ⵉⵙⵏⵓⴱⴳ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵉⵙⵡⵓⵔⵉⵏ ⵙ ⵜⵎⵓⴽⵔⵉⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⵙⵓⵔⵉⵏ ⵣⵔⵉⵏⵉⵏ ⵜⴰⵎⵓⵔⵜ ⴷ ⵜⵎⵔⵙⴰⵍ ⴹⴼⵕⵏⵉⵏ ⵜⴰⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ

ⵉⵙⵏⵓⴱⴳ ⵎⴰⵙⵙ ⵎⵓⵃⴰⵎⵎⴰⴷ ⵚⵚⴱⴱⴰⵕⵉ, ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵢⵏⴰⵙ 29 ⵉⵏⵏⴰⵢⵔ 2024 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⵎⴰⵙⵙ Damilola Sunday Olawuyi ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵉⵙⵡⵓⵔⵉⵏ ⵙ ⵜⵎⵓⴽⵔⵉⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⵙⵓⵔⵉⵏ ⵣⵔⵉⵏⵉⵏ ⵜⴰⵎⵓⵔⵜ ⴷ ⵜⵎⵔⵙⴰⵍ ⵢⴰⴹⵏⵉⵏ ⵏ ⵜⵡⵓⵔⵉⵡⵉⵏ ⴹⴼⵕⵏⵉⵏ ⵜⴰⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ, ⵉⵍⵍⴰⵏ ⴳ ⵓⵔⵣⴰⴼ ⵉ ⵍⵎⵖⵔⵉⴱ ⵙ ⵜⵖⵔⵉ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.  

ⵉⵙⴰⵡⵍ ⵎⴰⵙⵙ ⵚⵚⴱⴱⴰⵕⵉ ⵎⴰⵙ ⵢⵓⵊⴰⴷ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⴷⵓⵙ ⵏ ⵜⵎⴰⴷⵔⴰⵡⵜ ⴷ ⵓⵎⵢⴰⵡⴰⵙ ⴷ ⵜⵎⴰⴷⴷⴰⵙⵜ ⴰⴷ, ⵙⵍⴰⵡⴰⵏ ⴰⴽⴽⵯ ⵍⵍⵉⵖ ⵜⵙⵙⵉⵅⴼ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵉⴹⴼⵕⵏ ⵜⵉⵎⵜⵜⴰ ⵎⵓⵏⵏⵉⵏ ⴳ 2024 ⴷⴼⴼⵉⵔ ⵏ ⵓⵙⵜⴰⵢ ⵏⵏⵙ ⴳ 10 ⵉⵏⵏⴰⵢⵔ 2024 ⴳ ⵊⵓⵏⵉⴼ.

ⵉⵙⵎⵏⵉⴷ ⵎⴰⵙⵙ ⵚⵚⴱⴱⴰⵕⵉ ⵜⴰⵣⵣⵉⴳⵣⵜ ⵜⴰⵅⴰⵜⴰⵔⵜ ⵏ ⵜⵎⴰⵣⵉⵔⵜ ⵏⵏⵖ ⴳ ⵉⵙⴳⴳⵯⴰⵙⵏ ⴰⴷ ⴳⴳⵓⵔⴰⵏⵉⵏ ⴳ ⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵙ ⵉⵎⵓⴽⵏⵏ ⵉⵎⵔⵙⵍⴰⵏⵏ ⵜⵜⵓⵙⴽⴰⵔⵏⵉⵏ ⵙ ⵜⵏⴰⵔⴰ ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵖⵎⴽ ⵍⵍⵉ ⵉⵙⵎⵏⵉⴷ ⵜⵉⵎⵥⵍⴰⵢ ⵏ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴳ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵓⵔⵉ ⵜⵓⵏⴱⵉⴷⵟ ⴷ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ.

ⴳ ⵓⵎⵏⵉⴷ ⵏⵏⵙ, ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵉⵙⵡⵓⵔⵉⵏ ⵙ ⵜⵎⵓⴽⵔⵉⵙⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵎⵙⵙⵓⵔⵉⵏ ⵣⵔⵉⵏⵉⵏ ⵜⴰⵎⵓⵔⵜ ⴷ ⵜⵎⵔⵙⴰⵍ ⵢⴰⴹⵏⵉⵏ ⵏ ⵜⵡⵓⵔⵉⵡⵉⵏ ⴹⴼⵕⵏⵉⵏ ⵜⴰⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ, ⵉⵏⵏⴰ ⵎⴰⵙ ⵉⵡⴰⵜⵜⵙ ⵓⵔⵣⴰⴼ ⵏⵏⵙ ⵉ ⵍⵎⵖⵔⵉⴱ ⴰⵙⴷⵓⵙ ⵏ ⵜⵙⵓⴳⴰⵔ ⵏ ⵉⵎⵙⵜⴳⴳⴰⵔⵏ ⵉⵏⴰⵎⵓⵔⵏ ⴳ ⵢⵉⴳⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⵡⵓⵔⵉⵡⵉⵏ ⵜⵉⵏⵙⴱⴰⴱⵉⵏ ⵙ ⵓⵙⵏⵎⴰⵍⴰ ⵏ ⵉⵏⵎⵓⵇⵇⴰⵔⵏ ⵏ ⵓⵙⵎⵓⵜⵜⴳ.

ⵉⵍⵍⴰ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴰⵜⵉⵇⵏⵉ ⵊⴰⵔ ⵍⵎⵖⵔⵉⴱ ⴷ ⵜⵙⵏⵓⵔⴰⵢⵜ ⵜⴰⵎⴰⵜⵜⵓⵢⵜ ⵏ ⵜⵎⵜⵜⴰ  ⵎⵓⵏⵏⵉⵏ ⵉ ⵉⵣⵔⴼⴰⵏ ⵏ ⵓⴼⴳⴰⵏ.

ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵅⴰⵍⵉⴷ ⵕⵕⵎⵍⵉ ⴰⵏⵎⵀⴰⵍ ⵏ ⵓⵎⵢⴰⵡⴰⵙ ⴷ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ ⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ.