ⵜⴷⵔⵓ ⵎⴰⵙⵙⴰ ⵍⴰⵢⵍⴰ ⴷⴰⵀⵉ ⴳ ⵜⵙⵓⵜⵍⵜ ⵜⵉⵙ ⵙⵎⵎⵓⵙⵜ ⵏ ⵜⵙⵇⵇⵉⵎⵜ ⵉⵥⵍⵉⵏ ⵙ ⵜⴷⵓⵙⵉ ⴷ ⵓⵜⵛⵓ ⴷ ⵉⵎⵣⴷⴰⵖⵏ ⴷ ⵓⵙⴱⴷⴷⵉ ⵏ ⵉⵙⴷⵓⵀⴷⵓⵢⵏ
ⵜⴷⵔⵓ ⵎⴰⵙⵙⴰ ⵍⴰⵢⵍⴰ ⴷⴰⵀⵉ, ⵜⴰⵎⴰⵔⵉⵜ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵜⴰⴳⵯⵏⵙⴰⵙⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴼⵔⵉⵇⵉ ⴳ ⵜⵙⵓⵜⵍⵜ ⵜⵉⵙ ⵙⵎⵎⵓⵙⵜ ⵏ ⵜⵙⵇⵇⵉⵎⵜ ⵉⵥⵍⵉⵏ ⵙⵜⴷⵓⵙⵉ ⴷ ⵉⵎⵣⴷⴰⵖⵏ ⴷ ⵓⵙⴱⴷⴷⵉ ⵏ ⵉⵙⴷⵓⵀⴷⵓⵢⵏ ⴳ 5 ⴰⵔ 9 ⵖⵓⵛⵜ 204 ⴳ ⵓⵙⵖⵉⵎ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴳ ⴰⴷⵉⵙ ⴰⴱⴰⴱ ⴳ ⵉⵜⵢⵓⴱⵢⴰ.
ⵜⵍⵍⴰ ⵜⵙⵓⵜⵍⵜ ⴰⴷ ⴼ ⵓⵥⵓ ⵏ ⵜⴼⴰⵜⵉⵜ ⴳ ⵉⴼⵔⵉⵇⵢⴰ: ⴰⴱⵔⵉⴷ ⵢⵓⵎⴰⵏ ⵏ ⵜⴷⵓⵙⵉ ⴷ ⵓⵜⵛⵓ ⴷ ⵉⵎⵣⴷⴰⵖⵏ ⴷ ⵓⵙⴱⴷⴷⵉ ⵏ ⵉⵙⴷⵓⵀⴷⵓⵢⵏ ⴷ ⵓⴱⴽⴽⴰⴹ ⴷ ⵓⵙⵙⵍⵎⴷ, ⵔⴰⴷ ⴳⵉⵙ ⵢⵉⵍⵉ ⵓⵎⴹⴰⴽⴰⵕ ⵏ ⵉⵏⵇⵇⵉⵙⵏ ⴷ ⵜⵙⵜⵔⴰⵜⵉⵊⵉⵢⵉⵏ ⵏ ⵜⵡⵓⵔⵉ, ⴰⵎ ⴰⵏⵇⵇⵉⵙ ⵏ ⵓⵥⵟⵟⴰ ⴰⴼⵔⵉⵇⵉ ⵉ ⵜⵓⵙⵙⵏⴰ ⵏ ⵜⵎⵓⴹⴰⵏ ⴼ ⵓⵙⵎⵔⵙ ⵏ ⵉⵙⴷⵓⵀⴷⵓⵢⵏ, ⴷ ⵜⵙⵜⵔⴰⵜⵉⵊⵉⵜ ⵜⴰⵎⵓⵟⵟⵓⵏⵜ ⵉ ⵜⴷⵓⵙⵉ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ (2024-2030), ⵉ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⴰⵏⵏⴰⵢⵢⵉⵏ ⴷ ⵜⵙⵓⵎⵔⵜ ⵏ ⵉⴼⵙⵙⴰⵢⵏ ⵉ ⵓⵙⵎⵖⵔ ⵏ ⵉⵏⴳⵔⴰⵡⵏ ⵏ ⵜⴷⵓⵙⵉ ⴳ ⵉⴼⵔⵉⵇⵢⴰ ⵏ ⵓⵙⴱⴷⴷⵉ ⵏ ⵓⵙⵎⵔⵙ ⵏ ⵉⵙⴷⵓⵀⴷⵓⵢⵏ ⴷ ⵓⴱⴽⴽⴰⴹ ⴳ ⵉⴼⵔⵉⵇⵢⴰ.
ⵜⵙⵎⵏⵉⴷ ⵎⴰⵙⵙⴰ ⵜⴰⵎⴰⵔⵉⵜ ⵜⴰⵖⵜⴰⵙⵜ ⵏ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵓⴱⵕⵍⴰⵎⴰⵏ ⵏ ⵉⴼⵔⵉⵇⵢⴰ ⴳ ⵢⵓⵍⵢⵓⵣ 2024, ⴼ ⵜⵎⵓⴽⵔⵉⵙⵜ ⵏ ⵓⵙⵎⵔⵙ ⵏ ⵉⵙⴷⵓⵀⴷⵓⵢⵏ ⴷⴰⵜ ⵏ ⵓⵙⵙⵍⵎⴷ ⴰⵎⴰⵜⴰⵢ ⵉⵕⵡⴰⵏ ⵉⵎⵙⴰⵙⴰⵏ ⴽⵓ ⵎⴰⴷ ⵜⵍⴰ ⵜⵓⴷⵔⵜ ⴳ ⵉⴼⵔⵉⵇⵢⴰ, ⵢⵉⵡⵉ ⴷ ⴰⵙⵔⵙ ⵏ ⵉⴱⵕⵍⴰⵎⴰⵏⵏ ⵏ ⵉⴼⵔⵉⵇⵢⴰ ⵏ ⵜⵎⵙⴰⵙⵜⵍⵉⵏ ⵜⵉⵏⴰⵎⵓⵔⵉⵏ ⵉ ⵓⴷⵔⴰⵡ ⵏ ⵉⵄⵔⵉⵎⵏ ⴳ ⵉⵖⴰⵡⴰⵙⵏ ⵏ ⵡⴰⵔⴰⵢ ⵙⴳ ⵉⵙⴷⵓⵀⴷⵓⵢⵏ.
ⵖⵎⴽ ⵍⵍⵉ ⵜⵙⴰⵡⵍ ⵎⴰⵙⵙⴰ ⵜⴰⵎⴰⵔⵉⵜ ⴼ ⵓⵙⵎⵔⵙ ⵏ ⵉⵙⴷⵓⵀⴷⵓⵢⵏ ⵉⴳⴰⵏ ⵎⴳⴰⵍ ⵏ ⵡⴰⵡⵏⴰⴹ ⵏ ⵓⵙⵍⵎⴷ ⵉⵎⵙⴰⵙⴰⵏ ⴷ ⵜⴳⵎⵉ ⴷ ⵓⵕⵙⵎⴰⵍ ⴰⵏⴼⴳⴰⵏ ⵓⵛⵛⵉⵍ ⵉ ⵓⵙⵎⵖⵔ ⴰⵏⴰⵎⵓⵏ ⴷ ⵓⴷⵎⵙⴰⵏ ⴳ ⵓⵎⵏⵥⴰⵡ. ⵜⵉⵏⵉ ⵎⴰⵙ ⴷ ⴰⴳⵔⴰⵡ ⵏ ⵉⵄⵔⵔⵉⵎⵏ ⵉⴼⵔⵉⵇⵉⵢⵏ ⴳ ⵓⴱⵕⵍⴰⵎⴰⵏ ⴰⴼⵔⵉⵇⵉ ⵉⵙⴽⵔ ⵉⵙⵡⵓⴷⴷⵓⵜⵏ ⵉⵎⵣⵡⵓⵔⴰ ⵙ ⵓⵙⵡⵓⵔⵉ ⵉ ⵉⵙⴷⵓⵙ ⵏ ⵉⵣⵣⵔⴰⴼⵏ ⴷ ⵓⵙⴽⵔ ⵏ ⵜⵙⵔⵜⴰⵢ ⴷ ⵜⵙⵜⵔⴰⵜⵉⵊⵉⵢⵉⵏ ⵍⵍⵉ ⵔⴰⴷ ⵉⵙⴽⵔ ⵉⵡⵜⵜⴰⵙⵏ.
ⵜⴳⴰ ⵎⴰⵙⵙⴰ ⵜⴰⵎⴰⵔⵉⵜ ⵍⴰⵢⵍⴰ ⴷⴰⵀⵉ ⵜⴰⴳⵎⴰⵎⵜ ⴳ ⵜⴰⵢⵢⴰⵡⵜ ⵜⴰⵏⵎⵓⵔⵜ ⵏ ⵓⴱⵕⵍⴰⵎⴰⵏ ⴰⴼⵔⵉⵇⵉ, ⵜⴳ ⵜⴰⵏⵙⵙⵉⵅⴼⵜ ⵏ ⵓⴳⵔⴰⵡ ⵏ ⵉⵄⵔⵔⵉⵎⵏ ⵏⵏⵙ.