ⵜⴰⴳⵓⵔⵉ ⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵙ ⵜⵎⵍⴷⴰ ⵏ ⵓⵔⵣⴰⴼ ⵉ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ

ⵙ ⵉⵙⵎ ⵏ ⵕⴱⴱⵉ

• ⵎⴰⵙⵙ ⴰⵏⵙⵙⵉⵅⴼ ⴷ ⵓⵎⴷⴷⴰⴽⴽⵯⵍ ⵉⵄⵣⵣⴰⵏ
• ⵜⵉⵏⴳⴳⵯⴰ ⴷ ⵉⵏⴳⴳⵯⴰ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ
• ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ,

ⵎⵎⵔⵖ ⵛⵉⴳⴰⵏ ⵍⵍⵉⵖ ⴷⵉⴷⵓⵏ ⵎⴰⵇⵇⴰⵔⵖ, ⴷⴷⴰⵡ ⵏ ⵍⵇⵓⴱⵜ ⴰⴷ, ⴳ ⵓⵙⵖⵉⵎ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ, ⵜⴰⵎⴰⵜⴰⵔⵜ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵅⵅⵓⵜⵔⴰ ⴷ ⵜⵎⵏⵏⴰⵡⵜ ⵜⴰⵙⵔⵜⴰⵏⵜ.

ⵙ ⵉⵙⵎ ⵉⵏⵡ ⴷ ⵉⵙⵎ ⵏ ⵓⴽⴰⴱⴰⵕ ⵏⵏⵖ ⴰⵅⴰⵜⴰⵔ, ⴰⵔ ⴽⵏ ⴱⴰⵀⵔⴰ ⵙⵏⵉⵎⵎⵉⵔⵖ ⴼ ⵜⵖⵓⵔⵉ ⵏⵏⵓⵏ ⴷ ⵓⵙⵏⵓⴱⴳ ⵉⵥⵉⵍⵏ ⴷ ⵡⵉⵏ ⵜⴰⴳⵯⵎⴰⵜ ⵍⵍⵉ ⴰⵖ ⵜⴼⴽⴰⵎ.

ⵜⵎⵎⴰⵖ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ ⴷ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵣⴷⴰⵢⵉⵏ ⵏⵏⵙⵏⵜ ⵜⵉⵎⵣⵔⴰⵢ ⵉⴱⴷⴷⵏ ⴼ ⵜⵔⵙⵍⵜ ⵉⴷⵓⵙⵏ ⵉⴳⴰⵏ ⵜⵉⵏ ⵍⵉⵙⵍⴰⵎ ⴰⵎⵙⵓⵔⵓⴼ ⴰⵏⴰⵎⵎⴰⵙ ⴷ ⵍⵎⴰⴷⵀⴰⴱ ⴰⵙⵓⵏⵏⵉ ⴰⵎⴰⵍⵉⴽ.

ⵖⵎⴽ ⵍⵍⵉ ⴰⵖ ⵉⵙⵎⵓⵏ ⵓⵎⵣⵔⵓⵢ ⵉⵛⵛⴰⵔⵏ ⵍⵍⵉ ⴷ ⵉⵜⵜⴰⴳⵯⵎⵏ ⴳ ⵉⵎⵙⴽⴰⵔⵏ ⵉⵅⴰⵜⴰⵔⵏ ⵏ ⵙⵏⴰⵜ ⵜⵎⵜⵜⵉⵡⵉⵏ ⴰⴷ, ⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵙⵎⵎⵓⵙ ⴷ ⵍⵃⴰⵙⴰⵏ ⵡⵉⵙ ⵙⵉⵏ, ⵖⵎⴽ ⴰⵏⵏ ⴷ ⵉⵏⵙⵙⵉⵅⴼⵏ ⵍⵢⵓⴱⵓⵍⴷ ⵙⵉⴷⴰⵔ ⵙⵉⵏⵖⵓⵔ, ⴷ ⵄⴰⴱⴷⵓ ⴷⵢⵓⴼ, ⴷ ⵄⴰⴱⴷⵍⴰⵡⵉ ⵡⴰⴷ. ⵏⴽⴽⵏⵉ ⴰⵙⵙ ⴰⴷ ⴷⴰ ⵏⵚⴽⵓ ⵉⵎⴰⵍ ⵉⵙⵓⵏⴼⴰⵏ ⴳ ⵉⵟⵟⴰⴼ ⵓⵎⵏⵥⴰⵡ ⵏ ⵉⴼⵔⵉⵇⵢⴰ ⴰⴼⵔⴰ ⴷ ⵜⴷⵓⵙⵉ ⴷ ⵜⵙⵉⵎⴰⵏⵜ, ⵙ ⵜⵓⵏⵥⵉⵥⵜ ⵏ ⵉⵅⴰⵜⴰⵔⵏ ⵏ ⵜⵎⵉⵣⴰⵔ ⵏⵏⵖ: ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⴷ ⵓⵏⵙⵙⵉⵅⴼ ⵎⴰⴽⵉ ⵙⴰⵍ.

• ⵎⴰⵙⵙⴰⵏⵙⵙⵉⵅⴼ,
• ⵜⵉⵏⴳⴳⵯⴰⴷⵉⵏⴳⴳⵯⴰ,

ⵢⵉⵡⵙ ⵓⴱⵔⵉⴷ ⵍⵍⵉ ⵙⴽⵔⵏ ⵉⵎⵚⴽⴰⵡⵏ ⵏⵏⵖ ⴰⴷ ⵢⵉⵍⵉ ⵡⴰⵏⴰⵡ ⵏ ⵓⵔⴳⴳⵉⴳ ⴰⵏⴰⵎⵓⵏ ⵍⵍⵉ ⵉⵙⴽⴰⵔⵏ ⴰⵔⴳⴳⵉⴳ ⴰⵙⵔⵜⴰⵏ ⴷ ⵜⴷⵉⵎⵓⵇⵔⴰⵟⵉⵜ ⵉⵥⵉⵍⵏ ⵉⵎⵙⴰⵙⴰⵏ ⴷ ⵜⴷⵍⵙⵉⵡⵉⵏ ⵏⵏⵖ ⴷ ⵉⵎⵏⴰⴹⵏ ⵏⵏⵖ.

ⵙ ⵖⵎⴽ ⴰⴷ ⴰⵙ ⵜⴳⴰ ⵙⵙⵉⵏⵉⴳⴰⵍ ⴷ ⵍⵎⵖⵔⵉⴱ ⵜⵉⵔⵙⴰⵍ ⵏ ⵓⵔⴳⴳⵉⴳ ⴰⵙⴳⴰⵡⴰⵏ ⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ.

ⵜⴰⴷⵉⵎⵓⵇⵔⴰⵟⵉⵜ ⴰⴷ ⵜⴰⵙⵔⵜⴰⵏⵜ ⵓⵔ ⵜⴳⵉ ⵖⴰⵙ ⵢⴰⵏ ⵓⵍⴰⵖⵎⵓ ⴰⴼⵔⴰⵔ ⵉ ⵓⵙⵎⴰⵢⵏⵓ ⵏ ⵜⴳⵔⴰⵡⵉⵏ ⵏ ⵓⵎⴷⴰⵡⴰⵍ. ⵎⴰⵛⵛ ⵜⴳⴰ ⵓⵍⴰ ⵜⴰⵔⵙⵍⵜ ⵜⴰⵙⵉⵍⴰⵏⵜ ⵉⵙⵎⵓⵏⵏ ⵎⴰⵕⵕⴰ ⵉⴼⵔⴷⴰⵙ ⵏ ⵡⴰⵎⵓⵏ, ⵙ ⵜⵖⴰⵔⵙⵜ ⵙ ⵓⵔ ⵜⵙⵉⵜⵜⵉ ⵜⵣⵣⵉⴳⵣⵜ ⴰⵡⴷ ⵢⴰⵏ.

• ⵎⴰⵙⵙ ⴰⵏⵙⵙⵉⵅⴼ,
• ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⵙ ⵜⵢⴰⵏⵜ ⴰⴷ ⵜⴰⵏⴰⵎⵓⵔⵜ, ⴷ ⵜⵓⵏⵥⵉⵥⵜ ⵜⴰⵙⵔⵜⴰⵏⵜ ⵔⴰⴷ ⵏⵉⵥⴹⵉⵕ ⴰⴷ ⵏⵙⴱⴷⴷ ⵜⵓⴳⵜ ⵏ ⵉⵙⴷⵓⴷⴷⵓⵢⵏ ⵣⵣⵔⴰⵢⵏⵉⵏ ⵉⵡⵜⵜⴰ, ⴰⵎ ⴰⵎⵣⴰⵔⴰⵢ ⴷ ⵓⴱⵔⵙⵙⵉⵡⴷ ⴷ ⵜⵟⵟⵓⵕⴼⴰ ⴷ ⵓⵣⵡⴰⴳ ⵏ ⵉⵏⵍⵉⵜⵏ ⴷ ⵓⵙⵖⵏⵣⵉ ⵏ ⵓⴼⴳⴰⵏ ⴷ ⵜⵖⴰⵡⵙⵉⵡⵉⵏ ⴳⴷⵍⵏⵉⵏ.

ⴷⴰⵜ ⵏ ⵉⵙⴷⵓⴷⴷⵓⵢⵏ ⴰⴷ, ⵍⵍⴰⵏⵜ ⵜⵏⴰⵥⴰⵕⵉⵏ ⵏ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵍⵍⵉ ⵙⴱⴷⴷⵏⵜ ⵜⵎⵓⴽⵔⵉⵙⵉⵏ ⵏ ⵓⵏⵣⵡⵉ ⴷ ⵜⵉⵏ ⵜⴻⵜⵉⴽⵓⵏⵓⵍⵓⵊⵉⵜ.

ⴳ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⴰⴷ, ⵜⵟⵟⴰⴼ ⵜⵎⴰⵣⵉⵔⵜ ⵏⵏⵖ ⵜⵉⵏⴰⵥⴰⵕⵉⵏ ⴳⴳⵓⵜⵏⵉⵏ ⴷ ⵜⵙⵓⴳⴰⵔ ⵓⵔ ⵉⵍⵉⵏ ⴰⵜⵉⴳ ⵉ ⵓⵙⴽⵔ ⵏ ⵜⴳⵎⵉ ⵍⵍⵉ ⵏⵔⴰ.

ⵉⴼⴽⴰ ⴰⵙⵏⵜ ⵕⴱⴱⵉ ⵉⴷⵖⴰⵔⵏ ⵉⵙⵜⵔⴰⵜⵉⵊⵉⵢⵏ ⵍⵍⴰⵏⵉⵏ ⴼ ⵢⵉⵍ ⵏ ⴰⵟⵍⴰⵚ, ⵣⴷⵉⵏⵜ ⵓⵍⴰ ⵙ ⴽⵉⴳⴰⵏ ⵏ ⵉⴱⵔⴷⴰⵏ ⵉⵏⵙⴱⴰⴱⵏ ⴰⵢⵍⴰⵏⵏ.

ⴳ ⵓⵎⵏⴰⴷ ⴰⴷ, ⵉⴳⴰ ⵉⵢⵉ ⵜⵓⵎⵔⵜ ⴰⴷ ⵙⵙⴽⵯⵜⵉⵖ ⵎⴰⴷ ⵉⵍⵍⴰⵏ ⴳ ⵉⵏⴰⵡ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ ⵙ ⵜⵎⵍⴷⴰ ⵏ ⵓⴽⵜⵜⵓⵢ ⵡⵉⵙ 48 ⵏ ⵜⵡⴰⴷⴰ ⵜⴰⵣⴳⵣⴰⵡⵜ, ⵍⵍⵉⵖ ⵉⵏⵏⴰ ⴱⴰⴱ ⵏ ⵡⴰⴷⴷⵓⵔ: “ⵉⵍⵍⴰ ⵓⵛⵃⵓ ⴳ ⵜⵙⴳⴰ ⵏ ⵡⴰⵟⵍⴰⵚ ⴳ ⵉⴼⵔⵉⵇⵢⴰ ⴳ ⵜⵓⵚⴽⵉⵡⵉⵏ ⵜⵉⵏⴰⴷⴷⴰⵡⵉⵏ ⴷ ⵓⵙⵙⴰⵔⵓ ⵎⵇⵇⴰⵔ ⵍⵍⴰⵏⵜ ⵜⵥⴹⴰⵕⵉⵏ ⴷ ⵉⵙⵓⴳⴰⵎ ⵉⴳⴰⵎⵎⴰⵏⵏ ⴳⴳⵓⵜⵏⵉⵏ. ⵙ ⵖⵎⴽ ⴰⴷ ⴰⴼ ⵏⵙⵡⵓⵔⵉ ⴰⴽⴷ ⴰⵢⵜⵎⴰⵜⵏⵖ ⴳ ⵉⴼⵔⵉⵇⵢⴰ ⴷ ⵉⵎⴷⵔⴰⵡⵏ ⵏⵏⵖ ⴰⴽⴽⵯ ⵃⵎⴰ ⴰⴷ ⵏⴰⴼ ⵜⵉⵎⵔⴰⵔⵓⵜⵉⵏ ⵏ ⵜⵡⵓⵔⵉ ⴳⴰⵏⵉⵏ ⵜⵉⴷ ⵕⵡⴰⵏⵉⵏ, ⴳ ⵓⵙⴰⵜⵉⵜ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ...”

ⴳ ⵓⵎⵏⴰⴷ ⴰⴷ, ⵉⵙⵓⵎⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ: “ⴰⵏⵏⵓⵕⵥⵎ ⵏ ⵜⵙⵏⵜⴰⵢⵜ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵉⵡⴰⵜⵜⵙⵏ ⴰⵙⵉⵥⴹⵕ ⵏ ⵉⵡⴰⵏⴽⵏ ⵏ ⵓⴼⵜⴰⵙ ⴷ ⵓⵙⵡⵓⵔⵉ ⵃⵎⴰ ⴰⴷ ⵣⴷⵉⵏ ⵙ ⵉⴱⵔⴷⴰⵏ ⵏ ⵡⴰⵙⵙⴰⵢ ⴷ ⵓⵎⵢⴰⵡⴹ ⴰⴽⴷ ⴰⴷⵖⴰⵔ ⵏⵏⵙ ⴰⵏⵙⵎⵏⴰⴹ”.

ⵙ ⵜⵙⵏⵜⴰⵢⵜ ⴰⴷ, ⵉⵙⴷⴷⵉⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵜⵉⴽⴽⵍⵉⵜ ⵢⴰⴹⵏⵉⵏ ⴼ ⵡⴰⵜⵉⴳ ⵏ ⵜⵡⵓⵔⵉ ⵜⴰⴼⵔⵉⵇⵉⵜ ⵉⵜⵜⵓⵎⵙⴰⵔⵏ ⵃⵎⴰ ⴰⴷ ⵢⵉⵍⵉ ⵓⵙⴽⵔ ⵏ ⵉⵙⵏⴼⴰⵔⵏ ⵉⵅⴰⵜⴰⵔⵏ ⵚⴰⵃⴰⵏⵉⵏ ⵉ ⴽⵓⵢⴰⵏ.

• ⵎⴰⵙⵙ ⴰⵏⵙⵙⵉⵅⴼ,
• ⵜⵉⵏⴳⴳⵯⴰ ⴷ ⵉⵏⴳⴳⵯⴰ,

ⴰⵔ ⵜⵜⵇⵍⵏ ⵙⵉⵏ ⵉⵎⴰⴷⴰⵏⵏ ⵏⵏⵖ ⴰⴷ ⵏⵚⴽⵓ ⵜⴰⵍⴳⵉⵡⵉⵏ ⴷⵓⵙⵏⵉⵏ ⵓⴳⴳⴰⵔ ⵏ ⵜⵎⵣⵡⵓⵔⴰ, ⵏⵣⵓⵛⵛⵍ ⴳ ⵜⵡⵓⵔⵉ ⵏⵏⵖ ⵉⵛⵛⴰⵔⵏ.

ⵉ ⵡⴰⵡⵜⵜⴰⵙ ⴰⴷ, ⴷⴰ ⵏⵙⵕⵚⵓ ⴰⵙⵙ ⴰⴷ ⵜⴰⵎⴷⵔⴰⵡⵜ ⵏ ⵜⴳⵯⵎⴰⵜ ⵉⵣⵣⵉⴳⵣⵏ ⵖ ⵏⴳⴰ ⵉⴼⵍⵡⴰⵏ ⵕⵥⵎⵏⵉⵏ ⵉ ⵉⵢⵜⵎⴰⵜⵏⵖ ⴳ ⵜⵎⵉⵣⴰⵔ ⵏ ⵓⴼⵜⴰⵙ ⴰⴼⵔⵉⵇⵉ. ⵍⵍⵉⵖ ⴳⴰⵏⵜ ⵜⵉⵣⴰⵔ ⴰⴷ ⴰⴷⵔⵓ ⵏⵏⵖ ⴰⵙⵜⵔⴰⵜⵉⵊⵉ, ⴷ ⵜⵣⴷⵉ ⵜⵣⵣⵉⴳⵣⵜ ⵏⵏⵖ ⴷ ⵓⵔⴳⴳⵉⴳ ⵏⵏⵖ ⴷ ⵜⵣⵣⵉⴳⵣⵜ ⴷ ⵓⵔⴳⵉⴳ ⵏⵏⵙⵏⵜ.

ⵓⵔ ⴳⵉⵙ ⵜⵓⵔⴷⴰ ⵎⴰⵙ ⵥⴹⴰⵕⵏⵜ ⵙⵏⴰⵜ ⵜⵎⵔⵙⴰⵍ ⵏⵏⵖ ⵜⵉⵣⵣⵔⴰⴼⵉⵏ ⴰⴷ ⵙⴽⵔⵏⵜ ⵜⵉⵍⴰⵍ ⵙⵜⴰⵡⵀⵎⵎⴰⵏⵉⵏ ⵙ ⵓⵎⵢⴰⵡⴰⵙ ⴷ ⵓⵎⵢⴰⵡⴰⴹ ⴷ ⵓⵎⵙⴰⵡⴰⵍ ⴰⵙⵔⵜⴰⵏ ⴷ ⵜⵡⵓⵔⵉ ⵉⵛⵛⴰⵔⵏ ⴳ ⵉⵏⵎⵓⵇⵇⴰⵔⵏ ⵉⴱⵕⵍⴰⵎⴰⵏⵉⵢⵏ ⵉⴳⵜⵉⵔⴰⵏⵏ, ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵊⴰⵔ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ ⴷ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ. ⵎⴰ ⴷ ⴰⵎⴷⵢⴰ ⵏ ⵜⵙⵏⵜⴰⵢⵉⵏ ⵍⵍⵉ ⵔⴰⴷ ⵢⴰⵡⵙ ⴳ ⵡⴰⵍⴰⵢ ⵏ ⵜⵏⴰⵥⴰⵕⵜ ⵏ ⵜⵎⴷⵔⴰⵡⵜ ⴷ ⵓⵙⴷⵓⵙ ⵏ ⵜⵎⵔⵙⴰⵍ ⴷ ⵓⵙⵕⵚⵓ ⵏ ⵜⵎⵙⴽⵔⵜ ⵜⴰⴷⵉⵎⵓⵇⵔⴰⵟⵉⵜ.

ⴰⵔ ⴽⵏ ⴷⴰⵖ ⵙⵏⵉⵎⵎⵉⵔⵖ ⴼ ⵜⵏⵏⵓⴱⴳⴰ ⴷ ⵓⵙⵏⵓⴱⴳⵉ ⵉⵥⵉⵍⵏ, ⵍⵍⵉ ⵉⴳⴰⵏ ⵜⴰⵎⴰⵜⴰⵔⵜ ⵏ ⵜⴰⵢⵔⵉ ⵙⴳ ⴰⵎⴰⴷⴰⵏ ⵉⴳⴰⵏ ⴳⵎⴰⵜⵏⵖ ⴷ ⴰⵇⴱⵓⵔ.

ⴰⴼⵔⴰ ⵏ ⵕⴱⴱⵉ ⴼⵍⵍⴰⵜⵓⵏ