ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵉⵎⵏⵥⵉ ⵖ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵎⵓⵍⵍⵉ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ
ⵙⵎⴷⵏⵜ ⴰⵙⵙ ⵏ ⵓⴽⵡⴰⵙ10 ⵛⵓⵜⴰⵏⴱⵉⵔ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙ 41 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵎⵓⵍⵍⵉ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ “ⴰⵙⵢⴰⵏ” ⵖ ⵀⴰⵏⵓⵢ ⵜⴰⵎⴰⵥⵓⵏⵜ ⵏ ⴼⵉⵟⵏⴰⵎ. ⵉⵜⵜⵓⵇⴱⵉⵍ ⴳⵉⵙ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⴳ ⴰⴳⵎⴰⵎ ⵖ ⵉⴳⵔⴰⵡⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ, ⴰⵢⵍⵍⵉ ⵉⴳⴰⵏ ⵢⴰⵜ ⵜⵡⵓⵔⵉ ⵊⵊⵓ ⵓⵔ ⵉⵍⵍⵉⵏ ⵍⵍⵉⵖ ⵉⴳⴰ ⵓⴱⵕⵍⴰⵎⴰⵏ ⴰⵎⵖⵔⵉⴱⵉ ⴰⴱⵕⵍⴰⵎⴰⵏ ⴰⴼⵔⵉⵇⵉ ⴰⵎⵣⵡⴰⵔⵓ ⵉⵍⵍⴰⵏ ⵖ ⵢⴰⵏ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⴰⵙⵢⴰ.
ⵙⴱⵔⵔⴽⵏ ⵉⵡⴰⵏⴽⵏ ⵉⴳⵎⴰⵎⵏ ⵙ ⵜⵎⵙⴰⵔⵜ ⴰⴷ, ⵙⵓⵜⴳⵏ ⴰⴽⵛⵓⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵎⵖⵔⵉⴱⵉ ⵙ ⵓⴳⵔⴰⵡ ⴰⴷ ⴷ ⵓⵏⵏⵓⵕⵥⵎ ⵏⵏⵙ ⴼ ⵜⵎⴰⴷⴷⴰⵙⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵜⵉⵔⴰⵏⵉⵏ, ⴷ ⵜⵡⵓⵔⵉ ⵏⵏⵙ ⵃⵎⴰ ⴰⴷ ⵢⵉⵍⵉ ⵓⵎⵢⴰⵡⴰⵙ ⴷ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ ⵙ ⵜⵖⴰⵔⴰⵙⵜ ⵉⵥⵍⵉⵏ.
ⵙ ⵜⵎⵍⴷⴰ ⴰⴷ, ⵉⵏⵏⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⵍⵍⴰ ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵙⵍⴰⵡⴰⵏ ⴰⴽⴽⵯ ⴷ ⵉⴱⵕⵍⴰⵎⴰⵏⵏ ⵏ ⵜⵎⵉⵣⴰⵔ ⵏ ⵉⴼⴼⵓⵙ, ⵉⵙⴷⴷⵉⴷ ⵎⴰⵙ ⴷ ⴰⴽⵛⵓⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵎⵓⵍⵍⵉ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ ⵔⴰⴷ ⵉⴳ ⵖ ⵚⴰⵃⴰ ⵏ ⵙⵏⴰⵜ ⵜⵙⴳⴳⵉⵡⵉⵏ ⵜⵉⵊⵢⵓⵙⵔⵜⴰⵏⵉⵏ. ⵉⵙⵙⴽⵜⵉ ⴷ ⵓⵍⴰ ⵜⵉⵍⴰⵍⵜ ⵜⴰⵎⵣⵡⴰⵔⵓⵜ ⵏ ⵍⵎⵖⵔⵉⴱ ⵖ ⵉⴼⵔⵉⵇⵢⴰ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴷ ⵓⴹⴼⵕ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵏ ⵜⵓⴳⴳⴰⵙ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⴷ ⵜⵡⵓⵔⵉ ⵃⵎⴰ ⴰⴷ ⵜⵉⵍⵉ ⵜⴳⵎⵉ ⵉⵛⵛⴰⵔⵏ.
ⵉⵙⵉⵙⴼⵉⵡ ⵎⴰⵙⵙ ⵍⵎⴰⵍⴽⵉ ⵎⴰⵙ ⴷ ⴰⵙⴷⵓⵙ ⵏ ⵓⵎⵢⴰⴷⴰⵙ ⴰⴱⵕⵍⴰⵎⴰⵏⵉ ⴷ ⵉⵡⴰⵏⴽⵏ ⵏ ⵜⵙⴳⴰ ⵏ ⴰⵙⵢⴰⵏ, ⴰⵔ ⵉⵎⵎⴰⵍ ⵜⵉⵔⴰⵜ ⵉⴷⵓⵙⵏ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵖ ⵓⵕⵥⵥⵓⵎ ⵏ ⵉⵎⵏⵉⴷⵏ ⵉⵎⴰⵢⵏⵓⵜⵏ ⵏ ⵓⵎⵢⴰⵡⴰⵙ, ⵢⵉⵍⵉ ⵖ ⵓⴱⵔⵉⴷ ⵍⵍⵉ ⵉⵙⵙⵏⵜⵉ ⵍⵎⵖⵔⵉⴱ ⵖ ⵓⵙⴳⴳⵯⴰⵙ ⵏ 2016 ⵍⵍⵉⵖ ⵉⵣⵎⵎⵉⵎ ⵜⴰⵎⵢⴰⵇⵇⴰⵏⵜ ⵏ ⵜⴷⴷⵓⴽⵍⴰ ⴷ ⵓⵎⵢⴰⵡⴰⵙ ⴷ ⵓⵎⵓⵍⵍⵉ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ (ⴰⵙⵢⴰⵏ), ⴷ ⵓⵣⵎⵎⴻⵎ ⵏ ⵜⵎⵙⵇⴰⴷⵜ ⵏ ⵕⵕⴱⴰⵟ ⵖ ⵟⵟⴰⵢⵍⴰⵏⴹ ⴼ ⵜⵎⵙⵙⴽⵜⵉⵜ ⵏ ⵓⵏⵔⴰⵎⴰⵙ ⴷ ⵜⵙⵇⵇⵉⵎⵜ « ⴰⵙⵉⴼ ⵏ ⵎⵉⴽⵓⵏⵊ » ⵉⵙⵎⵎⵓⵏⵏ ⵉⵎⴷⵔⴰⵡⵏ ⴰⵎ ⵚⵚⵉⵏ ⵉⵍⵉⵏ ⴳⵉⵙ ⵉⵡⴰⵏⴽⵏ ⴰⴷ ⴳⴰⵏⵉⵏ ⵉⴳⵎⴰⵎⵏ ⴽⴰⵎⴱⵓⴷⵢⴰ ⴷ ⵍⴰⵡⵙ ⴷ ⵟⵟⴰⵢⵍⴰⵏⴹ ⴷ ⴼⵉⵟⵏⴰⵎ ⴷ ⵎⵢⴰⵏⵎⴰⵔ, ⵜⴳ ⵢⴰⵏ ⵓⴳⵔⴰⵡ ⴰⴷⵎⵙⴰⵏ ⴷ ⵓⵙⵔⵜⴰⵏ ⴰⵅⴰⵜⴰⵔ ⵖ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ, ⵙ ⵖⵎⴽ ⴰⵏⵏ ⴰⵙ ⵉⴳⴰ ⵍⵎⵖⵔⵉⴱ ⵜⴰⵎⴰⵣⵉⵔⵜ ⵜⴰⴼⵔⵉⵇⵉⵜ ⴷ ⵜⴰⵄⵔⴰⴱⵜ ⵉⵣⵡⴰⵔⵏ ⵉⵙ ⵜⴳⴰ ⵜⴰⵎⴷⵔⴰⵡⵜ ⴷ ⵜⵎⴰⴷⴷⴰⵙⵜ ⴰⴷ.
ⵢⵓⵣⵏ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵉⵎⵓⵔⴰ ⵜⵓⵜⵔⴰ ⵏ ⵓⴽⵛⵓⵎ ⵏ ⵍⵎⵖⵔⵉⴱ ⴷ ⵉⵎⵏⵥⵉ ⵖ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵎⵓⵍⵍⵉ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ ⵖ ⵓⵙⴳⴳⵯⴰⵙ ⵏ 2018 ⵍⵍⵉⵖ ⵉⴷⵔⵓ ⵖ ⵜⵙⵓⵜⵍⵜ ⵜⵉⵙ 39 ⵏ ⵓⴳⵔⴰⵡ ⴰⴷ, ⵢⵉⵍⵉ ⵓⵙⵎⴰⵢⵏⵓ ⵏ ⵜⵓⵜⵔⴰ ⴰⴷ ⵙ ⵜⵖⴰⵔⴰⵙⵜ ⵜⴰⵎⴷⴷⵓⴷⵜ ⵖ ⵓⵙⴳⴳⵯⴰⵙ ⵉⵣⵔⵉⵏ ⵖ ⵜⵙⵓⵜⵍⵜ ⵜⵉⵙ 40 ⵉⵍⵍⴰⵏ ⵖ ⵜⵎⴰⵥⵓⵏⵜ ⵏ ⵟⵟⴰⵢⵍⴰⵏⴹ ⴱⴰⵏⴽⵓⴽ, ⵍⵍⵉⵖ ⵉⵙⴷⴷⵉⴷ ⴼ ⵓⴷⵖⴰⵔ ⵉⵍⵍⴰⵏ ⴷⴰⵔ ⵜⵎⵙⵎⵓⵏⵜ ⴰⴷ ⵉⴳⴰⵏ ⵢⴰⵏ ⵓⵙⴰⵜⵉ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ ⴷ ⵜⵔⵙⵍⵜ ⵜⴰⴷⵙⵍⴰⵏⵜ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵏⴳⵔ ⵉⵡⴰⵏⴽⵏ ⵏ ⵜⵙⴳⴰ, ⵢⵉⵏⵉ ⵎⴰⵙ ⵉⵏⵏⵓⵔⵣ ⵍⵎⵖⵔⵉⴱ ⴰⵙⴷⵓⵙ ⵏ ⵓⵎⵢⴰⵡⴰⵙ ⴰⵔⵙⵍⴰⵏ ⴷ ⵜⵎⴰⴷⴷⴰⵙⵜ ⴰⴷ, ⵍⵍⵉⵖ ⵜ ⵙⵎⵓⵏⵏⵜ ⵜⵣⴷⴰⵢⵉⵏ ⵜⵉⵇⴱⵓⵔⵉⵏ ⵥⵉⵍⵏⵉⵏ ⴷ ⵉⴳⵎⴰⵎⵏ ⵏⵏⵙ.
“ⴰⵙⵢⴰⵏ” ⵏⵖ ⴰⵎⵓⵍⵍⵉ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ ⵉⴳⴰ ⵢⴰⵜ ⵜⴰⵎⵓⵏⵜ ⵜⴰⴷⵎⵙⴰⵏⵜ ⴷ ⵜⵙⵔⵜⴰⵏⵜ ⵉⵜⵜⵓⵙⴽⴰⵔⵏ ⵖ ⵓⵙⴳⴳⵯⴰⵙ ⵏ 1967, ⴳⵉⵙ 10 ⵉⵡⴰⵏⴽⵏ: ⵉⵏⴷⵓⵏⵉⵙⵢⴰ, ⵙⴰⵏⵖⴰⴼⵓⵕⴰ, ⵎⴰⵍⵉⵥⵢⴰ, ⴼⵉⵟⵏⴰⵎ, ⵟⵟⴰⵢⵍⴰⵏⴹ, ⵎⵢⴰⵏⵎⴰⵔ, ⵍⴼⵉⵍⵉⴱⴱⵉⵏ, ⴱⵕⵓⵏⴰⵢ, ⵍⴰⵡⵙ, ⴽⴰⵎⴱⵓⴷⵢⴰ. ⵉⵡⴰⵜⵜⴰⵙ ⴰⴷ ⵜⵉⴳⵓⵜ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⵜⴷⵍⵙⴰⵏⵜ ⵖ ⵉⴼⴼⵓⵙ ⵏ ⵓⵙⵏⵇⵔ ⵏ ⴰⵙⵢⴰ, ⵖⵎⴽ ⴰⵏⵏ ⴷ ⵓⴷⵖⴰⵔ ⵏ ⵓⵙⵖⵏⵣⵉ ⵉⵍⴻⵍⵍⵉ ⵏⴳⵔ ⵉⵡⴰⵏⴽⵏ ⵉⴳⵎⴰⵎⵏ ⵏⵏⵙ.