ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⵉⵙⵏⵓⴱⴳ ⵓⵏⵙⵙⵉⵅⴼ ⴰⵎⴰⵍⴳⴰⵛⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴳ ⴰⵏⵜⴰⵏⴰⵏⴰⵔⵉⴼⵓ
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵎⴰⴷⴰⵖⴰⵛⵇⴰⵔ ⵎⴰⵙⵙ ⴰⵏⴷⵔⵉ ⵔⴰⵊⵡⵉⵍⵉⵏⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵙ ⵏ ⵓⵙⵉⴹⵢⴰⵙ ⴳ ⵓⴳⴰⴷⵉⵔ ⵏ ⵓⵏⵙⵙⵉⵅⴼ ⵢⴰⴼⵓⵍⵓⵀⴰ ⴳ ⴰⵏⵜⴰⵏⴰⵏⴰⵔⵉⴼⵓ, ⵙ ⵜⵎⵍⴷⴰ ⵏ ⵡⴰⵍⴰⵙ ⵏ ⵓⵙⵜⴰⵢ ⵏⵏⵙ.
ⵉⴳⵯⵏⵙⴻⵙ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵙⵙ ⵏ ⵓⵙⵉⴹⵢⴰⵙ ⴳ ⴰⵏⵜⴰⵏⴰⵏⴰⵔⵉⴼⵓ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴳ ⵜⴼⵓⴳⵍⴰ ⵏ ⵓⵙⵔⵓⵙ ⵏ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵎⴰⴷⴰⵖⴰⵛⵇⴰⵔ ⴰⵏⴷⵔⵉ ⵔⴰⵊⵡⵉⵍⵉⵏⴰ, ⵍⵍⵉ ⵎⵓ ⵉⵍⵍⴰ ⵡⴰⵍⴰⵙ ⵏ ⵓⵙⵜⴰⵢ ⵏⵏⵙ.
ⵉⵣⵔⵉ ⵓⵙⵏⵓⴱⴳ ⴰⴷ ⵙ ⵜⵉⵍⵉⵜ ⵏ ⵎⴰⵙⵙ ⴰⵏⴷⵔⵉ ⵃⴰⵊⵊ ⵔⵉⵙⴰⵎⴱⴰ, ⴰⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⵓⵏⵏⵓⵏⵜ ⴳ ⵎⴰⴷⴰⵖⴰⵛⵇⴰⵔ, ⴷ ⵎⴰⵙ ⵅⴰⵍⵉⴷ ⵙⵙⴱⵜⵉ ⴰⵎⴰⵔⵉ ⵏ ⵓⵏⵙⵙⵉⵅⴼ ⴳ ⵜⵎⵙⵇⵇⴰⴷⵜ ⵏ ⵎⴰⴷⴰⵖⴰⵛⵇⴰⵔ.
ⵉⵏⵏⴰ ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⵉ ⵎⴰⴱ, ⵎⴰⵙ ⵢⵉⵡⵉ ⵉⵣⵓⵍⵏ ⴷ ⵉⵙⵔⵖⵓⴷⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵉ ⵎⴰⵙⵙ ⴰⵏⵙⵙⵉⵅⴼ ⴰⵏⴷⵔⵉ ⵔⴰⵊⵡⵉⵍⵉⵏⴰ ⵙ ⵜⵎⵍⴷⴰ ⵏ ⵡⴰⵍⴰⵙ ⵏ ⵓⵙⵜⴰⵢ ⵏⵏⵙ ⵙⴳ ⵓⵎⴰⴷⴰⵏ ⵏ ⵎⴰⴷⴰⵖⵛⵇⴰⵔ.
ⴳ ⵓⵙⵏⵓⴱⴳ ⴰⴷ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵥⵉⵍⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵙ ⵜⵏⵔⴰ ⴷ ⵉⵎⴰⴷⴰⵏⵏ, ⵉⵙⴷⴷⵉⴷ ⴼ ⵜⵉⵔⴰⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵃⵎⴰ ⴰⴷ ⵢⵉⵍⵉ ⵓⵏⴼⵓⵙ ⴰⵎⴰⵢⵏⵓ ⴳ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⵥⵉⵍⵏⵉⵏ ⴷ ⵓⵙⴷⵓⵙ ⵏⵏⵙⵏⵜ ⴳ ⵉⴳⵔⴰⵏ ⵢⴰⴹⵏⵉⵏ.
ⵉⵙⴰⵡⵍ ⵓⵏⵙⵙⵉⵅⴼ ⵏ ⵎⴰⴷⴰⵖⵛⵇⴰⵔ ⴼ ⵓⵙⵓⵜⴳ ⵏⵏⵙ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴷ ⵓⵙⵓⵊⴷ ⵏⵏⵙ ⵉ ⵜⵣⵣⵉⴳⵣⵜ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ.
ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵎⴰⴷⴰⵖⵛⵇⴰⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴼ ⵓⵙⵙⵥⵕⴼ ⴷ ⵓⵚⴽⵓ ⵏ ⵓⵎⵙⴳⵏⴰⴼ ⴷ ⵡⴰⵎⵎⴰⵙ ⵏ ⵓⵙⵎⵓⵜⴳ ⴳ ⵜⵖⵔⵎⵜ ⵏ ⴰⵏⵜⵙⵉⵔⴰⴱⵉ, ⵢⵉⵏⵉ ⵎⴰⵙ ⵔⴰⴷ ⵜⵕⵥⵎ ⵜⵎⴰⵣⵉⵔⵜ ⵏⵏⵙ ⵜⴰⵎⵙⵇⵇⴰⴷⵜ ⵏⵏⵙ ⴳ ⵎⴰⵏⵏ ⵓⵔ ⵢⴰⴳⴳⵓⴳⵏ ⴳ ⵍⵎⵖⵔⵉⴱ.
ⵙ ⵜⵎⵍⴷⴰ, ⵉⵎⵎⴰ ⵓⵎⴹⴰⴽⴰⵕ ⵏ ⵜⵢⴰⵏⵜ ⵜⴰⵏⴰⴽⴰⵍⵜ ⵏ ⵍⵎⵖⵔⵉⴱ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵎⴰⴷⴰⵖⴰⵛⵇⴰⵔ ⵎⴰⵙ ⵜⵍⵍⴰ ⵜⵎⴰⵣⵉⵔⵜ ⵏⵏⵙ ⴷ ⵍⵎⵖⵔⵉⴱ ⵉⴳⴰⵏ ⵜⴰⵎⴰⵣⵉⵔⵜ ⵜⴰⴳⵯⵎⴰⵜ ⴷ ⵜⵎⴷⴷⴰⴽⴽⵯⵍⵜ, ⵢⵉⵏⵉ ⵎⴰⵙ ⴳⴰⵏⵜ ⵜⵎⵣⵔⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ ⵜⵉⵏ ⵜⴳⵯⵎⴰⵜ ⴷ ⵓⵎⵣⵔⵓⵢ ⴷ ⵜⴷⴷⵓⴽⴽⵯⵍⴰ.
ⵉⴳⴰ ⵓⵙⵏⵓⴱⴳ ⴰⴷ ⵜⴰⵎⵍⴷⴰ ⵏ ⵓⵙⴷⴷⵉⴷ ⵏ ⵡⴰⵜⵉⴳ ⵏ ⵓⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵙ ⵡⴰⵙⵙⴰⵢ ⵏ ⵉⴳⵏⵏⴰ ⴷ ⵓⵙⵙⴰⵔⵓ. ⵢⵉⵍⵉ ⵓⵎⴹⴰⴽⴰⵕ ⵓⵍⴰ ⴼ ⵓⵎⵢⴰⵡⴰⴹ ⵊⴰⵔ ⵉⴷ ⴱⴰⴱ ⵏ ⵓⵙⵙⴰⵔⵓ ⵉ ⵓⵙⵖⵓⴷⵓ ⵏ ⵓⴼⵔⴰⴽ ⵙ ⵜⵙⵓⴳⴰⵔ ⴷ ⵜⵥⴹⴰⵕⵉⵏ ⴷⴰⵜ ⵏ ⴽⵔⴰⵢⴳⴰⵜ ⵜⴰⵎⴰⵣⵉⵔⵜ ⵉ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵙⵍⴰⵡⵏ ⴰⴽⴽⵯ ⴳ ⵉⴳⵔ ⴰⵏⴼⵍⴰⵃ.
ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵜⴰⴱⵔⴰⵜ ⵏ ⵓⵙⵙⵔⵖⴷ ⵉ ⵎⴰⵙⵙ ⵔⴰⵊⵡⵉⵍⵉⵏⴰ, ⵉⵙⴷⴷⵉⴷ ⴳⵉⵙ ⴼ ⵓⵛⵛⵉⵍ ⵏ ⵜⵣⵣⵉⴳⵣⵜ ⵏ ⵜⵡⵓⵔⵉ ⵉⵛⵛⴰⵔⵏ ⵉ ⵓⵙⵎⵖⵔ ⵏ ⵉⴳⵔⴰⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ, ⵉ ⵚⴰⵃⴰ ⵏ ⵉⵎⴰⴷⴰⵏⵏ ⴷ ⵓⵎⵏⵥⴰⵡ ⵏ ⵉⴼⵔⵉⵇⵢⴰ.
ⵉⵍⵍⴰ ⵡⴰⵍⴰⵙ ⵏ ⵓⵙⵜⴰⵢ ⵏ ⴰⵏⴷⵔⵉ ⵔⴰⵊⵡⵉⵍⵉⵏⴰ ⴷ ⴰⵏⵙⵙⵉⵅⴼ ⵏ ⵎⴰⴷⴰⵖⵛⵡⴰⵔ ⴳ ⵜⵙⵓⵜⵍⵜ ⵜⴰⵎⵣⵡⴰⵔⵓⵜ ⴷ ⵉⵙⵜⴰⵢⵏ ⵏⵜⵏⵙⵙⵉⵅⴼⵜ ⵉⵍⵍⴰⵏ ⴳ 16 ⵏⵓⵡⴰⵏⴱⵉⵔ ⵉⵣⵔⵉⵏ, ⵢⵉⵡⵉ, 56 % ⵏ ⵉⵙⵜⴰⵢⵏ.