ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵓⵙⵖⵓⴷⵓ ⵏ ⵡⴰⵏⴰⵡ ⵏ ⵜⵓⴷⵔⵜ ⴷ ⵉⵙⵏⴼⵍⵏ ⵊⴰⵔ ⵡⴰⵎⵓⵏⵏ ⵓⵖⵔⵉⵎⵏ ⴷ ⵜⴷⵍⵙⴰ, ⵉⴹⴼⵕⵏ ⵉ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵅⴼ ⵓⵏⴰⵎⵎⴰⵙ
ⵔⴰⴷ ⵉⵍⵉⵏⵜ ⵖ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⴽⵡⴰⵙ 27 ⴱⵕⴰⵢⵕ 2020 ⵜⵉⵡⵓⵔⵉⵡⵉⵏ ⵏ ⵜⵙⵎⵓⵏⵉ ⵏ ⵜⵙⵇⵇⵉⵎⵜ ⵏ ⵓⵙⵖⵓⴷⵓ ⵏ ⵡⴰⵏⴰⵡ ⵏ ⵜⵓⴷⵔⵜ ⴷ ⵉⵙⵏⴼⵍⵏ ⵊⴰⵔ ⵡⴰⵎⵓⵏⵏ ⵓⵖⵔⵉⵎⵏ ⴷ ⵜⴷⵍⵙⴰ, ⵉⴹⴼⵕⵏ ⵉ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵅⴼ ⵓⵏⴰⵎⵎⴰⵙ.
ⴰⵏⵎⵓⵇⵇⴰⵔ ⵖ ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⴼ ⵉⵎⵔⵙⵉ ⴰⴷ:”ⴰⵎⵢⴰⵏⴰⵡ ⴰⴷⵍⵙⴰⵏ ⴷ ⵓⵙⵏⵉⵍⵙ ⵖ ⵜⵙⴳⴰ ⵓⵕⵓ-ⵜⴰⵏⴰⵎⵎⴰⵙⵜ: ⵜⴰⵎⵙⵙⵉⵍⵉⵜ ⵏ ⵓⵙⴱⵓⵖⵍⵓ ⴷ ⵓⵙⵏⴼⵍ ⴰⴷⵍⵙⴰⵏ”, ⵔⴰⴷ ⴳⵉⵙ ⴷⵔⵓⵏ ⵉⵎⵓⵣⴰⵢⵏ ⴷ ⵉⴱⵕⵍⴰⵎⴰⵏⵉⵢⵏ ⵙⴳ ⵜⵎⵙⵎⵓⵏⵜ. ⵔⴰⴷ ⵜⵙⵎⴷ ⵜⵙⵎⵓⵏⵉ ⴰⴷ ⵙ ⵓⵎⴷⴰⵡⴰⵍ ⴷ ⵓⵙⵖⵣⵏ ⵏ ⵜⵖⵍⴼⵜ ⵏ ⵜⵙⵇⵇⵉⵎⵜ ⵅⴼ ⵉⵎⵔⵙⵉ.
ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵅⴼ ⵓⵏⴰⵎⵎⴰⵙ ⵜⵜⵓⵙⵎⵎⴰ ⵎⴰ ⴰⴷ ⵉⵣⵔⵉⵏ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵓⵕⵓ-ⵜⴰⵏⴰⵎⵎⴰⵙⵜ, ⵜⵜⵓⵙⴽⴰⵔ ⵖ 03 ⴷⵓⵊⴰⵏⴱⵉⵔ 2004 ⵖ ⵏⴰⴱⵓⵍⵉ ⵖ ⵟⵟⴰⵍⵢⴰⵏ ⵙ ⵜⵖⵜⴰⵙⵜ ⵏ ⵓⴳⵔⴰⵡ ⴰⵎⴰⵡⵙⴰⵙ ⵏ ⵜⵎⴷⵔⴰⵡⵜ ⵓⵕⵓ-ⵜⴰⵏⴰⵎⵎⴰⵙⵜ.
ⵉⴳⴰ ⵖ ⵉⵡⵜⵜⴰⵙⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵅⴼ ⵓⵏⴰⵎⵎⴰⵙ ⴰⴷ ⵜⴰⵡⵙ ⵉ ⵉⴱⵕⵍⴰⵎⴰⵏⵏ ⵖ ⵓⵙⵙⴷⵓⵙ ⴷ ⵜⵣⵣⵉⴳⵣⵜ ⵏ ⵜⵎⴷⵔⴰⵡⵜ ⵓⵕⵓ-ⵜⴰⵏⴰⵎⵎⴰⵙⵜ, ⵖⵎⴽ ⴰⵏⵏ ⴷ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⴼ ⵜⵎⵙⴰⵔⵉⵏ ⵉⵥⵍⵉⵏ ⵙ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵉⵏ ⵏ ⵓⵎⵢⴰⵡⴰⵙ.
ⵜⵙⵎⵓⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵅⴼ ⵓⵏⴰⵎⵎⴰⵙ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ, ⴷ ⵎⵔⴰⵡ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵏ ⵉⴼⴼⵓⵙ ⵏ ⵓⵏⴰⵎⵎⴰⵙ ⴷ ⵚⴹⵉⵚ ⵉⴱⵕⵍⴰⵎⴰⵏⵏ ⵏ ⵉⵡⴰⵏⴽⵏ ⵢⴰⴹⵏⵉⵏ ( ⴰⵍⴱⴰⵏⵢⴰ, ⵍⴱⵓⵙⵏⴰ ⴷ ⵍⵀⵉⵔⵙⵉⴽ, ⴽⵕⵡⴰⵟⵢⴰ, ⵎⵓⵕⵉⵟⴰⵏⵢⴰ, ⵎⵓⵏⴰⴽⵓ, ⵎⵓⵏⵜⵉⵏⵉⴳⵕⵓ).
ⵍⵍⴰⵏⵜ ⵙⵎⵎⵓⵙⵜ ⵜⵙⵇⵇⵉⵎⵉⵏ ⵖ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵅⴼ ⵓⵏⴰⵎⵎⴰⵙ: ⵜⴰⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⵏⴼⵔⵓⵜ ⴷ ⵉⵣⵔⴼⴰⵏ ⵏ ⵓⴼⴳⴰⵏ, ⵜⴰⵙⵇⵇⵉⵎⵜ ⵏ ⵓⵙⵖⵓⴷⵓ ⵏ ⵜⵓⴷⵔⵜ ⴷ ⵉⵙⵏⴼⵍⵏ ⵊⴰⵔ ⵡⴰⵎⵓⵏⵏ ⵓⵖⵔⵉⵎⵏ ⴷ ⵜⴷⵍⵙⴰ ⴷ ⵉⵙⵙⵉⵅⴼ ⵍⵎⵖⵔⵉⴱ, ⵜⴰⵙⵇⵇⵉⵎⵜ ⵏ ⵉⵣⵔⴼⴰⵏ ⵜⵎⵖⴰⵔⵜ, ⵜⴰⵙⵇⵇⵉⵎⵜ ⵏ ⵜⴷⴰⵎⵙⴰ ⴷ ⵓⵥⵕⴼ ⴷ ⵜⵖⴰⵡⵙⵉⵡⵉⵏ ⵜⵉⵏⴰⵎⵓⵏⵉⵏ ⴷ ⵓⵙⵍⵎⴷ, ⵜⴰⵙⵇⵇⵉⵎⵜ ⵏ ⵓⵡⵏⴰⴹ ⴷ ⵜⵥⴹⴰⵕⵜ ⴷ ⵡⴰⵎⴰⵏ.
ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⵖ ⵉⵎⵚⴽⴰⵡⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵅⴼ ⵓⵏⴰⵎⵎⴰⵙ, ⵉⵙⵙⵉⵅⴼ ⵜⵜ ⵙⵏⴰⵜ ⵜⵉⴽⴽⴰⵍ, ⵉⵙⴱⵔⵔⴽ ⵓⵍⴰ ⴽⵉⴳⴰⵏ ⵏ ⵜⵙⵓⵜⵍⴰ ⵏⵏⵙ ⵉⵣⵔⵉⵏ ⴷ ⵜⵙⵎⵓⵏⴰⵢ ⵏ ⵜⵙⵇⵇⵉⵎⵉⵏ ⵏⵏⵙ ⵜⵉⵙⵓⵍⴰⵏⵉⵏ.
