ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵏⵓⴱⴳ ⵏ ⵓⵏⵎⵀⴰⵍ ⵏ ⵓⵙⵉⵔⴰ ⵏ ⵍⴱⴰⵏⴽ ⴰⵎⴰⴹⵍⴰⵏ ⵏ ⵜⵙⴳⴰ ⵏ ⵍⵎⴰⴳⵔⵉⴱ ⴷ ⵎⴰⵍⵟⴰ
ⵉⵙⵏⵓⴱⴳ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⵙⵉⵏⴰⵙ 14 ⵉⵏⵏⴰⵢⵔ 2020 ⴳ ⵓⵙⵖⵉⵎ ⵏ ⵓⵙⵇⵇⵉⵎ, ⵎⴰⵙⵙ ⵊⵉⵙⴽⵓ ⵀⵉⵏⵜⵛⵉⵍ ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵍⴱⴰⵏⴽ ⴰⵎⴰⴹⵍⴰⵏ ⵉ ⵜⵙⴳⴰ ⵏ ⵍⵎⴰⴳⵔⵉⴱ ⴷ ⵎⴰⵍⵟⴰ.
ⵙ ⵜⵎⵍⴷⴰ ⴰ, ⵉⵙⵙⵓⵜⴳ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵙ ⵓⵎⵢⴰⵡⴰⵙ ⵉⵍⵍⴰⵏ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵍⴱⴰⵏⴽ ⴰⵎⴰⴹⵍⴰⵏ, ⵖⵎⴽ ⴰⵏⵏ ⴷ ⵉⵏⵇⵇⵉⵙⵏ ⴷ ⵉⵙⵙⴼⵓⵖ ⵍⴱⴰⵏⴽ ⵅⴼ ⵓⵙⵓⵔⵙ ⴰⴷⵎⵙⴰⵏ ⵏ ⴽⵓ ⵜⵉⵎⵉⵣⴰⵔ ⵏ ⵓⵎⴰⴹⴰⵍ. ⵢⵉⵏⵉ ⵎⴰⵙ ⴷ ⵉⵇⵇⴰⵏ ⴼ ⵍⵎⵖⵔⵉⴱ ⴰⴷ ⵉⵙⵎⵢⴰⵏⴰⵡ ⵜⴰⴷⴰⵎⵙⴰ ⵏⵙⵏ ⵉⵙⵙⵎⵖⵔ ⴰⵡⴷ ⵜⵉⵎⴳⵓⵔⴰ ⵏⵏⵙ ⵃⵎⴰ ⴰⴷ ⵉⴳ ⵜⵜⵎⵉ ⵉ ⵢⵉⴹⵉⵚⵏ ⵏ ⵉⵏⵥⵕⴰⵏ ⴼ ⵜⴼⵍⵍⴰⵃⵜ ⴷ ⵓⵢⴰⴼⵓ ⴰⵎⵙⴰⵔⵉ ⴰⵏⴰⵎⵓⵔ, ⵡⴰⵅⵅⴰ ⵉⵙⵙⵏⵜⵉ ⵉⵙⴽⵍⴽⵍⵏ ⵉⴷⴰⵎⴰⵙⴰⵏⵏ ⵉⵅⴰⵜⵔⵏ.
ⵢⵉⵏⵉ ⵎⴰⵙⵙ ⵍⵎⴰⵍⴽⵉ ⵎⴰⵙ ⵉⵔⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⵣⵣⵉⴳⵣ ⵓⵎⵢⴰⵡⴰⵙ ⴰⴽⴷ ⵍⴱⴰⵏⴽ ⴰⵎⴰⴹⵍⴰⵏ ⵙ ⵎⴰⴷ ⵉⵥⵍⵉⵏ ⵙ ⵡⴰⵏⵏⴰⵍ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵖⵎⴽ ⴰⵏⵏ ⴷ ⵡⴰⵏⵏⴰⵍ ⵏ ⵜⵣⵎⵎⴰⵔ ⵏ ⵓⵙⵇⵇⵉⵎ ⴰⴷ ⵉⵙⴽⵔ ⵜⵉⵡⵓⵔⵉⵡⵉⵏ ⴷ ⴰⵙ ⵜⴼⴽⴰ ⵜⵎⵏⴹⴰⵡⵜ, ⵢⵉⵏⵉ ⵎⴰⵙ ⵜⵙⵙⵉⵎⵖⵓⵔ ⵜⵎⵏⴹⴰⵡⵜ ⵏ 2011 ⵜⵉⵡⵓⵔⵉⵡⵉⵏ ⵏ ⵜⵎⵔⵙⵍⵜ ⵜⴰⵣⵣⵔⴼⴰⵜ ⵓⵍⴰ ⵖ ⵢⵉⴳⵔ ⵏ ⵜⵉⴹⴰⴼ ⵏ ⵓⵙⵡⵓⵔⵉ ⵏ ⵜⵏⴱⴰⴹⵜ.
ⵖ ⵜⵙⴳⴰ ⵏⵏⵙ, ⵢⵉⵡⵉ ⴷ ⵎⴰⵙⵙ ⵊⵉⵙⴽⵓ ⵀⵉⵏⵜⵛⵉⵍ ⵎⴰⵙ ⴳⴰⵏ ⵉⴱⵕⵍⴰⵎⴰⵏⵏ ⵉⵎⴷⵔⴰⵡⵏ ⵉⴷⵙⵍⴰⵏⵏ ⴳ ⵉⵖⴰⵡⴰⵙⵏ ⵏ ⵜⴳⵎⵉ, ⵢⵉⵏⵉ ⵎⴰⵙ ⵉⵔⴰ ⴰⴷ ⵉⴷⵓⵙ ⵓⵎⵢⴰⵡⴰⵙ ⴰⴽⴷ ⵓⵙⵇⵇⵉⵎ ⵏ ⵉⵎⵓⵔⴰ ⵍⵍⵉⵖ ⵉⴳⴰ ⵜⴰⵔⵙⵍⵜ ⵜⴰⵎⵇⵔⴰⵏⵜ ⵏ ⵜⴷⵉⵎⵓⵇⵔⴰⵟⵉⵜ ⵖ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⵉⵍⵇⵎ ⵎⴰⵙⵙ ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵍⴱⴰⵏⴽ ⴰⵎⴰⴹⵍⴰⵏ ⵎⴰⵙ ⵢⵓⵊⴰⴷ ⵍⴱⴰⵏⴽ ⴰⵎⴰⴹⵍⴰⵏ ⴰⴷ ⵉⴼⴽ ⵜⴰⵎⵓⵣⴰⵢⵜ ⴷ ⵓⵎⵛⴰⵡⴰⵔ ⵉ ⵓⵙⵇⵇⵉⵎ ⵏ ⵉⵎⵓⵔⴰ, ⵢⵉⵍⵉ ⵏⵏ ⴷⵉⴷⵙ ⵖ ⵜⵙⴰⵡⵔⵉⵏ ⵏⵏⵙ ⵏ ⵓⵙⴽⵍⴽⵍ.
ⵉⵎⵛⴰⵛⴽⴰ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵙⵉⵔⴰ ⵏ ⵍⴱⴰⵏⴽ ⴰⵎⴰⴹⵍⴰⵏ ⵉ ⵜⵙⴳⴰ ⵏ ⵍⵎⴰⴳⵔⵉⴱ ⴷ ⵎⴰⵍⵟⴰ ⴰⴷ ⵙⴽⵔⵏ ⵢⴰⵏ ⵓⵖⴰⵡⴰⵙ ⵏ ⵉⵙⵏⴼⴰⵔⵏ ⴷⴰ ⴷⵔⵓⵏ ⵍⵍⵉ ⵔⴰⴷ ⵉⵜⵜⵓⵙⴽⵉⵔ ⵖ ⵜⵉⵣⵉ ⴷ ⵢⵓⵛⴽⴰⵏ.