ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⴱⵕⵉⵟⴰⵏⵢⴰ: ⴰⵔⵣⴰⴼ ⵏ ⵜⵡⵓⵔⵉ ⵏ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ
ⵉⵙⵙⵏⵜⵉ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ, ⴰⵔⵣⴰⴼ ⵏ ⵜⵡⵓⵔⵉ ⵉ ⴱⵕⵉⵟⴰⵏⵢⴰ ⵙ ⵜⵖⵔⵉ ⵏ ⵜⵔⴰⴱⴱⵓⵜ ⵏ ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ, ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ.
ⵢⵓⵎⴰ ⵓⴽⴰⴱⴰⵕ ⴰⴷ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ: ⵎⵓⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⵏ ⵓⵏⵙⵙⵉⵅⴼ (ⵜⴰⵥⵖⵕⵜ ⴷ ⵜⵎⴰⵜⵔⴰⵔⵜ), ⵎⵓⵃⴰⵎⵎⴰⴷ ⵊⵓⴷⴰⵔ (ⵜⴰⵎⵓⵏⵜ ⵜⴰⴷⵙⵜⴰⵔⵜ), ⵏⴰⴷⵢⴰ ⵜⵀⴰⵎⵉ (ⴰⵍⴰⵢ ⴷ ⵜⵙⵔⵎⵓⵏⵜ), ⵣⴰⵢⵏⴰ ⵉⴷⵃⵍⵉ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⵄⴰⴱⴷ ⵍⵄⴰⵣⵉⵣ ⵍⴰⵛⵀⴰⴱ (ⵜⴰⵔⴰⴱⴱⵓⵜ ⵜⴰⵙⵉⵎⴰⵏⵜ), ⵉⵍⵀⴰⵎ ⵙⵙⴰⵇⵉ (ⵜⴰⵥⵖⵕⵜ ⴷ ⵜⵎⴰⵜⵔⴰⵔⵜ).
ⵉⵍⵍⴰ ⵓⵔⵣⴰⴼ ⴰⵔ 23 ⴱⵕⴰⵢⵕ, ⵔⴰⴷ ⴳⵉⵙ ⵢⵉⵍⵉ ⵓⵎⴹⴰⴽⴰⵕ ⴷ ⵜⵏⴱⴰⴹⵜ ⵜⴰⴱⵕⵉⵟⴰⵏⵉⵜ ⴷ ⵉⵙⵇⵇⵉⵎⵏ ⵏ ⵓⴳⴷⵓⴷ ⴷ ⵍⵍⵓⵕⴷⴰⵜ. ⵖⵎⴽ ⴰⵏⵏ ⴷ ⵜⵙⵎⵓⵏⴰⵢ ⴷ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⴷ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⴳ ⴳⴳⵓⵜⵏ ⵉⴽⴰⴱⴰⵕⵏ (APPG-ⵍⵎⵖⵔⵉⴱ), ⵜⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵍⴽⵓⵎⴰⵏⵡⵉⵍⵜ, ⵜⵉⵎⵔⵙⵍⵜ ⵏ ⵡⵉⵙⵜⵎⵉⵏⵙⵜⵔ.
ⵉⵍⵍⵣ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵉⵙⵏⴼⵍⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ, ⵍⵍⵉⵖ ⵉⵍⵍⴰ ⵡⴰⵍⴰⵙ ⵏ ⵓⵙⴽⵔ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴱⵕⵉⵟⴰⵏⵉⵜ ⴳ ⴳⴳⵓⵜⵏ ⵉⴽⴰⴱⴰⵕⵏ, ⴷ ⵓⵙⴽⵔ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⴳ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ.
ⴳ ⵓⵙⴳⴳⵯⴰⵙ ⵉⵣⵔⵉⵏ, ⵜⵙⴽⵔ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵜⴰⴱⵕⵉⵟⴰⵏⵉⵜ ⴰⵔⵣⴰⴼ ⵉ ⵍⵎⵖⵔⵉⴱ ⴷ ⵜⵙⴳⴰ ⵏ ⴷⴷⴰⵅⵍⴰ ⵡⴰⴷⵉ ⴷⴷⴰⵀⴰⴱ; ⵉ ⵓⵙⵙⵏ ⵏ ⵜⴷⵉⵏⴰⵎⵉⵜ ⵏ ⵉⵎⵏⴰⵏⴹⵏ ⵉⴼⴼⵓⵙ ⵏ ⵜⴳⵍⴷⵉⵜ.