ⴰⵙⵉⵡⴹ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ

ⴷⴼⴼⵉⵔ ⵏ ⵓⵎⴷⵓⴷⵉ ⵏ 8 ⵛⵓⵜⴰⵏⴱⵉⵔ 2023 ⵉⵍⵍⴰⵏ ⴳ ⴽⵔⴰ ⵏ ⵜⵙⴳⴳⵉⵡⵉⵏ ⵏ ⵍⵎⵖⵔⵉⴱⵏ ⵍⵍⵉⵉⵙⴽⵔ ⴽⵉⴳⴰⵏ ⵏ ⵉⵎⵕⵎⴰⵥ, ⵉⵙⵏⵎⴰⵍⴰ ⵓⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔ ⴷ ⵡⵉⵏ ⵉⵎⵛⵛⵉⵡⴰⵕ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴰⵙⵙ ⵏ 12 ⵛⵓⵜⴰⵏⴱⵉⵔ ⵜⴰⵙⵎⵓⵏⵉ ⴼ ⵜⵎⴰⵎⴰⴽⵜ ⵏ ⵜⵡⵉⵣⵉ ⵜⴰⵏⴰⵎⵓⵔⵜ ⴷ ⵓⵏⴳⵉⵙⵏ ⵏ ⵓⵎⴷⵓⴷⵉ ⴷ ⵡⴰⵍⴰⵙ ⵏ ⵓⵚⴽⵓ ⵏ ⵜⵎⵉⵣⴰⵔ ⴹⵕⵏⵉⵏ.

ⵏⵏⴰⵏ ⵉⵏⵙⵙⵉⵅⴼⵏ ⵏ ⵓⵙⵇⵇⵉⵎ ⵏ ⵉⵎⵓⵔ ⴷ ⵡⵉⵏ ⵉⵎⵛⵛⵉⵡⴰⵕ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵉⴼⵛⴰⴷⵏ ⵏⵏⵙⵏ ⵉ ⵓⴳⵍⴷⵓⵏ ⵏ ⵉⵎⵓⵎⵏⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ , ⵖⵎⴽ ⴰⵏⵏ ⴷ ⵜⴰⵡⵊⵉⵡⵉⵏ ⵏ ⵓⵏⴳⵉⵙⵏ, ⵜⵜⵔⵏ ⵜⴰⵎⵍⵍⴰ ⵏ ⵕⴱⴱⵉ ⵉ ⵡⵉⴷⴰ ⵎⵎⵓⵜⵏⵉⵏ ⴷ ⵜⵥⵥⵉⴹⵕⴰ ⵉ ⵜⴰⵡⵊⵉⵡⵉⵏ ⵏⵏⵙⵏ ⴷ ⵓⵙⵏⵉⵊⵊⵉ ⵉ ⵉⵎⵓⴳⴰⵙ.

ⵙⵓⵜⴳⵏ ⵉⵙⵉⵔⴰ ⵏ ⵙⵉⵏ ⵉⵙⵇⵇⵉⵎⵏ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵜⵓⴳⴳⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⴼⴹ ⵕⴱⴱⵉ, ⵍⵍⵉ ⵉⴼⴽⴰⵏ ⵙⴳ ⵜⵉⵣⵡⵉⵔⵉ ⵏ ⵓⵎⴷⵓⴷⵉ ⵉⵙⵡⵍⴰⵢⴰⵏ ⵏⵏⵙ ⵉⵎⴰⵜⵜⵓⵢⵏ ⵃⵎⴰ ⴰⴷ ⵉⵍⵉⵏ ⵉⵙⵡⵓⴷⴷⵓⵜⵏ ⴷ ⵜⵎⵙⴽⴰⵔ ⴷ ⵓⵍⴳⴳⵓⴷ  ⵉ ⵓⵙⵏⵊⵎ ⴷ ⵜⵙⵏⵉⵊⵊⵉⵜ ⵏ ⵉⵎⵓⴳⴰⵙ ⴷ ⵜⵉⵍⵉⵜ ⵏ ⵜⵏⵓⴼⴰ ⵜⵓⵛⵛⵉⵍⵉⵏ, ⴷ ⵓⵙⵎⵓⵙⵙⵓ ⵏ ⵜⵥⴹⴰⵕⵉⵏ ⴷ ⵉⵙⵓⴳⴰⵎ ⵉⵏⴼⴳⴰⵏ , ⵉⵖⵔ ⴱⴰⴱ ⵏ ⵡⴰⴷⴷⵓⵔ ⵏ ⵓⵕⵥⵥⵓⵎ ⵏ ⵓⵎⵉⴹⴰⵏ ⵉⵥⵍⵉⵏ ⵙ ⵜⵉⴽⴽⵉ ⵏ ⵜⵡⵉⵣⵉ ⵏ ⵉⵏⵎⵓⵔⴰⵏ ⴷ ⵜⴳⵔⴰⵡⵉⵏ ⵜⵓⵙⵍⵉⴳⵉⵏ ⴷ ⵜⴳⴷⵓⴷⴰⵏⵉⵏ.

- ⵙⵓⵜⴳⵏ ⵉⵙⵉⵔⴰ ⵏ ⵉⵙⵇⵇⵉⵎⵏ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⵉⵥⵎⵓⵥⵥⴰⵍ ⴷ ⵜⵙⵏⵜⴰⵢⵉⵏ ⴰⴷ;

- ⵙⵓⵜⴳⵏ ⵜⵓⴳⴳⴰⵙ ⵏ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⴷ ⵜⵊⴹⵕⵎⵜ ⵜⴰⴳⵍⴷⴰⵏⵜ ⴷ ⵡⴰⵔⴰⵢ ⴰⵖⵔⵎⴰⵏ ⴷ ⵜⴳⴳⴰⵍⵉⵏ ⵏ ⵜⵡⵉⵙⵉ ⴷ ⵜⴳⴳⴰⵍⵉⵏ ⵏ ⵜⵏⴼⵔⵓⵜ ⴷ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⴷ ⵉⵎⵣⵡⵓⵔⵉⵏ ⵏ ⵜⴷⵓⵙⵉ, ⴷ ⵜⴳⵔⴰⵡⵉⵏ ⵜⵜⴰⵡⵙⵜⴰⵢⵏⵉⵏ ⴷ ⵡⴰⵎⵓⵏ ⴰⵖⵔⵎⴰⵏ, ⵉ ⵓⵙⵏⵊⵎ ⴷ ⵓⵙⵏⵉⵊⵊⵉ ⴷ ⵓⵙⵏⴰⵍ;

- ⵙⵓⵜⴳⵏ ⵉⵎⴰⵏ ⵏ ⵜⵡⵉⵣⵉ ⵏ ⵓⵎⴰⴷⴰⵏ ⴰⵎⵖⵔⵉⴱⵉ ⵎⴳⴰⵍ ⵏ ⵜⴰⵙⵙⴰⵙⵜ ⴰⴷ, ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵏⵚⵕ ⵕⴱⴱⵉ, ⵙⴷⴷⵉⴷⵏ ⴼ ⵓⵍⵜⴰⵖ ⵏ ⵉⴳⵎⴰⵎⵏ ⵏ ⵉⵙⵇⵇⵉⵎⵏ ⴳ ⵜⵡⵓⵔⵉ ⴰⴷ ⵜⴰⵏⴰⵎⵓⵔⵜ ⵙ ⵜⵉⴽⴽⵉ , ⵜⵡⵉⵣⵉ ⴳ ⵓⵎⵉⴹⴰⵏ ⴰⵏⴰⵎⵓⵔ, ⵙ ⵎⴰⴷ ⵉⴳⴰⵏ ⵜⵉⵖⵔⴰⴷ ⵏ ⵡⴰⵢⵢⵓⵔ ⵉ ⴽⵓ ⴰⴳⵎⴰⵎ ⵙⴳ ⵉⴳⵎⴰⵎⵏ ⵏ ⵉⵙⵇⵇⵉⵎⵏ, ⴷ ⵜⵡⵉⵣⵉ ⴳ ⵎⴰⵕⵕⴰ ⵏ ⵜⵙⵏⵜⴰⵢⵉⵏ ⴷ ⵉⵙⵡⵓⴷⴷⵓⵜⵏ ⵉⵏⴰⵎⵓⵔⵏ ⴳ ⵓⵙⴰⵜⵉ ⵏ ⵡⴰⵍⴰⵙ ⵏ ⵓⵚⴽⵓ ⵏ ⵜⵙⴳⴳⵉⵡⵉⵏ ⵜⵜⴰⵡⴹⵕⵕⴰⵏⵉⵏ ⴷ ⵓⵙⵏⴰⵍ ⵏⵏⵙⵏⵜ;

- ⴰⵔ ⵜⵜⵉⵏⵉⵏ ⵜⴰⵣⵣⵉⴳⵣⵜ ⵏ ⵓⴹⴼⵕ ⵏ ⵓⴱⵕⵍⴰⵎⴰⵏ ⵙ ⵜⵙⵇⵇⵉⵎⵜ ⵉⵙⵙⵉⵅⵖ ⵓⵏⵙⵙⵉⵅⴼ ⵏ ⴽⵔⴰⵢⴳⴰⵜ ⴰⵙⵇⵇⵉⵎ, ⴳ ⵍⵍⴰⵏ ⵉⴳⵎⴰⵎⵏ ⵏ ⵉⵙⵉⵔⴰ ⵏ ⵉⵙⵇⵇⵉⵎⵏ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⴷ ⵉⵏⵙⵙⵉⵅⴼⵏ ⵏ ⵜⵙⵇⵇⵉⵎⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵜⵉⵎⵖⵍⴰⵍⵉⵏ, ⵉ ⵓⴹⴼⵕ ⵏ ⵉⵎⴰⵢⵏⵓⵜⵏ ⵏ ⵜⴰⵙⵙⴰⵙⵜ ⴰⴷ ⴷ ⵉⵙⵡⵓⴷⴷⵓⵜⵏ ⵏ ⵓⵙⴱⴷⴷⵉ ⵏⵏⵙ;

ⴳ ⵜⵎⵏⵜⵉⵍⵜ ⴰⴷ ⵉⵥⵍⵉⵏ, ⴷⴰ ⵙⵎⴰⵢⵏⵓⵏ ⵉⴳⵎⴰⵎⵏ ⵏ ⵉⵙⵉⵔⴰ ⵏ ⵉⵙⵇⵇⵉⵎⵏ ⴷ ⵉⵏⵙⵙⵉⵅⴼⵏ ⵏ ⵜⵔⵓⴱⴱⴰ ⴷ ⵜⴳⵔⵓⵎⵎⴰ ⵜⵉⴱⵕⵍⴰⵎⴰⵏⵉⵢⵉⵏ ⴰⵙⵓⴼⵓ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⴷ ⵓⵙⵎⵓⵙⵙⵓ ⴷ ⴱⴰⴱ ⵏ ⵡⴰⴷⴷⵓⵔ ⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ, ⵉ ⵓⵣⵣⵔⴰⵢ ⵏ ⵜⴰⵙⵙⴰⵙⵜ ⴰⴷ ⴷ ⵡⴰⵍⴰⵙ ⵏ ⵓⵚⴽⵓ ⴳ ⵓⵙⴰⵜⵉ ⵏ ⵜⵡⵉⵣⵉ ⴷ ⵓⵎⵢⴰⵡⴰⵙ, ⴷ ⵉⵎⴰⵏ ⵏ ⵜⵡⵓⵔⵉ ⵜⴰⵎⴳⵔⵓⵜ, ⵍⵍⵉ ⵉⴳⴰ ⵙⴳ ⴰⵜⵉⴳⵏ ⴷ ⵜⵎⵢⵓⵔⵉⵏ ⵏ ⵓⵎⴰⴷⴰⵏ ⵏ ⵍⵎⵖⵔⵉⴱ, ⴷ ⵓⴳⵣⵣⵓⵎ ⵙⴳ ⵜⵉⵔⵙⴰⵍ ⵏ ⵜⵎⴰⵣⵉⵔⵜ ⵏⵏⵖ, ⵉⵡⵙⵏⵉⵏ ⴳ ⵓⵣⵣⵔⴰⵢ ⵏ ⴳⴰⵔ ⵜⴰⵙⵙⴰⵙⵉⵏⴷ ⵜⵏⴰⵥⴰⵕⵉⵏ.