ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⴳⵯⵏⵙⴻⵙ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⵏ ⵙⴰⵍⴼⴰⴹⵓⵕ
ⵉⴳⵯⵏⵙⴻⵙ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⵏ ⵙⴰⵍⴼⴰⴹⵓⵕ ⵎⴰⵙⵙ ⵏⴰⵊⵉⴱ ⴰⵕⵎⴰⵏⴷⵓ ⴱⵓⴽⵉⵍⵉ ⵓⵔⵜⵉⵣ, ⴰⵙⵙ ⵏ ⵓⵚⵉⴹⵢⴰⵚ. ⵍⵍⵉ ⵎⵉ ⵉⵍⵍⴰ ⵡⴰⵍⴰⵙ ⵏ ⵓⵙⵜⴰⵢ ⵏⵏⵙ ⴳ ⴱⵕⴰⵢⵕ ⵉⵣⵔⵉⵏ ⵉ ⵜⵡⴰⵍⴰ ⵜⵉⵙ ⵙⵏⴰⵜ ⴷⴼⴼⵉⵔ ⵎⴰⴷ ⵢⵉⵡⵉ ⵜⴰⵡⴰⵍⴰ ⵜⴰⵎⵣⵡⴰⵔⵓⵜ ⵏ ⵉⵙⵜⴰⵢⵏ ⵏ ⵜⵏⵙⵙⵉⵅⴼⵜ ⵙ 84.65.
ⵜⵍⵍⴰ ⵜⴼⵓⴳⵍⴰ ⵏ ⵓⵙⵔⵙ ⵙ ⵜⵉⵍⵉⵜ ⵏ ⵉⵅⴰⵜⴰⵔⵏ ⵏ ⵉⵡⴰⵏⴽⵏ ⴷ ⵜⵏⴱⴰⴹⵉⵏ ⴷ ⵉⴳⵯⵏⵙⴰⵙⵏ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵉⵎⵙⵇⵇⴰⴷⵏ ⵍⵍⴰⵏⵉⵏ ⴳ ⵙⴰⵍⴼⴰⴹⵓⵕ.
ⴳ ⵜⴼⵓⴳⵍⴰ ⴰⴷ, ⵉⵏⵏⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉⵙⵔⵖⵓⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵉⵙⵔⵖⵓⴷⵏ ⵏⵏⵙ ⵙ ⵓⵎⵓⵔⵙ ⵜ ⵕⵕⵅⴰ ⴷ ⵜⵣⵣⵉⴳⵣⵜ ⵉ ⵙⵙⴰⵍⴼⴰⴹⵓⵕ.
ⵉⵎⵓⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⴱⵕⴰⵀⵉⵎ ⴱⴰⴷⵉ ⵍⵍⵉ ⵉⵡⴰⵍⴰⵏ ⵢⴰⵡⵓⵔⵉ ⵏ ⵜⵎⵙⵇⵇⴰⴷⵜ ⵏ ⵍⵎⵖⵔⵉⴱ ⴳ ⵙⵙⴰⵍⴼⴰⴹⵓⵕ.
ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⴰⴱⵔⴰⵜ ⵏ ⵓⵙⵙⵔⵖⴷ ⵉ ⵎⴰⵙⵙ ⵏⴰⵊⵉⴱ ⴰⵔⵎⴰⵏⴷⵓ ⴱⵓⴽⵉⵍⵉ ⵓⵔⵜⵉⵣ ⵙ ⵜⵎⵍⴷⴰ ⵏ ⵡⴰⵍⴰⵙ ⵏ ⵓⵙⵜⴰⵢ ⵏⵏⵙ, ⵜⵎⵓⵏ ⴷ ⵉⵙⵔⵖⵓⴷⵏ ⵏ ⵓⵎⵓⵔⵙ ⴳ ⵜⵏⴰⵔⴰ ⵏ ⵜⵎⴰⵣⵉⵔⵜ ⴰⴷ ⵜⴰⵎⴷⴷⴰⴽⴽⵯⵍⵜ ⵙ ⴽⵉⴳⴰⵏ ⵏ ⵜⵣⵣⵉⴳⵣⵜ ⴷ ⵣⵣⵀⵕⵜ.
ⵢⵉⵏⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙ ⵎⵓⵏⵏⵜ ⵙⵏⴰⵜ ⵜⵎⵉⵣⴰⵔ ⵙ ⵜⵣⴷⴰⵢⵉⵏ ⴷⵓⵙⵏⵉⵏ ⴱⴷⴷⵏⵉⵏ ⴼ ⵜⴷⴷⵓⴽⴽⵯⵍⴰ ⴷ ⵓⵙⵓⵜⴳ ⵉⵜⵜⵓⵙⵏⴼⴰⵍⵏ, ⵉⵙⵓⵜⴳ ⵜⴰⵣⵣⵉⴳⵣⵜ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵉⴳⵔⴰⵏ ⵛⵛⴰⵔⵏⵉⵏ.
ⵉⵙⵎⴰⵢⵏⵓ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⵙⵡⵓⵔⵉ ⵉ ⵜⵣⵣⵉⴳⵣⵜ ⴷ ⵎⴰⵙⵙ ⴱⵓⴽⵉⵍⵉ ⵓⵔⵜⵉⵣ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵙ ⵓⵙⵡⵉⵔ ⵉⵥⵉⵍⵏ ⵉⵍⵍⴰⵏ ⴳ ⵉⵏⴰⵔⵓⵣⵏ ⵏ ⵉⵎⴰⴷⴰⵏⵏ ⵉⵎⴷⴷⵓⴽⴽⵯⴰⵍ.