ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵏⵏⵓⵕⵥⵎ ⵏ ⵓⴱⵕⵍⴰⵎⴰⵏ ⴰⵎⴰⴹⵍⴰⵏ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⴳ ⴷⴷⴰⵅⵍⴰ

ⵙ ⵉⵙⵎ ⵏ ⵕⴱⴱⵉ, ⵜⴰⵥⴰⵍⵍⵉⵜ ⴷ ⵓⴼⵔⴰ ⴼ ⵓⵔⵇⵇⴰⵚ ⵏⵏⵙ

* ⵎⴰⵙⵙ ⴰⵏⵙⵙⵉⵅⴼⵉⵜⵜⴰⵡⵇⵇⴰⵔⵏⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ,

* ⵎⴰⵙⵙⴰ ⵜⴰⵏⵙⵙⵉⵅⴼⵜ ⵉⵜⵜⴰⵡⵇⵇⴰⵔⵏ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ,

* ⵎⴰⵙⵙ ⴰⵏⵙⵙⵉⵅⴼ ⵉⵜⵜⴰⵡⵇⵇⴰⵔⵏ ⵏ ⵜⵎⵏⴰⴹⵜ ⴷⴷⴰⵅⵍⴰ ⵡⴰⴷⵉ ⴷⴷⴰⵀⴰⴱ

ⵡⵉⴷⴰ ⵃⴰⴹⵕⵏⵉⵏ,

ⴳ ⵜⵖⵉⵎⵉⵜ ⴰⴷⵜⴰⵎⵣⵔⴰⵢⵜ ⵏ ⵓⴱⵕⵍⴰⵎⴰⵏ ⴰⴳⵔⴰⵖⵍⴰⵏ ⵏ ⵓⵙⵇⵇⵉⵎ ⴰⵎⴰⴹⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ, ⴳ ⵡⴰⴽⴰⵍ ⴰⴷ ⴰⵎⴱⴰⵔⴽⵉ ⵉⵥⵉⵍⵏ, ⴳ ⵜⵖⵔⵎⵜ ⵏ ⴷⴷⴰⵅⵍⴰ ⴳ ⵜⵎⵏⴰⴹⵉⵏ ⵏⵏⵖ ⵜⵉⵚⵄⵕⴰⵡⵉⵢⵉⵏ ⵄⵣⵣⴰⵏⵉⵏ, ⴷⴰ ⵜⵜⵉⵏⵉⵖ ⵜⵓⵎⵔⵜ ⴷ ⵉⵙⵢⴰⴼⴰⵜⵏ ⵖⵥⴰⵏⵏⵉⵏ ⴷ ⵓⴼⵔⴰⴽ ⵉⴷⵓⵙⵏ ⵙ ⵜⵉⵣⵉ ⴰⴷ ⵉⵙⵙⵎⵖⵔⵏ ⴰⴷⴰⵔⴰⴳ ⴰⵎⵣⵔⴰⵢ ⵙ ⵜⵉⵍⵉⵜ ⵏ ⴽⵉⴳⴰⵏ ⵏ ⴰⵢⵜⵎⴰⵜⵏⵖ ⴷ ⵉⵏⴱⴳⵉⵡⵏ ⵏⵏⵖ ⵉⵅⴰⵜⴰⵔⵏ ⵍⵍⵉ ⵜⵜⴰⵣⵏⵏⵉⵏ, ⵙⴳ ⵖⵉⴷ ⴰⴽⴰⵍ ⵏ ⵓⴼⵔⴰ, ⵜⴰⴱⵔⴰⵜ ⵏ ⵓⴼⵔⴰ ⵉⴳⴰⵏ ⵜⴰⵎⴰⴼⴰⵡⵜ ⴷ ⵜⵉⵏ ⵜⵡⵉⵣⵉ ⴷ ⵓⵣⵔⴼ, ⵉⵎⵙⴰⵙⴰⵏ ⴷ ⵓⴱⵔⵉⴷ ⵏ ⵓⵎⵣⵔⵓⵢ, ⵉⵍⵍⴰⵏ ⴷ ⵡⴰⵜⵉⴳⵏ ⵏ ⵜⴰⵢⵔⵉ ⴷ ⵜⴳⵯⵎⴰⵜ, ⵉⵍⵍⴰⵏ ⴷ ⵜⵔⵙⴰⵍ ⵏ ⵓⵙⵍⴳⵏ ⴷ ⵜⵍⵍⵓⴳⵏⴰ ⵜⵉⴳⵔⴰⵖⵍⴰⵏⵉⵏ.

ⴰⵢⵜⵎⴰ ⴷ ⵉⵎⴷⴷⵓⴽⴽⵯⴰⵍ, ⴷⴷⴰⵅⵍⴰ ⴰⵙⵙ ⴰⴷ ⵍⵍⵉ ⵙⵔⵓⵏ ⵉⵙⴱⵔⵔⴽⵏ ⵓⵔ ⵜⴳⵉ ⵖⴰⵙ ⵜⵉⵖⵔⵎⵜ ⵏ ⵓⵎⵍⴰⵍ ⴷ ⵢⵉⵍ ⴷ ⵜⴰⴼⵓⴽⵜ, ⵜⴳⴰ ⴰⵛⴰⵎⵓⵛ ⴰⴷⵉⴱⵎⵓⵎⴰⵙⵉ ⴰⵎⴰⴹⵍⴰⵏ ⴳ ⵍⵍⴰⵏⵜ ⵜⵙⵇⵓⵏⵙⵓⵜⵉⵏ ⵏ ⵉⵡⴰⵏⴽⵏ ⴰⵢⵜⵎⴰⵜⵏ ⴷ ⵉⵎⴷⴷⵓⴽⴽⵯⴰⵍ, ⵍⵍⵉ ⵜⵏⵜ ⵕⵥⵎⵏⵉⵏ ⵉ ⵉⵙⵎⵖⵔ ⵏ ⵓⵎⵣⵔⵓⵢ ⵙ ⴷⴰⵜ, ⴷ ⵓⵙⴷⴷⵉⴷ ⵏ ⵡⴰⴷⴷⴰⴷ ⴰⵎⵖⵔⵉⴱⵉ, ⴷ ⵓⵏⵢⴰⵍⴽⴰⵎ ⴷ ⵓⵎⵓⵙⵙⵓ ⵏ ⵉⵙⵏⴼⵍⵏ ⴷ ⵡⴰⴷⴷⴰⴷⵏ ⵉⵎⴰⵙⴰⵢⵏ ⵏ ⵉⵡⴰⵏⴽⵏ ⵉⴷⵙⵍⴰⵏⵏ ⴳ ⵜⵙⴳⴰ ⵜⴰⵏⴰⵎⵎⴰⵙⵜ ⴷ ⵜⴰⴼⵔⵉⵇⵉⵉⵜ ⴷ ⵜⴰⵄⵕⴰⴱⴰⵜ ⴷ ⵓⵎⴰⴹⴰⵍ.

ⵜⵍⵍⴰ ⵜⵖⵜⴰⵙⵜ ⵜⴰⵎⴰⴷⴷⵓⴷⵜ ⵏ ⵍⵎⵖⵔⵉⴱ, ⵍⵍⵉ ⵢⵉⵡⴹ ⴱⴰⴱ ⵏ ⵡⴰⴷⴷⵓⵔⴰ ⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴷⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵃⵎⴰ ⴰⴷ ⵜⴳ ⴷⴷⴰⵅⵍⴰ ⵢⴰⵏ ⵓⵛⴰⵎⵓⵛ ⴰⴷⵎⵙⴰⵏ ⴰⵅⴰⵜⴰⵔ, ⵉⵟⵟⴰⴼⵏ ⵎⴰⵕⵕⴰ ⵜⵉⴼⴰⴷⵉⵡⵉⵏ ⴷ ⵜⵥⴹⴰⵕⵉⵏ  ⴷ ⵉⵙⵔⵅⵓⵜⵏ ⴷⵓⵙⴰⵏⵉⵏ ⵉ ⵓⵙⵎⵀⵍ ⵏ ⵉⵙⵙⴰⵔⵓⵜⵏ ⵏ ⵜⵎⴰⵍⵍⴰⵢⵜ ⴷ ⵉⵙⵏⴼⴰⵔⵏ ⵓⵏⴳⵉⵎⵏ ⵉⵅⴰⵜⴰⵔⵏ. ⵉⴳⴰ ⵓⵏⵏⵓⵕⵥⵎ ⵏ ⵓⵖⴰⵡⴰⵙ ⵓⵏⴳⵉⵎ ⵏ ⵜⵙⴳⴰ ⴰⴷ ⴼ ⵉⴼⵔⵉⵙⵢⴰ, ⴷ ⵓⴼⵜⴰⵙ ⵎⵓ ⵉⵍⵍⴰ ⵓⵙⵓⵊⴷ ⵏⵏⵙ ⵙ ⵜⵙⵖⴰⵍⵉⵏ ⵜⵉⴳⵔⴰⵖⵍⴰⵏⵉⵏ, ⴷ ⵓⵙⵙⵔⵇⴱ ⵉⵜⵜⵓⴼⴽⴰⵏ ⵉ ⵓⵙⵙⴰⵔⵓ, ⵓⵙⵙⵔⵅⵓ ⵏ ⵉⵎⵉⵥ ⵏ ⵉⴽⴰⵍⵉⵡⵏ, ⴷ ⵜⵡⵉⵣⵉ ⵏ ⵓⵡⴰⵏⴽ ⵏ ⵍⵎⵖⵔⵉⴱⴳ ⵜⵎⴽⵕⴰⴹ ⵥⵍⵉⵏⵉⵏ ⵙ ⵓⵙⵉⵍⵖ ⴰⵣⵣⵓⵍⴰⵏ ⵉⵜⵜⴰⵡⴱⴷⴰⵔⵏ ⴳ ⵓⵖⴰⵡⴰⵙ ⵏ ⵓⵙⵙⴰⵔⵓ...ⴷ ⵉⵙⵙⵔⵇⴱⵏ ⵢⴰⴹⵏⵉⵏ ⵜⵜⴰⵡⴼⴽⴰⵏⵉⵏ ⵉ ⵓⵙⴷⵓⵙ ⵏ ⵓⴱⵔⵉⴷ ⵓⵏⴳⵉⵎ ⵉⵣⵉⵍⵏ ⵉⵍⵍⴰⵏ ⴳ ⵜⵙⴳⴳⵉⵡⵉⵏ ⴰⴷ.

ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵡⴰⵍ ⵏⵏⵙ, ⵜⵙⵔⵙ ⴰⵏⴳⵔⴰⵡ ⵏⵏⵙ ⴰⴳⵯⵏⵙⴰⵏ ⴼ ⵜⵔⵙⴰⵍ ⵜⵉⴷⵙⵜⴰⵔⵉⵏ ⴷ ⵜⵙⵔⵜⴰⵏⵉⵏ ⴷ ⵜⵏⴰⵎⵓⵏⵉⵏ ⴷ ⵜ ⵜⴷⵍⵙⴰⵏⵉⵏ ⴷ ⵜⵙⵜⵔⴰⵜⵉⵊⵉⵢⵉⵏ, ⵜⵣⵣⵉⴳⵣ ⴰⵙⵙ ⴰⴷ ⴳ ⵓⵚⴽⵓ ⴰⴳⵯⵏⵙⴰⵏ ⵉⴱⴷⴷⵏ ⴷ ⵉⴼⴰⵡⵏ ⵉⴳⴰⵏ ⵡⵉⵏ ⵉⵎⴰⵍ, ⵉ ⵓⵙⴽⵔ ⵏ ⵜⵉⵔⴰⵜ ⵜⴰⵎⵖⵔⵉⴱⵉⵜ ⵉⴷⵓⵙⵏ ⵙ ⵜⵏⴰⵔⴰ ⵏ ⵓⴳⵍⵍⵉⴷ ⵏ ⵜⵎⴰⵣⵉⵔⵜ, ⴷ ⵓⵎⵛⴰⴱⴱⴰⴽ ⵏ ⵉⴼⵔⴷⴰⵙ ⵏ ⵜⵎⵜⵜⵉ  ⴷ ⵜⴷⵓⵙⵉⵏ ⵏⵏⵙ ⵜⵓⴷⴷⵉⵔⵉⵏ, ⵙ ⵓⵏⵢⴰⵍⴽⴰⵎ ⵉⴼⵔⴽⵏ ⵉⴳⴰⵏ ⴰⵎⴰⵙⴰⵢ ⴷ ⵜⵎⵉⵜⴰⵔ ⵏ ⵓⵏⵏⴳⵔⴰⵡ ⴰⴳⵔⴰⵖⵍⴰⵏ, ⴷ ⵜⵙⵏⵜⴰⵢⵉⵏ ⵏ ⵉⵡⴰⵏⴽⵏ ⵉⵅⴰⵜⴰⵔⵏ ⵙⵡⵓⵔⵉⵏⵉⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ, ⵓⵔ ⵉⴱⴷⴷ ⵍⵎⵖⵔⵉⴱ ⴰⴷ ⵉⵎⵍ ⵏⵏⵉⵢⵜ ⵏⵏⵙ ⵉⵥⵉⵍⵏ, ⵉⵙⴰⵡⵍ ⴼ ⵓⴼⵔⴰⴽ ⵏⵏⵙ ⴷ ⵜⴳⵯⵎⴰⵜ ⵜⴰⵎⴰⵖⴰⵔⵉⴱⵉⵜ, ⴷⵉⵎⵉⵥ ⵏⵏⵙ ⴳ ⵓⵎⵣⵔⵓⵢ ⵉⵛⵛⴰⵔⵏ, ⴷ ⵜⵏⴰⵥⴰⵕⵜ ⵏⵏⵙ ⴳ ⵓⵎⵏⴰⴷ ⵉⵎⵓⵏⵏ. ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⴳ ⴽⵉⴳⴰⵏ ⵏ ⵜⵎⵍⴷⴰ, ⵜⴰⵎⴳⴳⴰⵔⵓⵜ ⴳ ⵜⵎⴽⵯⵜⵉⵜ ⵜⵉⵙ 22 ⵏ ⵜⴼⴼⵓⴳⵍⴰ ⵏ ⵓⴷⴰⴱⵓ ⴳ ⵢⵓⵍⵢⵓⵣ 2021, ⵎⴰⵙ ⵉⵍⵍⴰ ⵓⴼⵓⵙ ⵉ ⵜⴰⴷⵊⴰⵔⵜ ⵏ ⴷⴷⵣⴰⵢⵔ ⵍⵍⵉ ⵉⴳⴰⵏ ⵜⴰⵙⴳⴰ ⵜⵓⵙⵔⵉⴷⵜⴳ ⵜⵎⴰⵖⵜ ⵉⵜⵜⵓⵙⴽⴰⵔⵏ ⴼ ⵜⵎⵏⴰⴹⵉⵏ ⵏⵏⵖ ⵏ ⵉⴼⴼⵓⵙ, ⵉⴼⴽ ⴱⴰⴱ ⵏ ⵡⴰⴷⴷⵓⵔ ⴰⵎⴷⵢⴰ ⵉⴷⴷⵔⵏ ⴼ ⵓⵙⵜⴰⵢ ⵏ ⵜⵓⵏⵥⵉⵥⵜ ⴷ ⵓⵙⵏⵍⵉ ⴷ ⵓⵙⵎⵔⵙ ⵏ ⵜⴷⵍⴰⵙ ⵏ ⵓⵎⵙⴰⵡⴰⵍ ⴷ ⵜⴷⴷⵊⵓⵔⴰ ⵉⵥⵉⵍⵏ ⴷ ⵓⵙⵓⵜⴳ ⵏ ⵉⵣⴷⴰⵢⵏ ⵉⵎⵣⵔⴰⵢⵏ ⴷ ⵉⵊⵢⵓⵖⵔⴰⴼⵉⵢⵏ ⴷ ⵉⵏⴰⵎⵓⵏⵏ ⴷ ⵉⴷⵍⵙⴰⵏⵏ ⴷ ⵓⵙⵏⵉⵍⵙⵏ, ⴷ ⵓⵎⵙⴰⵙⴰ ⴰⴽⴷ ⵜⵉⵍⵍⵓⴳⵏⴰ ⴷ ⵉⵎⴰⵙⵙⵏ ⵉⴳⵔⴰⵖⵍⴰⵏⵏ ⵍⵍⴰⵏⵉⵏ ⴳ ⵜⵣⴷⴰⵢⵉⵏ ⵊⴰⵔ ⵉⵡⴰⴽⵏ, ⴷ ⵓⵡⵇⵇⵔ ⵏ ⵜⵎⵢⴰⵇⵇⴰⵏⵜ ⵏ ⵡⴰⵎⵓⵔ ⵏ ⵡⴰⴽⵓⵛ ⵜⴰⵎⴰⵖⴰⵔⵉⴱⵉⵜ ⵍⵍⵉ ⵉⴳⴰⵏ ⵜⴰⵙⵉⵍⴰ ⵉⴷⵓⵙⵏ ⵏ ⵜⴰⵎⵓⵏⵜ ⵏ ⵍⵎⵖⴰⵔⵉⴱ, ⵍⵍⵉⵖ ⵉⵖⵔⴰ ⴱⴰⴱ ⵏ ⵡⴰⴷⴷⵓⵔ ⵉ ⵉⵏⵎⵖⵓⵔⵏ ⵏ ⴷⴷⵣⴰⵢⵔ ⵉ ⵓⵍⵜⴰⵖ ⴳ ⵢⴰⵏ ⵓⵎⵙⴰⵡⴰⵍ ⵜⴰⵔ ⵜⴼⴰⴷⵉⵡⵉⵏ ⵣⵡⴰⵔⵏⵉⵏ, ⴷ ⵜⵡⵡⵓⵔⵉ ⵉⵛⵛⴰⵔⵏ ⵉ ⵜⵙⵉⵎⴰⵏⵜ ⵜⴰⵏⴰⵎⵓⵔⵜ, ⵙⵍⴰⵡⴰⵏ ⴰⴽⴽⵯ ⵜⵉⵍⴰⵍⵜ ⵏ ⵍⵎⵖⵔⵉⴱ ⴷ ⵓⴳⵍⵍⵉⴷ ⵏ ⵍⵎⵖⵔⵉⴱ ⴳ ⵓⵣⵎⵣ ⴰⵏⵏ ⵉⴳⵍⵍⵉⵏ ⵏ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ. ⵓⵔ ⴷ ⵖⴰⵙ ⴰⵎⵣⵔⵓⵢ, ⵎⴰⵛⵛ ⵓⵍⴰ ⴰⵣⴷⴰⵢ ⵏ ⵜⵓⴳⴳⴰⵙ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵛⵛⴰⵔⵏⵉⵏ ⴰⵎ ⴰⵣⵡⴰⴳ ⵡⴰⵔⵓⵍⴳⵉⵏ ⴷ ⵓⵙⵖⵏⵣⵉ ⴳ ⵓⴼⴳⴰⵏ ⴷ ⵓⴱⵔⵙⵙⵉⵡⴷ  ⴷ ⵓⵙⵔⵡⵍ ⵏ ⵉⵔⴱⴰⴱⵏ ⴷ ⵉⵙⴷⵓⵀⴷⵓⵢⵏ ⴷ ⵓⴱⴽⴽⴰⴹ ⵉⴳⴰⴷⴷⴰⵏ ⴷ ⵡⵉⵢⵢⴰⴹ.

ⵙ ⵜⵎⵍⴷⴰ ⴰⴷ ⵉⵥⵉⵍⵏ, ⴳ ⵜⵖⵔⵎⵜ ⴰⴷ ⵉⵄⵣⵣⴰⵏ, ⴳ ⵓⵙⴰⵢⵔⵓⵔ ⴰⴷ ⴰⴱⵕⵍⴰⵎⴰⵏⵉ ⴰⴳⵔⴰⵖⵍⴰⵏ, ⵀⴰ ⵏⵏ ⵍⵎⵖⵔⵉⵏ ⵓⵔ ⵔⴰⴷ ⵉⴼⵕⵕⴹ ⴳ ⵜⵃⴱⴱⵉⵜ ⵏ ⵓⵎⵍⴰⵍ ⵏ ⵡⴰⴽⴰⵍ ⵏⵏⵙ ⴰⵏⴰⵎⵓⵔ, ⵍⵍⵉ ⵉⵜⵜⵉⵏⵉ ⵓⵎⵣⵔⵓⵢ ⴷ ⵓⵏⵍⵉ ⴷ ⵜⵎⵥⵍⴰ ⴷ ⵜⵣⵣⵉⴳⵣⵜ ⵏ ⵜⵣⴷⴰⵢⵉⵏ ⵜⵉⴳⵔⴰⵖⵍⴰⵏⵉⵏ, ⵢⴰⵏ ⵓⵣⵔⴼ ⴰⵎⵖⵔⵉⴱⵉ ⵙⵇⵇⵉⵇⵏ ⴷ ⵡⴰⵢⴷⴰ ⴰⵙⵜⵔⴰⵜⵉⵊⵉ ⵉⵣⴷⵉⵏ ⴷ ⵜⵉⵍⵉⵜ ⴷ ⵜⵎⴰⴳⵉⵜ ⴷ ⵉⵎⴰⵍ.

ⴳ ⵓⵎⵏⵉⴷ ⴰⴷ, ⵜⵏⵢⴰⵍⴽⴰⵎ ⵜⵎⴰⵣⵉⵔⵜ ⵏⵏⵖ ⴷ ⵜⵉⵔⴰⵜ ⵜⴰⴳⵔⴰⵖⵍⴰⵏⵜ, ⴷⴰⵜ ⵏ ⵓⴱⵔⵉⴱ ⵉⵜⵜⵓⵇⵇⴰⵏ ⴷ ⵡⴰⵔⴰⵙⴽⵔ ⵏ ⵜⵙⵓⵎⴰⵔ ⵣⵔⵉⵏⵉⵏ ⵡⴰⵜⵜⵙⵏⵉⵏ ⴰⴼⵓⴽⴽⵓ ⵏ ⵓⵎⵣⵔⴰⵢ ⵉⵜⵜⵓⵙⴽⴰⵔⵏ ⴷ ⵓⴼⵔⴰⴳ ⵏ ⵓⵣⵔⴼ ⵓⵍⴳⵉⵏ ⴷ ⵓⵣⵔⴼⴰⵏ ⵏ ⵜⴳⵍⴷⵉⵜ ⴳ ⵡⴰⴽⴰⵍ ⵏⵏⵙ ⴷⴼⴼⵉⵔ ⵏ ⵓⴼⵓⴽⴽⵓ ⵏ ⵓⵙⴷⴷⵓⵔⵉⵢ ⵏ ⵚⴱⴰⵏⵢⴰ ⵍⵍⵉ ⴰⵙ ⵜ ⵉⴽⴽⵙⵏ, ⵉⵙⵎⵏⵉⴷ ⵍⵎⵖⵔⵉⴱ ⴰⵙⵏⴼⴰⵔ ⵏ ⵓⵏⴱⴰⴹ ⴰⵏⵉⵎⴰⵏ ⴳ ⵚⵚⵃⵕⴰ ⴰⵎⵖⵔⵉⴱⵉⵜ, ⴳ ⵓⵙⴰⵜⵉ ⵏ ⵜⵅⵅⵓⵜⵔⴰ ⵏ ⵜⴳⵍⴷⵉⵜ ⴷ ⵜⵢⴰⵏⵜ ⵏⵏⵙ ⵜⴰⵏⴰⵎⵓⵔⵜ ⴷ ⵜⴽⴰⵍⴰⵏⵜ. ⵜⴳⴰ ⵜⴰⵙⵏⵜⴰⵢⵜ ⵏ ⵓⵎⵙⴰⵙⴰ ⵉⵏⵏⵓⵕⵣⵎⵏ ⵉⴳⴰⵏ ⵜⵉⵏ ⵜⵎⴰⵙⴰⵢⵜ ⵍⵍⵉ ⵉⵥⴹⴰⵕⵏ ⴰⴷ ⵜⵙⵎⵓⵏ ⴰⵢⵜⵎⴰⵜⵏ ⵏⵏⵖ ⵉⵚⵃⵕⴰⵡⵉⵢⵏ ⴳ ⴱⵕⵕⴰ ⵏ ⵍⵎⵖⵔⵉⴱ ⵓⵍⴰ ⴰⴳⵯⵏⵙ ⵏⵏⵙ, ⵃⵎⴰ ⴰⴷ ⴷⴰⵔⵙⵏ ⵢⵉⵍⵉ ⵓⵙⵡⵓⴷⴷⵓ ⴰⴷⵉⵎⵓⵙⵔⴰⵟⵉ ⴷ ⵓⵏⵉⵎⴰⵏ ⵉ ⵜⵖⴰⵡⵙⵉⵡⵉⵏ ⵏⵏⵙ  ⵜⵉⴷⵖⴰⵔⴰⵏⵉⵏ, ⴷ ⵓⵙⵜⴰⵢ ⵏ ⵜⴳⵔⴰⵡⵉⵏ ⴷ ⵜⵎⵔⵙⴰⵍ ⵏⵏⵙ ⵜⵉⴷⵖⴰⵔⴰⵏⵉⵏ, ⵜⵉⵣⵣⵔⴰⴼⵉⵏ ⴷ ⵜⴳⵏⵙⴰⵙⵉⵏ ⴷ ⵜⵣⵔⴼⴰⵏⵉⵏ, ⵙ ⵜⵎⵙⴽⵔⵜ ⴰⴷ ⵜⴰⴷⵉⵎⵓⵇⵔⴰⵜⵉⵜ ⵜⴰⵜⵔⴰⵔⵜ ⴳ ⵓⵙⴰⵜⵉ ⵏ ⵓⵏⴱⴰⴹ ⴰⵏⵉⵎⴰⵏ ⵉⴼⴰⵡⵏ ⵉⵟⵟⴰⴼⵏ ⴽⵉⴳⴰⵏ ⵏ ⵉⵎⴷⵢⴰⵜⵏ ⵖⵣⴰⵏⵉⵏ ⴳ ⴽⵉⴳⴰⵏ ⵏ ⵜⵎⵉⵣⴰⵔ ⵜⵉⴷⵉⵎⵓⵇⵔⴰⵟⵉⵢⵉⵏ ⴷ ⵉⵎⵏⴰⴷⵏ ⵉⵙⵔⵜⴰⵏⵏ ⵏ ⵓⵎⵙⴰⵙⴰ ⴳ ⵓⵕⵓⴱⴱⴰ ⴷ ⵎⴰⵔⵉⴽⴰⵏ ⵏ ⵉⵥⵥⵍⵎⴹ ⴷ ⴰⵙⵢⴰ ⴷ ⵉⴼⵔⵉⵇⵢⴰ. ⵜⵙⵙⵏⵎ ⴰⵢⵍⵍⵉ ⵢⵉⵡⵉ ⵓⵙⵏⴼⴰⵔ ⵏ ⵍⵎⵖⵔⵉⴱ ⴷ ⵓⵙⵏⴰⵍ ⴷ ⵓⵙⵓⵜⴳ ⵙⴳ ⵜⴰⴷⴷⵓⵙⵉⵏ ⵜⵉⴳⵔⴰⵖⵍⴰⵏⵉⵏ ⵜⵉⵅⴰⵜⴰⵔⵉⵏ ⵙⵡⵓⵔⵉⵏⵉⵏ ⴳ ⵓⵙⴰⵔⴰⴳ ⴰⴳⵔⴰⵖⵍⴰⵏ, ⴽⵓⵢⴰⵏ ⵉⵏⵏⴰ ⵖⵥⴰⵏ ⵏ ⵜⵙⵏⵜⴰⵢⵜ ⵏ ⵓⵏⴱⴰⴷ ⴰⵏⵉⵎⴰⵏ ⴷ ⵓⵖⵣⴰⵏ ⵏⵏⵙ ⴷ ⵜⴷⵓⵙⵉ ⵏ ⵜⵔⵙⴰⵍ ⵏⵏⵙ ⴷ ⵜⵓⵎⴰⵢⵉⵏ ⵏⵏⵙ ⴷ ⵡⴰⵔⵔⴰⵜⵏ ⵏⵏⵙ ⵉⵣⵔⴼⴰⵏⵏ.

ⵙ ⵖⵎⴽ ⴰⴷ, ⵏⴻⵏⵏⵓⵔⵣ ⵉ ⵜⵙⵏⵜⴰⵢⵜ ⵉⵙⵏⴰⵍⵏ ⴷ ⵜⵉⵏ ⵓⵎⵢⴰⵡⴰⵙ ⵉⴳⴰⵏ ⵜⵉⵏ ⵓⵔⵣⴼ ⴷ ⵢⵉⵙⴽⵉⵍ ⴷ ⵜⵎⵥⵍⴰ ⴷ ⵉⵎⴰⵍ. ⵖⵎⴽ ⴰⵏⵏ ⴰⴼ ⵏⵙⵓⵜⴳ ⵎⴰⵕⵕⴰ ⵜⴰⵖⵜⴰⵙⵜ ⵏ ⵓⵙⵇⵇⵉⵎ ⴰⵎⴰⴷⵍⴰⵏ ⵏ ⵓⵎⵙⵓⵔⵓⴼ ⴷ ⵓⴼⵔⴰ ⵍⵍⵉⵖ ⵉⵙⴽⵔ ⵜⴰⵙⵓⵜⵍⵜ ⴰⴷ ⵜⴰⴱⵕⵍⴰⵎⴰⵏⵉⵜ ⴳ ⵜⵖⵔⵎⵜ ⵏ ⴷⴷⴰⵅⵍⴰ. ⵜⴳⴰ ⵜⴰⵙⵏⵜⴰⵢⵜ ⵜⴰⵎⵣⵡⴰⵔⵓⵜ ⵙⴳ ⵜⵙⴳⴰ ⵏⵏⵓⵏ, ⵉⴳⴰⵏ ⵜⵉⵏ ⵜⵎⴰⵙⴰⵢⵜ ⵉⵎⵙⴰⵙⴰⵏ ⴷ ⵉⵙⵡⴰⵍⴰⵢⵏ ⵏⵏⵓⵏ ⵉⵎⵔⵙⴰⵍⵏⵏ ⴳ ⵓⵙⵡⵓⵔⵉ ⴳ ⵓⵙⴰⵜⵉ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵉ ⵓⵙⵎⴽⵍ ⵏ ⵜⵎⵙⴰⵔⵉⵏ ⵏ ⵓⴼⵔⴰ ⴳⵔⴰⵖⵍⴰⵏ, ⴷ ⵓⵙⵡⵓⵔⵉ ⵉ ⵓⵙⵎⵖⵔ ⵏ ⵡⴰⵜⵉⴳⵏ ⵏ ⵓⵎⵙⴰⵡⴰⵍ ⴷ ⵓⵎⵙⵓⵔⵓⴼ ⴰⵜⵔⴰⵔ ⵉⴱⴷⴷⵏ ⴼ ⵜⵏⴳⴳⵯⴰ ⵓⵔⴷ ⵜⴰⵏⵔⴰ, ⴷ ⵓⵣⵓⵣⵔ ⵏ ⵡⴰⵜⵉⴳⵏ ⴷ ⵜⵎⵔⵙⴰⵍ ⴷ ⵜⴷⵍⵙⴰ ⵏ ⵓⴼⵔⴰ, ⴷ ⵓⵙⵎⵖⵔ ⵏ ⵜⵔⵙⴰⵍ ⵏ ⵓⵙⵍⴳⵏ ⴰⴳⵔⴰⵖⵍⴰⵏ ⴷ ⵓⵙⴷⵓⵙ ⵏⵏⵙⵏ, ⴷ ⵓⵡⵇⵇⵔ ⵏ ⵡⵇⵜⵉⴳⵏ ⵏ ⵓⵎⵙⴰⵡⴰⵍ ⴷ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ ⴷ ⵓⵙⵕⵚⵓ ⵏ ⵜⵔⵙⴰⵍ ⵏ ⵓⵎⵙⴰⵡⴰⵍ ⵊⴰⵔ ⵜⵉⴷⵍⵙⴰⵡⵉⵏ ⴷ ⵡⴰⵎⵓⵏⵏ ⴳ ⵓⵎⵏⴰⴷ ⴰⴳⵔⴰⵖⵍⴰⵏ ⵉⵜⵜⴰⵙⵉⵏ ⵜⵉⵏⵓⴼⴰ ⵏ ⵉⵡⴰⵏⴽⵏ ⵉⴹⵎⵏ ⵉⵙⵓⴳⴰⵎ ⵏ ⵉⵎⴰⴷⴰⵏⵏ, ⵉⵙⵔⵙ ⴰⵙⵡⵓⵔⵉ ⵙ ⵉⵙⵍⴳⵏⵏ ⴷ ⵉⵙⵖⴰⵍⵏ ⴷ ⵜⵔⵙⴰⵍ ⵜⵉⴳⵔⴰⵖⵍⴰⵏⵉⵏ ⴼ ⵉⵍⵍⴰ ⵓⵎⵙⴰⵙⴰ ⴳ ⵓⵙⴰⵜⵉ ⵏ ⵜⵎⵜⵜⴰ ⵎⵓⵏⵏⵉⵏ ⴷ ⵓⵏⴳⵔⴰⵡ ⴰⴳⵔⴰⵖⵍⴰⵏ.

ⴳ ⵜⴳⵉⵔⴰ, ⴷⴰ ⵙⵎⴰⵢⵏⵓⵖ ⴰⵙⴱⵔⵔⴽ ⵙⵔⵓⵏ ⴳ ⵜⵎⴰⵣⵉⵔⵜ ⵏⵏⵓⵏ ⵜⵉⵙ ⵙⵏⴰⵜ ⵏⴻⵏⵏⵓⵔⵣⵖ ⵙ ⵡⴰⵡⴰⵍ ⵏ ⵕⴱⴱⵉ ⴰⴷ ⵜⵉⵍⵉⵜ ⵏⵏⵓⵏ ⴳ ⵜⵖⵔⵎⵜ ⵏ ⴷⴷⴰⵅⵍⴰ ⵎⴽ ⵜⵥⵉⵍ ⵜⵉⵍⵉⵜ ⵏⵏⵓⵏ ⴳ ⵜⵎⴰⵥⵓⵏⵜ ⵏ ⵕⵕⴱⴰⵟ, ⵏⴻⵏⵏⵓⵔⵣ ⴰⴽⴽⵯ ⵙ ⵜⵉⵢⵢⴰⴼⵓⵜⵉⵏ ⵍⵍⴰⵏⵉⵏ ⴷ ⵡⴰⵜⵉⴳⵏ  ⵏ ⵜⴷⵉⵎⵓⵇⵔⴰⵟⵉⵜ, ⴰⵜⵉⴳⵏ ⵏ ⵓⵎⵙⵔⵓⴼ ⴷ ⵓⴼⵔⴰ, ⴼⵔⴳⵏ ⵜⵉⵎⵢⵓⵔⵉⵏ ⵏ ⵜⵡⵡⵓⵔⵉ ⴳ ⵉⵎⴰⵏ ⵉⵥⵉⵍⵏ ⵉⵍⵍⴰⵏ ⴱⴷⴷⴰ ⴷ ⵓⵣⵔⴼ ⴷ ⵢⵉⵙⴽⵉⵍ ⴷ ⵜⵣⵔⴼⵜ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ