⴽⴰⵕ ⵊⴰⵔ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⵎⴰⵙⵙⴰ ⴷⵉⴷⵉⵣⴰ ⴳ ⵓⵎⴰⵍⵓ ⵏ ⵓⴳⵔⴰⵡ ⴰⵙⴳⴳⵯⵙⴰⵏ ⵡⵉⵙ 12 ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵉⴼⵔⵉⵇⵉⵢⵏ, ⵉⵍⵍⴰⵏ ⵙⴳ 18 ⴰⵔ 20 ⵛⵓⵜⴰⵏⴱⵉⵔ ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ ⴳ ⵊⵓⵀⴰⵏⵙⴱⵓⵔⴳ. 

ⵉⴷⵔⵓ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⴳⵔⴰⵡ ⴰⴷ ⵙ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⵎⴰⵙⵙⴰ ⵍⴰⵢⵍⴰ ⴷⴰⵀⵉ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙⴰ ⵅⴰⴷⵉⵊⴰ ⴰⵕⵓⵀⴰⵍ ⵙⴳ ⵓⴽⴰⴱⴰⵕ ⵏ ⵜⴳⵎⵉ ⴷ ⵜⵙⵔⵎⵓⵏⵜ, ⵎⴰⵙⵙ ⵄⴰⴱⴷ ⵚⵚⴰⵎⴰⴷ ⵃⵉⴽⵔ ⵙⴳ ⵜⵣⵔⴼⵜ ⴷ ⵜⴳⵎⵉ, ⵀⴰⵏⴰ ⴱⵏ ⵅⵉⵔ ⵙⴳ ⵜⴰⵎⵓⵏⵜ ⵜⴰⵎⴰⵜⴰⵢⵜ ⵏ ⵉⵎⵙⵡⵓⵔⵉⵢⵏ ⴳ ⵍⵎⵖⵔⵉⴱ.