ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵜⴷⵔⵓ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ ⴳ ⵜⵙⵎⵓⵏⵉ ⵏ ⵓⵙⵉⵔⴰ ⴰⵎⵣⵣⴳⴰⵔ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵜⴰⵅⴰⵜⴰⵔⵜ ⵜⴰⵎⴰⵜⵜⵓⵢⵜ ⵉ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓ ⴷ ⵓⵙⵎⵓⵜⵜⵉ ⴰⵎⵓⵟⵟⵓⵏ ⵉⴹⴼⵕⵏ ⴰⴱⵕⵍⴰⵎⴰⵏ ⴰⵄⵕⴰⴱ
ⵜⴷⵔⵓ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ, ⵜⴰⵏⴼⵍⵓⵙⵜ ⵏ ⵓⵙⵇⵇⵉⵎ, ⴰⵙⵉⵏⴰⵙ 27 ⴱⵕⴰⵢⵕ 2024 ⴳ ⵜⵙⵎⵓⵏⵉ ⵏ ⵓⵙⵉⵔⴰ ⴰⵎⵣⵣⴳⴰⵔ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵜⴰⵅⴰⵜⴰⵔⵜ ⵜⴰⵎⴰⵜⵜⵓⵢⵜ ⵉ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓ ⴷ ⵓⵙⵎⵓⵜⵜⵉ ⴰⵎⵓⵟⵟⵓⵏ ⵉⴹⴼⵕⵏ ⴰⴱⵕⵍⴰⵎⴰⵏ ⴰⵄⵕⴰⴱ, ⵙ ⵓⴼⵉⵣⵢⵓⴽⵓⵏⵉⴼⵉⵕⵓⵏⵚ.
ⵜⵍⵍⴰ ⵜⵙⵎⵓⵏⵉ ⴳ ⵓⵙⴰⵜⵉ ⵏ ⵉⵏⵎⵓⵇⵇⴰⵔⵏ ⵏ ⵜⵔⴰⴱⴱⵓⵜ ⵡⴰⵜⵜⵙⵏⵉⵏ ⴰⵣⵓⵣⵣⵔ ⵏ ⵜⴷⵍⵙⴰ ⵜⴰⵎⵓⵟⵟⵓⵏⵜ ⴳ ⵉⵡⴰⵏⴽⵏ ⵏ ⵡⴰⵄⵕⴰⴱⵏ ⴷ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵜⵉⵜⵉⴽⵏⵓⵍⵓⵊⵉⵢⵉⵏ.
ⵉⵍⵍⴰ ⵓⵎⴹⴽⴰⵕ ⵏ ⴽⵉⴳⴰⵏ ⵏ ⵉⵎⵔⵙⵉⵡⵏ ⴰⵎ ⴰⵎⵇⵇⵏ ⵏ ⵡⴰⴷⴷⵓⵔ ⵉⵥⵍⵉⵏ ⵙ ⵜⵡⵓⵔⵉ ⵏ ⵜⵔⴰⴱⴱⵓⵜ, ⴰⵙⵎⵏⵉⴷ ⵅⴼ ⵓⵙⴽⵔ ⵏ ⵓⵥⵟⵟⴰ ⴰⵍⵉⴽⵟⵕⵓⵏⵉ ⵊⴰⵔ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ.
ⵜⵙⴷⴷⵉⴷ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ ⴼ ⵡⴰⵜⵉⴳ ⵏ ⵓⵙⵎⵔⵙ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⴳ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⴷⵔⵉⵣⵏ ⵏⵏⵙ ⵍⵍⵉ ⵔⴰⴷ ⵢⵉⵍⵉ ⴼ ⵜⵡⵓⵔⵉ ⴷ ⵓⵏⴳⵔⴰⵡ ⵏ ⵡⴰⵜⵉⴳⵏ ⴰⵄⵕⴰⴱⵏ ⴷ ⵓⵙⵍⵉⵎⵏ.
ⵜⵙⵓⵜⴳ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ ⵓⵍⴰ ⴰⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵉⴱⵕⵍⴰⵎⴰⵏⵏ ⴰⵄⵕⴰⴱⵏ ⴳ ⵎⴰⴷ ⵉⵥⵍⵉⵏ ⵙ ⵓⵙⴽⵔ ⵏ ⵓⵥⵟⵟⴰ ⴷ ⵓⵙⵎⵔⵙ ⵏ ⵜⵖⵉⵙⵜ ⵜⴰⵎⴳⵓⵔⴰⵏⵜ ⵉ ⵓⵙⴷⵓⵙ ⵏ ⵓⵎⵢⴰⵡⴰⴹ ⴷ ⵓⴷⵔⴰⵡ ⵏ ⵜⵎⵓⵣⴰⵢⵉⵏ ⵏ ⵜⵉⴹⴰⴼ ⴷ ⵜⵉⵏ ⵓⵣⵣⵔⴰⴼ ⵊⴰⵔ ⵉⴱⵕⵍⴰⵎⴰⵏⵏ ⴰⴷ.
ⵜⴳⴰ ⵜⵙⵎⵓⵏⵉ ⵜⴰⵎⵍⴷⴰ ⵏ ⵓⵙⵓⵜⴳ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵓⵎⵏⵉⴷ ⵏ ⵓⵙⵎⵓⵟⵟⵓⵏ ⵏ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ.