ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵇⵇⵉⵎ ⵏ ⵉⵎⵓⵔⴰ ⵉⴹⴼⵕ ⵙ ⴽⵉⴳⴰⵏ ⵉⵅⵎⵎⵉⵎⵏ ⵏ ⵉⵏⵎⵓⵔⴰ ⴷ ⵜⵏⵎⵓⵔⴰ ⵖ ⵓⵣⵎⵣ ⴰⴷ ⵉⵥⵍⵉⵏ
ⵖ ⵜⵎⵙⵓⵜⵍⵉⵏ ⴰⴷ ⵉⵍⵍⴰⵏ ⵖ ⵜⵎⴰⵣⵉⵔⵜ ⵏⵏⵖ, ⵖ ⵜⵍⵍⴰ ⵜⵣⵣⵉⴳⵣⵜ ⵏ ⵜⵓⴳⴳⴰⵙ ⵏ ⴽⵓ ⵜⵉⵏⴱⴰⴹⵉⵏ ⴷ ⴽⵓ ⵉⴼⵔⴷⴰⵙ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⵃⵎⴰ ⴰⴷ ⵢⵉⵍⵉ ⵓⵙⴱⴷⴷⵉ ⵏ ⵉⴷⵔⵉⵣⵏ ⵏ ⵓⴱⴰⵢⵢⵓⵕ ⵏ ⵓⴼⵉⵔⵓⵙ ⵏ ⴽⵓⵕⵓⵏⴰ (ⴽⵓⴼⵉⴷ19), ⵉⴹⴼⵕ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⴽⵉⴳⴰⵏ ⵉⵅⵎⵎⵉⵎⵏ ⵏ ⵉⵏⵎⵓⵔⴰ ⴷ ⵜⵏⵎⵓⵔⴰ, ⵖ ⴰⵢⵍⵍⵉ ⵜⵜⴰⵣⵏⵏ ⵙ ⵜⵖⴰⵔⴰⵙⵜ ⵜⵓⵙⵔⵉⴷⵜ ⵉ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ ⵍⵍⵉ ⵉⴳⴰⵏ ⵉⴳⵏⵙⴰⵙⵏ ⵏ ⵜⵎⵜⵜⵉ, ⵏⵖ ⵉⵅⴼⴰⵡⴰⵍⵏ ⵍⵍⵉ ⵜⵜⴰⵔⴰⵏ ⵖ ⵜⴷⴰⴱⵓⵜⵉⵏ ⵏ ⵓⵙⵇⵇⵉⵎ ⵖ ⵉⵥⵟⵡⴰⵏ ⵏ ⵓⵎⵙⴰⵡⴰⴹ ⴰⵏⴰⵎⵓⵏ ⴷ ⵜⵖⵎⵔⵜ ⵏ “ⴰⵡⴰⴹ ⴷⵉⴷⵏⵖ” ⵖ ⵓⵙⵉⵜ ⵏⵏⵙ ⴰⵍⵉⴽⵟⵕⵓⵏⵉ.
ⵉⵙⴷⴷⵉⴷ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⴽⵓ ⵉⴼⵔⴷⴰⵙ ⵏⵏⵙ ⵎⴰⵙ ⵉⵎⵎⴰⵖ ⵃⵎⴰ ⴰⴷ ⵉⵙⵙⴼⵍⴷ ⵉ ⴽⵓ ⴰⵎⴰⴷⴰⵏ ⴰⵎⵖⵔⵉⴱⵉ, ⴷ ⵢⵓⵊⵉⴷ ⴰⴷ ⵢⵉⵍⵉ ⵓⵔⵣⵣⵓ ⵏ ⴽⵓ ⵜⵎⵙⴰⵔⵉⵏ ⴷ ⵉⵎⵔⵙⵉⵡⵏ ⵍⵍⵉ ⵢⵉⵡⵉⵏ ⵉⵅⵎⵎⵉⵎⵏ ⵏⵏⵙ ⵖ ⵜⵉⵣⵉ ⴰⴷ, ⵙ ⴰⵢⵍⵍⵉ ⵙ ⵜⵥⵍⵉ ⵜⴼⵔⴽⴰ ⴰⴷ, ⵖ ⵓⵙⴰⵜⵉ ⵏ ⵜⵥⵍⴰⵢⵉⵏ ⵜⵉⴷⵙⵜⴰⵔⵉⵏ ⵏ ⵜⵎⵔⵙⵍⵜ ⵜⴰⵣⵣⵔⴰⴼⵜ, ⴷ ⵓⵡⵇⵇⵔ ⵓⵙⵎⵉⴷ ⵏ ⵓⵎⵏⵣⴰⵢ ⵏ ⵓⴱⵟⵟⵓ ⵏⴳⵔ ⵜⵏⴱⴰⴹⵉⵏ ⴷ ⵓⵎⵢⴰⵡⴰⵙ ⴳⵔⴰⵜⵜⵙⵏⵜ.
ⵖⵎⴽ ⵍⵍⵉ ⵢⴰⵇⵔⴰ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵉⵏⵎⵓⵔⴰ ⴷ ⵜⵏⵎⵓⵔⴰ ⴰⴷ ⵙⴽⴰⵔⵏ ⵉⵣⵔⴼⴰⵏ ⵏⵏⵙⵏ ⵉⴷⵙⵜⴰⵔⵏ ⵖ ⵜⵏⴽⴷⴰ ⵏ ⵜⵓⵍⴽⵉⵉⵎⵉⵏ ⴷ ⵜⵓⵜⵔⵉⵡⵉⵏ ⵖ ⵓⵣⵣⵔⴰⴼ ⵉ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵥⴹⴰⵕⵏ ⴰⴷ ⴷⵔⵓⵏ ⵙ ⵜⵖⴰⵔⴰⵙⵜ ⵜⴰⵍⵉⴽⵟⵕⵓⵏⵉⵜ ⵖ ⵜⴷⴰⴱⵓⵜ ⵜⴰⵏⴰⵎⵓⵔⵜ ⵏ ⵜⵎⴷⵔⴰⵡⵜ ⵏ ⵜⵎⵓⵔⵉ ⵏⵖ ⵖ ⵓⵙⵉⵜ ⴰⵍⵉⴽⵟⵕⵓⵏⵉ ⵏ ⵓⵙⵇⵇⵉⵎ.