ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵙⵏⴰⵜ ⵜⴱⵔⴰⵜⵉⵏ ⵉ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⵉⵏ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ, ⴷ ⵜⵉⵏ ⵓⵏⴼⵍⵓⵙ ⴰⵎⴰⵜⴰⵢ ⴰⵎⵣⵣⴳⴰⵔ ⵏ ⵓⵏⵎⵓⵇⵇⴰⵔ ⵏ “ⴼⵓⴱⵔⵉⵍ”, ⵏⵏⴰⵏ ⴰⵙⵓⵜⴳ ⴷ ⵓⵙⵉⵙⵙⵏ ⵏ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵚⴰⵃⴰ ⵏ ⵉⴼⵔⵉⵇⵢⴰ
ⵍⴽⵎⵏ ⴷ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙⵏⴰⵜ ⵜⴱⵔⴰⵜⵉⵏ ⵏ ⵓⵙⵔⵖⴷ ⴷⴰⵔ ⵎⴰⵙⵙ Roger Nkodo Dang ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ, ⴷ ⵎⴰⵙⵙ Santiago U. Rivas Leclair ⴰⵏⴼⵍⵓⵙ ⴰⵎⴰⵜⴰⵢ ⴰⵎⵣⵣⴳⴰⵔ ⵏ ⵓⵏⵎⵓⵇⵇⴰⵔ ⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏⵏ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵕⴰⵢⵉⴱ (ⴼⵓⴱⵔⵉⵍ), ⵙ ⵜⵎⵍⴷⴰ ⵏ ⵓⵎⵓⵔⵙ ⵏ ⵓⴼⵍⴰⵢ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⴰⵙⵙ ⵏ ⵓⵙⴰⵎⴰⵙ 14 ⵢⵓⵏⵢⵓ 2020.
ⵙ ⵉⵙⵎ ⵏ ⵉⵎⴰⴷⴰⵏⵏ ⵏ ⵓⵎⵏⵥⴰⵡ ⵏ ⵉⴼⵔⵉⵇⵢⴰ, ⵉⵏⵏⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⴽⵓ ⵉⴼⵔⵉⵇⵢⴰ ⴰⵙⵏⵉⵎⵎⵔ ⴷ ⵓⵙⵙⵉⵙⵏ ⴷⵔⴰⵏⵉⵏ ⵉ ⵜⵙⵏⵜⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵖ ⵓⵙⵉⴼⴹ ⵏ ⵜⵡⵉⵙⵉ ⵜⴰⴷⵓⵙⴰⵏⵜ ⵉ ⵎⵏⵏⴰⵡ ⵉⵡⴰⵏⴽⵏ ⵏ ⵓⵎⵏⵥⴰⵡ. ⵢⵉⵏⵉ:”ⴰⵔ ⵜⵎⵎⴰⵍ ⵜⵙⵏⵜⴰⵢ ⴰⴷ, ⵍⵍⵉ ⵢⵉⵡⵉⵏ ⴰⵙⵓⵜⴳ ⵉⴳⴳⵓⵜⵏ, ⴰⵙⵖⵓⵏ ⵉⴷⵓⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵎⴰⴷⴰⵏ ⴰⵎⵖⵔⵉⴱⵉ ⴰⴽⴽⵯ, ⴼ ⵜⵡⵓⵔⵉ ⵉ ⵉⴼⵔⵉⵇⵢⴰ ⵏ ⵜⴰⵎⵓⵏⵜ ⴷ ⵓⵎⵢⴰⵡⴰⵙ, ⴰⵢⵍⵍⵉ ⵉⴳⴰⵏ ⴰⵙⵏⵙⵉ ⵏ ⵡⴰⵏⴰⵡ ⵍⵍⵉ ⵔⴰⵏ ⴰⴷ ⵜ ⵜⵍⴽⵎⵏ ⵉⵅⴰⵜⴰⵔⵏ ⵉⵎⵣⵡⵓⵔⴰ ⵉ ⵜⵡⵓⵔⵉ ⵜⴰⴼⵔⵉⵇⵉⵜ ⵉⵛⵛⴰⵔⵏ”.
ⵖ ⵜⵙⴳⴰ ⵏⵏⵙ, ⵉⵙⴰⵡⵍ ⵎⴰⵙⵙ ⴰⵏⴼⵍⵓⵙ ⴰⵎⴰⵜⴰⵢ ⴰⵎⵣⵣⴳⴰⵔ ⵏ ⵓⵏⵎⵓⵇⵇⴰⵔ ⵏ (ⴼⵓⴱⵔⵉⵍ) ⴼ ⵜⵓⴼⵔⴰⵢⵉⵏ ⵏ ⵜⵉⴷⴷⵓⴽⵍⴰ ⵉⵥⵍⵉⵏ ⵉ ⵍⵎⵖⵔⵉⴱ, ⴷ ⵓⵙⵓⵜⴳ ⵏ ⵜⵓⴳⴳⴰⵙ ⵣⵣⵉⴳⵣⵏⵉⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵉ ⵓⵙⴷⵓⵙ ⵏ ⵓⴱⵓⵖⵍⵓ ⴷ ⵓⵙⵉⴷⴼ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴰⴽⴷ ⵉⴼⵔⵉⵇⵢⴰ ⴷ ⵜⵙⴳⴰ ⵏ ⵎⴰⵔⵉⴽⴰⵏ ⵜⴰⵏⴰⵎⵎⴰⵙⵜ ⴷ ⵍⴽⴰⵕⴰⵢⵉⴱ.