ⵉⵙⴷⴷⵉⴷ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵉⵎⵉⵥ ⵏ ⵓⵙⵎⵖⵔ ⵏ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ
ⵉⵙⵓⵜⴳ ⵎⴰⵙⵙ Gustavo Pacheco ⴰⵏⵙⵙⵉⵅⴼ ⴰⵎⴰⵢⵏⵓ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵜⵉⵍⴰⵍⵜ ⵉⵥⵉⵍⵏ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏⵏⵙ ⴰⴽⴷ ⵉⵡⴰⵏⴽⵏ ⵏ ⵍⴰⵏⴷⵉⵣ, ⴳ ⵓⵏⵎⵓⵇⵇⴰⵔ ⵏⵏⵙ ⴷ ⵉⴳⵎⴰⵎⵏ ⵏ ⵜⴰⵢⵢⴰⵡⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷⴰⵔ ⵓⴱⴰⵕⵍⴰⵎⴰⵏ ⵏ ⵍⴰⵏⴷⵉⵣ ⵍⵍⵉ ⴷⵔⵓⵏⵉⵏ ⴳ ⵜⵙⵓⵜⵍⵜ ⵏ ⵖⵓⵛⵜ ⴳ 27 ⴰⵔ 31 ⵖⵓⵛⵜ 2024 ⴳ ⴱⵓⴳⵓⵟⵟⴰ ⴳ ⴽⵓⵍⵓⵎⴱⵢⴰ, ⵉⵙⴷⴷⵉⴷ ⴼ ⵓⵙⵎⵔⵙ ⵏ ⵜⵏⵙⵙⵉⵅⴼⵜ ⵏⵏⵙ ⵉ ⵓⵙⴷⵓⵙ ⵏ ⵜⵣⴷⴰⵢⵜ ⴰⴽⴷ ⵉⵡⴰⵏⴽⵏ ⵏ ⵍⴰⵏⴷⵉⵣⵏ ⴷ ⵔⴰⴷ ⵜⴳ ⵜⵡⴰⵍⴰ ⴰⴷ ⵜⴰⵎⵍⴷⴰ ⵏ ⵡⴰⵍⴰⵢ ⵏ ⵓⵣⴷⴰⵢ ⴷ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴳ ⵉⵡⴰⵏⴽⵏ ⵏ ⵍⴰⵏⴷⵉⵣ ⴳ ⵉⴳⵔⴰⵏ ⵉⴷⵎⵙⴰⵏⵏ ⴷ ⵉⵙⵔⵜⴰⵏⵏ ⴷ ⵉⴷⵍⵙⴰⵏⵏ ⴷ ⵉⵏⴰⵎⵓⵏⵏ, ⵙ ⵓⵣⵎⵎⵉⵎ ⵏ ⵜⵎⵢⴰⵇⵇⴰⵏⵉⵏ ⵏ ⵓⵙⵏⴼⵍ. ⴳ ⵓⵏⵎⵓⵇⵇⴰⵔ ⵏ ⵎⴰⵙⵙ Eduardo chiliquinga mazon ⴰⵏⴼⵍⵓⵙ ⴰⵎⴰⵜⴰⵢ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴷ ⵉⴳⵎⴰⵎⵏ ⵏ ⵜⴰⵢⵢⴰⵡⵜ, ⵉⵙⴷⴷⵉⴷ ⴼ ⵓⵙⵡⵓⵔⵉ ⴳ ⵉⵙⵏⴼⴰⵔⵏ ⵣⴷⵉⵏⵉⵏ ⴷ ⵓⵙⵙⵍⵎⴷ ⴷ ⵓⴹⴼⵕ ⵏ ⵜⵡⵓⵔⵉ ⵉⵙⵜⴰⵡⵀⵎⵎⴰⵏ ⵏ ⵉⴳⵎⴰⵎⵏ ⴷ ⵓⵙⵎⵀⵍ ⵏ ⵉⵙⵏⴼⴰⵔⵏ ⴼ ⵉⵍⵍⴰ ⵓⵎⵙⴰⵙⴰ.
ⵜⴰⴷⵔⴰⵡⵜ ⵏ ⵎⴰⵙⵙ ⵜⴰⵎⴰⵔⵉⵜ ⴼⴰⵜⵉⵏ ⵍⵖⴰⵍⵉ (ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ) ⴷ ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏⵊⵍⵍⵓⵏ (ⵙⴳ ⵜⵥⵓⵕⵜ ⴷ ⵜⵎⴰⵜⵔⴰⵔⵜ) ⵜⵍⵍⴰ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ.
ⵜⵙⵎⵏⵉⴷ ⵎⴰⵙⵙⴰ ⴼⴰⵜⵉⵏ ⵍⵖⴰⵍⵉ ⵜⴰⴳⵓⵔⵉ ⵙ ⵉⵙⵎ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵖ ⵜⵙⵙⵔⵖⴷ ⵎⴰⵙⵙ ⵙ ⵜⵎⵍⴷⴰ ⵏ ⵓⵙⵜⴰⵢ ⵏⵏⵙ ⵉ ⵜⵡⴰⵍⴰ ⵏ 2024-2025. ⵜⵙⵓⵜⴳ ⵜⵉⵍⴰⵍⵜ ⵍⵍⵉ ⵜⵙⴽⴰⵔ ⵜⵎⴰⴷⴷⴰⵙⵜ ⴰⴷ, ⵜⵉⵏⵉ ⵎⴰⵙ ⵉⴳⴰ ⵍⵎⵖⵔⵉⴱ ⴰⴳⵎⴰⵎ ⵉⵎⵥⵕⵉ ⵙⴳ 1996, ⴰⵢⵍⵍⵉ ⵉⵎⵎⴰⵍⴰⵏ ⵜⵉⵔⴰⵜ ⵏ ⵜⴳⵍⴷⵉⵜ ⴳ ⵓⵙⵏⴰⵍ ⵏ ⵓⵙⵉⴷⴼ ⵏ ⵉⵡⴰⵏⴽⵏ ⵏ ⵍⴰⵏⴷⵉⵣ, ⴰⵢⵍⵍⵉ ⵉⴳⴰⵏ ⴳ ⵓⵙⵜⴰⵢ ⴰⵙⵜⵔⴰⵜⵉⵊⵉ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.
ⵉⵙⵓⵜⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵅⴼ ⵓⵙⵏⴰⵍ ⵏ ⵜⵎⵙⴰⵔⵉⵏ ⵜⵉⵣⵔⴼⴰⵏⵉⵏ ⵏ ⵍⵎⵖⵔⵉⴱ, ⵜⴰⵢⴰⵏⵜ ⵜⴰⵏⴰⴽⴰⵍⵜ ⵏ ⵜⴳⵍⴷⵉⵜ, ⴰⵢⵍⵍⵉ ⵔⴰⴷ ⵉⵙⴷⵓⵙ ⵜⵉⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⴱⵕⵍⴰⵎⴰⵏⵉⵢⵉⵏ.
ⵉⵃⴹⵔ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵜⵙⵔⵜⵉⵜ ⵏ ⴱⵕⵕⴰ, ⵖ ⵉⵍⵍⴰ ⵓⵎⴹⴰⴽⴰⵕ ⵏ ⵓⵣⵡⴰⴳ ⴷ ⵜⵣⵣⵉⴳⵣⵉⵏ ⵜⵉⵙⵔⵜⴰⵏⵉⵏ ⴷⴼⴼⵉⵔ ⵏ ⵉⵙⵜⴰⵢⵏ ⵏ ⵜⵏⵙⵙⵉⵅⴼⵜ ⴳ ⴼⴰⵏⵣⵡⵉⵍⵍⴰ.
ⴳⵜⵙⵓⵜⵍⵜ ⴰⴷ, ⵔⴰⴷ ⵜⵉⵍⵉⵜⵖⵉⵎⵉⵜ ⵜⴰⵎⴰⵜⴰⵢⵜ, ⵉⵍⵍⴰ ⴳ ⵓⵖⴰⵡⴰⵙ ⵏⵏⵙ ⴰⵎⴹⴽⴰⵕ ⴷ ⵓⵙⵜⴰⵢ ⵏ ⵓⵙⵍⴳⵏ ⴰⵙⴰⵜⵉ ⵅⴼ ⵓⵙⴱⴷⴷⵉ ⵏ ⵓⵙⵖⵏⵣⵉ ⴰⵔⵓⵍⴳⵉⵏ ⵉ ⵓⴷⴷⵉⵔⵏ ⴳ ⵜⵙⴳⴰ ⵏ ⵍⴰⵏⴷⵉⵣ, ⴷ ⵓⵙⵎⵏⵉⴷ ⵏ ⵜⵙⵓⵎⵔⵜ ⵏ ⵓⵙⵎⴰⵢⵏⵓ ⵏ ⵓⵙⴰⵜⵉ ⴰⵣⵔⴼⴰⵏ ⵉ ⵓⵙⴱⴷⴷⵉ ⵏ ⵎⴰⵕⵕⴰ ⴰⵏⴰⵡⵏ ⵏ ⵜⴽⵕⴷⵉ ⵎⴳⴰⵍ ⵏ ⵜⵎⵖⴰⵔⵜ.