ⴱⵕⵉⵟⴰⵡⵏ: ⵉⴷⵔⵓ ⵓⵎⴰⵔⵉ ⵎⴰⵙⵙ ⵚⴰⵍⴰⵃ ⴷⴷⵉⵏ ⵛⵏⴳⵉⵟ ⴳ ⵓⴳⵔⴰⵡ ⵏ ⵓⴽⴰⴱⴰⵕ ⴰⵙⴳⵯⵙⴰⵏ ⵏ ⵓⴽⴰⴱⴰⵕ ⵏ ⵉⴷⵉⵎⵓⵇⵔⴰⵟⵉⵢⵏ ⵉⵍⵉⴱⵉⵕⴰⵍⵉⵢⵏ

ⵉⴷⵔⵓ ⵎⴰⵙⵙ ⴰⵎⴰⵔⵉ ⵚⴰⵍⴰⵯ ⴷⴷⵉⵏ ⵛⵏⴳⵉⵟ, ⵙⴳ ⵜⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ, ⴳ ⵓⴳⵔⴰⵡ ⴰⵙⴳⵯⵙⴰⵏ ⵏ ⵓⴽⴰⴱⴰⵕ ⵏ ⵉⴷⵉⵎⵓⵇⵔⴰⵟⵉⵢⵏ ⵉⵍⵉⴱⵉⵕⴰⵍⵉⵄⵏ ⴳ ⵜⵖⵔⵎⵜ ⵏ ⴱⵕⵉⵟⴰⵡⵏ ⴳ ⴱⵕⵉⵟⴰⵏⵢⴰ ⴳ 14 ⴰⵔ 17 ⵛⵓⵜⴰⵏⴱⵉⵔ 2024. 

ⵔⴰⴷ ⵉⵎⴹⴰⴽⴰⵕ ⵓⴳⵔⴰⵡ ⴰⴼ ⴼ ⵉⵎⵕⵚⵉⵡⵏ ⴰⴷ: ⴰⵙⵏⴼⵍ ⵏ ⵓⵏⵣⵡⵉ, ⴰⴷⴷⴰⴷⵏ ⴳ ⵖⴰⵣⵣⴰ, ⴰⵙⵏⴰⵍ ⵏ ⵡⴰⵣⵣⴰⵏⵏ ⴷ ⵢⵉⵙⴽⵉⵍ.

ⵉⵎⴹⴰⴽⴰⵕ ⵎⴰⵙⵙ ⵚⴰⵍⴰⵃ ⴷⴷⵉⵏ ⵛⵏⴳⵉⵟ ⴷ ⵎⴰⵙⵙ Brian Mathiew  ⴰⴳⵎⴰⵎ ⵏ ⵓⵙⴳⵉⵎ ⵏ ⵓⴳⴷⵓⴷ ⴳ ⴱⵕⵉⵟⴰⵏⵢⴰ ⵙⴳ ⵓⴽⴰⴱⴰⵕ ⴰⴷⵉⵎⵓⵇⵔⴰⵟⵉ ⴰⵍⵉⴱⵉⵕⴰⵍⵉ ⴷ ⵎⴰⵙⵙⴰ Mounira Wilson ⵜⴰⵎⴰⵔⵉⵜ ⵜⴰⴱⵕⵍⴰⵎⴰⵏⵉⵜ ⵙⴳ ⵓⴽⴰⴱⴰⵕ ⴰⴷ ⵏⵉⵜ. 

ⵉⴳⴰ ⵓⴽⴰⴱⴰⵕ ⵏ ⵉⴷⵉⵎⵓⵇⵔⴰⵟⵉⵢⵏ ⵉⵍⵉⴱⵉⵕⴰⵍⵉⵢⵏ ⴰⴽⴰⴱⴰⵕ ⴰⵏⴰⵎⵎⴰⵙ ⵉⵙⵎⵓⵏⵏ ⵊⴰⵔ ⵉⵙⵡⴰⵍⴰⵢⵏ ⵉⵍⵉⴱⵉⵕⵍⴰⵉⵢⵏ ⵉⵏⴰⵎⵓⵏⵏ ⴷ ⵉⴷⵎⵙⴰⵏⵏ, ⵉⵍⵍⴰ ⴳ 1988 ⵙ ⵓⵙⵉⴷⴼ ⵏ ⵓⴽⴰⴱⴰⵕ ⴰⵍⵉⴱⵉⵕⴰⵍⵉ ⴷ ⵉⴽⴰⴱⴰⵕ ⵏ ⵉⵎⵙⵕⵎⵓⵏⵏ ⵉⴷⵉⵎⵓⵇⵔⴰⵟⵉⵢⵏ, ⵉⵙⴽⵔ ⵜⴰⵏⴰⵜⴰⵎⵏⵜ ⴳ ⵉⵙⵜⴰⵢⵏ ⵏ ⵓⵙⵇⵉⵎ ⵏ ⵓⴳⴷⵓⴷ ⴱ ⵕⵕⵉⵟⴰⵏⵢⴰ ⴳ ⵢⵓⵍⵢⵓⵣ ⵉⵣⵔⵉⵏ, ⵢⵉⵡⵉ 72 ⵏ ⵓⵎⴰⵔⵉ ⴳ ⵓⴱⵕⵍⴰⵎⴰⵏ, ⵉⴳ ⵡⵉⵙ ⴽⵕⴰⴹ ⴷⴼⴼⵉⵔ ⵏ ⵓⴽⴰⴱⴰⵕ ⵏ ⵉⵎⵙⵡⵓⵔⵉⵢⵏ ⴷ ⵓⴽⴰⴱⴰⵕ ⵏ ⵉⵎⴼⵔⴳⴰⵏⵏ, ⵉⵙⵏⴰⵍ ⵜⵉⵖⵉⵎⵉⵜ ⵏ ⴱⵕⵉⵟⴰⵏⵢⴰ ⴳ ⵜⴰⵎⵓⵏⵜ ⵏ ⵓⵕⵓⴱⴱⴰ.