ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⴳⵏⵙⴻⵙ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⴼⵓⴳⵍⴰ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⴰⵎⴰⵢⵏⵓ ⵏ ⵜⴳⴷⵓⴷⴰⵏⵜ ⵏ ⴳⴰⵡⵜⵉⵎⴰⵍⴰ
ⵉⴳⵏⵙⴻⵙ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴰⵙⴰⵎⴰⵙ ⴳ ⵜⵎⴰⵥⵓⵏⵜ ⵏ ⴳⵡⴰⵜⵉⵎⴰⵍⴰ, ⴳ ⵜⴼⴳⵍⴰ ⵜⴰⵎⴰⴷⴷⵓⴷⵜ ⵏ ⵓⵙⵔⵙ ⵏ ⵓⵏⵙⵙⵉⵅⴼ ⴰⵎⴰⵢⵏⵓ ⵉⵜⵜⵓⵙⵜⴰⵢⵏ ⴳ ⴳⵡⴰⵜⵉⵎⴰⵍⴰ ⵎⴰⵙⵙ ⴱⵉⵕⵏⴰⵕⴹⵓ ⴰⵔⵉⴼⴰⵍⵓ.
ⵜⵍⵍⴰ ⵜⴼⵓⴳⵍⴰ ⴳ ⵓⵎⵣⴳⵓⵏ ⴰⵏⴰⵎⵓⵔ ⵎⵉⵖⵉⵍ ⴰⵏⵅⵉⵍ ⴰⵙⵜⵓⵔⵢⴰⵙ ⴳ ⴳⵡⴰⵜⵉⵎⴰⵍⴰ ⵙⵉⵜⵉ, ⵙ ⵜⵉⵍⵉⵜ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⵏ ⵜⵙⴳⴰ ⴷ ⵉⵏⵙⵙⵉⵅⴼⵏ ⵏ ⵜⵏⴱⴰⴹⵉⵏ ⴷ ⵉⴱⵕⵍⴰⵎⴰⵏⵏ ⴷ ⵉⴽⴰⴱⴰⵕⵏ ⵙⴳ ⵉⵡⴰⵏⴽⵏ ⵏ ⵓⵎⴰⴹⴰⵍ.
ⵉⵎⵓⵏⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵎⴰⵙⵙ ⵟⴰⵕⵉⵇ ⵍⵍⵓⵊⵔⵉ ⴰⵎⴰⵙⵇⵇⴰⵏ ⵏ ⵜⴳⵍⴷⵉⵜ ⴳ ⵜⵎⴰⵣⵉⵔⵜ ⴰⴷ.
ⵉⵏⵏⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉ ⵍⴰⵎⴰⴱ ⵎⴰⵙ ⵜⴳⴰ ⵜⴼⵓⴳⵍⴰ ⴰⴷ ⵜⴰⵎⵍⴷⴰ ⵏ ⵓⵙⵙⵍⴽⵎ ⵏ ⵡⴰⵣⵓⵍ ⴷ ⵓⵔⵖⵓⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵎⴰⵙⵙ ⴱⵉⵕⵏⴰⵕⴹⵓ ⴰⵔⵉⴼⴰⵍⵓ ⵙ ⵜⵎⵍⴷⴰ ⵏ ⵓⵙⵜⴰⵢ ⵏⵏⵙ ⴷ ⴰⵏⴰⵙⵙⵉⵅⴼ ⵏ ⴳⵡⴰⵜⵉⵎⴰⵍⴰ, ⴷ ⵓⵙⵓⵊⴷ ⵏ ⵜⴳⵍⴷⵉⵜ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵙⵎⵓⵏⵏⵉⵏ ⵙⵏⴰⵜ ⵜⵎⵉⵣⴰⵔ ⴳ ⵎⴰⵕⵕⴰ ⵉⵙⵡⵉⵔⵏ ⴷ ⵉⴳⵔⴰⵏ.
ⴳ 23 ⵖⵓⵛⵜ 2023, ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵜⴰⴱⵔⴰⵜ ⵏ ⵓⵙⵙⵔⵖⴷ ⵉ ⵎⴰⵙⵙ ⴱⵉⵕⵏⴰⵕⴷⵓ ⴰⵔⵉⴼⴰⵍⵓ ⵙ ⵜⵎⵍⴷⴰ ⵏ ⵓⵙⵜⴰⵢ ⵏⵏⵙ.
ⵉⵙⵙⵔⵖⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⴰⵙⵙ ⴱⵉⵕⵏⴰⵕⴷⵓ ⴰⵔⵉⴼⴰⵍⵓ ⴼ ⵜⵎⵢⵉⵎⴰⵏⵜ ⵍⵍⵉ ⴰⵙ ⵉⵚⴰⵃⴰⵏ ⵙⴳ ⵓⵎⴰⴷⴰⵏ ⵏ ⴳⵡⴰⵜⵉⵎⴰⵍⴰ ⴰⵎⴷⴷⴰⴽⴽⵯⵍ, ⵉⵎⵓⵏⵏ ⴷ ⵉⵙⵉⵜⵉⵎⵏ ⵉ ⵓⵎⵓⵔⵙ ⴳ ⵜⵙⵎⵉⴳⴰⵍ ⵏⵏⵙ ⴰⵜⵜⵢⵏⵉⵏ.
ⵢⵉⵏⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ : “ⵙ ⵜⵎⵍⴷⴰ ⴰⴷ, ⵉⵍⵍⴰ ⵓⵙⵓⵜⴳ ⵏⵏⵖ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⵥⵉⵍⵏⵉⵏ ⵍⵍⵉ ⴰⵖ ⵙⵎⵓⵏⵏⵉⵏ ⴰⴽⴷ ⵜⴰⴳⴷⵓⴷⴰⵏⵜ ⵏ ⴳⵡⴰⵜⵉⵎⴰⵍⴰ, ⴷ ⵎⴰⴷ ⵉⵥⵍⵉⵏ ⴰⵎⵢⴰⵡⴰⵙ ⵏⵏⵖ ⵉⵛⵛⴰⵔⵏ ⵙ ⵜⵣⵣⵉⴳⵣⵜ ⴳ ⵎⴰⵕⵕⴰ ⵉⴳⵔⴰⵏ, ⵙⵙⵏⵖ ⵉⵙ ⵔⴰⴷ ⵎⵖⵔⵏⵜ ⵜⵣⴷⴰⵢⵉⵏ ⴰⴷ ⴳ ⵎⴰⴷ ⵉⵍⵍⴰ ⵓⴼⵓⵍⴽⵉ ⵏ ⵉⵎⴰⴷⴰⵏⵏ ⵏⵏⵖ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵓⵙⵎⴰⴷ ⴷ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ”.