ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴽⵓⵔⵢⴰ: ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵏⴰⵙ 4 ⵢⵓⵏⵢⵓ ⴳ ⵙⵢⵓⵍ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⵏ ⴽⵓⵔⵢⴰ ⵎⴰⵙⵙ , ⵍⵍⵉⵖ ⵉⴷⵔⵓ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⴰⴳⵯⵏⵙⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵓⴳⵔⴰⵡ ⴰⵎⵣⵡⴰⵔⵓ ⴽⵓⵔⵢⴰ-ⵉⴼⵔⵉⵇⵢⴰ.
ⵉⵃⴰⴹⵕ ⴳ ⵓⵎⴹⴰⴽⴰⵕ ⵎⴰⵙⵙ ⵛⴰⴼⵉⵇ ⵔⵛⵛⴰⴷⵉ ⴰⵎⵙⵇⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ, ⵢⵉⵍⵉ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵉⵣⴰⵔ, ⵢⵉⵍⵉ ⵓⵙⵓⵜⴳ ⵏ ⵜⵣⵣⵉⴳⵣⵜ ⵏⵏⵙⵏⵜ ⵙⴳ 1962.
ⵉⵙⴰⵡⵍ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴼ ⵉⵙⴰⵡⵓⵔⵏ ⵉⵅⴰⵜⴰⵔⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵜⵙⵏⵜⴰⵢⵉⵏ ⵏⵏⵙ ⵍⵍⵉ ⵙⴽⵔⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵜⴰⵎⵣⵡⴰⵔⵓⵜ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴷ ⵓⵏⵎⵏⴰⴹ, ⵙⵍⴰⵡⴰⵏ ⴰⴽⴽⵯ ⵜⵉⵏⵙⵔⴰⵢⵉⵏ ⵏ ⴰⵟⵍⴰⵚⵉ ⴷ ⵓⵜⵉⵢⵓ ⵏ ⴽⴳⴰⵣ, ⵉⴳ ⵍⵎⵖⵔⵉⴱ ⵉⵎⵉ ⵙ ⵉⴼⵔⵉⵇⵢⴰ ⴷ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⴷ ⵜⵎⴷⵔⴰⵡⵜ ⵍⵍⵉ ⵜⵔⴰ ⵙⵢⵓⵍ ⵙ ⵓⴳⵔⴰⵡ ⴰⵎⵣⵡⴰⵔⵓ ⴽⵓⵔⵢⴰ-ⵉⴼⵔⵉⵇⵢⴰ.