ⵜⵙⵓⵜⴳ ⵜⵏⵙⵙⵉⵅⴼⵜ ⵜⴰⵎⴰⵢⵏⵓⵜ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴰⵙⵡⵉⵔ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ

ⵉⴷⵔⵓ ⵓⴽⴰⴱⴰⵕ ⵏ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵏⴰⵎⵓⵔⵜ ⴳ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴳ ⵜⵙⵓⵜⵍⵜ ⵏ ⵖⵓⵛⵜ ⵙⴳ 24 ⴰⵔ 26 ⵖⵓⵛⵜ 2023. ⵢⵓⵎⴰ: ⵎⴰⵙⵙⴰ ⴼⴰⵜⵉⵏ ⵍⵖⴰⵍⵉ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ), ⵎⴰⵙⵙ ⵎⵓⵃⴰⵎⵎⴰⴷ ⵜⵡⵉⵎⵉ ⴱⵏⵊⵍⵍⵓⵏ (ⵜⴰⵔⴰⴱⴱⵓⵜ ⵏ ⵜⵣⵖⵔⵜ ⴷ ⵜⵎⴰⵜⵔⴰⵔⵜ), ⵎⴰⵙⵙ ⵄⴰⴱⴷⵍⵇⴰⴷⵔ ⵙⴰⵍⴰⵎⴰ (ⴰⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ).

ⵉⵎⵎⴰⵇⵇⴰⵔ ⵓⴽⴰⴱⴰⵕ ⵏ ⵍⵎⵖⵔⵉⴱ ⴷ ⵎⴰⵙⵙⴰ Cristina Reyes Hidalgo ⵜⴰⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ, ⵉⵙⵎⵏⵉⴷ ⴰⵙⵙⵔⵖ ⵏ ⵉⵏⵙⵙⵉⵅⴼⵏ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵉ ⵎⴰⵙⵙⴰ Cristina Reyes  ⵍⵍⵉⵖ ⵜⴳⴰ ⵜⴰⵏⵙⵙⵉⵅⴼⵜ ⵜⴰⵎⴰⵢⵏⵓⵜ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ. ⵙⵓⵜⴳⵏ ⴰⵙⵡⵉⵔ ⵏ ⵜⵣⴷⴰⵢⵉⵏ ⵊⴰⵔ ⵉⴱⵕⵍⴰⵎⴰⵏⵏ ⵏ ⵍⵎⵖⵔⵉⴱ ⴷ ⵍⴰⵏⴷⵉⵣ. ⵙⴷⴷⵉⴷⵏ ⴼ ⵓⵙⵎⵖⵔ ⵏ ⵜⵣⴷⴰⵢⵉⵏ ⴰⴷ ⵙ ⵉⵙⵏⴼⴰⵔⵏ ⵏ ⵜⵡⵡⵓⵔⵉ ⴳ ⴼⴰⵡⵏ ⵉⵡⵜⵜⴰⵙⵏ ⴷ ⵉⵎⴰⵙⵙⵏ, ⴷ ⵎⴰⵙ ⵜⴳⴰ ⵜⵉⵍⵉⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴰⵙⵜⴰⵢ ⴰⵙⵜⵔⴰⵜⵉⵊⵉ ⵏ ⵍⵎⵖⵔⵉⴱ ⴳ ⵢⵉⴳⵔ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ ⵙ ⵜⵏⴰⵔⴰ ⵏ  ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ. 

ⵜⵙⵓⵜⴳ ⵜⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴰⵙⵡⵉⵔ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ, ⵖⵎⴽ ⴰⵏⵏ ⴷ ⵜⵉⵍⵉⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵜⵡⵡⵓⵔⵉⵡⵉⵏ ⵏ ⵓⴳⵔⴰⵡ ⴰⵎⴰⵜⴰⵢ, ⵜⵙⵓⵜⴳ ⵓⵍⴰ ⵜⵉⵙⵏⵜⴰⵢⵉⵏ ⵏ ⵜⵡⵉⵣⵉ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵍⵍⵉ ⵉⵣⴷⵉⵏ ⵊⴰⵔ ⵉⴼⵔⵉⵇⵢⴰ ⴷ ⵓⵎⴰⴹⴰⵍⴰ ⴰⵄⵕⴰⴱ ⴷ ⵍⴰⵏⴷⵉⵣ, ⵜⵎⵓⵏ ⴷ ⵓⵎⴰⵔⴰ ⴰⵎⴰⵜⴰⵢ ⵏ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⵎⴰⵙⵙ Eduardo Chiliquinga Mazon , ⵜⵉⵏⵉ ⵎⴰⵙ ⵜⴳⴰ ⵜⴷⵔⴰⵡⵜ ⴰⴷ ⵜⴰⵎⵍⴷⴰ ⵏ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵓⴽⴰⴱⴰⵕ ⵏ ⵍⵎⵖⵔⵉⴱ ⵅⵜ ⵜⵥⴹⴰⵕⵜ ⵜⴰⵎⴰⵢⵏⵓⵜ ⴷ ⵜⵙⵔⵜⵉⵜ ⵏ ⵡⴰⵎⴰⵏ ⴷ ⵓⵣⵡⴰⴳ. 

ⵜⵙⴰⵡⵍⵜ ⵜⵏⵙⵙⵉⵅⵜ ⵓⵍⴰ ⴼ ⵜⵉⵍⴰⵍⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⴷ ⵜⵎⵉⵣⴰⵔ ⵏ ⵍⴰⵏⴷⵉⵣ, ⵜⵖⵔ ⵉ ⵓⵙⵙⵏ ⵏ ⵜⵉⵔⵎⵉⵜⵉⵏ ⵜⵉⵎⵣⵡⵓⵔⴰ ⵏ ⵜⴳⵍⴷⵉⵜ ⵏ ⴽⵉⴳⴰⵏ ⵏ ⵉⴳⵔⴰⵏ ⵣⴷⵉⵏⵉⵏ ⴷ ⵜⵉⵍⴰⵍⵜ ⵏ ⵜⵎⵖⴰⵔⵜ ⴷ ⵓⵣⵡⴰⴳ ⴷ ⵜⴼⵍⵍⴰⵃⵜ ⴷ ⵜⵥⴹⴰⵕⵜ ⵜⴰⵎⴰⵢⵏⵓⵜ. 

ⵉⵣⵎⵎⵉⵎ ⵓⴱⵕⵍⴰⵎⴰⵏ ⵏ ⵍⴰⵏⴷⵉⵣ ⴷ ⵍⵎⵖⵔⵉⴱ ⵜⴰⵎⵙⵙⴽⵯⵜⵉⵜ ⵏ ⵓⵏⵔⴰⵎⴰⵙ ⴳ ⵢⵓⵍⵢⵓⵣ 2018 ⴼ ⵓⵙⵎⵖⵔ ⵏ ⵓⵎⵢⴰⵡⴰⴹ ⴰⴱⵕⵍⴰⵎⴰⵏⵉ ⵙ ⵓⵙⵏⴼⵍ ⵏ ⵉⵔⵣⴰⴼⵏ ⴷ ⵜⵎⵓⵣⴰⵢⵉⵏ ⴷ ⵜⵎⵓⵛⴰ ⴷ ⵜⴻⵜⴳⴰⵔⵉⵏ, ⵉⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴰⵎⴷⵔⴰⵡ ⵉⵣⵣⵉⴳⵣⵏ ⴷⴰⵔ ⵜⴳⵔⴰⵡⵅⵜ ⴰⴷ ⵜⴰⴱⵕⵍⴰⵎⴰⵏⵉⵜ.