ⴰⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵊⴰⵔ : ⴰⵙⵇⵇⵉⵎ ⵏ ⵉⵎⵓⵔⴰ, ⵜⴰⵎⴰⵡⵙⴰⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ, ⵜⵉⵙⴷⴰⵡⵉⵢⵉⵏ ⵜⵉⴳⴷⵓⴷⴰⵏⵉⵏ

ⵜⵜⵓⵙⴽⴰⵔ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴰⵙⵙ ⵏ ⵓⵙⵉⵏⴰⵙ 28 ⵉⵏⵏⴰⵢⵔ 2020 ⵜⴼⵓⴳⵍⴰ ⵉⵥⵍⵉⵏ ⵙ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⵏ ⵜⵎⴷⵔⴰⵡⵜ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⴰⵡⴰⵙⴰⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ, ⴷ ⵜⵙⴷⴰⵡⵉⵢⵉⵏ ⵜⵉⴳⴷⵓⴷⴰⵏⵉⵏ.

ⵉⵃⴰⴹⵕ ⴳ ⵓⵎⵓⵙⵙⵓ ⴰ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴷ ⵎⴰⵙⵙ ⵉⴳⵎⴰⵎⵏ ⵏ ⵓⵙⵉⵔⴰ ⵏ ⵓⵙⵇⵇⵉⵎ, ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ, ⵎⴰⵙⵙ ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⵎⵖⵍⴰⵍⵉⵏ, ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵉⴷ ⵎⴰⵙⵙ ⵉⵏⵙⵙⵉⵅⴼⵏ ⵏ ⵜⵙⴷⴰⵡⵉⵢⵉⵏ ⵜⵉⴳⴷⵓⴷⴰⵏⵉⵏ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ. 

ⴳ ⵜⴳⵓⵔⵉ ⵏ ⵓⵕⵥⵥⵓⵎ ⵏ ⵓⵏⵎⵓⵇⵇⴰⵔ ⴰⴷ, ⵉⵙⴰⵡⵍ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵢⵉⵏⵉ ⵎⴰⵙ ⵔⴰⴷ ⵉⴳ ⵓⵣⵎⵎⴻⵎ ⵏ ⵜⵎⵢⴰⵇⵇⴰⵏⵜ ⴰⴷ ⵢⴰⵜ ⵜⵔⵙⵍⵜ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴷ ⵓⵎⵢⴰⵡⴰⴹ ⵏⴳⵔ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴷ ⵜⵙⴷⴰⵡⵉⵢⵉⵏ ⵜⵉⵏⴰⵎⵓⵔⵉⵏ, ⵖⵎⴽ ⵍⵍⵉ ⵔⴰⴷ ⵜⵕⵥⵎ ⵉⴷⵉⵔ ⴰⵎⴰⵢⵏⵓ ⴷⴰⵜ ⵏ ⵓⵔⵣⵣⵓ ⴰⵎⴰⵙⵙⴰⵏ ⴰⵏⴰⵎⵓⵔ ⵍⵍⵉⵖ ⵔⴰⴷ ⵢⵉⵍⵉ ⵓⵔⵣⵣⵓ ⴳ ⴽⵓ ⵎⴰⴷ ⵉⵥⵍⵉⵏ ⵙ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ. ⵢⵉⵏⵉ ⵎⴰⵙ ⵜⴽⵛⵎ ⵜⵎⴰⴷⵔⴰⵡⵜ ⴰⴷ ⵜⴰⵎⴰⵢⵏⵓⵜ ⵍⵍⵉ ⵔⴰⴷ ⵉⵙⵎⵓⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⴷⴰⵡⵉⵢⵉⵏ ⵜⵉⴳⴷⵓⴷⴰⵏⵉⵏ ⵏ ⵜⴳⵍⴷⵉⵜ ⴳ ⵜⵙⵜⵔⴰⵜⵉⵊⵉⵜ ⵏ ⵓⵏⵏⵓⵕⵥⵎ ⴼ ⵡⴰⵎⵓⵏ, ⵉⵙⵔⵙ ⵓⵙⵇⵇⵉⵎ ⴳ ⵜⴳⴰⵔⵉⵡⵉⵏ ⴰⴷ. ⵉⵙⵙⴽⵯⵜⵉ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵉⵜⵜⵓⵙⴽⴰⵔ ⵡⴰⵎⵎⴰⵙ ⴰⴱⵕⵍⴰⵎⴰⵏⵉ ⵉ ⵉⵔⵣⵣⵓⵜⵏ ⴷ ⵜⵖⵓⵔⵉⵡⵉⵏ ⵍⵍⵉ ⵔⴰⴷ ⵉⵙⴽⵔ ⴽⵉⴳⴰⵏ ⵏ ⵜⵣⵔⴰⵡⵉⵏ ⴷ ⵉⵔⵣⵣⵓⵜⵏ ⵣⴷⵉⵏⵉⵏ ⴷ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵉⵡⴰⵜⵜⵙ ⵙ ⵖⵎⴽ ⴰⵏⵏ ⴰⴷ ⵜⴷⵓⵙ ⵜⵡⵓⵔⵉ ⵏ ⵉⵎⵓⵔⴰ ⴳ ⵓⵣⵣⴳⵉⵔ ⵏ ⵜⵓⵥⵍⴰⵢⵉⵏ ⵏ ⵓⵙⵇⵇⵉⵎ.

ⵢⵉⵡⵉ ⴷ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵅⴼ ⵜⵉⵍⵍⴰⵍ ⵍⵍⵉ ⵔⴰⴷ ⵉⵜⵜⵓⵙⴽⵉⵔ ⴳ ⵜⵎⴷⵔⴰⵡⵜ ⴰⴷ ⴰⵎ:  ⵜⵉⵏⴰⵡⵉⵏ ⵜⵉⵎⴰⵙⵙⴰⵏⵉⵏ ⴷ ⵜⵉⵏⴰⵡⵉⵏ ⵜⵉⵙⴳⵓⵎⴰⵏⵉⵏ ⵙ ⵜⵡⵉⵣⵉ ⵏ ⵜⵏⴱⴰⴹⵜ ⴷ ⵜⵙⴷⴰⵡⵉⵢⵉⵏ ⴷ ⵜⵎⵔⵙⴰⵍ ⵏ ⵓⵙⵍⵎⴷ ⴰⵏⴰⴼⵍⵍⴰ, ⴰⵙⵏⵎⴰⵍⴰ ⵏ ⵜⵙⵎⵖⵓⵔⵜ ⴳ ⵢⵉⴳⵔ ⵏ ⵓⵔⵣⵣⵓ ⵅⴼ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⴰⵥⵕⵉⴳ ⵏ ⵜⵙⵖⵓⵏⵜ ⵜⴰⵎⴰⵙⵙⴰⵏⵜ ⵙ ⵉⵎⴰⴳⵔⴰⴷⵏ ⴷ ⵜⵣⵔⴰⵡⵉⵏ ⵉⵥⵍⵉⵏ ⵙ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ.

ⴳ ⵓⵎⵏⵉⴷ ⵏⵏⵙ, ⵉⵙⵙⵓⵜⴳ ⵎⴰⵙⵙ ⵙⴰⵄⵉⴷ ⴰⵎⵣⴰⵣⵉ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵉⵍⵖ ⴰⵣⵣⵓⵍⴰⵏ ⴷ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵜⴰⵙⵏⵜⴰⵢⵜ ⴰⴷ ⵖⵎⴽ ⴰⵏⵏ ⴷ ⵜⵓⴳⴳⴰⵙ ⵉⵍⵍⴰⵏ ⵃⵎⴰ ⴰⴷ ⵜⴳ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵢⴰⵏ ⵓⵙⴰⵢⵔⴰⵔ ⵏ ⵓⵎⴹⴰⴽⴰⵕ ⴷ ⵓⵙⴼⵙⵉ ⵏ ⵜⵖⴰⵡⵙⵉⵡⵉⵏ ⵏ ⵜⵎⵓⵔⵜ ⵊⴰⵔ ⵉⵎⵓⵣⴰⵢⵏ ⵏ ⵜⵡⵓⵔⵉ ⵜⴰⴱⵕlⴰⵎⴰⵏⵉⵜ ⴷ ⵉⵎⵓⵔⵓ ⵎⵓ ⵜⴳⴰ ⵜⴰⵡⵓⵔⵉ ⵏⵏⵙⵏ.  ⵖⵎⴽ ⵍⵍⵉ ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⵔⴰⴷ ⵜⵥⵉⵍ ⵜⵢⴰⴼⵓⵜ ⵏ ⵜⵎⵢⴰⵇⵇⴰⵏⵜ ⴰⴷ ⴳ ⵍⵍⴰⵏⵜ ⵜⵙⵏⵜⴰⵢⵉⵏ ⴷ ⵉⵙⵏⴼⴰⵔⵏ ⴷ ⵜⵉⵍⴰⵍ ⵜⵉⵎⴰⵙⵙⴰⵏⵉⵏ ⵉⵛⵛⴰⵔⵏ ⴷ ⵜⵡⵓⵔⵉⵡⵉⵏ ⵏ ⵡⴰⵏⵏⴰⵏ ⵉ ⵉⵎⵣⵔⴰⵡⵏ ⵉⵎⵔⵣⵓⵜⵏ.

ⴳ ⵜⵙⴳⴰ ⵏⵏⵙ, ⵉⵏⵏⴰ ⵎⴰⵙⵙ ⵉⴷⵔⵉⵙ ⵓⵄⵡⵉⵛⴰ, ⴰⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵎⴰⵙ ⵔⴰⴷ ⵜⴳ ⵜⵎⵢⴰⵇⵇⴰⵏⵜ ⴰⴷ ⵏ ⵜⵎⴷⵔⴰⵡⵜ ⵢⴰⵜ ⵜⵎⵍⴷⴰ ⵏ ⵓⵙⵎⵓⵜⵜⴳ ⵏ ⵉⴱⵕⵍⴰⵎⴰⵏⵉⵢⵏ ⴷ ⵉⵎⵙⵔⵜⴰⵏⵏ ⵏ ⵢⵉⵎⴰⵍ, ⵎⴽ ⵍⵍⵉ ⵔⴰⴷ ⵜⴰⵡⵙ ⵉ ⵉⵎⵣⵔⴰⵡⵏ ⴰⴷ ⵙⴽⴰⵔⵏ ⴰⵏⵏⴰⵏⵏ ⵏⵏⵙⵏ ⴳ ⵜⵡⵓⵔⵉ ⵜⴰⴱⵕⵍⴰⵎⴰⵏⵉⵜ, ⵙⵙⵏⵏ ⵓⵍⴰ ⵜⵉⵎⴰⵎⴽⵉⵏ ⵙ ⵜⵣⵣⵉⴳⵉⵣ ⵜⴱⵔⵉⴷⵜ ⵜⴰⵣⵣⵔⴰⴼⵜ ⴳ ⵜⵎⵓⵔⵜ ⵏⵏⵖ.

ⵙ ⵉⵙⵎ ⵏ ⵉⵏⵙⵙⵉⵅⴼⵏ ⵏ ⵜⵙⴷⴰⵡⵉⵢⵉⵏ, ⵉⵙⴷⴷⵉⴷ ⵎⴰⵙⵙ ⵄⴰⵣⴷⴷⵉⵏ ⵍⵎⵉⴷⴰⵡⵉ ⵎⴰⵙ ⵉⴳⴰ ⵓⵙⵉⵙⵙⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵉⴳⴰⵏ ⵜⵉⵎⵔⵙⵍⵜ ⵏ ⵓⵣⵣⵔⴰⴼ, ⵙ ⵜⵙⴷⴰⵡⵉⵜ ⵜⴰⵎⵖⵔⵉⴱⵉⵜ ⵉⴳⴰ ⴰⵙⵉⵙⵙⵏ ⵙ ⵜⵉⵍⴰⵍ ⵜⵙⴽⵔ ⵜⵙⴷⴰⵡⵉⵜ ⴳ ⵢⵉⴳⵔ ⵏ ⵜⴳⵎⵉ, ⵢⵉⵏⵉ ⵎⴰⵙ ⵜⵓⵊⴰⴷ ⵜⵙⴷⴰⵡⵉⵜ ⵜⴰⵎⵖⵔⵉⴱⵜ ⵃⵎⴰ ⴰⴷ ⵢⵉⵍⵉ ⵓⵙⵎⵀⵍ ⵏ ⵎⴰⴷ ⵉⵍⵍⴰⵏ ⴳ ⵜⵎⵢⴰⵇⵇⴰⵏⵜ ⵉⵜⵜⵓⵣⵎⵎⴰⵎⵏ ⴰⵙⵙ ⴰⴷ.