ⵉⴳⴱⵙⴻⵙ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⴼⵉⵍⵉⴽⵙ ⵜⵛⵉⵙⴽⵉⴷⵉ

ⵉⴳⵏⵙⴻⵙ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⵎⴰⵙⵙ ⴼⵉⵍⵉⴽⵙ ⵜⵛⵉⵙⴽⵉⴷⵉ, ⴰⵚⵉⴹⵢⵚ ⴳ ⴽⵉⵏⵛⴰⵙⵙⴰ.

ⵜⵍⵍⴰ ⵜⴼⵓⴳⵍⴰ ⴰⴷ ⴳ ⵢⴰⵏ ⵓⵙⴰⵢⵔⵓⵔ ⴳ ⴽⵉⵏⵛⴰⵙⵙⴰ, ⵙ ⵜⵉⵍⵉⵜ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵉⴽⴰⴱⴰⵕⵏ ⴷ ⵉⴷⵉⴱⵍⵓⵎⴰⵙⵉⵢⵏ ⴳ ⵜⴳⴷⵓⴷⴰⵏⵜ ⵏ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ ⴷ ⵉⵡⵔⵉⴽⵏ ⵉⵖⵔⵎⴰⵏⵏ ⴷ ⵉⵙⵔⴷⴰⵙⵏ.

ⵙ ⵜⵎⵍⴷⴰ, ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⵙⵔⵖⵓⴷⵏ  ⴷ ⵉⵙⵉⵜⵉⵎⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⵃⵎⴰ ⴰⴷ ⵉⵣⵣⵉⴳⵣ ⴳ ⵜⵙⵎⵉⴳⴰⵍ ⵏ ⵓⵙⵎⵖⵔ ⴷ ⵜⴳⵎⵉ ⴷ ⵜⵎⴰⵣⵉⵔⵜ ⴷ ⵓⵎⴰⴷⴰⵏ ⵏⵏⵙ. ⵉⵎⵓⵏⵏ ⴷ ⵎⴰⵙⵙ ⵕⴰⵛⵉⴷ ⴰⵖⴰⵙⵉⵎ ⴰⵎⵙⵇⵇⴰⴷ ⵏ ⵍⵎⵖⵔⵉⴱ ⴳ ⵍⴽⵓⵏⴳⵓ ⵜⴰⴷⵉⵎⵓⵇⵔⴰⵟⵉⵜ.

ⵢⵉⵏⵉ ⴰⵙ ⵓⵍⴰ ⵜⵉⵔⴰⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵙⵎⵖⵔ ⵏⵏⵙ ⵊⴰⵔ ⵜⵉⵎⵉⵣⴰⵔ ⵉ ⵚⴰⵃⴰ ⵏ ⵉⵎⴰⴷⴰⵏⵏ ⴰⵢⵜⵎⴰⵜⵏ.

ⵢⵉⵡⵉ ⴷ ⵓⵙⵇⵇⵉⵎ ⴰⴷⵙⵜⴰⵔ ⵎⴰⵙ ⵢⵉⵡⵉ ⵓⵏⵙⵙⵉⵅⴼ ⵜⵛⵉⵙⴽⵉⴷⵉ 73.47 % ⵏ ⵉⵙⵜⴰⵢⵏ ⵣⵔⵉⵏⵉⵏ ⴳ 20 ⴷⵓⵊⴰⵏⴱⵉⵔ, ⵉⵍⵍⴰ ⴳ ⵜⵏⴱⴰⴹⵜ ⵙⴳ ⵉⵏⵏⴰⵢⵔ 2019.