ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⴱⴰⵍⵉ-ⵉⵏⴷⵓⵏⵉⵙⵢⴰ: ⵉⴷⵔⵓ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵓⵏⵉ ⵜⴰⴱⵕⵍⴰⵎⴰⵏⵉⵜ ⵏ ⵜⵙⵓⵜⵍⵜ ⵜⵉⵙ 10 ⵏ ⵓⵏⵎⵓⵇⵇⴰⵔ ⴰⵎⴰⴹⵍⴰⵏ ⵏ ⵡⴰⵎⴰⵏ ⵙⴳ 19 ⴰⵔ 21 ⵎⴰⵢ 2024
ⵉⴷⵔⵓ ⵎⴰⵙⵙ ⵎⵓⵃⴰⵎⵎⴰⴷ ⵓⵣⵣⵉⵏ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵜⵙⵎⵓⵏⵉ ⵜⴰⴱⵔⵍⴰⵎⵏⵉⵜ ⴳ ⵓⵙⴰⵜⵉ ⵏ ⵜⵙⵓⵜⵍⵜ ⵜⵉⵙ 10 ⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵏ ⵡⴰⵎⴰⵏ, ⵙⴳ 19 ⴰⵔ 21 ⵎⴰⵢ 2024 ⴳ ⴱⴰⵍⵉ ⴳ ⵉⵏⴷⵓⵏⵉⵙⵢⴰ, ⴷⴷⵓ ⵜⵎⴰⵜⴰⵔⵜ: “ⴰⵎⴰⵏ ⵉ ⵓⴱⵓⵖⵍⵓ ⵉⵛⵛⴰⵔⵏ”.
ⴷⵔⵓⵏ ⴳ ⵓⵏⵎⵓⵇⵇⴰⵔ ⴰⴷ ⵜⵉⵏⴱⴰⴹⵉⵏ ⴷ ⵉⴱⵕⵍⴰⵎⴰⵏⵏ ⴷ ⵜⵎⵔⵙⴰⵍ ⵜⵉⴳⵜⵉⵔⴰⵏⵉⵏ ⴷ ⵉⴳⵏⵙⴰⵙⵏ ⵏ ⵢⵉⴳⵔ ⵓⵙⵍⵉⴳ ⴷ ⵡⴰⵎⵓⵏ ⴰⵖⵔⵎⴰⵏ ⵉ ⵓⵎⵢⴰⵡⴰⵙ ⴼ ⵜⵏⴰⵥⴰⵕⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵉⴳⵔⴰⵏ ⵏ ⵡⴰⵎⴰⵏ ⴷ ⵓⵙⴽⵔ ⵏ ⵜⵙⴳⵎⵉ ⵜⴰⵙⵓⵍⴰⵏⵜ.
ⵍⵍⴰⵏⵜ ⴳ ⵜⵙⵎⵓⵏⵉ ⴰⴷ ⵜⵉⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ ⴼ ⵓⵙⴷⵓⵙ ⵏ ⵓⵎⵙⴰⵡⴰⵍ ⴰⴱⵕⵍⴰⵎⴰⵏⵉ ⴷ ⵓⵙⵎⵖⵔ ⵏ ⵜⵎⵙⴰⵔⵉⵏ ⵜⵉⵡⵏⴹⴰⵏⵉⵏ ⴷ ⵓⵙⵏⴼⵍ ⵏ ⵉⵙⵡⵉⵏⴳⵉⵎⵏ ⴷ ⵜⵎⵙⴽⴰⵔ ⵥⵉⵍⵏⵉⵏ ⴳ ⵢⵉⴳⵔ ⵏ ⵓⵣⵣⵔⴰⴼ ⴷ ⵜⵏⵏⵓⴱⴹⴰ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵢⵉⴳⵔ ⴰⵡⵏⴹⴰⵏ.
ⵉⵙⴷⴷⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵓⵣⵣⵉⵏ, ⴳ ⵜⴽⵛⵛⵓⵎⵜ ⵏⵏⵙ, ⵎⴰⵙ ⵉⵔⴰ ⵓⵙⴽⵔ ⵏ ⵉⴼⵙⵙⴰⵢⵏ ⵜⵉⵔⴰⵜ ⵜⴰⵙⵉⵍⴰⵏⵜ ⵉⴳⴰⵏ ⵜⵉⵏ ⵜⵉⴷⵜ ⵉⴱⴷⴷⵏ ⴼ ⵓⵙⵡⵓⵔⵉ ⵉⵕⵡⴰⵏ ⴳ ⵢⵉⴳⵔ ⵏ ⵉⵙⵍⴳⵏⵏ ⴷ ⵓⵣⵣⴳⵉⵔ ⵏⵏⵙⵏ ⴷ ⵓⵎⵙⴰⵙⴰ ⵃⵎⴰ ⴰⴷ ⵜⵉⵍⵉ ⵜⵎⵔⴰⵔⵓⵜ ⴷ ⵢⵓⵙⴰⵏ ⵉ ⵜⵍⴰⵡⵜ ⵏ ⵓⴷⵔⵓⵙ ⵏ ⵡⴰⵎⴰⵏ.
ⵉⵙⴰⵡⵍ ⵓⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵜⵉⴳ ⵏ ⵜⵉⵍⴰⵍⵜ ⵏ ⵉⴱⵕⵍⴰⵎⴰⵏⵉⵢⵏ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵜⵉⵏⴰⵎⵓⵔⵉⵏ ⴳ ⵓⵏⵢⵍⴰⴽⴰⵎ ⴷ ⵓⵙⵙⴼⵔⴽ ⴼ ⵉⵙⵏⵜⵍⵏ ⵣⴷⵉⵏⵉⵏ ⴷ ⵡⴰⵎⴰⵏ, ⵢⵉⵏⵉ ⵎⴰⵙ ⴳⴰⵏ ⵉⵙⵏⴼⵍⵏ ⵏ ⵓⵏⵣⵡⵉ ⴰⵎ ⵜⴰⵏⴰⵥⴰⵕⵜ ⵜⴰⵅⴰⵜⴰⵔⵜ ⵍⵍⵉ ⵉⵔⴰⵏ ⵢⴰⵏ ⵓⵙⵎⴰⵇⵇⵍ ⵉⴼⴰⵡⵏ ⴷ ⵜⵙⵜⵔⴰⵜⵉⵊⵉⵜ ⵏ ⵜⵡⵓⵔⵉ ⵉⵕⵡⴰⵏ ⵉ ⵓⵙⴱⴷⴷⵉ ⵏ ⵜⵖⴰⵔⵜ ⴷ ⵓⵣⵡⴰⴳ ⵏ ⵓⵏⵣⵡⵉ ⴼ ⵜⴼⴳⴰⵏⵉⵜ ⴰⴽⴽⵯ.
ⴳ ⵜⴳⵉⵔⴰ, ⵉⵙⴷⴷⵉ ⵎⴰⵙⵙ ⵎⵓⵃⴰⵎⴰⵎⴷ ⵓⵣⵣⵉⵏ ⴼ ⵜⵡⵓⵔⵉ ⴷ ⵓⵙⵏⴼⵍ ⵏ ⵜⵎⵙⴽⴰⵔ ⵥⵉⵍⵏⵉⵏ, ⴷ ⵓⵣⴷⴰⵢ ⵏ ⵡⴰⴷⴷⴰⴷⵏ ⴷ ⵓⵓⵙⵎⵓⵙⵙⵓ ⵉⵕⵡⴰⵏ ⵉ ⵓⵔⵎⴰⵙ ⵏ ⵉⵙⵏⴼⵍⵏ ⵏ ⵓⴳⴰⵎⴰ, ⴷ ⵓⵙⵙⴰⵔⵓ ⵏ ⵜⵙⵓⴳⴰⵔ ⵏ ⵉⴱⵕⵍⴰⵎⴰⵏⵉⵢⵏ ⴳ ⵎⴰⵕⵕⴰ ⵉⵙⵡⵉⵔⵏ, ⵍⵍⵉ ⵜⵥⴹⴰⵕ ⵜⴷⵉⴱⵍⵓⵎⴰⵙⵉⵜ ⴰⴷ ⵜⴰⵡⵙ ⴳ ⵓⵙⴽⵔ ⵏ ⵜⵏⴼⵔⵓⵜ ⵏ ⵡⴰⵎⴰⵏ ⵉ ⴽⵓ ⵢⴰⵏ.
ⴳ ⵓⵏⵎⵓⵇⵇⴰⵔ ⵏ ⵡⴰⵎⴰⵏ ⵏ ⵓⵙⴳⴳⵯⴰⵙ ⴰⴷ, ⵉⴷⵔⵓ ⵎⴰⵙⵙ ⵃⴰⵣⵉⵣ ⴰⵅⵏⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴳ ⵜⵖⵉⵎⵉⵜ ⵏ ⵓⵏⵏⵓⵕⵣⵎ ⵉ ⵜⵉⴽⴽⵉ ⵏ ⵜⵓⵏⵖⵉⵍⵜ ⵜⵉⵙ ⵜⴰⵎⵜ ⵏ ⵜⵙⵎⵖⵓⵔⵜ ⵜⴰⵎⴰⴹⵍⴰⵏⵜ ⵏ ⵍⵃⴰⵙⴰⵏ ⵡⵉⵙ ⵙⵉⵏ ⵏ ⵡⴰⵎⴰⵏ ⵉ ⵜⵎⴰⴷⴷⴰⵙⵜ ⵏ ⵓⵜⵛⵓ ⴷ ⵜⴽⵔⵣⴰ (ⴼⴰⵡ) ⵉⴹⴼⵕⵏ ⵜⵉⵎⵜⵜⴰ ⵎⵓⵏⵏⵉⵏ.
ⴰⵔ ⵉⵜⵜⵉⵍⵉ ⵓⵏⵎⵓⵇⵇⴰⵔ ⴰⵎⴰⴷⵍⴰⵏ ⵏ ⵡⴰⵎⴰⵏ ⴽⵔⴰⵢⴳⴰⵜ ⴽⵕⴰⴹ ⵉⵙⴳⴳⵯⴰⵙⵏ ⵙⴳ ⵜⴰⵙⵓⵜⵍⵜ ⵜⴰⵎⵣⵡⴰⵔⵓⵜ ⵉⵍⵍⴰⵏ ⴳ ⵡⴰⵎⵓⵏ ⵡⴰⴽⵓⵛ ⴳ 1994, ⴳⵉⵙ ⴰⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⵅⴼ ⵜⵎⵙⴰⵔⵉⵏ ⵣⴷⵉⵏⵉⵏ ⴷ ⵡⴰⵎⴰⵏ.