ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2016/2021 :
ⴰⵙⵏⵓⴱⴳ ⵏ ⵓⵎⴰⵔⵉ ⴰⵎⴰⵜⴰⵢ ⵏ "ⵡⴰⵍⵓⵏⵉ- ⴱⵔⵓⴽⵙⵉⵍ".
ⵉⵙⵏⵓⴱⴳ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⴽⵡⴰⵙ 09 ⵉⵏⵏⴰⵢⵔ 2020 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⵎⴰⵙⵙ ⵎⵓⵜⵓⵏⵓⴱⵉ ⴽⴰⵙⴰⵊⵉⵎⴰ, ⴰⵎⴰⵔⵉ ⴰⵎⴰⵜⴰⵢ ⵏ ⵜⵏⴱⴰⴹⵉⵏ ⵏ ⵡⴰⵍⵓⵏⵉ ⴷ ⵜⴼⵉⴷⵉⵕⴰⵍⵉⵜ ⵏ ⵡⴰⵍⵓⵏⵉ-ⴱⵔⵓⴽⵙⵉⵍ ⴷⵉ ⵕⵕⴱⴰⵟ.
ⵙ ⵓⵣⵎⵣⵣⵓ ⴰ, ⵉⵏⵏⴰ ⵎⴰⵙⵙ ⵎⵓⵜⵓⵏⵓⴱⵉ ⴽⴰⵙⴰⵊⵉⵎⴰ ⵎⴰⵙ ⵉⴱⴷⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⵏ ⵜⴼⵉⴷⵉⵕⴰⵍⵉⵜ ⵏ ⵡⴰⵍⵓⵏⵉ-ⴱⵔⵓⴽⵙⵉⵍ ⴼ ⵓⵙⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ, ⵉⵙⵙⴽⵜⵉ ⵎⴰⵙ ⵣⵎⵎⴻⵎⵏⵜ ⵜⴰⵎⵙⵉⵔⵜ ⵏ ⵓⵏⵔⴰⵎⴰⵙ ⴳ ⵓⵙⴳⴳⵯⴰⵙ ⵏ 2018, ⵃⵎⴰ ⴰⴷ ⵉⴷⵓⵙ ⵓⵏⵢⴰⵍⴽⴰⵎ ⴷ ⵓⵎⵛⴰⵡⴰⵕ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵏⴳⵔⴰⵜⵜⵙⵏⵜ.
ⵉⵙⴷⴷⵉⴷ ⵎⴰⵙⵙ ⵎⵓⵜⵓⵏⵓⴱⵉ ⴽⴰⵙⴰⵊⵉⵎⴰ ⴼ ⵓⵙⵡⵉⵔ ⵢⴰⵜⵜⵓⵢⵏ ⴳ ⵜⴳⴰ ⵜⵎⴰⵣⵉⵔⵜ ⵏⵏⵙ ⵜⵉⵣⴷⴰⵢⵉⵏ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵉⵙⴰⵡⴰⵍ ⵅⴼ ⵓⵎⵢⴰⵡⴰⵙ ⵉⵍⵍⴰⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⴳⵔⴰⵏ ⵏ ⵓⵙⵍⵎⴷ ⴷ ⵓⵔⵣⵣⵓ ⴰⴽⴰⴷⵉⵎⵉ, ⵉⴱⴷⵔ ⵜⵉⵏⵎⴰⵍ ⵏ ⴱⵉⵍⵊⵉⴽⴰ ⵉⵍⵍⴰⵏ ⴳ ⵍⵎⵖⵔⵉⴱ ⴷ ⵜⵣⵣⵉⴳⵣⵜ ⵏⵏⵙⵏⵜ ⴳ ⵉⵙⴳⴳⵯⴰⵙⵏ ⴰ ⴳⴳⵓⵔⴰⵏⵉⵏ, ⵖⵎⴽ ⴰⵏⵏ ⴷ ⵜⵣⵣⵉⴳⵣⵜ ⵏ ⵉⵖⴰⵡⴰⵙⵏ ⵏ ⵓⵎⵢⴰⵡⴰⵙ ⵏⴳⵔ ⵜⵎⵉⵣⴰⵔ ⴳ ⵉⴳⵔⴰⵏ ⴰⵙⴳⵎⴰⵏ ⴷ ⵓⵎⴰⵙⵙⴰⵏ.
ⵉⵎⵍ ⴷ ⵓⵎⵙⵜⴳⴳⴰⵔ ⴰⴱⵉⵍⵊⵉⴽⵉ ⵎⴰⵙ ⵔⴰⴷ ⵜⵙⵙⵎⵖⵔ ⵜⵎⴰⵣⵉⵔⵜ ⵏⵏⵙ ⵙ ⵉⵙⵔⴷⴰⵙⵏ ⵉⵎⵖⵔⴰⴱⵉⵢⵏ ⵉⵎⵎⵓⵜⵏ ⴳ ⵉⵎⵏⵖⵉ ⴰⵎⴰⴹⵍⴰⵏ ⵡⵉⵙ ⵙⵉⵏ ⴳ ⵎⵎⴰⵖⵏ ⴷ ⵜⴰⴳⴳⴰⵍⵉⵏ ⵏ ⵏⴰⵣⵉⵢⴰ, ⴰⵙⵙⵎⵖⵔ ⵍⵍⵉ ⵔⴰⴷ ⵢⵉⵍⵉ ⵙ ⵜⵎⵍⴷⴰ ⵏ ⵓⴽⵜⵓⵢ ⵡⵉⵙ 80 ⵏ ⵜⵎⵙⴰⵔⵜ ⴰ.
ⴳ ⵓⵎⵏⵉⴷ ⵏⵏⵙ, ⵉⵏⵏⴰ ⵎⴰⵙⵙ ⵍⴰⵃⴱⵉⴱ ⵍⵎⴰⵍⴽⵉ, ⴰⵏⵙⵙⵉⵅ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙ ⵜⴳⴰ ⵜⵎⵜⵜⴰⵏⵜ ⵏ ⵉⵙⵔⴷⴰⵙⵏ ⵉⵎⵖⵔⴰⴱⵉⵢⵏ ⴳ ⵉⵎⵏⵖⵉ ⴰⵎⴰⴹⵍⴰⵏ ⵡⵉⵙ ⵙⵉⵏ ⵖ ⵡⴰⴽⴰⵍ ⵏ ⴱⵉⵍⵊⵉⴽⴰ ⴼ ⵜⴷⵔⴼⵉⵜ, ⵎⴳⴰⵍ ⵏ ⵜⴰⴳⴳⴰⵍⵉⵏ ⵏ ⵏⴰⵣⵉⵢⴰ, ⵜⴰⵎⴰⵜⴰⵔⵜ ⴼ ⵡⴰⵜⵉⴳⵏ ⴷⵔⵓⵏ ⵉⵎⴰⴷⴰⵏⵏ ⴰⵎⵖⵔⵉⴱⵉ ⴷ ⵓⴱⵉⵍⵉⵊⵉⴽⵉ.
ⵍⵍⵉⵖ ⵔⴰⴷ ⵢⵉⵍⵉ ⵓⵙⵎⵓⵜⵜⴳ ⵉ ⵓⵏⵎⵓⵇⴰⵔ ⴰⴱⵕⵍⴰⵎⴰⵏⵉ ⵏⴳⵔ ⴰⵙⵇⵇⵉⵎ ⵏ ⵉⵎⵓⵔⴰ ⴷ ⵓⴱⵕⵍⴰⵎⴰⵏ ⵏ ⵜⴼⵉⴷⵉⵕⴰⵍⵉⵜ ⵏ ⵡⴰⵍⵍⵓⵏⵉ-ⴱⵔⵓⴽⵙⵉⵍ, ⵉⴼⴽⴰ ⵎⴰⵙⵙ ⵍⵎⴰⵍⴽⵉ ⵜⵉⵙⵓⵎⴰⵔ ⴼ ⵉⵎⵔⵙⵉⵡⵏ ⴼ ⵔⴰⴷ ⵉⵎⴹⵉⴽⵉⵕ ⵓⵏⵎⵓⵇⴰⵔ ⴰ, ⵢⴰⵏⵉ ⵎⴰⵙ ⵉⵔⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵉⵣⵣⵉⴳⵣ ⵓⵎⵢⴰⵡⴰⵙ ⵊⴰⵔ ⵏⵏⵙ ⴷ ⵓⴱⵕⵍⴰⵎⴰⵏ ⵏ ⵜⴼⵉⴷⵉⵕⴰⵍⵉⵜ ⵏ ⵡⴰⵍⵓⵏⵉ-ⴱⵔⵓⴽⵙⵉⵍ ⴳ ⵉⵙⵡⵉⵔⵏ ⴰⵙⵉⵏⵔⴰⵏ ⴷ ⵓⴳⵉⵜⵔⴰⵏ.
ⴳ ⵓⵙⵡⵉⵔ ⴰⴽⴰⴷⵉⵎⵉ, ⵉⵏⵏⴰ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⴷ ⵉⵇⵇⴰⵏ ⴰⴷ ⵙⵓⵍ ⵢⵉⵍⵉ ⵓⵎⵢⴰⵡⴰⵙ ⵏⴳⵔ ⵜⵉⵙⴷⴰⵡⵉⵢⵉⵏ ⵏ ⵍⵎⵖⵔⵉⴱ ⴷ ⵜⴽⵏⵉⵡⵉⵏ ⵏⵏⵙⵏⵜ ⵖ ⴱⵉⵍⵊⵉⴽⴰ, ⵉⵎⵍ ⵎⴰⵙ ⴷ ⵉⵇⵇⴰⵏ ⵓⵙⵙⴷⵓⵙ ⵏ ⵓⵔⵣⵣⵓ ⴰⵎⴰⵙⵙⴰⵏ ⴳ ⵉⴳⵔⴰⵏ ⵀⵎⵎⴰⵏⵉⵏ ⵍⵎⵖⵔⵉⴱ ⴷ ⴱⵉⵍⵊⵉⴽⴰ ⵓⵍⴰ ⴰⴽⴽⵯ ⵓⵕⵓⴱⴱⴰ.