ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⵜⵉⴱⵕⵍⴰⵎⴰⵏⵉⵢⵉⵏ ⴷ ⵉⴱⵕⵍⴰⵎⴰⵏⵉⵢⵏ ⴰⵔ ⵜⵜⴰⵡⵙⵏ ⵙ ⵡⴰⵔⵔⴰⵣⵏ ⵏⵏⵙⵏ ⵏ ⵢⴰⵏ ⵡⴰⵢⵢⵓⵔ ⵖ ⵓⵙⵎⵓⵙⵙⵓ ⴰⵏⴰⵎⵓⵔ
ⵖ ⵜⵓⴳⴳⴰⵙ ⵏ ⵓⵙⵎⵓⵙⵙⵓ ⴰⵏⴰⵎⵓⵔ ⵍⵍⵉ ⵜⵙⴽⴰⵔ ⵜⵎⴰⵣⵉⵔⵜ ⵏⵏⵖ ⵃⵎⴰ ⴰⴷ ⵢⵉⵍⵉ ⵓⵙⴱⴷⴷⵉ ⵏ ⵉⴹⵉⵚⵏ ⴷ ⵉⵎⵉⵣⵉⵢⵏ ⵏ ⵜⵎⴰⴹⵓⵏⵜ ⵏ ⵓⴼⵉⵔⵓⵙ ⴽⵓⵕⵓⵏⴰ-ⴽⵓⴼⵉⴷ 19, ⵖ ⵓⵍⵜⴰⵖ ⵖ ⵜⴷⵉⵏⴰⵎⵉⵜ ⴰⴷ, ⵖ ⵓⵙⵙⴽⵜⵉ ⵏ ⵡⴰⵜⵉⴳⵏ ⵏ ⵜⵡⵉⵣⵉ ⵉⵍⵍⴰⵏ ⵖ ⵉⵎⴰⵏ ⴰⵎⵖⵔⵉⴱⵉ ⴷ ⵜⵎⵢⵓⵔⵉⵏ ⵏⵏⵙ ⵜⵉⵥⵖⵓⵕⴰⵏⵉⵏ ⵖ ⵓⵎⵢⴰⵡⴰⵙ ⴷ ⵜⵡⵉⵣⵉ ⵍⵍⵉ ⵏⵉⵜ ⵉⵍⵍⴰⵏ ⵖ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⵍⵍⵉⵖ ⴷ ⵉⵇⵇⴰⵏ ⴰⴷ ⵢⴰⵙⵉ ⴽⵓⵢⴰⵏ, ⵙ ⵜⵖⴰⵔⴰⵙⵜ ⵏ ⵓⵎⵢⴰⵡⴰⵙ, ⴰⴳⴳⵯⴰⵜⵏ ⵏ ⵉⴳⵟⵉⵎⵏ ⴷ ⵉⵄⴷⵔⵉⵇⵏ ⵉⴽⵏⵏⴰ ⴳⴰⵏ, ⵙ ⵜⵙⵏⵜⴰⵢⵜ ⵏ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ, ⵙ ⵓⵣⴷⴷⵓⵢ ⴷ ⵉⵏⵙⵙⵉⵅⴼⵏ ⵏ ⵉⵙⵇⵇⵉⵎⵏ ⵏ ⵉⵎⵓⵔⴰ ⴷ ⵉⵎⵛⵛⵉⵡⴰⵕ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ ⴷ ⵎⴰⵙⵙ ⵄⴰⴱⴷⵍⵃⴰⴽⵉⵎ ⴱⵏ ⵛⵎⵎⴰⵛ, ⴼⴼⵖⵏ ⵉⵙⵉⵔⴰⵜⵏ ⵏ ⵉⵙⵇⵇⵉⵎⵏ ⴰⴷ ⵢⵉⵍⵉ ⵓⵍⵜⴰⵖ ⵖ ⵓⵙⵎⵓⵙⵙⵓ ⴰⴷ ⴰⵏⴰⵎⵓⵔ, ⵙ ⵜⵡⵉⵣⵉ ⵏ ⴽⵓ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵉⴱⵕⵍⴰⵎⴰⵏⵉⵢⵏ ⵙ ⵡⴰⵔⵔⴰⵣⵏ ⵏⵏⵙⵏ ⵏ ⵢⴰⵏ ⵡⴰⵢⵢⵓⵔ.
ⵜⴰⵎⴰ ⵏ ⵜⵡⵉⵣⵉ ⴰⴷ, ⵉⵍⵍⴰ ⵓⴱⵕⵍⴰⵎⴰⵏ ⵙ ⵙⵉⵏ ⵉⵙⵇⵇⵉⵎⵏ ⵏⵏⵙ ⵜⴰⵎⴰ ⵏ ⵎⴰⴷ ⵉⵙⵉⴳⴳⵉⵍ ⵓⵣⵓⵛⵛⵍ ⴰⵏⴰⵎⵓⵔ ⵖ ⵓⵙⵎⵓⵙⵙⵓ ⴷ ⵜⴹⴼⵕⵉ ⵉⵙⵓⵍⵏ ⵉ ⵜⵣⵣⵉⴳⵣⵉⵏ ⵏ ⵜⵎⵙⴰⵔⵜ ⴰⴷ. ⵖⵎⴽ ⵍⵍⵉ ⵙⴽⵔⵏ ⵙⵉⵏ ⵉⵙⵇⵇⵉⵎⵏ ⵜⵓⴳⵜ ⵏ ⵜⵎⵙⴽⴰⵔ ⵃⵎⴰ ⴰⴷ ⵜⵣⵣⵉⴳⵣ ⵜⵎⵔⵙⵍⵜ ⵜⴰⴱⵕⵍⴰⵎⴰⵏⵉⵜ ⵖ ⵜⵉⵍⵉⵜ ⵏⵏⵙ ⴷ ⵓⵙⴽⴰⵔ ⵏ ⵜⵙⵖⴰⵏ ⵏⵏⵙ ⵜⵉⴷⵙⵜⴰⵔⵉⵏ, ⵙ ⴰⵢⵍⵍⵉ ⵉⵍⵍⴰⵏ ⵖ ⵜⵎⵙⴽⴰⵔ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⴳⵔⴰⵖⵍⴰⵏⵉⵏ ⵖ ⵣⵓⵏ ⵜⵉⵎⵙⵓⵜⴰⵍ ⴰⴷ ⴷ ⵉⴳⴳⵯⵔⴰⵏ, ⴷ ⴰⵢⵍⵍⵉ ⵉⵍⵍⴰ ⵖ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⴰⵜⵜⵓⵢⵏⵉⵏ ⵖ ⵓⵎⵏⵉⴷ ⴰⴷ.