ⵜⵎⴹⴰⴽⴰⵕ ⵜⵙⵇⵇⵉⵎⵜ ⵏ ⵓⵙⵙⵍⵎⴷ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⵖⵓⵍ ⵏ ⵜⵉⵍⴰⵍ ⵏ ⵜⴷⵍⵙⴰ ⴷ ⵜⵥⵓⵕⵉ ⵙ ⵜⵉⵍⵉⵜ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ

ⵜⵙⵏⵎⴰⵍⴰ ⵜⵙⵇⵇⵉⵎⵜ ⵏ ⵓⵙⵙⵍⵎⴷ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⴰⵙⵙ ⵏ ⵓⴽⵕⴰⵙ 21 ⴽⵟⵓⴱⵕ 2020 ⵜⴰⵙⵎⵓⵏⵉ ⵍⵍⵉ ⵉⵙⵙⵉⵅⴼ ⵎⴰⵙⵙ ⵎⵓⵃⴰⵎⵎⴰⴷ ⵎⵍⵍⴰⵍ ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ, ⵙ ⵜⵉⵍⵉⵜ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵓⵍⴰ ⵙ ⵓⴼⵉⵣⵢⵓⵏⴽⵓⵏⴼⵉⵕⵓⵏⵚ. ⵖ ⵜⵙⵎⵓⵏⵉ ⴰⴷ, ⵉⵙⵎⵏⵉⴷ ⵎⴰⵙⵙ ⵄⵓⵜⵎⴰⵏ ⵍⴼⵉⵔⴷⴰⵡⵙ ⴰⵎⴰⵡⵙⴰⵙ ⵏ ⵜⴷⵍⵙⴰ ⴷ ⵜⵄⵄⵓⵔⵎⴰ ⴷ ⵜⵓⵏⵏⵓⵏⵜ ⴰⵙⵏⴼⴰⵔ ⵏ ⵓⵙⵍⴳⵏ ⵓⵟⵟⵓⵏ 74.19 ⵉ ⵓⵙⵏⵎⴰⵍⴰ ⵏ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴷ ⵓⵎⴹⴰⴽⴰⵕ ⵏ ⵉⵎⵔⵙⵉⵡⵏ ⴼ ⵓⵖⵓⵍ ⵏ ⵜⵉⵍⴰⵍⵏ ⵏ ⵜⴷⵍⵙⴰ ⴷ ⵜⵥⵓⵕⵉ ⴷ ⵓⵖⴰⵡⴰⵙ ⵏ ⵜⵏⴱⴰⴹⵜ ⵉ ⵓⵣⵔⴰⵢ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⵖ ⵢⵉⴳⵔ ⵏ ⵜⴷⵍⵙⴰ ⴷ ⵜⵖⵔⵉ ⵏ ⵉⵙⵖⵓⵍⵏ ⵏ ⵜⵉⴽⴽⵉ ⵏ ⵓⵙⵏⴰⵍ ⵉ ⴽⵔⴰ ⵏ ⵉⵏⴰⵥⵓⵕⵏ ⵖ ⵜⵎⴰⵣⵉⵔⵜ ⵏⵏⵖ.

ⵉⵙⴰⵡⵍ ⵎⴰⵙⵙ ⴰⵎⴰⵡⵙⴰⵙ ⴼ ⵜⴱⵔⵉⴷⵜ ⵏ ⵓⵙⵏⴰⵍ ⵏ ⵉⵙⵏⴼⴰⵔⵏ ⵏ ⵉⵏⴰⵥⵓⵕⵏ, ⴼ ⵍⵍⴰⵏⵜ ⵜⵙⵇⵇⵉⵎⵉⵏ ⵜⵉⵙⵉⵎⴰⵏⵉⵏ ⵜⵜⵓⵙⴽⴰⵔⵏⵉⵏ ⵙ ⵓⵎⵕⵚⵓⵎ, ⵖ ⵍⵍⴰⵏ ⵉⴷ ⴱⴰⴱ ⵏ ⵜⵣⵣⵓⵍⵉⵏ ⵟⵟⴰⴼⵏⵉⵏ ⵜⴰⵎⵓⵣⴰⵢⵜ: ⵜⴰⵙⵇⵇⵉⵎⵜ ⵏ ⵓⵥⴰⵡⴰⵏ, ⵜⴰⵙⵇⵇⵉⵎⵜ ⵏ ⵜⵥⵓⵕⵉ, ⵜⴰⵙⵇⵇⵉⵎⵜ ⵏ ⵓⵎⵣⴳⵓⵏ.

ⵉⵔⴰⵔ ⵎⴰⵙⵙ ⵍⴼⵉⵔⴷⴰⵡⵙ ⴼ ⵉⵙⵇⵙⵉⵜⵏ ⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵥⵍⵉⵏⵉⵏ ⴷ ⵓⵖⴰⵡⴰⵙ ⵏ ⵓⵙⵏⴰⵍ ⵏ ⵉⵏⴰⵥⵓⵕⵏ ⴷ ⵉⵙⵖⵓⵍⵏ ⵏ ⵓⴱⵟⵟⵓ ⵏ ⵓⵙⵏⴰⵍ ⴰⴷ, “ⵔⴰⴷ ⵜⵜⵓⵙⴽⵉⵔ ⵢⴰⵜ ⵜⵙⵉⵍⴰ ⵜⴰⵎⵓⵟⵟⵓⵏⵜ ⵉ ⵓⵙⵏⴰⵍ, ⵙ ⵜⵖⴰⵔⴰⵙⵜ ⵜⴰⵣⵔⴼⴰⵏⵜ, ⵏ ⵜⵎⵙⵎⵓⵏⵉⵏ ⵍⵍⵉ ⵙⴽⴰⵔⵏⵉⵏ ⵜⵉⵎⵣⴳⵓⵏⵉⵏ ⴷ ⵉⵙⴼⵙⴰⵔⵏ ⵃⵎⴰ ⴰⴷ ⵢⵉⵍⵉ ⵓⵣⵓⵣⵣⵔ ⵏⵏⵙⵏ ⵖ ⵜⵙⵉⴰⵍ ⴰⴷ”.

ⵢⵉⵏⵉ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⴷ “ⴰⵙⵍⴳⵏ ⵓⵔ ⴰ ⵢⴰⴽⴽⴰ ⵉ ⵜⵎⴰⵡⴰⵙⵜ ⴰⴷ ⵜⵙⵖ ⴽⵔⴰ ⵏ ⵜⵏⴰⴼⵓⵜ ⵜⴰⵏⴰⵥⵓⵕⵜ ⴰⴱⵍⴰ ⵉⵖ ⵔⴰⴷ ⵜⴻⵜⵜⵓⵣⴻⵣⵣⵉⵔ ⵖ ⵓⵙⴰⵔⵓ ⴷ ⵜⵏⵣⵡⴰⵢⵜ, ⴰⵢⵍⵍⵉ ⵔⴰⴷ ⵜⴼⵙⵉ ⵜⵎⴰⵡⴰⵙⵜ”.

ⵢⵉⵏⵉ ⵓⵍⴰ “ⵎⴰⵙ ⴷ ⵜⴰⵙⵉⵍⴰ ⴰⴷ ⵔⴰⴷ ⵜⵉⵍⵉ ⵖ ⵜⵉⵣⵉ ⵏ ⵜⴰⵙⵙⴰⵙⵜ ⵜⴰⴷⵓⵙⴰⵏⵜ ⵍⵍⵉⵖ ⵍⴰⵃ ⵉⵎⵓⵙⵙⵓⵜⵏ ⴷ ⵉⵏⵎⵓⵇⴰⵔⵏ ⵖ ⵙⵡⵓⵔⵉⵏ ⴽⵉⴳⴰⵏ ⵏ ⵉⵏⴰⵥⵓⵕⵏ ⵙⵍⴰⵡⴰⵏ ⴰⴽⴽⵯ ⵖ ⵜⵎⵏⴰⴹⵉⵏ, ⵜⵍⵍⴰ ⵜⵖⵔⵉ ⵏ ⵜⵙⵡⵉⵏⴳⵎⵜ ⵏ ⵓⵙⵏⴰⵍ ⵏ ⵓⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⵉⵎⵓⵟⵟⵓⵏⵏ”.

ⴼⴽⴰⵏ ⵉⴷ ⵎⴰⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ ⵜⵉⵙⵓⵎⵔⵉⵏ ⵍⵉ ⵥⵍⵉⵏⵉⵏ ⵙ ⵓⵙⴽⵔ ⵏ ⵜⵙⵏⵜⴰⵢⵉⵏ ⵏ ⵓⵙⵏⴼⵍⵓⵍ ⵖ ⵜⴰⵙⵙⴰⵙⵜ ⴰⴷ ⵍⵍⵉ ⵔⴰⴷ ⵢⴰⵡⵙ ⵉ ⵉⵏⵎⵓⵔⴰⵏ ⴰⴷ ⵥⵕⵉⵏ ⵜⵉⵡⵓⵔⵉⵡⵉⵏ ⵏ ⵜⵥⵓⵕⵉ ⵙ ⵉⵎⴰⵙⵙⵏ ⵏ ⵜⵎⵓⵟⵟⵓⵏⵜ.

ⵖⵎⴽ ⵍⵍⵉ ⵜⵜⵔⵏ ⴽⵉⴳⴰⵏ ⵏ ⵉⵏⵖⵎⵉⵙⵏ ⴼ ⵓⵙⵏⴰⵍ ⵏ ⵜⵎⴰⵡⴰⵙⵜ, ⴷ ⵓⵅⵎⵎⴻⵎ ⵖ ⵉⵎⵙⵡⵓⵔⵉⵢⵏ ⵖ ⵢⵉⴳⵔ ⵏ ⵜⵥⵓⵕⵉ ⵖ ⵉⴼⴰⵔⴰⵏⵏ ⵃⵎⴰ ⴰⴷ ⵜⵉⵍⵉ ⵜⵏⴳⴰⴷⴷⴰⵢⵜ ⵖ ⵓⵎⵏⵉⴷ ⴰⴷ.

ⵜⵎⴹⴰⴽⴰⵕ ⵉⵍⵎⵎⴰ ⵜⵙⵇⵇⵉⵎⵜ ⵉⵎⵔⵙⵉⵡⵏ ⴰⴷ:

- “ⴰⵎⴹⴰⴽⴰⵕ ⵏ ⵓⵖⵓⵍ ⵏ ⵜⵉⵍⴰⵍ ⵜⵉⴷⵍⵙⴰⵏⵉⵏ ⴷ ⵜⵏⴰⵥⵓⵕⵉⵏ ⵖ ⵜⵎⴰⵣⵉⵔⵜ ⵏⵏⵖ ⴷⴼⴼⵉⵔ ⵏ ⵜⴱⵉⴷⴷⴰⴷⵜ ⵏⵏⵙⵏⵜ ⵖ ⵓⵣⵎⵣ ⵏ ⵓⴱⴰⵢⵢⵓⵕ ⵏ ⴽⵓⵕⵓⵏⴰ”, ⵜⴰⵔⴰⴱⴱⵓⵜ ⵜⴰⵙⵔⵎⵓⵏⵜ;

- “ⴰⵎⴹⴰⴽⴰⵕ ⵏ ⵓⵖⴰⵡⴰⵙ ⵏ ⵓⵙⵏⴰⵍ ⵏ ⵉⵏⴰⵥⵓⵕⵏ ⴷ ⵉⵙⵖⴰⵍⵏ ⵏ ⵓⴱⵟⵟⵓ ⵏ ⵓⵙⵏⴰⵍ”, ⵜⴰⵔⴰⴱⴱⵓⵜ ⵏ ⵜⵣⵔⴼⵜ ⴷ ⵜⴳⵎⵉ;

- “ⵜⵉⵖⵔⵉ ⵏ ⵉⵙⵖⴰⵍⵏ ⵏ ⵓⴱⵟⵟⵓ ⵏ ⵓⵙⵏⴰⵍ ⵉⵥⵍⵉⵏ ⴼ ⵉⵏⴰⵥⵓⵕⵏ ⴷ ⵜⵎⵏⵜⵍⵉⵏ ⵏ ⵓⵙⵉⵜⵜⵉ ⵏ ⴽⵉⴳⴰⵏ ⵏ ⵉⵏⴰⵥⵓⵕⵏ ⴷ ⵜⵔⵓⴱⴱⴰ ⵜⵉⵏⴰⵥⵓⵕⵉⵏ”, ⵜⴰⵔⴰⴱⴱⵓⵜ ⵜⴰⵃⴰⵔⴰⴽⵉⵜ;

- “ⴰⵎⴹⴰⴽⴰⵕ ⵏ ⵓⵖⴰⵡⴰⵙ ⵏ ⵜⵏⴱⴰⴹⵜ ⵉ ⵓⵣⵔⴰⵢ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⴽⵓⴼⵉⴷ 19 ⴼ ⵢⵉⴳⵔ ⵏ ⵜⴷⵍⵙⴰ”, ⵜⴰⴳⵔⵓⵎⵎⴰ ⵏ ⵡⴰⵍⴰⵢ ⴷ ⵜⵙⵔⵎⵓⵏⵜ ;

- “ⵜⵉⵖⵔⵉ ⵏ ⵉⵙⵖⴰⵍⵏ ⵏ ⵓⵙⵏⴰⵍ ⵏ ⵉⵙⵏⴼⴰⵔⵏ ⵉⵏⴰⵥⵓⵕⵏ”, ⵜⴰⵔⴰⴱⴱⵓⵜ ⵏ ⵜⵥⵖⵓⵕⵜ ⴷ ⵜⵎⴰⵜⵔⴰⵔⵜ.