ⵜⴰⴳⵓⵔⵉ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵎⵍⴷⴰ ⵏ ⵓⵏⵎⵓⵇⵇⴰⵔ ⵉⵥⵍⵉⵏ ⵙ ⵓⵙⵎⵏⵉⴷ ⵏ ⵜⵣⵔⴰⵡⵜ ⵜⴰⵏⴰⵎⵓⵔⵜ ⴼ ⵡⴰⵜⵉⴳⵏ ⴷ ⵓⵙⵎⵀⵍ ⵏⵏⵙⵏ ⴰⵎⵔⵙⵍⴰⵏ ⴷ ⵎⴰⵙ ⵇⵇⵍⵏ ⵉⵎⵖⵔⵉⴱⵉⵢⵏ

ⵉⵙⵜⵎⴰⵙⵙⴰⴷⵉⴷⵎⴰⵙⵙⵉⵎⴰⵡⵙⴰⵙⵏⵜⵜⴰⵡⵇⴰⵔⵏⵉⵏ

ⵉⵙⵜⵎⴰⵙⵙⴰⴷⵉⴷⵎⴰⵙⵙⵉⵏⵙⵙⵉⵅⴼⵏⵏⵜⵔⵓⴱⴱⴰⴷⵜⴳⵔⵓⵎⵎⴰⵜⵉⴱⵕⵍⴰⵎⴰⵏⵉⵢⵉⵏ

ⵉⵙⵜⵎⴰⵙⵙⴰⴷⵉⴷⵎⴰⵙⵙⵉⵏⵙⵙⵉⵅⴼⵏⴷⵉⴳⵎⴰⵎⵏⵏⵜⵙⵇⵇⵉⵎⵉⵏⵜⵉⴱⵕⵍⴰⵎⴰⵏⵉⵢⵉⵏ

ⵎⴰⵙⵙⴰⴳⵯⵏⵙⴰⵙⵏⵏⵜⴰⵎⵓⵏⵜⵜⴰⵎⴰⵓⵏⵜⵏⵜⵎⵙⵙⵏⵜⴰⵢⵉⵏⵏⵍⵎⵖⵔⵉⴱ

ⵉⴷⵎⴰⵙⵙⵉⵏⵙⵙⵉⵅⴼⵏⵏⵜⵙⴷⴰⵡⵉⵢⵉⵏⴷⵉⵏⴱⴷⴰⴷⵏⵏⵜⵖⵉⵡⴰⵏⵉⵏ

ⵜⵉⵏⴳⴳⵯⴰⴷⵉⵏⴳⴳⵯⴰⵄⵣⵣⴰⵏⵉⵏ

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⴳ ⵜⵣⵡⵉⵔⵉ, ⵙⵙⵓⵔⴼⴰⵜ ⵉⵢⵉ ⴰⴷ ⵙⵔⵓⵏ ⵙⴱⵔⵔⴽⵖ ⴳ ⵓⵏⵎⵓⵇⵇⴰⵔ ⴰⴷ ⴰⵎⴰⵙⵙⴰⵏ, ⵉⵥⵍⵉⵏ ⵙ ⵓⵙⵎⵏⵉⴷ ⵏ ⵜⵣⵔⴰⵡⵜ ⵜⴰⵏⴰⵎⵓⵔⵜ ⴼ ⵡⴰⵜⵉⴳⵏ ⴷ ⵓⵙⵎⵀⵍ ⵏⵏⵙⵏ ⴰⵎⵔⵙⵍⴰⵏ, ⵜⴰⵎⵍⴷⴰ ⴳ ⵙⵓⵜⴳⵖ ⵜⵓⴳⴳⴰⵙ ⴰⴷ ⵜⵉⵎⴰⵙⵙⴰⵏⵉⵏ ⵥⵉⵍⵏⵉⵏ, ⵍⵍⵉⵖ ⵏⵎⵓⵏ ⴰⵙⵙ ⴰⴷ, ⵃⵎⴰ ⴰⴷ ⵏⵙⴰⵡⵍ ⴼ ⵜⵉⵢⵢⴰⴼⵓⵜⵉⵏ ⵏⵏⵙ.

ⵙⵙⵓⵔⴼⴰⵜ ⵉⵢⵉ ⴰⴷ ⵙⵙⴽⵯⵜⵉⵖ ⵎⴰⵙ ⵜⴽⵛⵉⵎ ⵜⵣⵔⴰⵡⵜ ⴰⴷ ⴳ ⵓⵙⴰⵜⵉ ⵏ ⵓⵙⵡⴰⵍⴰ ⴰⵙⵜⵔⴰⵜⵉⵊⵉ ⵉⵎⵎⴰⵍⴰⵏ ⴰⵏⵏⵓⵕⵥⵎ ⴰⵙⵓⵍⴰⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⵙⵓⴷⵙ ⴰⵙⴳⵓⴷⵉ ⵍⵍⵉ ⵜⵙⴽⵔ ⵜⵎⴰⵣⵉⵔⵜ ⵏⵏⵖ ⴳ ⵢⵉⴳⵔ ⵏ ⵜⵣⵔⴰⵡⵉⵏ ⴷ ⵉⵏⵇⵇⵉⵙⵏ ⵉⵏⴰⵎⵓⵔⵏ, ⴰⵢⵍⵍⵉ ⵉⵙⵔⵓⵙⵏ ⵜⵉⵎⵙⴰⵔⵉⵏ ⴷ ⵉⵅⵎⵎⵉⵎⵏ ⵏ ⵡⴰⵎⵓⵏ ⴳ ⵓⴳⵯⵏⵙ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⴳⴷⵓⴷⴰⵏⵏ.

ⵃⵎⴰ ⴰⴷ ⵏⵙⴽⵔ ⴰⵙⵡⴰⵍⴰ ⴰⴷ, ⵏⵙⵡⵓⵔⵉ ⵙ ⵜⵎⵢⴰⴷⴰⵙⵜ ⵉⵔⴰⵏ ⴰⵣⵣⵔⴰⵢ ⵏ ⵎⴰⵙ ⵇⵇⵍⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ, ⴷ ⵓⵙⴷⵓⵙ ⵏ ⵓⵏⵏⵓⵕⵥⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵡⴰⵎⵓⵏ, ⵙ ⵓⵙⴼⵙⵉ ⵏ ⵜⵉⵍⴰⵡⵜ ⴷ ⵓⵣⵣⵔⴰⵢ ⵏ ⵎⴰⵙ ⵉⵜⵜⵇⵍ ⵡⴰⵎⵓⵏ, ⴷ ⵜⵎⵔⴰⵔⵓⵜ ⴼ ⵉⵅⵎⵎⵉⵎⵏ, ⴷ ⵓⵙⵔⵓⵙ ⵏ ⵜⵉⵢⵢⴰⴼⵓⵜⵉⵏ ⴷ ⵉⵙⵖⵍⴰⴼ, ⵙ ⵢⴰⵜ ⵜⵣⵔⴰⵡⵜ ⵜⴰⵎⴰⵙⵙⴰⵏⵜ ⵉⴷⵓⵙⵏ, ⵍⵍⵉⵖ ⵏⴼⵔⴽ ⵙ ⵜⵉⵍⴰⵍⵜ ⵏ ⵜⵓⵙⵙⵏⴰ ⴷ ⵓⵔⵣⵣⵓ ⵉⵎⴰⵙⴰⵏ ⴳ ⵓⵙⴽⵔ ⵏ ⵜⵣⵣⵉⴳⵣⵜ ⴷ ⵜⴳⵎⵉ ⴷ ⵓⴱⵓⵖⵍⵓ ⵏ ⵜⵎⵜⵜⵉⵡⵉⵏ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ

 ⵏⵎⵎⴰⵖ ⴰⴷ ⵜⴼⴼⵖ ⵜⵣⵔⴰⵡⵜ ⴰⴷ ⵜⴰⵙⵓⵙⵢⵓⵍⵓⵊⵉⵜ ⵜⴰⵏⴰⵎⵓⵔⵜ, ⵍⵍⵉ ⵉⴳⴰⵏ ⵜⴰⵎⵣⵡⴰⵔⵓⵜ ⵉⵜⵜⵓⵙⴽⴰⵔⵏ ⴳ ⵓⵎⵣⵔⵓⵢ ⵏ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⵙⴳ 1963, ⴰⵢⵍⵍⵉ ⵉⵎⵎⴰⵍⴰⵏ ⵉⵙ ⵏⵎⵎⴰⵖ ⴼ ⵡⴰⵜⵉⴳⵏ ⵍⵍⴰⵏⵉⵏ ⴳ ⵡⴰⵎⵓⵏ ⵏⵏⵖ ⴰⵎⵖⵔⵉⴱⵉ, ⴷ ⵎⴰⵙ ⵇⵇⵍⵏ ⵎⴰⵕⵕⴰ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ ⵙⴳ ⵜⵉⵎⵔⵙⴰⵍ ⴷ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ, ⵖⵎⴽ ⵍⵍⵉ ⵜⴳⴰ ⵢⴰⵜ ⵜⴼⵍⵡⵉⵜ  ⵉⵏⵏⵓⵕⵥⵎⵏ ⵍⵍⵉ ⵔⴰⴷ ⵢⴰⵡⵙ ⴳ ⵓⵏⵢⴰⵍⴽⴰⵎ ⵊⴰⵔ ⵉⵎⵖⵔⵉⴱⵉⵢⵏ ⴷ ⵡⴰⵎⵎⴰⵙⵏ ⵏ ⵓⵙⴽⵔ ⵏ ⵜⵖⵜⴰⵙⵜ ⴳ ⵜⵣⵡⵉⵔⵉ ⵏⵏⵙⵏ ⴰⵙⵇⵇⵉⵎ ⵏ ⵉⵎⵓⵔⴰ.

ⵓⵔ ⴳⵉⵙ ⵜⵓⵔⴷⴰ, ⵎⴰⵙ ⵉⵙⵙⵏⵜⵉ ⵓⵙⴽⵔ ⵏ ⵜⵣⵔⴰⵡⵜ ⴰⴷ ⴳ ⵜⵙⵓⵖⵍⵜ ⵜⴰⵙⵉⵍⴰⵏⵜ ⵉⵍⵍⴰⵏ ⴳ ⵉⵙⵡⴰⵍⴰⵢⵏ ⵜⵜⴰⵡⴱⴷⴰⵔⵏⵉⵏ ⴳ ⵜⵉⵏⵏⴰⵡⵉⵏ ⴷ ⵜⴱⵔⴰⵜⵉⵏ ⵜⵉⴳⵍⴷⴰⵏⵉⵏ ⵜⵉⵎⴰⵜⵜⵓⵢⵉⵏ, ⴷ ⵎⴰⴷ ⵉⵍⵍⴰⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ ⵓⵙⴳⴳⵯⴰⵙ ⵏ 2011 ⴳ ⵉⴱⴹⵉⵢⵏ ⴷ ⵡⴰⵜⵉⴳⵏ, ⵜⴰⵙⵉ ⴷ ⵓⵍⴰ ⵜⴰⴼⵍⵙⴰⴼⵜ ⵏⵏⵙ ⴳ ⵜⵉⵢⵢⴰⴼⵓⵜ ⵏ ⵉⵏⵇⵇⵉⵙⵏ ⵉⵏⴰⵎⵓⵔⵏ, ⴳ ⵉⵍⵍⴰ ⵓⵏⵇⵇⵉⵙ ⵏ ⵙⵎⵓ ⵎⵔⴰⵡ ⵏ ⵓⵙⴳⴳⵯⴰⵙ ⴷ ⵓⵏⵇⵇⵉⵙ ⵏ ⵜⵙⵇⵇⵉⵎⵜ ⵏ ⵡⴰⵏⴰⵡ ⵓⵏⴳⵉⵎ ⴰⵎⴰⵢⵏⵓ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ

 ⵖⵓⵔⵏⵖ ⴰⵏⴰⵔⵓⵣ ⴰⵅⴰⵜⴰⵔ ⴷ ⵜⵎⵔⵙⵍⵜ ⵜⴰⴳⵯⵏⵙⴰⵙⵜ ⵉⵎⵎⴰⵍⴰⵏ ⵜⵉⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ ⴳ ⵉⵎⵏⴰⴷⵏ ⵏⵏⵙ, ⴰⴷ ⵜⴼⴽ ⵜⵣⵔⴰⵡⵜ ⴰⴷ ⵜⵉⵎⵔⴰⵔⵓⵜⵉⵏ ⴼ ⵎⴰⵙ ⵇⵇⵍⵏ ⵉⵎⵖⵔⵉⴱⵉⵢⵏ, ⵜⵎⵍ ⵉⵙⵡⴰⵍⴰⵢⵏ ⵏⵏⵙⵏ ⴳ ⵎⴰⴷ ⵉⵥⵍⵉⵏ ⵓⵙⵎⵀⵍ ⵏ ⵡⴰⵜⵉⴳⵏ, ⴰⵢⵍⵍⵉ ⴰⵖ ⵉⵜⵜⴰⵡⵙⵏ ⴷ ⵜⵎⵔⵙⵍⵜ ⵜⴰⴷⵙⵜⴰⵔⵜ ⴳ ⵓⵙⵎⵖⵔ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉⴱⴷⴷⵏ ⴼ ⵜⵓⵙⵙⵏⴰ ⵜⴰⵎⴰⵙⵙⴰⵏⵜ, ⵃⵎⴰ ⴰⴷ ⵏⵔⴰⵔ ⵉ ⵉⵏⴰⵔⵓⵣⵏ ⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵜⵉⵏ, ⵏⴹⴼⵕ ⵓⵍⴰ ⵜⴰⴷⵉⵏⴰⵎⵉⵜ ⵏ ⵡⴰⵎⵓⵏ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⵏⵙⵔⵙ ⴰⵡⵜⵜⴰⵙ ⴰⵎⴰⵜⴰⵢ ⵉ ⵜⵣⵔⴰⵡⵜ ⴰⴷ, ⵉⴳⴰ ⵜ ⴰⴷ ⵏⵏⵙⵏ ⵉⵙⵡⴰⵍⴰⵢⵏ ⴷ ⵎⴰⵙ ⵇⵇⵍⵏ ⵉⵎⵖⵔⵉⴱⵉⵢⵏ ⵎⵏⵉⴷ ⵏ ⵓⵙⵏⴼⵍ ⵏ ⵡⴰⵜⵉⴳⵏ ⴷ ⵓⵙⵎⵀⵍ ⴰⵎⵔⵙⵍⴰⵏ ⵏ ⴽⵔⴰ ⵏ ⵡⴰⵜⵉⴳⵏ ⵉⴷⵙⵍⴰⵏⵏ ⴳ ⴽⵔⴰ ⵏ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ, ⵜⵜⴰⵡⵙⴰⵜⴰⵢⵏⵉⵏ ⵙ ⵓⵅⵎⵎⴻⵎ ⴰⵅⴰⵜⴰⵔ, ⵙ ⵡⴰⵜⵉⴳ ⵏⵏⵙⵏⵜ ⴷ ⵉⵏⵢⴰⵍⴽⴰⵎⵏ ⵏⵙⵏⵜ ⵉⴳⵯⵏⵙⴰⵏⵏ ⴷ ⵡⵉⵏ ⴱⵕⵕⴰ, ⵖⵎⴽ ⴰⵏⵏ ⵓⵍⴰ ⴰⴷⵔⵉⵣ ⵏⵏⵙⵏⵜ ⴼ ⵜⴳⵎⵉ ⵜⴰⵎⴰⵜⴰⵢⵜ.

ⴳ ⵓⵙⴰⵜⵉ ⴰⴷ, ⵜⴱⴷⴷ ⵜⵣⵔⴰⵡⵜ ⴼ ⵜⵓⵡⵊⴰ ⵍⵍⵉ ⵉⴳⴰⵏ ⵜⴰⵙⵉⵍⴰ ⵜⴰⵎⵣⵡⴰⵔⵓⵜ ⵏ ⵓⵚⴽⵓ ⵏ ⵡⴰⵎⵓⵏ, ⴷ ⵜⵉⵏⵎⵍ ⴷ ⵜⵙⴷⴰⵡⵉⵜ ⵟⵟⴰⴼⵏⵉⵏ ⵜⵉⵍⴰⵍ ⴳ ⵓⵙⵎⵓⵜⵜⴳ ⵏ ⵉⵏⵎⵓⵔⴰⵏ ⵏ ⵉⵎⴰⵍ, ⵖⵎⴽ ⴰⵏⵏ ⴷ ⵓⵙⴳⵏⴰⴼ ⵍⵍⵉ ⵉⴳⴰⵏ ⴰⵙⴰⵢⵔⵓⵔ ⴳ ⵉⵜⵜⵚⴰⵃⴰ ⵓⵣⵔⴼ ⴳ ⵜⴷⵓⵙⵉ ⵉ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ. ⵖⵎⴽ ⵍⵍⵉ ⵜⴱⴷⴷ ⵜⵣⵔⴰⵡⵜ ⴼ ⵜⵎⵙⵙⵓⴳⵓⵔⵜ, ⵍⵍⵉ ⵢⴰⴽⴽⴰⵏ ⵜⵉⵏⵓⴼⴰ ⵉ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ, ⵜⴳ ⴰⴷⵖⴰⵔ ⵏ ⵓⵎⵢⴰⵡⴰⴹ ⵉⵙⵓⵍⵏ ⵊⴰⵔ ⵓⵏⵎⵓⵔⵉ ⴷ ⵓⴷⵖⴰⵔ ⴰⴳⴷⵓⴷⴰⵏ.

ⵖⵎⴽ ⵍⵍⵉ ⵜⵉⵡⵉ ⵜⵎⵙⵙⵏⵜⴰⵢⵜ ⴰⴷⵖⴰⵔ ⵏⵏⵙ ⴳ ⵓⵅⵎⵎⴻⵎ, ⵍⵍⵉⵖ ⵜⴳⴰ ⵜⴰⵙⵉⵍⴰ ⵜⴰⴷⵎⵙⴰⵏⵜ ⵏ ⵓⵙⴽⵔ ⵏ ⵍⴼⴰⵢⵜ ⴷ ⵜⵣⵣⵉⴳⵣⵜ, ⵖⵎⴽ ⵍⵍⵉ ⵜⵙⴰⵡⵍ ⵜⵣⵔⴰⵡⵜ ⴼ ⵜⵎⵙⵎⵓⵏⵜ ⵉⵟⵟⴰⴼⵏ ⴰⴷⵖⴰⵔ ⵏⵏⵙ ⵉⵜⵜⴰⵡⴱⴷⴰⵔⵏ ⴳ ⵓⴷⵓⵙⵜⵓⵔ ⵏ ⵜⴳⵍⴷⵉⵜ ⵏ 2011, ⴳ ⵓⵙⵓⵊⴷ ⵏ ⵜⵖⵜⴰⵙⵉⵏ ⴷ ⵉⵙⵏⴼⴰⵔⵏ ⵉ ⵜⵎⵔⵙⴰⵍ ⵜⵜⴰⵡⵙⵜⴰⵢⵏⵉⵏ ⴷ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ, ⴷ ⵓⵙⵎⵀⵍ ⴷ ⵓⵣⵣⵔⴰⵢ ⵏⵏⵙⵏ. ⵖⵎⴽ ⵍⵍⵉ ⵜⴱⴷⴷ ⵜⵣⵔⴰⵡⵜ ⴼ ⵜⵎⵔⵙⵍⵜ ⵏ ⵓⵙⵏⵖⵎⵙ ⵍⵍⵉ ⵢⵉⵡⵉⵏ ⴰⵅⵎⵎⴻⵎ ⴰⵅⴰⵜⴰⵔ ⵍⵍⵉⵖ ⵜⴻⵟⵟⴰⴼ ⴰⴷⵔⵉⵣ ⴷ ⵜⵉⵍⴰⵍ ⴳ ⵓⵙⵕⵚⵓ ⵏ ⵡⴰⵜⵉⴳⵏ ⵏⵏⵖ ⵉⵎⵖⵔⵉⴱⵉⵢⵏ ⵉⵎⵣⵡⵓⵔⴰ ⴷ ⵓⴹⴼⵕ ⵏ ⵜⵡⴰⴷⴰ ⵏ ⵜⵣⵣⵉⴳⵣⵜ ⴷ ⵜⴳⵎⵉ.  

ⵜⵡⴰⵜⵜⵙ ⵜⵣⵔⴰⵡⵜ ⵓⵍⴰ ⴰⵙⴽⵔ ⵏ ⵎⵏⵏⴰⵡ ⵉⵡⵜⵜⴰⵙⵏ ⵥⵍⵉⵏⵉⵏ ⴳ ⵍⵍⴰⵏ:

* ⵜⵓⵙⵙⵏⴰ ⵏ ⵉⵙⵏⴼⵍⵏ ⵍⵍⴰⵏⵉⵏ ⴳ ⵢⵉⴳⵔ ⵏ ⵡⴰⵜⵉⴳⵏ ⴳ ⵡⴰⵎⵓⵏ ⴰⵎⵖⵔⵉⴱⵉ;

* ⵜⵓⵙⵙⵏⴰ ⵏ ⵉⵙⵡⴰⵍⴰⵢⵏ ⵏ ⵉⵎⵖⵔⵉⴱⵉⵢⵏ ⵏⵉⴷ ⵏ ⵓⵙⵎⵀⵍ ⴰⵎⵔⵙⵍⴰⵏ ⵏ ⵡⴰⵜⵉⴳⵏ ⵉⴷⵙⵍⴰⵏⵏ;

* ⵜⵓⵙⵙⵏⴰ ⵏ ⵜⵎⵏⵜⵍⵉⵏ ⵍⵍⵉ ⵙ ⵏⵏⴰⵏ ⵉⵎⵖⵔⵉⴱⵉⵢⵏ ⵉⵙ ⵍⵍⴰⵏⵜ ⴷⴰⵜ ⵡⴰⵔ ⴰⵙⵎⵀⵍ ⵏ ⵜⵎⵔⵙⴰⵍ ⵏ ⴽⵔⴰ ⵏ ⵡⴰⵜⵉⴳⵏ;

* ⴰⵙⵡⵓⵜⵜⵓ ⵓⵙⵔⵉⴷ ⵏ ⵎⴰⵙ ⵇⵇⵍⵏ ⵉⵎⵖⵔⵉⴱⵉⵢⵏ ⵅⴼ ⵓⵙⵎⵔⵙⵍ ⵏ ⵜⵎⵔⵙⴰⵍ ⵏ ⴽⵔⴰ ⵏ ⵡⴰⵜⵉⴳⵏ ⵉⴷⵙⵍⴰⵏⵏ;

* ⴰⵙⵡⵓⵜⵜⵓ ⵏ ⵉⵎⴰⵙⵙⵏ ⵏ ⵓⵙⵎⵀⵍ ⵏ ⵡⴰⵜⵉⴳⵏ ⴳ ⵓⵙⵡⵉⵔ ⴰⵎⵔⵙⵍⴰⵏ ⵙⴳ ⵎⴰⵙ ⵇⵇⵍⵍⵏ ⵉⵎⵖⵔⵉⴱⵉⵢⵏ;

* ⵜⵓⵙⵙⵏⴰ ⵏ ⵡⴰⵜⵉⴳⵏ ⵍⵍⵉ ⵙⵎⵔⴰⵙⵏ ⵉⵎⵖⵔⵉⴱⵉⵢⵏ ⴳ ⵓⵏⵢⴰⵍⴰⴽⵎ ⵏⵏⵙⵏ ⴰⴽⴷ ⵜⵉⵎⵔⵙⴰⵍ.

ⵃⵍ ⴰⴷ ⵉⵍⵉⵏⵜ ⵜⵉⵢⵢⴰⴼⵓⵜⵉⵏ ⵙⴰⵡⴰⵍⵏⵉⵏ ⴼ ⵉⵙⵡⴰⵍⴰⵢⵏ ⵏ ⵜⵏⵎⵓⵔⴰⵢⵉⵏ ⴷ ⵉⵏⵎⵓⵔⴰⵏ ⴳ ⵎⴰⵕⵕⴰ ⵏ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ, ⵏⵎⵎⴰⵖ ⴰⴷ ⵜⴰⵎⵓ ⵜⵣⵔⴰⵡⵜ ⵎⴰⵕⵕⴰ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱⵏ ⵎⵇⵇⴰⵔ ⵉⵍⵍⴰ ⵓⵎⵣⵔⴰⵢ ⴰⴷⵉⵎⵓⵖⵕⴰⴼⵉ ⵊⴰⵔ ⵉⴳⵔⴰⵏ ⵏ ⵓⵔⵣⵣⵓ ⵙ ⵓⴷⵖⴰⵔ (ⴰⵖⵔⵎⴰⵏ-ⴰⴼⴰⵔⴰⵏ) ⴷ ⵓⵡⵜⵎⴰⵏ (ⵉⵡⵜⵎⴰⵏ-ⵜⵉⵡⵜⵎⵉⵏ), ⴷ ⵓⴱⵟⵟⵓ ⵙ ⵡⴰⵡⵜⴰⵢ ⴷ ⵜⵣⴷⵓⵖⵜ ⵜⴰⵎⵔⵙⵍⴰⵏⵜ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ

 ⵜⵍⴽⵎ ⵜⵣⵔⴰⵡⵜ ⴰⴷ ⵜⵉⵢⵢⴰⴼⵓⵜⵉⵏ ⴷ ⵉⵙⵖⵍⴰⴼ ⴷⵔⴰⵏⵉⵏ ⵙⵜⴰⵡⵀⵎⵎⴰⵏⵉⵏ ⵅⴼ ⴰⵜⵉⴳⵏ ⴷ ⵜⵎⵔⵙⴰⵍ, ⵜⴳ ⴰⵙⴰⵖⵓⵍ ⵍⵍⵉ ⵙ ⵔⴰⴷ ⵉⵙⵡⵓⵔⵉ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵓⵙⴽⵔ ⵏ ⵜⵉⵍⴰⵍ ⵜⵉⴷⵙⵜⴰⵔⵉⵏ, ⴳ ⵓⵣⵣⵔⴰⴼ ⵍⵍⵉ ⵔⴰⴷ ⵉⵍⴰⵍ ⴼ ⵜⴷⵉⵏⴰⵎⵉⵜ ⵏ ⵡⴰⵎⵓⵏ ⴷ ⵜⵎⵙⴰⵔⵉⵏ ⵏⵏⵙ, ⴷ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵜ ⵉⵙⴰⵡⴰⵍⵏ ⴼ ⵉⵏⴰⵔⵓⵣⵏ ⵏ ⵉⵎⵖⵔⵉⴱⵉⵢⵏ ⴷ ⵉⵅⵎⵎⵉⵎⵏ ⵏⵏⵙⵏ, ⴷ ⵓⵙⴰⵖⵓⵍ ⴳ ⵓⵙⵓⵜⴳ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵍⵍⵉ ⴳⴰⵏⵉⵏ ⴰⵙⴰⵡⵓⵔ ⵉⵙⵜⴰⵡⵀⵎⵎⴰⵏ ⵍⵍⵉ ⵏⵎⵎⴰⵖ ⴰⴷ ⴰⵙ ⵏⴼⴽ ⵓⵏⴼⵓⵙ ⴰⵎⴰⵢⵏⵓ ⴳ ⵜⵡⴰⵍⴰ ⴰⴷ ⵜⴰⵣⵣⵔⴰⴼⵜ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⵏⵎⵎⴰⵖ ⵙ ⵓⴼⵔⴰⴽ ⵏⵏⵖ ⴰⵎⴳⵔⵓ ⵉⵕⵚⴰⵏ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⴼ ⵓⵙⵕⵚⵓ ⵏ ⵓⵏⵏⵓⵕⵥⵎ ⴷ ⵓⵎⵢⴰⵡⴰⴹ ⴰⵎⵔⵙⵍⴰⵏ, ⵙ ⵓⵙⴽⵔ ⵏ ⵜⵙⵏⵜⴰⵢⵉⵏ ⴰⴷ ⵥⵉⵍⵏⵉⵏ, ⵍⵍⵉ ⵉⴳⴰⵏ ⵜⴰⵣⴷⴰⵢⵜ ⵊⴰⵔ ⵜⵉⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⴷ ⵜⵙⴷⴰⵡⵉⵜ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵙⵔⵇⴱ ⵏ ⵓⵔⵣⵣⵓ ⴰⵎⴰⵙⵙⴰⵏ ⵍⵍⵉ ⵔⴰⴷ ⵉⵙⵎⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⴳⵔⴰⵡⵉⵏ ⵜⵉⵏⴰⵎⵓⵔⵉⵏ,  ⵓⵙⵎⵖⵔ ⵏ ⵓⴱⵔⵉⴷ ⵏ ⵜⴳⵎⵉ ⵍⵍⵉ ⵉⵙⵏⴰⵍ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ.

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵔⴰⴷ ⵜⴰⵡⵙ ⵜⵣⵔⴰⵡⵜ ⴰⴷ ⵜⴰⵏⴰⵎⵓⵔⵜ ⴳ ⵓⵙⵎⵖⵔ ⵏ ⵜⵓⵙⵙⵏⴰ ⵜⴰⵎⴰⵙⵙⴰⵏⵜ, ⵍⵍⵉ ⵉⴳⴰⵏ ⵉⵎⵉⵙⵙ ⴷ ⵓⵙⴰⵖⵓⵍ ⵍⵍⵉ ⴼ ⵜⴱⴷⴷ ⵜⵎⵙⴽⵔⵜ ⵏ ⵜⵉⵍⴰⵍ ⵜⵉⴷⵙⵜⴰⵔⵉⵏ ⵏ ⵓⴱⵕⵍⴰⵎⴰⵏ, ⵜⴳ ⴰⵙⴰⴳⵯⵎ ⵏ ⵎⴰⵕⵕⴰ ⵉⴳⵔⴰⵏ ⵓⵏⴱⵉⴹⵏ ⵉ ⵓⵚⴽⵓ ⵏ ⵉⵖⴰⵡⴰⵙⵏ ⴷ ⵜⵙⵔⵜⴰⵢ, ⵖⵎⴽ ⴰⵏⵏ ⴷ ⵜⵎⵔⵙⴰⵍ ⴷ ⵉⵙⵉⵏⴰⴳⵏ ⴷ ⵜⵙⴷⴰⵡⵉⵜⵉⵏ, ⵉ ⵜⵣⵣⵉⴳⵣⵜ ⵏ ⵜⵓⵙⵙⵏⴰ ⴷ ⵜⴷⵍⵙⴰ ⵉ ⵚⴰⵃⴰ ⵏ ⵉⵡⵜⵜⴰⵙⵏ ⴷ ⵡⴰⵜⵉⴳⵏ ⵉⵏⴰⵎⵓⵔⵏ, ⴷ ⵉⵎⵙⴽⴰⵔⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⵉ ⵓⵚⴽⵓ ⵏ ⵜⵎⵢⵉⵎⴰⵏⵜ ⵏ ⵜⵉⴷⵜ ⵊⴰⵔ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ ⵉ ⵍⵎⵖⵔⵉⴱ ⵏ ⴽⵓⵢⴰⵏ, ⴷ ⵜⵏⵎⵓⵔⵉ ⵏ ⵜⵉⴷⵜ ⵉⴱⴷⴷⵏ ⴼ ⵉⵣⵔⴼⴰⵏ ⴷ ⵓⵛⵛⵉⵍⵏ.

ⵉⵙⵜⵎⴰⵙⵙⴰⴷⵉⴷⵎⴰⵙⵙ

ⵔⴰⴷ ⴳⵉⵏⵜ ⵜⵉⵢⵢⴰⴼⵓⵜⵉⵏ ⴷ ⵉⵙⵖⵍⴰⴼ ⵏ ⵜⵣⵔⴰⵡⵜ ⴰⴷ ⵍⵍⵉ ⵏⵙⵎⵏⵉⴷ ⴰⵙⵙ ⴰⴷ, ⵜⵉⴼⴰⵡⵜ ⴷ ⵓⵙⴰⵖⵓⵍ ⵉⵙⵜⴰⵡⵀⵎⵎⴰⵏ, ⵍⵍⵉ ⵔⴰⴷ ⵢⴰⵡⵙ ⵉ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵏⵎⵓⵔⴰⵏ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⵙⵎⵉⴳⴰⵍ ⵏⵏⵙⵏ, ⴰⵢⵍⵍⵉ ⵔⴰⴷ ⵉⵙⴽⵔ ⵖ ⵎⴰⵙ ⵇⵇⵍⵏ ⵉⵏⵎⵓⵔⴰⵏ ⴷ ⵜⵏⵎⵓⵔⴰⵢⵉⵏ ⵜⵜⴰⵡⴱⴷⴰⵔⵏⵉⵏ ⴳ ⵓⵔⵣⵣⵓ ⵏ ⵜⵣⵔⴰⵡⵜ, ⵉⴼⵔⴷⴰⵙ ⵉⴷⵙⵍⴰⵏⵏ ⵍⵍⵉ ⴼ ⵔⴰⴷ ⵉⵙⴰⵡⵍ ⵓⵣⵣⵔⴰⴼ ⴷ ⵜⵉⴹⴰⴼ ⴷ ⵓⵙⵓⵜⴳ.

ⴰⵔ ⴰⵖ ⵉⵎⵎⴰⵍ ⵓⵏⵎⵓⵇⵇⴰⵔ ⴰⴷ ⴰⴷ ⵏⴱⴷⴷ ⴼ ⵡⴰⵜⵉⴳ ⵏ ⵓⵔⵣⵣⵓ ⴰⵎⴰⵙⵙⴰⵏ ⴷ ⵜⵉⵍⴰⵍⵜ ⵏⵏⵙ ⴳ ⵓⵙⵎⵖⵔ ⵏ ⵎⴰⵕⵕⴰ ⵉⴳⵔⴰⵏ ⵏ ⵜⵓⴷⵔⵜ, ⴰⵢⵍⵍⵉ ⵉⵙⵖⴰⵡⵙⴰⵏ ⵙ ⵜⵓⴳⴳⴰⵙ ⵏ ⵎⴰⵕⵕⴰ ⵉⵎⵙⴽⴰⵔⵏ, ⴷ ⵓⵙⵎⵓⵙⵙⵓ ⵉⵙⵓⵍⵏ, ⵉ ⵓⵙⵍⵖⵔ ⵏ ⵓⵙⵡⵉⵔ ⴷ ⵡⴰⵏⴰⵡ ⵏ ⵓⵔⵣⵣⵓ ⴰⵎⴰⵙⵙⴰⵏ ⴳ ⵜⵎⴰⵣⵉⵔⵜ ⵏⵏⵖ ⵖⵎ ⴰⴷ ⵜⴳ ⵜⴰⵎⵣⵡⴰⵔⵓⵜ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵜⵣⵣⵉⴳⵣⵜ ⵏ ⵉⵍⵓⴳⵏ ⵏ ⵜⵡⵡⵓⵔⵉ ⴷ ⵓⵙⵡⵓⵔⵉ ⵏ ⵎⴰⵕⵕⴰ ⵜⵉⵎⵔⵙⴰⵍ.

ⴳ ⵜⴳⵉⵔⴰ, ⴰⵔ ⵙⵏⵉⵎⵎⵉⵔⵖ ⵙ ⵉⵙⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵔⴰⴱⴱⵓⵜ ⵜⴰⵎⴰⵙⵙⴰⵏⵜ ⴷ ⴽⵓ ⵎⴰⴷ ⵢⵉⵡⵙⵏ ⴳ ⵓⵙⴽⵔ ⵏ ⵜⵣⵔⴰⵡⵜ ⴰⴷ, ⵏⴻⵏⵏⵓⵔⵣ ⴰⵕⵥⵥⵓⵎ ⵏ ⵉⵎⴹⴰⴽⴰⵕⵏ ⵉⴳⴷⵓⴷⴰⵏⵏ ⵟⵟⴰⴼⵏⵉⵏ ⵜⵎⴰⵙⴰⵢⵜ ⴷ ⵉⵡⵜⵜⴰⵙⵏ ⵅⴼ ⵜⵓⵎⴰⵢⵜ ⴷ ⵜⵉⵢⵢⴰⴼⵓⵜⵉⵏ ⴷ ⵉⵙⵖⵍⴰⴼ ⵏ ⵜⵣⵔⴰⵡⵜ ⴰⴷ ⵜⴰⵏⴰⵎⵓⵔⵜ ⵜⴰⵎⵣⵡⴰⵔⵓⵜ.  

ⴰⵣⵓⵍⴼⵍⵍⴰⵡⵏ