ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⴱⵔⵓⴽⵙⵉⵍ: ⴰⵔⵣⴰⴼ ⵏ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⵙⵏ ⵏ ⵜⵉⵔⵎⵉⵜ ⵏ ⵜⵙⵉⵏⵔⴰⵏⵜ ⵜⴰⵙⵏⵉⵍⵙⵜ ⴳ ⴱⵉⵍⵊⵉⴽ
ⵉⵍⵍⴰ ⵓⴽⴰⴱⴰⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⴽⵡⴰⵙ, ⴳ ⵓⵔⵣⴰⴼ ⵏ ⵜⵡⵓⵔⵉ ⵉ ⵓⴱⵕⵍⴰⵎⴰⵏ ⴰⴼⵉⴷⵉⵕⴰⵍⵉ ⵏ ⴱⵔⵓⴽⵙⵉⵍ, ⴼ ⵔⵉⵔⵎⵉⵜ ⵏ ⵓⵙⵖⵣⵏ ⵏ ⵜⵙⵉⵏⵔⴰⵏⵜ ⵜⴰⵙⵏⵉⵍⵙⵜ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵏ ⴱⵉⵍⵊⵉⴽ.
ⵉⵍⵍⴰ ⵓⵔⵣⴰⴼ ⴰⴷ ⴰⵔ ⴰⵙⵙ ⵏ ⵓⵙⵉⵎⵡⴰⵙ ⴳ ⵓⵙⴰⵜⵉ ⵏ ⵓⵙⵏⴼⴰⵔ ⵏ ⵜⴳⵯⵎⴰⵜ ⵉⵍⵍⴰⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⴳ ⵎⴰⴷ ⵉⵥⵍⵉⵏ ⵙ ⵜⵉⵕⵡⵉ ⵏ ⵓⵙⴽⵔ ⵏ ⵜⵥⵍⴰⵢⵉⵏ ⵜⵉⴷⵙⵜⴰⵔⵉⵏ.
ⵉⵏⵏⴰ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ, ⵉ ⵍⴰⵎⴰⴱ ⴷⴼⴼⵉⵔ ⵏ ⵓⵏⵎⵓⵇⵇⴰⵔ ⴰⴽⴷ ⵉⵍⵢⴰⵏ ⵜⵉⵍⵉⵡ, ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴱⵕⵍⴰⵎⴰⵏ ⵏ ⴱⵉⵍⵊⵉⴽ, ⵎⴰⵙ ⵉⵍⵍⴰ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵜⵎⵢⴰⵇⵇⴰⵏⵜ ⵉⵍⵍⴰⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵊⴰⵔ ⵍⵎⵖⵔⵉⴱ ⴷ ⴱⵉⵍⵊⵉⴽ.
ⵢⵉⵏⵉ ⵎⴰⵙⵙ ⵚⵚⴱⴰⵕⵉ ⵎⴰⵙ ⵜⴳⴰ ⵜⵉⵔⵎⵉⵜ ⵏ ⴱⵉⵍⵊⵉⴽ ⵜⴰⴷ ⵉⴱⵓⵖⵍⴰⵏ ⵉ ⵍⵎⵖⵔⵉⴱ, ⵍⵍⵉⵖ ⴳⵉⵙ ⵙⵏⴰⵜ ⵜⵓⵜⵍⴰⵢⵉⵏ ⵜⵉⵎⴰⴷⴷⵓⴷⵉⵏ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵙⵖⵣⵏ ⵓⴷⵓⵙⵜⵓⵔ ⵏ 2011 ⵜⴰⵎⴰⵣⵉⵖⵜ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⵏ ⵜⵎⴰⵣⵉⵔⵜ.
ⵢⵉⵏⵉ ⵓⵍⴰ ⵎⴰⵙ ⴷ ⵉⵇⵇⴰⵏ ⵓⵙⵙⵏ ⵏ ⵜⵙⵉⵏⵔⴰⵏⵜ ⵜⴰⵙⵏⵉⵍⵙⵜ ⴳ ⵓⴱⵕⵍⴰⵎⴰⵏ ⵏ ⴱⵉⵍⵊⵉⴽ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵉⵍⵍⴰ ⵓⵙⵡⵓⵔⵉ ⵙ ⵜⵉⵔⵎⵉⵜ ⴰⴷ ⴳ ⵜⵖⵉⵎⵉⵜⵉⵏ ⵜⵉⵎⴰⵜⴰⵢⵉⵏ, ⴷ ⵎⴰⴷ ⵢⴰⵥⵏ ⴳ ⵜⵖⵉⵎⵉⵜⵉⵏ ⵏ ⵜⵙⵇⵇⵉⵎⵉⵏ ⴷ ⵓⵏⵜⴰⵎ.
ⵢⵉⵏⵉ ⵎⴰⵙⵙ ⵚⵚⴱⴱⴰⵕⵉ, ⵎⴰⵙ ⵉⴳⴰ ⵓⵎⴹⴰⴽⴰⵕ ⴰⴽⴷ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⴱⵕⵍⴰⵎⴰⵏ ⵏ ⴱⵉⵍⵊⵉⴽ, ⵜⴰⵎⵍⴷⴰ ⵏ ⵓⵎⴹⴰⴽⴰⵕ ⵏ ⵉⵎⵔⵙⵉⵡⵏ ⵛⵛⴰⵔⵏⵉⵏ ⴰⵎ ⴰⵣⵡⴰⴳ ⴷ ⵓⵏⵣⵡⵉ ⴷ ⵓⵙⵍⴳⵏ ⴰⵏⴱⴽⴰⴹ ⴷ ⵓⵍⵓⴳⵏ ⵏ ⵜⵓⵡⵊⴰ.
ⴳ ⵓⵔⵣⴰⴼ ⴰⴷ, ⵔⴰⴷ ⵢⵉⵍⵉ ⵓⵙⵙⵏ ⵏ ⵎⴰⵕⵕⴰ ⵜⵉⵏⵓⴼⴰ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⴰⴼⵉⴷⵉⵕⴰⵍⵉ ⵏ ⴱⵉⵍⵊⵉⴽ.
ⵢⵓⵎⴰ ⵓⴽⴰⴱⴰⵕ ⴰⴷ: ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⵎⴰⵙⵙⴰ ⵣⴰⵢⵏⴰ ⵉⴷⵃⵍⵉ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⵉⵍⵀⴰⵎ ⵙⵙⴰⵇⵉ (ⵜⴰⵥⵕⵜ ⴷ ⵜⵎⴰⵜⵔⴰⵔⵜ), ⵃⴰⵙⴰⵏ ⴱⵏ ⵄⵓⵎⴰⵕ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ).