ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵍⵎⵖⵔⵉⴱ-ⵍⴰⵏⴷⵉⵣ

ⵙ ⵉⵙⵎ ⵏ ⵕⴱⴱⵉ

ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ

ⵎⴰⵙⵙ Fidel Espinoza Sandovalⴰⵏⵙⵙⵉⵅⴼ ⵏ ⵓⴱⵕⴰⵍⴰⵎⴰⵏ ⵏ ⵍⴰⵏⴷⵉⵣ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⴳⵎⴰⵎⴰⵏ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ

ⵎⴰⵙⵙ ⴰⵎⴰⵔⴰ ⴰⵎⴰⵜⴰⵢ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵖⵓⵔⵉ ⵜⵓⵎⵔⵜ ⴰⴷ ⵏⵎⵓⵏ ⴰⵙⵙ ⴰⴷ ⵏⴼⴽ ⴰⵎⵏⴰⴷ ⴰⵎⴰⵢⵏⵓ ⵉ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⴰⴳⵜⵉⵔⴰⵏⵉ, ⵍⵍⵉ ⵉⵙⵎⵓⵏⵏ ⵊⴰⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ.

ⵜⴳⴰ ⵜⵙⵏⵜⴰⵢⵜ ⵏ ⵓⵙⴽⵔ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵍⵎⵖⵔⵉⴱ-ⵍⴰⵏⴷⵉⵣ ⵜⴰⴷ ⵉⵎⵎⴰⵍⴰⵏ ⵙ ⵜⵖⴰⵔⴰⵙⵜ ⵉⴼⴰⵡⵏ ⵜⴰⵣⵣⵉⴳⵣⵜ ⵏ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵍⴰⵏⴷⵉⵣ, ⴰⵔ ⵜⵎⵎⴰⵍ ⵜⵉⵔⴰⵜ ⵏⵏⵖ ⵉ ⵜⵣⵣⵉⴳⵣⵜ ⵙ ⴷⴰⵜ ⵉ ⵓⵙⵎⵖⵔ ⵏ ⵜⵎⴷⵔⴰⵡⵉⵏ ⵏⵏⵖ ⵙ ⵎⴰⴷ ⴷ ⵉⵡⵉⵏⵜ ⵜⵏⴰⵥⴰⵕⵉⵏ ⵜⵉⴳⵔⴰⵖⵍⴰⵏⵉⵏ ⵜⵉⵅⴰⵜⴰⵔⵉⵏ ⴳ ⵉⴳⵔⴰⵏ ⵏ ⵜⵏⴼⵔⵓⵜ ⴷ ⵜⵥⴹⴰⵕⵜ ⴷ ⵉⵙⵏⴼⵍⵏ ⵏ ⵓⵏⵣⵉ ⴷ ⵓⵣⵡⴰⴳ ⴷ ⵡⵉⵢⵢⴰⴹ.

ⵔⴰⴷ ⵉⴳ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵉ ⵏⴽⴽⵯⵏⵉ ⴰⴽⴽⵯ ⵉ ⵓⵎⴹⴰⴽⴰⵕ ⵏ ⵜⵎⵙⴰⵔⵉⵏ ⵃⵎⴰ ⴰⴷ ⵢⵉⵍⵉ ⵓⵣⴷⴰⵢ ⵏ ⵉⵣⵣⵔⴰⴼⵏ ⴷ ⵓⵙⴷⵓⵙ ⵏ ⵜⵡⵉⵣⵉ ⵊⴰⵔ ⵉⵡⴰⵏⴽⵏ ⵉⴳⵎⴰⵎⵏ ⴷ ⵓⵙⵏⴰⵍ ⵏ ⵜⴷⵉⵎⵓⵇⵔⴰⵟⵉⵜ ⵜⴰⵎⴰⴷⵔⴰⵡⵜ ⴷ ⵜⵣⵣⵉⴳⵣⵜ ⴷ ⵜⴳⵎⵉ ⵉ ⵉⵎⴰⴷⴰⵏⵏ ⵏⵏⵖ.

ⵎⴰⵙⵙ ⴰⵏⵙⵙⵉⵅⴼ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⵉⴳⴰ ⵓⵙⴽⵔ ⵏ ⵓⵙⵉⴷⴼ ⴰⴷⵎⵙⴰⵏ ⵉ ⵉⵡⴰⵏⴽⵏ ⵏ ⵍⴰⵏⴷⵉⵣ ⴳ ⵉⵙⴳⴳⵯⴰⵙⵏ ⵏ 60 ⴳ ⵜⴰⵙⵓⵜ ⵉⵣⵔⵉⵏ ⵜⵉⵔⴰⵜ ⵏ ⵓⵣⵓⵛⵛⵍ ⵏ ⵓⵣⴷⴰⵢ ⴷ ⵓⵙⵍⴻⵍⵍⵉ ⵏ ⵓⵙⵖⵏⵣⵉ ⴷ ⵓⵙⴽⵔ ⵏ ⵜⴰⵎⵓⵏⵜ ⵏ ⴷⴷⵉⵡⴰⵏⴰ ⴳⵔ ⵉⴳⵎⴰⵎⴰⵏ ⵏⵏⵙ, ⵉⴳ ⵓⵎⵙⴰⵙⴰ ⵏ ⵇⴰⵕⵟⴰⵊⴰⵏⵏⴰ ⵉⵜⵜⵓⵣⵎⵎⴰⵎⵏ ⴳ 1969 ⴰⵙⴰⵖⵓⵍ ⴳ ⵓⵎⵏⵉⴷ ⴰⴷ.

ⵏⵔⴰ ⴳ ⵍⵎⵖⵔⵉⴱ ⴰⵙⵎⵖⵔ ⵏ ⵜⵣⴷⴰⵢⵉⵏ ⵜⵉⴷⵎⵙⴰⵏⵉⵏ ⴰⴽⴷ ⵜⴰⵎⵓⵏⵜ ⵏ ⵍⴰⵏⴷⵉⵣ ⴷ ⵜⵣⵣⵉⴳⵣⵜ ⴳ ⵓⴷⵖⴰⵔ ⵏⵏⵖ ⴷ ⴰⵎⴷⵔⴰⵡ ⵉⵥⵉⵍⵏ ⴳ ⵉⴼⵔⵉⵇⵢⴰ ⴷ ⴷⴰⵔ ⵡⴰⵄⵕⴰⴱⵏ ⴰⴽⴷ ⵜⴰⵔⴰⴱⴱⵓⵜ ⵏⵏⵓⵏ, ⵏⵍⵍⴰ ⴳ ⵢⴰⵏ ⵓⵎⴰⴹⵍ ⴳ ⵓⵔ ⵟⵟⴰⴼⵏ ⵉⴷⵔⵉⵣⵏ ⴼ ⵓⵎⵓⵙⵙⵓ ⵏ ⵜⵎⴳⵓⵔⴰ ⴷ ⵜⵏⵓⴼⴰ ⴷ ⵉⵙⵙⴰⵔⵓⵜⵏ.

ⵉⵖ ⵜⴳⴰ ⵜⵉⵔⴰⵜ ⵜⴰⴷ ⵉⴷⵓⵙⵏ, ⵔⴰⴷ ⵣⵣⵔⵉⵏⵜ ⵜⵡⵡⵓⵔⵉⵡⵉⵏ ⵏ ⵓⵙⵉⴷⴼ ⴰⴷⵎⵙⴰⵏ ⴽⵓ ⵉⵡⵜⵜⴰ ⴷ ⵉⵎⵏⴰⴹⵏ. ⵏⵓⵎⵎⵔ ⵙ ⵓⵣⴷⴰⵢ ⵏ ⵜⵣⴷⴰⵢⵜ ⴰⴷ ⴷ ⵉⵡⴰⵏⴽⵏ ⵏ ⵍⴰⵏⴷⵉⵣ. ⵏⴻⵔⴰ ⴰⴷⵍⵍⵉ ⴰⴷ ⵜⴻⵟⵟⵉⴼ ⵜⴰⵏⵏⴰⵣⵏ ⵜⵙⴷⵓⵙ ⵜⵉⵣⴷⴰⵢⵉⵏ ⵜⵉⴷⵎⵙⴰⵏⵉⵏ ⴷ ⵜⵉⵏ ⵓⵙⵖⵏⵣⵉ ⴰⴽⴷ ⵉⵡⴰⵏⴽⵏ ⵏ ⵍⵎⴰⵖⴰⵔⵉⴱ, ⵎⴰⵛⵛ ⵙ ⵓⵖⵉⵍⵓⴼ, ⵎⵇⵇⴰⵔ ⵜⵉⵔⵎⵉⵜⵉⵏ ⵖ ⵉⵍⵍⴰ ⵍⴱⵔⵉⵃ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ ⵉ ⵓⵕⵥⵥⵓⵎ ⵏ ⵉⵡⵜⵜⴰ ⴰⴽⴷ ⴷⴷⵣⴰⵢⵔ ⵜⴰⴳⵯⵎⴰⵜ, ⵎⴰⵛⵛ ⴰⵙⴽⵉⵔ ⵏ ⵉⵎⵏⴱⴰⴹⵏ ⵏⵏⵙ ⴳ ⵜⵣⵣⵉⴳⵣⵜ ⵏ ⵓⵇⵏ ⵉⵡⵜⵜⴰ ⴷⴰⵜ ⵏ ⵓⵎⵎⵓⵜⵜⵉ ⵏ ⵜⵎⴳⵓⵔⴰ ⴷ ⵉⵎⵣⴷⴰⵖⵏ, ⵓⵔ ⵉⴳⵉ ⵖ ⵚⴰⵃⴰ ⵏ ⵉⵎⴰⴷⴰⵏⵏ ⴷ ⵜⵙⴳⴰ ⴰⴽⴽⵯ, ⴷⴷⵓⵏⵜ ⵜⵎⵍⴷⴰ ⵏ ⵜⴳⵎⵉ ⴷ ⵓⵙⵉⴷⴼ ⴷ ⵓⵙⵎⴰⴷ ⴰⴷⵎⵙⴰⵏ ⴷ ⵓⵏⴰⵎⵓⵏ.

ⵉⴼⴰ ⵎⴰⵙ ⵓⴽⴰⵏ ⵙⵓⵍ ⵜⵛⴰ ⵜⵙⴱⴱⴰⴱⵜ ⵊⴰⵔ ⵍⵎⵖⵔⵉⴱ ⴷ ⵉⵡⴰⵏⴽⵏ ⵏ ⵍⴰⵏⴷⵉⵣ, ⵜⵉⴷⵔⵓⵙ ⴼ ⵜⵥⴹⴰⵕⵉⵏ ⵏ ⵜⵉⴷⵜ ⵍⵍⴰⵏⵉⵏ ⴳ ⵜⵉⴷⵜ, ⵍⵍⵉⵖ ⵜⴻⵟⵟⴰⴼ ⵜⵙⴳⴰ ⵏ ⵍⴰⵏⴷⵉⵣ ⵜⵉⴷⵎⵙⴰⵏⵉⵏ ⵥⵉⵍⵏⵉⵏ ⴳ ⵓⵎⵏⵥⴰⵡ ⵏ ⵎⴰⵔⵉⴽⴰⵏ ⵉⴳ ⵍⵎⵖⵔⵉⴱ ⵜⴰⴷⵎⵙⴰ ⴳ ⵉⵍⵍⴰ ⵓⵔⴳⴳⵉⴳ ⴷ ⵜⴷⵉⵏⴰⵎⵉⵜ ⴳ ⵓⵎⵏⴰⴹ ⵏⵏⵙ ⴰⵏⵎⵏⴰⴹ ⴷ ⵓⵎⵏⵥⴰⵡ.

ⵏⴽⴽⵏⵉ ⴰⵙⵙ ⴰⴷ ⴰⵔ ⵏⵙⴽⴰⵔ ⵙ ⵜⵖⴰⵔⴰⵙⵜ ⵉⵛⵛⴰⵔ ⵢⴰⵏ ⵉⵎⴰⵍ ⵢⴰⵥⵏ ⵉⵥⵉⵍⵏ ⵙ ⵜⵓⴳⴳⵯⴰⵙ  ⵏⵏⵖ ⵉ ⵓⵙⵏⴰⵍ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴳ ⵜⵙⵎⴷⴰ ⴷ ⵓⵙⵖⵏⵣⵉ ⴷ ⵓⵙⴽⵔ ⵏ ⵜⵎⵏⵜⵉⵍⵉⵏ ⵏ ⵜⵓⴷⵔⵜ ⵏ ⵓⴷⴷⵓⵔ ⵉ ⵉⵎⴰⴷⴰⵏⵏ ⵏⵏⵖ ⴷ ⵓⵙⴽⵔ ⵏ ⵥⵥⵀⵔⵜ ⵏⵏⵙⵏ.

ⵉⴳⴰ ⵓⵙⵜⴰⵢ ⵏ ⵜⵏⴼⵔⵓⵜ ⵜⴰⵥⴹⵕⴰⵏⵜ ⴷ ⴰⵙⵓⴳⵎ ⵡⵉⵙ ⵙⵉⵏ ⵏ ⵉⵎⴹⴰⴽⴰⵕⵏ ⵏ ⵓⵏⵎⵓⵇⵇⴰⵔ ⴰⴷ, ⵙ ⵜⵎⵓⴽⵔⵉⵙⵉⵏ ⵍⵍⵉ ⵏⴷⴷⵔ ⴳ ⵓⴼⴰⵔⵙ ⵏ ⵜⵥⴹⴰⵕⵜ ⵍⵍⵉⵖ ⵓⵔ ⴳⴳⴰⴷⴷⴰⵏ ⵉⵙⵓⵔⵙⵏ ⴳ ⴽⵉⴳⴰⵏ ⵏ ⵜⵙⴳⴳⵉⵡⵉⵏ ⴳ ⵓⵎⴰⴹⴰⵍ.

ⵜⵙⵙⵏⵎ ⴰⴽⴽⵯ ⵎⴰⵙ ⴷ ⵓⵍⵓⵢ ⵏ ⵡⴰⵜⵉⴳⵏ ⵏ ⵉⵙⵔⵓⵜⵏ ⴷ ⵡⴰⵜⵉⴳⵏ ⵏ ⵜⵎⵜⵜⵉⵡⵉⵏ ⵜⵉⴷⵙⵍⴰⵏⵉⵏ, ⴰⵢⵍⵍⵉ ⵉⴽⴽⴰⵏ ⴼ ⵜⵙⵓⴳⵔⵜ ⵏ ⵎⵙⵓⵖⵜ ⵏ ⵉⵡⴷⴰⵏ ⵢⴰⵍⵍ ⴰⵜⵉⴳ ⵏ ⵜⵓⴷⵔⵜ ⵏⵏⵙⵏ, ⴷ ⵜⴹⵓⵕⵉ ⵏ ⵜⵔⵙⴰⵍ ⵏ ⵜⵏⴼⵔⵓⵜ ⵏ ⵓⵜⵛⵓ ⵉ ⴽⵉⴳⴰⵏ ⵏ ⵉⵡⴰⵏⴽⵏ ⴷ ⵜⴷⵔⵓⵙ ⵜⴳⵎⵉ.

ⴳ ⵓⵙⴰⵜⵉ ⴰⴷ, ⵉⵙⴳⵓⴷⵉ ⵓⴳⵔⴰⵡ ⵏ ⵍⴰⵏⴷⵉⵣ ⵜⵉⵔⵎⵉⵜ ⵉⵥⵉⵍⵏ ⴳ ⵓⵣⴷⴰⵢ ⴷ ⵓⵙⵉⴷⴼ ⴰⵥⴹⴰⵕⴰⵏ ⵊⴰⵔ ⵉⴰⵡⵏⴽⵏ ⵏⵏⵙ ⵙ ⵓⵙⴽⵔ ⵏ ⵓⵙⵇⵇⵉⵎ ⵏ ⵉⵎⴰⵡⵙⴰⵙⵏ ⵏ ⵜⵥⴹⴰⵕⵜ ⴳ 2003, ⵉⵙⵖⵣⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵉⵙⵍⴳⵏⵏ ⵏ ⵓⵙⴰⵜⵉ ⵉ ⵓⵙⵎⵖⵔ  ⵏⵉⴳⵔⴰⵏ ⴳⵉⵙⵏ ⴰⵙⵎⵖⵔ ⵏ ⵢⵉⴳⵔ ⵏ ⵜⵥⴹⴰⵕⵜ ⵜⴰⵙⵓⵍⴰⵏⵜ.

ⴰⵔ ⵏⵙⵙⵔⵓⵙ ⵜⵉⵔⵎⵉⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷⴰⵜ ⵏ ⵍⴰⵏⴷⵉⵣ, ⵜⵉⵔⵎⵉⵜ ⵉⴳⴰⵏ ⵜⴰⵎⵣⵡⴰⵔⵓⵜ ⴳ ⵓⵙⵡⵉⵔ ⵎⴰⴹⵍⴰⵏ ⴳ ⵢⵉⴳⵔ ⵏ ⵜⵥⴹⴰⵕⵜ ⵜⴰⵎⴰⵢⵏⵓⵜ ⵉⵖⵓⵙⵏ, ⵉⵡⴰⵜⵜⵙⵏ ⴰⵙⴽⵔ ⵏ ⵜⵉⵕⵡⵉ ⴷ ⵜⵙⵉⵎⴰⵏⵜ ⵜⴰⵥⴹⴰⵕⴰⵏⵜ ⴷ ⵓⵙⵉⴷⵔⵓⵙ ⵏ ⵉⴳⴰⵣⵏ ⵔⵖⴰⵏⵉⵏ, ⵜⵓⵍⵍ ⵜⵙⵜⵔⴰⵜⵉⵊⵉⵜ ⵜⴰⵥⴹⴰⵕⴰⵏⵜ ⵏ ⵍⵎⵖⵔⵉⴱ ⵜⵉⵔⵎⵜ ⵏ ⵓⴼⴰⵔⵙ ⵏ ⵜⵉⴼⴰⵡⵜ ⵙⴳ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ ⵙ ⵓⵙⵉⴷⵔⵓⵙ ⵏ ⵓⴱⴷⴷⴰⴷ ⴼ ⵜⵥⴹⴰⵕⵉⵏ ⵜⵉⵇⴱⵓⵔⵉⵏ ⵍⵍⵉⴷ ⵏⵜⵜⴰⵡⵉ ⵙⴳ ⴱⵕⵕⴰ. 

ⴰⵎⵎⵓⵜⵓⵢ ⴰⵥⴹⴰⵕⴰⵏ ⵏ ⵍⵎⵖⵔⵉⴱ ⴰⵔ ⵉⵎⵎⴰⵍⴰ ⴰⵙⴰⵡⴰⵍ ⵙ ⵓⵙⵎⵖⵔ ⵏ ⵉⵙⵏⴼⴰⵔⵏ ⵏ ⵜⵥⴹⴰⵕⵉⵏ ⵜⵉⵎⴰⵢⵏⵓⵜⵉⵏ, ⴷ ⵓⵙⵉⵣⴷⵔ ⵏ ⵓⵏⵛⴽ ⵏ ⵜⵥⴹⴰⵕⵜ ⵉⵜⵜⵓⵙⵎⵔⴰⵙⵏ ⵙ ⵓⵙⵎⵔⵙ ⴰⵏⴻⵍⴻⵍⵍⵉ ⵏ ⵜⵥⴹⴰⵕⵜ ⴳ ⵜⵓⵚⴽⵉⵡⵉⵏ ⴷ ⵜⴻⵜⵉⴽⵏⵓⵍⵓⵊⵉⵢⴰⵜ.

ⵎⴰⵙⵙ ⴰⵏⵙⵙⵉⵅⴼ

ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ

ⴰⵔ ⵉⵎⵎⴰⵍⴰ ⵓⵎⴹⴰⴽⴰⵕ ⵏⵏⵖ ⵏ ⵡⴰⵙⵙ ⴰⴷ, ⴰⵜⵉⴳ ⵏ ⵓⵙⴽⵔ ⵏ ⵜⵙⵏⵜⴰⵢⵉⵏ ⵜⵉⴳⵜⵉⵔⴰⵏⵉⵏ ⴰⵎ ⵜⵉⴷ ⵏⵙⴽ ⴰⵙⵙ ⴰⴷ, ⵉ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵓⵣⴷⴰⵢ ⵏ ⵡⴰⴷⴷⴰⴷⵏ ⴷ ⵓⵙⴷⵓⵙ ⵏ ⵓⵎⵛⴰⵡⴰⵕ ⴰⵙⵔⵜⴰⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⴹ ⴷ ⵜⵡⵉⵣⵉ ⵊⴰⵔ ⵜⵉⵎⵉⵣⴰⵔ ⵏⵏⵖ.

ⵔⵉⵖ ⴳ ⵜⴳⵉⵔⴰ ⴰⴷ ⵉⵏⵉⵖ ⵎⴰⵙ ⵉⵢⵉ ⵉⵙⵙⵓⵙⵎ ⵓⵎⵛⴰⴱⴱⴰⴽ ⵏⵏⵓⵏ ⴷ ⵓⴼⵔⴰⴽ ⵏⵏⵓⵏ ⵙ ⵉⵎⴰⵍ ⵏ ⵉⵎⴰⴷⴰⵏⵏ ⵏ ⵍⴰⵏⴷⵉⵣ, ⵙⵓⵜⴳⵖ ⵓⵍⴰ ⴰⵙⵏⴰⵍ ⵏⵏⵓⵏ ⵉ ⵜⵔⵎⵉⵜⵉⵏ ⵏ ⵜⵢⴰⵏⵜ ⴷ ⵜⴰⵎⵓⵏⵜ ⴷ ⵓⵙⵉⴷⴼ ⴳ ⵓⵎⴰⴹⴰⵍ, ⴷ ⵜⴰⴳⵯⵉⵜ ⵏⵏⵓⵏ ⵉ ⵉⵙⵡⴰⵍⴰⵢⵏ ⵏ ⵜⵉⵟⵟⵉⵜ ⴷ ⵜⵉⴱⴹⵉⵜ ⵓⵔ ⵜⵜⵉⵍⵉⵏⵉⵏ ⴳ ⵚⴰⵃⴰ ⵏ ⵓⴼⵙⵙⴰⵢ ⴷ ⵜⵏⴰⵥⵕⵉⵏ ⵖ ⵏⴷⴷⵔ ⵖⵉⵍⴰⴷ ⵖ ⵎⴰ ⵏ ⴷ ⵎⴰ ⵏⵏ ⵢⴰⴳⴳⵓⴳⵏ.

ⵜⴰⵏⵎⵎⵉⵔⵜ ⴼ ⵓⵙⵙⴼⵍⴷ ⵏⵏⵓⵏ