ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⴷⵔⵓ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴳ ⵜⵙⵎⵓⵏⵉ ⵏ ⵓⵙⵉⵔⴰ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴳ ⵎⴰⴷⵔⵉⴷ
ⵉⴷⵔⵓ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵕⴰⵙ ⴳ ⵎⴰⴷⵔⵉⴷ, ⴳ ⵜⵙⵎⵓⵏⵉ ⵏ ⵓⵙⵉⵔⴰ ⴷ ⵓⵙⵉⵔⴰ ⴰⵅⴰⵜⴰⵔ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ.
ⵜⵙⵙⵉⵅⴼ ⵜⴰⵙⵎⵓⵏ ⴰⴷ ⵎⴰⵙⵙⴰ ⴼⵕⴰⵏⵙⵉⵏⴰ ⴰⵔⵎⵉⵏⴳⵓⵍ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵚⴱⴰⵏⵢⴰ ⵜⴰⵏⵙⵙⵉⵅⴼⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⵙ ⵜⵉⵍⵉⵜ ⵏ ⵎⴰⵙⵙ ⴱⵉⴷⵔⵓ ⵎⴰⵏⵡⵉⵍ ⵕⵓⵍⴰⵏ ⵓⵅⵉⴷⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⴷ ⵎⴰⵙⵙ ⵎⴰⵕⴽ ⴰⵏⵊⵉⵍ, ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⴷ ⵎⴰⵙⵙ ⵎⵓⵃⴰⵎⵎⴰⴷ ⴰⴱⵓⵍⵄⵉⵏⵉⵏ, ⴰⵎⴰⵔⵉ ⵏ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵎⵉⵚⵕ, ⵉ ⵓⵣⴷⴰⵢ ⵏ ⵡⴰⴷⴷⴰ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴷ ⵓⵎⴹⴰⴽⴰⵕ ⵏ ⵓⵖⴰⵡⴰⵙ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ.
ⵉⵏⵏⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉ ⵎⴰⴱ ⵎⴰⵙ ⵜⴽⵛⵎ ⵜⴷⵔⴰⵡⵜ ⵏ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵓⵙⵎⵀⵍ ⵏ ⵓⵙⵉⵡⴹ ⴰⵎⴳⴳⴰⵔⵓ ⵏ ⵜⵙⵓⵜⵍⵜ ⵜⵉⵙ 17 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ: “ⵉⵎⴰⵏ ⵏ ⵕⵕⴱⴰⵟ”, ⵉⴳⴰⵏ ⴰⵍⵖⵓ ⵉ ⵜⴰⵎⵓⵏⵜ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ ⵏ ⵜⵙⴳⴰ ⵓⵕⵓⵜⴰⵏⴰⵎⵎⴰⵙⵜ.
ⵢⵉⵏⵉ ⵎⴰⵙ ⵜⴳⴰ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵓⵏⴰⵎⵎⴰⵙ ⴰⵙⴰⵢⵔⴰⵔ ⵏ ⵓⵎⵙⴰⵡⴰⵍ ⴷ ⵓⵎⵛⴰⵡⴰⵕ ⴼ ⵓⴼⵔⴰ ⴷ ⵓⵔⴳⴳⵉⴳ ⴷ ⵜⴳⵎⵉ, ⵢⵉⵏⵉ ⵎⴰⵙ ⵜⵙⵔⵙ ⵜⵙⵎⵓⵏⵉ ⴰⵖⴰⵡⴰⵙ ⵏ ⵜⵡⵓⵔⵉ ⵏ ⵜⵎⵙⵎⵓⵏⵜ ⴰⴷ.
ⵢⵉⵏⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⵡⴰⵜⵜⵙ ⵓⵏⵎⵓⵇⵇⴰⵔ ⴰⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ, ⴷ ⵓⵎⵣⴰⵖ ⵏ ⵜⵏⵓⴼⴰ ⴰⵜⵜⵓⵢⵏⵉⵏ ⵏ ⵍⵎⵖⵔⵉⴱ ⴳ ⵉⵏⵎⵓⵇⵇⴰⵔⵏ ⵉⴳⵔⴰⵖⵍⴰⵏⵏ.
ⵢⵉⵏⵉ ⵓⵍⴰ ⵎⴰⵙ ⵜⴳⴰ ⵜⵙⵎⵓⵏⵉ ⴰⴷ ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵜⵉⵎⴰⴷⴷⴰⵙⵉⵏ, ⴰⵎ ⴰⵙⴽⵔ ⵏ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⵙ ⵜⴷⵔⴰⵡⵜ ⵏ ⵙⵙⵉⵏⵉⴳⴰⵍ ⴷ ⵎⵓⵕⵉⵟⴰⵏⵢⴰ ⴳ ⵜⵙⵎⵓⵏⴰⵢ ⴷ ⵢⵓⵛⴽⴰⵏ.
ⴷⵔⵓⵏ ⵖ ⵓⵏⵎⵓⵇⵇⴰⵔ ⵉⴱⵕⵍⴰⵎⴰⵏⵏ ⵏ ⵓⵕⵓⴱⴱⴰ, ⵚⴱⴰⵏⵢⴰ, ⵎⵉⵚⵕ, ⵜⵓⵕⴽⵢⴰ, ⵉⵟⴰⵍⵢⴰ, ⵍⵎⵖⵔⵉⴱ. ⵉⴳⴰ ⴰⵙⴰⵢⵔⴰⵔ ⵏ ⵓⵎⵙⴰⵡⴰⵍ ⵅⴼ ⵓⵙⵓⵔⵙ ⵏ ⵜⴷⴳⴰ ⵜⴰⵎⴰⵎⵎⴰⵙⵜ ⴷ ⵉⵎⵏⴰⴷⵏ ⵏ ⵉⵎⴰⵍ.
ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵢⴰⵏ ⵙⴳ ⵉⵎⵙⴽⴰⵔⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴰⵎⵓⵏⵜ ⵉ ⵓⵏⴰⵎⵎⴰⵙ, ⵉⵙⵙⵉⵅⴼ ⵜⵜ ⴳ ⵎⴰⴷ ⵉⵣⵔⵉⵏ. ⵜⴳⴰ ⵜⵎⵙⵎⵓⵏⵜ ⴰⴷ ⴰⵏⵎⵓⵇⵇⴰⵔ ⵏ ⵓⵎⵙⴰⵡⴰⵍ ⴷ ⵓⵎⴹⴰⴽⴰⵕ ⴳ ⵜⴷⴳⴰ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ. ⴰⵔ ⵜⵜⵎⵓⵏ ⴳ ⵜⵙⵓⵜⵍⵜ ⴳ ⵓⵙⴳⴳⵯⴰⵙ, ⵙ ⵜⴷⵔⴰⵡⵜ ⵏ ⵉⴳⵏⵙⴰⵙⵏ ⵏ ⵉⵡⴰⵏⴽ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ ⴷ ⵉⵎⴷⵔⴰⵡⵏ ⴳ ⵜⵎⵉⵣⴰⵔ ⵏ ⵓⴼⵜⴰⵙ ⵏ ⵉⴼⴼⵓⵙ ⵏ ⵢⵉⵍ ⵓⵎⵍⵉⵍ ⴰⵏⴰⵎⵎⴰⵙ.