ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵙⴷⴷⵉⴷ ⴼ ⵜⵉⵍⴰⵍⵜ ⵉⵙⵜⴰⵡⵀⵎⵎⴰⵏ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴳ ⵓⵙⵎⵖⵔ ⵏ ⵓⵎⵢⴰⵡⴰⵙ ⵊⴰⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ (ⴰⵙⵉⵡⴹ ⵉⵛⵛⴰⵔⵏ)
ⵉⵙⴷⴷⵉⴷ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵍⵎⵖⵔⵉⴱ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵕⵉⵟⴰⵏⵢⴰ ⴼ ⵜⵉⵍⴰⵍⵜ ⵉⵙⵜⴰⵡⵀⵎⵎⴰⵏ ⵏ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵉⵣⴰⵔ ⵜⴰⵢⵜⵎⴰⵜⵉⵏ.
ⵉⵍⵍⴰ ⴳ ⵓⵙⵉⵡⴹ ⵉⵛⵛⴰⵔⵏ ⴷⴼⴼⵉⵔ ⵏ ⵓⵔⵣⴼⴰ ⵏ ⵜⵡⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵓⴽⴰⴱⴰⵕ ⵏⵏⵙ ⵉ ⵏⵡⴰⴽⵛⵓⵟ ⵓⵙⵙⴰⵏ ⵏ 9 ⴷ 10 ⴱⵕⴰⵢⵕ ⵙ ⵜⵖⵔⵉ ⵏ ⵎⴰⵙⵙ ⵎⵓⵃⴰⵎⵎⴰⴷ ⴱⵎⴱ ⵎⴽⵜ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵎⵓⵕⵉⵟⴰⵏⵢⴰ.
ⵢⵉⵡⵉⴷ ⵓⵙⵉⵡⴹ ⴰⵙⵎⵖⵔ ⵏ ⵓⵎⵢⴰⵡⴰⵙ ⴳ ⵉⴳⵔ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵙ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵓⵙⵎⵓⵜⵜⴳ ⴷ ⵓⵎⵢⴰⵡⴰⴹ ⴰⵙⵍⵉⵥⵉⵕ ⴷ ⵜⴷⵉⴱⵍⵓⵎⴰⵙⵉⵜ ⵜⴰⴱⵕⵍⴰⵎⴰⵏⵉⵜ ⴷ ⵓⵎⵢⴰⵡⴰⴹ ⴰⵎⵙⵙⵓⴳⵓⵔ ⴰⴱⵕⵍⴰⵎⴰⵏⵉ.
ⵢⵉⵍⵉ ⵓⵍⴰ ⵓⵙⴷⴷⵉⴷ ⴼ ⵓⵙⴽⵔ ⵏ “ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⵎⵓⵔⵉⵟⴰⵏⵉ ⴰⵎⵖⵔⵉⴱⵉ”, ⴳ ⵎⴰⴷ ⵢⴰⵥⵏ ⵃⵎⴰ ⴰⴷ ⵢⴰⵎⵓ ⵉⴳⵏⵙⴰⵙⵏ ⵏ ⵜⵏⴱⴰⴹⵜ ⴷ ⵉⴷ ⴱⴰⴱ ⵏ ⵜⵡⵓⵔⵉ ⴷ ⵉⵎⵓⵣⴰⵢⵏ ⴳ ⵙⵏⴰⵜ ⵜⵎⵉⵣⴰⵔ.
ⵢⵉⵍⵉ ⵓⵙⴷⴷⵉⴷ ⵎⴰⵙ ⵣⴷⵉⵏⵜ ⵜⵣⴷⴰⵢⵉⵏ ⵥⵉⵍⵏⵉⵏ ⵊⴰⵔ ⵜⴳⵔⴰⵡⵉⵏ ⵜⵉⵣⵣⵔⴰⴼⵉⵏ ⴷ ⵓⵙⴳⴷ ⴷ ⵜⵖⵔⵎⴰ ⴷ ⵓⵎⵣⵔⵓⵢ ⵍⵍⴰⵏⵉⵏ ⵊⴰⵔ ⵉⵎⴰⴷⴰⵏⵏ ⴳ ⵎⵓⵕⵉⵟⴰⵏⵢⴰ ⴷ ⵍⵎⵖⵔⵉⴱ.
ⵢⵉⵏⵉ ⵓⵙⵉⵡⴹ ⵎⴰⵙ ⵉⵎⴹⴰⴽⴰⵕ ⵓⴽⴰⴱⴰⵕ ⵏ ⵍⵎⵖⵔⵉⴱ ⴷ ⵡⵉⵏ ⵎⵓⵕⵉⵟⴰⵏⵢⴰ ⴼ ⵓⴷⵎⴰⵡⵏ ⵏ ⵓⵎⵢⴰⵡⴰⵙ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⵙⴷⴷⵉⴷⵏ ⴼ ⵓⵙⴷⵓⵙ ⵏ ⵜⵣⴷⴰⵢⵉⵏ ⴰⴷ ⵃⵎⴰ ⴰⴷ ⵉⵍⵉⵏⵜ ⴳ ⵓⵙⵡⵉⵔ ⵏ ⵜⵉⵔⴰⵜ ⵜⴰⵎⴰⵜⵜⵓⵢⵜ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵓⵏⵙⵙⵉⵅⴼ ⵎⵓⵃⴰⵎⵎⴰⴷ ⵡⵍⴷ ⵛⵛⵉⵅ ⵍⵖⵣⵡⴰⵏⵉ ⵔⴰⵏⵉⵏ ⴰⵙⵎⵖⵔ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵉ ⵓⵙⵡⵉⵔ ⴰⵙⵜⵔⴰⵜⵉⵊⵉ ⵏ ⵓⵎⵢⴰⵡⴰⵙ ⵉⵅⴰⵜⵔⵏ ⵉⵎⵙⴰⵙⴰⵏ ⴷ ⵜⵣⴷⴰⵢⵉⵏ ⴷ ⵜⵓⴼⵔⴰⵢⵉⵏ ⵏ ⵓⵙⵓⵜⴳ ⴷ ⵜⴳⵯⵎⴰⵜ ⵊⴰⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ.
ⵉⵏⵉⵏ ⵙⵉⵏ ⵉⴽⴰⴱⴰⵕⵏ ⵎⴰⵙ ⴷ ⵉⵇⵇⴰⵏ ⵓⵚⴽⵓ ⵏ ⵜⴰⵎⵓⵏⵜ ⵜⴰⵎⵖⴰⵔⵉⴱⵉⵜ ⵍⵍⵉ ⵔⴰⴷ ⵉⴳ ⴰⵙⵜⴰⵢ ⴰⵙⵜⵕⴰⵜⵉⵊⵉ ⴷ ⵓⵎⵎⵉⵥ ⵉⵙⵜⴰⵡⵀⵎⵎⴰⵏ, ⴷ ⵓⵙⵎⵖⵔ ⵏ ⵜⵓⴳⴳⴰⵙ ⴷⴰⵜ ⵏ ⵜⴱⴱⴰⵢⴹⴰⵕⵉⵏ ⴷⴰⵜ ⵏ ⵜⴰⵎⵓⵏⵜ ⵜⴰⵎⴰⵖⴰⵔⵉⴱⵉⵜ.
ⵢⵉⵏⵉ ⵓⵙⵉⵡⴹ ⵉⵛⵛⴰⵔⵏ ⵎⴰⵙ ⵉⵖⵔⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉ ⵎⴰⵙ ⵎⵓⵃⴰⵎⵎⴰⴷ ⴱⵎⴱ ⵎⴽⵜ ⵉ ⵓⵔⵣⴰⴼ ⵏ ⵜⴳⵯⵎⴰⵜ ⴷ ⵜⴷⴷⵓⴽⴽⵯⵍⴰ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ. ⵉⵡⴰⵜⵜⵙ ⵓⵔⵣⴰⴼ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵓⵣⴷⴰⵢ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.
ⵢⵓⵎⴰ ⵓⴽⴰⴱⴰⵕ ⴰⵎⵖⵔⵉⴱ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵏⵓⵕⴷⴷⵉⵏ ⵎⴹⵢⴰⵏ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵎⴰⵙⵙ ⵄⴰⴱⴷⵕⵕⴰⵃⵉⵎ ⵛⴰⵀⵉⴷ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ, ⵎⴰⵙⵙ ⵛⵛⴰⵡⵉ ⴱⵍⵄⵙⵙⴰⵍ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⴷⵙⵜⴰⵔⵜⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ, ⵎⴰⵙⵙ ⵕⴰⵛⵉⴷ ⵃⵎⵓⵏⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⵎⴰⵙⵙⵄⴰⴱⴷⵓⵍⵍⴰⵀ ⴱⵓⵡⴰⵏⵓ ⴰⵏⵙⵙⵉⵅⴼ ⵏ ⵜⴳⵔⵓⵎⵎⴰ ⵏ ⵜⵣⵔⴼⵜ ⴷ ⵜⴳⵎⵉ.