ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵏⵡⴰⴽⵛⵓⵟ: ⴰⵎⴹⴰⴽⴰⵕ ⵊⴰⵔ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⵓⵏⴳⴳⵯⵓ ⵏⵏⵙ ⴰⵎⵓⵕⵉⵟⴰⵏⵉ ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ
ⵉⵎⴹⴰⴽⴰⵕ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵎⵓⵃⴰⵎⵎⴰⴷ ⴱⵎⴱ ⵎⴽⵜ, ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵎⵓⵕⵉⵟⴰⵏⵢⴰ, ⴰⵙⵉⵎⵡⴰⵙ, ⴼ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ.
ⵢⵉⵍⵉ ⵓⵎⴹⴽⴰⵕ ⴼ ⵓⵙⵎⵖⵔ ⵏ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⵜⴰⴱⵕⵍⴰⵎⴰⵏⵉⵜ ⵉ ⵓⵙⵎⵖⵔ ⵏ ⵜⴷⵉⵏⴰⵎⵉⵜ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ.
ⵉⵙⴷⴷⵉⴷ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⵉⵍⵍⴰⵏ ⴼ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵎⵓⵕⵉⵟⴰⵏⵢⴰ, ⴼ ⵜⴷⵓⵙⵉ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵍⵍⵉ ⵣⵣⵉⴳⵣⵏⵉⵏ ⵙ ⵜⵏⴰⵔⴰ ⵉⵥⵉⵍⵏ ⵏ ⵉⵅⴰⵜⴰⵔⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵓⵏⵙⵙⵉⵅⴼ ⴰⵎⵓⵕⵉⵟⴰⵏⵉ ⵎⵓⵃⴰⵎⵎⴰⴷ ⵡⵍⴷ ⵛⵛⵉⵅ ⵍⵖⵣⵡⴰⵏⵉ.
ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⴰⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵓⵙⵎⵖⵔ ⵏ ⵜⵣⴷⴰⵢⵉⵏ ⵊⴰⵔ ⵜⵉⵎⵉⵣⴰⵔ ⵜⴰⵢⵜⵎⴰⵜⵉⵏ.
ⵉⵙⵙⴽⵯⵜⵉ ⴷ ⵓⵍⴰ ⴰⵙⴽⵔ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵍⵎⵖⵔⵉⴱ ⵎⵓⵕⵉⵟⴰⵏⵢⴰ ⴳ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵕⵉⵟⴰⵏⵢⴰ, ⴰⵢⵍⵍⵉ ⵔⴰⴷ ⵉⵕⵥⵎ ⵉⵎⵏⴰⴷⵏ ⵉⵎⵇⵔⴰⵏⵏ ⵉ ⵜⵡⵓⵔⵉ ⵜⴰⴱⵕⵍⴰⵎⵏⵉⵜ ⵊⴰⵔ ⵙⵏⴰⵜ ⵜⵎⵉⵣⴰⵔ.
ⵉⵙⴰⵡⵍ ⵎⴰⵙⵙ ⵟⴰⵍⴱⵉ ⵍⵄⴰⵍⵎⵉ ⴼ ⵜⵉⵔⴰⵜ ⵉ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⴽⴷ ⵎⵓⵕⵉⵟⴰⵏⵢⴰ ⵍⵍⵉ ⵉⵣⵡⴰⵔⵏ ⴷⴰⵔ ⵍⵎⵖⵔⵉⴱ, ⵙ ⵓⵎⵙⴰⵙⴰ ⴷ ⵉⵙⵡⴰⵍⴰⵢⵏ ⵉⴳⵍⴷⴰⵏⵏ ⵉⵎⴰⵜⵜⵓⵢⵏ ⵡⴰⵜⵜⵙⵏⵉⵏ ⴰⵙⴷⵓⵙ ⵏ ⵜⵣⴷⴰⵢⵉⵏ ⴰⴽⴷ ⵜⵉⵎⵉⵣⴰⵔ ⵏ ⵉⴼⵔⵉⵇⵢⴰ.
ⴳ ⵓⵎⵏⵉⴷ ⵏⵏⵙ, ⵉⵙⴷⴷⵉ ⵎⴰⵙⵙ ⴱⵎⴱ ⵎⴽⵜ ⵎⴰⵙ ⵉⵎⵓⵏ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ ⴳ ⵜⵣⴷⴰⵢⵉⵏ ⴷⵔⴰⵏⵉⵏⴱⴷⴷⵏⵉⵏ ⴼ ⵓⵎⵣⵔⵓⵢ ⵉⵛⵛⴰⵔⵏ ⴷ ⵡⴰⵢⴷⴰ ⴰⴷⵍⵙⴰⵏ ⵉⵛⵛⴰⵔⵏ ⵉⴳⴰⵏ ⵜⴰⵔⵙⵍⵜ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉⵍⵍⴰⵏⴳ ⵓⵙⵡⵉⵔ ⵏ ⵉⵏⴰⵔⵓⵣⵏ ⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵉⵣⴰⵔ.
ⵜⵉⵡⵙ ⵜⴷⵉⵏⴰⵎⵉⵜ ⵏ ⵓⵎⵢⴰⵡⴰⵙ ⴰⴷ ⴳ ⵓⵙⴽⵔ ⵏ ⵓⵎⵎⵉⵥⵏ ⵙⵜⴰⵡⵀⵎⵎⴰⵏⵉⵏ ⴳⴰⵏⵉⵏ ⵜⴰⵔⵙⵍⵜ ⵏ ⵜⵡⵓⵔⵉ ⵉⵛⵛⴰⵔⵏ ⴷⴰⵜ ⵏ ⵜⵏⴰⵥⴰⵕⵉⵏ ⵏ ⵉⵎⴰⵍ, ⴷ ⵉⵎⴰⵍ ⵉⵥⵉⵍⵏ ⵏ ⵜⵙⴳⴰ ⵏ ⵍⵎⵖⵔⵉⴱ ⴰⵎⵇⵔⴰⵏ.
ⵉⴳⴰ ⵓⵏⵎⵓⵇⴰⵔ ⴰⴷ ⵜⴰⵎⵍⴷⴰ ⵏ ⵓⵙⵉⵙⴼⵉⵡ ⵏ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴷ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵎⴰⵏⵏⴰⵡⵉⵏ.
ⵃⴰⴹⵕⵏ ⴳ ⵓⵏⵎⵓⵇⵇⴰⵔ ⴰⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵜⵓⵣⵍⵜ ⴷ ⵜⵓⴳⵜ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ ⵎⵓⵕⵉⵟⴰⵏⵢⴰ, ⴷ ⵎⴰⵙⵙ ⵃⴰⵎⵉⴷ ⵛⵓⴱⴰⵕ ⴰⵎⵙⵇⵇⴰⴷ ⵏ ⵍⵎⵖⵔⵉⴱ ⴳ ⵎⵓⵕⵉⵟⴰⵏⵢⴰ.
ⵉⵖⵔⴰ ⵎⴰⵙⵙ ⵎⵓⵃⴰⵎⵎⴰⴷ ⴱⵎⴱ ⵎⴽⵜ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⴳ ⵎⵓⵕⵉⵟⴰⵏⵢⴰ ⵉ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⴽⴰⴱⴰⵕ ⵏⵏⵙ ⵉ ⵓⵔⵣⴰⴼ ⵏ ⵜⵡⵓⵔⵉ ⵓⵙⵙⴰⵏ ⵏ 9 ⴷ 10 ⴱⵕⴰⵢⵕ.
ⵢⵓⵎⴰ ⵓⴽⴰⴱⴰⵕ ⴰⵎⵖⵔⵉⴱ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ, ⵎⴰⵙⵙ ⵎⵓⵃⴰⵎⵎⴰⴷ ⵖⵉⵢⵢⴰⵜ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙⵙ ⵏⵓⵕⴷⴷⵉⵏ ⵎⴹⵢⴰⵏ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜⵜⴰⵙⵉⵎⴰⵏⵜ ⵉ ⵜⵎⵓⵏⵉ ⴷ ⵢⵉⵙⴽⵉⵍ, ⵎⴰⵙⵙ ⵄⴰⴱⴷⵕⵕⴰⵃⵉⵎ ⵛⴰⵀⵉⴷ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⵙⵔⵎⵓⵏⵜ-ⵜⵓⵣⵍⵜ ⵏ ⵍⵉⵜⵜⵉⵃⴰⴷ, ⵎⴰⵙⵙ ⵛⵛⴰⵡⵉ ⴱⵍⵄⵙⵙⴰⵍ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵜⴰⴷⵙⵜⴰⵔⵜⵜⴰⴷⵉⵎⵓⵇⵔⴰⵟⵉⵜ ⵜⴰⵏⴰⵎⵓⵏⵜ, ⵎⴰⵙⵙ ⵕⴰⵛⵉⴷ ⵃⵎⵓⵏⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ, ⵎⴰⵙⵙⵄⴰⴱⴷⵓⵍⵍⴰⵀ ⴱⵓⵡⴰⵏⵓ ⴰⵏⵙⵙⵉⵅⴼ ⵏ ⵜⴳⵔⵓⵎⵎⴰ ⵏ ⵜⵣⵔⴼⵜ ⴷ ⵜⴳⵎⵉ.
ⵉⵡⴰⵜⵜⵙ ⵓⵔⵣⴰⴼ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⵙⵏⴰⵜ ⵜⵎⵉⵣⴰⵔ ⴷ ⵓⵣⴷⴰⵢ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.