ⵉⵙⵏⵓⴱⴳ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵉⵥⵍⵉⵏ ⵙ ⵓⵣⵡⴰⴳ ⴳ ⵜⵎⵙⵎⵓⵏⵜ ⵜⴰⴱⵔⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ

ⵉⵙⵏⵓⴱⴳ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ 19 ⵛⵓⵜⴰⵏⴱⵉⵔ 2024, ⴰⴽⴰⴱⴰⵕ ⵏ ⵜⵙⵇⵇⵉⵎⵜ ⵏ ⵓⵣⵡⴰⴳ ⵉⴹⴼⵕⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⵎⴰⴷⴷⴰⵙⵜ ⵏ ⵜⵏⴼⵔⵓⵜ ⴷ ⵓⵎⵢⴰⵡⴰⵙ ⴳ ⵓⵕⵓⴱⴱⴰ ⵉⵔⵣⴼⵏ ⵜⴰⴳⵍⴷⵉⵜ. 

ⴳ ⵓⵏⵎⵓⵇⵇⴰⵔ ⴰⴷ, ⵉⵙⴰⵡⵍ ⵎⴰⵙⵙ ⵚⵚⴱⴱⴰⵕⵉ ⴷ ⵜⵙⵔⵜⵉⵜ ⵏ ⵓⵣⵡⴰⴳ ⵍⵍⵉ ⵙ ⵉⵙⵡⵓⵔⵉ ⵍⵎⵖⵔⵉⴱ ⵙⴳ 2013 ⵉ ⵓⵙⴽⵔ ⵏ ⵉⵙⵡⴰⵍⴰⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵍⵍⵉ ⵉⴱⴷⴷⵏ ⴼ ⵓⵡⵇⵇⵔ ⵏ ⵡⴰⴷⴷⵓⵔ ⵏ ⵉⵎⵣⵡⴰⴳ ⴷ ⵉⵣⵔⴼⴰⵏ ⵏⵏⵙⵏ ⵙ ⵓⵙⵉⴷⴼ ⵏⵏⵙ ⴷ ⵜⵉⴽⴽⵉ ⵏ ⵉⵣⵔⴼⴰⵏ ⴰⵎ ⵉⵏⵎⵓⵔⴰⵏ ⵉⵎⵖⵔⵉⴱⵉⵢⵏ ⴰⴽⴽⵯ. 

ⵉⵙⴷⴷⵉⴷ ⵎⴰⵙⵙ ⵚⵚⴱⴰⵕⵉ ⵎⴰⵙ ⵜⵉⵡⵙ ⵜⵙⵜⵔⴰⵜⵉⵊⵉⵜ ⴰⴷ ⴳ ⵓⴼⵓⴽⴽⵓ ⵏ ⵓⵙⵓⵔⵙ ⴰⵣⵔⴼⴰⵏ ⵏ ⵉⴼⴹⵡⴰⵏ ⵏ ⵉⵎⵣⵡⴰⴳ ⴷ ⵓⵙⵓⵔⵉⵉ ⵏ ⵡⵉⴷⴰ ⵔⴰⵏⵉⵏ ⵙ ⵜⵎⵉⵣⴰⵔ ⵏⵏⵙⵏ ⵙ ⵓⵖⵓⵍ ⴰⵏⵉⵎⴰⵏ ⵍⵍⵉ ⵜⵙⵏⵎⴰⵍⴰ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵓⵣⵡⴰⴳ, ⵖⵎⴽ ⴰⵏⵏ ⴰⴼ ⵉⵍⵍⴰ ⵓⴼⵓⴽⴽⵓ ⵏ ⵓⵙⵔⵙ ⵏ 50 ⵉⴼⴷ ⵏ ⵓⵎⵣⵡⴰⴳ ⴳ 2014 ⴷ 2016 ⵙ ⵓⵙⵉⴷⴼ ⵏ ⵉⵎⵣⵡⴰⴳ ⵣⴷⵖⵉⵏⵉ ⵙ ⵜⵎⴰⵎⴽⵜ ⵜⴰⵣⵔⴼⴰⵏⵜ, ⵖⵎⴽ ⴰⵏⵏ ⴷ 2300 ⵏ ⵓⵎⵣⵡⴰⴳ ⴳ 2023.

ⵢⵉⵏⵉ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⵉⵙⵓⵎⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⵎⵣⵡⴰⵔⵓ ⵏ ⵉⴼⵔⵉⵇⵢⴰ ⴳ ⵉⵎⵕⵚⵉ ⵏ ⵓⵣⵡⴰⴳ, ⵉⵍⵍⴰ ⴳ 2018 ⵓⵙⴽⵔ ⵏ ⵓⵚⴰⴹⵓⴼ ⴰⴼⵔⵉⵇⵉ ⵏ ⵓⵣⵡⴰⴳ ⵍⵍⵉ ⵉⴳⴰⵏ ⵉⵎⵉⵙⵙ ⵉⵕⵡⴰⵏ ⵏ ⵉⴼⵔⵉⵇⵢⴰ ⵃⵎⴰ ⴰⴷ ⵢⴰⵡⵙ ⴳ ⵓⵔⵎⴰⵙ ⵏ ⵜⵎⵓⴽⵔⵉⵙⵜ ⵏ ⵓⵣⵡⴰⴳ. 

ⵉⵙⴰⵡⵍ ⵓⵍⴰ ⴼ ⵜⵓⴳⴳⴰⵙ ⵏ ⵓⴱⵕⵍⴰⵎⴰⵏ ⴷ ⵜⵏⴱⴰⴹⵜ ⵜⴰⵎⵖⵔⵉⴱⵉⵔ ⵉ ⵓⵙⴱⴷⴷⵉ ⵏ ⵉⵙⴽⴽⵉⵔⵏ ⵏ ⵉⵥⵟⵡⴰⵏ ⵉⵏⴱⴽⴰⴷⵏ ⴷ ⵓⵙⵉⴳⵓⵜ ⵏ ⵜⵏⴼⴳⵓⵔⵉⵏ ⵉ ⵓⵙⴱⴷⴷⵉ ⵏ ⵓⵣⵡⴰⴳ ⵉⵏⵜⵍⵏ ⴷ ⵓⵙⵖⵏⵣⵉ ⴳ ⵓⴼⴳⴰⵏ. 

ⴳ ⵜⵎⵔⴰⵔⵓⵜ ⵏⵏⵙ ⴼ ⵉⵙⵇⵙⵉⵜⵏ ⵏ ⵜⵙⵇⵇⵉⵎⵜ ⴰⴷ, ⵉⵏⵏⴰ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⵜⴹⴼⵕ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵓⵅⵎⵎⴻⵎ ⵉⴳⴳⵓⵜⵏ ⵜⴰⵣⵣⵉⴳⵣⵜ ⵏ ⵜⵎⵓⴽⵔⵉⵙⵜ ⵏ ⵓⵣⵡⴰⴳ ⴷ ⵜⵡⴰⴼⵉⵜ ⵏ ⵉⴼⵙⵙⴰⵢⵏ ⴷ ⵓⵙⴰⵏⵉⵏ. 

ⵢⵉⵏⵉ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⵎⴰⵙ ⵉⴳⴰ ⵍⵎⵖⵔⵉⴱ ⴰⵎⴷⵔⴰⵡ ⵍⵍⵉ ⵔⴰⴷ ⵢⴰⵡⵙ ⴳ ⵓⴼⵙⵙⴰⵢ ⵏ ⵜⵎⵓⴽⵔⵉⵙⵜ ⴰⴷ, ⵢⵉⵏⵉ ⵎⴰⵙ ⵉⴳⴰ ⵉⵎⵕⵚⵉ ⴰⴷ ⵡⴰⴷ ⵉⵛⴷⴷⴰⵏ ⵍⵍⵉ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵏ ⵓⵣⵔⴰⵢ ⴷ ⵓⵣⴷⵓⵖ ⵉ ⵉⵎⵣⵡⴰⴳⵏ, ⵙ ⵓⴷⵖⴰⵔ ⵏⵙⵏ ⴰⵊⵢⵓⵖⵔⴰⴼⵉ. 

ⵢⵉⵏⵉ ⵎⴰⵙ ⴷ ⵜⵇⵇⴰⵏ ⵜⵡⵓⵔⵉ ⵉⴳⴳⵓⵜⵏ ⵉ ⵓⴼⵓⴽⴽⵓ ⵏ ⵜⵎⵓⴽⵔⵉⵙⵉⵏ ⵍⵍⴰⵏⵉⵏ ⴳ ⵉⴼⵔⵉⵇⵢⴰ, ⴷ ⵓⵙⴱⴷⴷⵉ ⵏ ⵜⵎⵓⴽⵔⵉⵙⵉⵏ ⵏ ⵓⵙⵏⴼⵍ ⵏ ⵓⵏⵣⵡⵉ ⴷ ⵜⵖⴰⵔⵜ, ⴷ ⵓⵙⴽⵔ ⵏ ⵓⵎⵢⴰⵡⴰⵙ ⵊⴰⵔ ⵉⵎⵏⵥⴰⵡⵏ ⵉ ⵓⵙⴽⵔ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵓⵔⴳⴳⵉⴳ ⴰⵙⵔⵜⴰⵏ.

ⴳ ⵓⵎⵏⵉⴷ ⵏⵏⵙ, ⵜⵏⵏⴰ ⵎⴰⵙⵙⴰ Daniela De Ridder ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⴰⴷ ⴰⵙⵓⵜⴳ ⵏⵏⵙ ⵏ ⵜⵓⴳⴳⴰⵙ ⴷ ⵉⵎⵓⴽⵏⵏ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵣⵡⴰⴳ, ⵜⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⴰⵏⴰⵡ ⴳ ⵓⵎⵏⵉⴷ ⴰⴷ. 

ⵜⵖⵔ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵓⵣⵡⴰⴳ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵊⴰⵔ ⵜⵙⵇⵇⵉⵎⵜ ⴷ ⵍⵎⵖⵔⵉⴱ.