ⵜⵙⵏⵓⴱⴳ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⵎⴰⵙⵙ ⵀⴰⵔⴰⵍⴷ ⵜⵔⵓⵅ ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵏⵏⴰⵎⵙⴰ

ⵜⵙⵏⵓⴱⴳ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⵜⴰⵏⵙⵙⵉⵅⴼⵜ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵣⴰⵖ ⴰⵏⴰⵎⵓⵔ ⴷ ⵜⵖⴰⵡⵙⵉⵡⵉⵏ ⵜⵓⵙⵍⵉⵎⵉⵏ ⴷ ⵉⵎⵖⵔⵉⴱⵉⵢⵏ ⵏ ⴱⵕⵕⴰ, ⴰⵙⵙ ⵏ 5 ⵢⵓⵏⵢⵓ 2023 ⵎⴰⵙⵙ ⵀⴰⵔⴰⵍ ⴷ ⵜⵔⵓⵅ ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵏⵏⴰⵎⵙⴰ ⵉⵍⵍⴰⵏ ⴳ ⵓⵔⵣⴰⴼ ⵉ ⵜⴳⵍⴷⵉⵜ. 

ⵜⵙⴷⴷⵉⴷ ⵎⴰⵙⵙⴰ ⵏⴰⴷⵢⴰ ⴱⵓⵄⵉⴷⴰ ⵎⴰⵙ ⵍⵍⴰⵏⵜ ⵜⵣⴷⴰⵢⵉⵏ ⵊⴰⵔ ⵍⵎⵖⵔⵉⴱ ⴷ ⵏⵏⴰⵎⵙⴰ ⵙⴳ 1785, ⵜⵉⵍⵉ ⵜⵎⴷⵔⴰⵡⵜ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⵙⵡⵉⵔⵏ ⴳⴳⵓⵜⵏⵉⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ. 

ⵙⴷⴷⵉⴷⵏⵜ ⵉⵙⵜ ⵎⴰⵙⵙⴰ ⵜⵉⵎⵓⵔⴰ ⵏⴰⴷⵢⴰ ⵍⵇⵏⵚⵓⵕⵉ ⴷ ⵄⵉⵛⴰ ⵍⴽⵔⵊⵉ ⴷ ⵔⵔⴼⵄⴰ ⵎⴰⵍⵄⵉⵏⵉⵏ ⴼ ⵡⴰⵜⵉⴳ ⵏ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵓⵙⴷⵓⵙ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ, ⵙⵎⵏⵉⴷⵏⵜ ⵉⴳⵔⴰⵏ ⵏ ⵓⵎⵢⴰⵡⴰⵙ ⵍⵍⵉ ⵔⴰⴷ ⵢⵉⵍⵉ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⵇⵇⵉⵎ ⴰⵏⴰⵎⵓⵔ ⴳ ⵏⵏⴰⵎⵙⴰ ⴳ ⵉⵙⵡⵉⵔⵏ ⴰⵙⵉⵏⵔⴰⵏ ⴷ ⵓⴳⵜⵉⵔⴰⵏ. 

ⵖⵔⵉⵏⵜ ⵓⵍⴰ ⵉ ⵓⵙⴷⵙⵓ ⵏ ⵜⵣⴷⴰⵢⵉⵏ ⵏ ⵜⵡⵉⵣⵉ ⴷ ⵓⵎⵣⴰⵖ ⵏ ⵜⵎⵙⴰⵔ ⵜⵉⵏⴰⵎⵓⵔⵉⵏ ⴳ ⵙⵏⴰⵜ ⵜⵎⵉⵣⴰⵔ, ⵖⵔⵉⵏⵉⵜ ⵉ ⵜⵎⵔⵙⵍⵜ ⵜⴰⵣⵣⵔⴰⴼⵜ ⴳ ⵏⵏⴰⵎⵙⴰ ⵉ ⵓⵔⵣⴰⴼ ⵏ ⵜⵙⴳⴳⵉⵡⵉⵏ ⵏ ⵉⴼⴼⵓⵙ ⴷ ⵓⵙⵙⵏ ⵏ ⵉⵙⴰⵡⵓⵔⵏ ⵓⵏⴳⵉⵎⵏ ⵍⵍⵉ ⴳⵉⵙⵏ. 

ⵜⵜⵓⴼⴽⵉⵏ ⵉⵙⵉⵙⴼⵉⵡⵏ ⵉ ⵎⴰⵙ ⵜⵔⵓⵅ ⴼ ⵡⴰⴷⴷⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴼ ⵜⵎⴰⵖⵜ ⵉⵜⵜⵓⵙⴽⴰⵔⵏ ⴳ ⵚⵚⵃⵕⴰ ⵜⴰⵎⵖⵔⵉⴱⵉⵜ  ⴷ ⵜⵣⵣⵉⴳⵣⵜ ⵉⵍⵍⴰⵏ ⴳ ⵍⵎⵖⵔⵉⴱ ⴳ ⵢⵉⴳⵔ ⵏ ⵢⵉⵙⴽⵉⵍ ⴷ ⵓⵙⵉⵥⴹⵕ ⵏ ⵜⵎⵖⴰⵔⵜ ⴳ ⵡⴰⵎⵓⵏ. 

ⵉⵙⴰⵡⵍ ⵎⴰⵙⵙ ⵀⴰⵔⴰⵍⴷ ⵜⵔⵓⵅ ⴰⴳⵎⴰⵎ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵏⵏⴰⵎⵙ ⴼ ⵓⵙⵙⵓⵙⵎ ⵏ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ ⴷ ⵜⵏⴰⵎⵓⵏⵜ ⵍⵍⴰⵏⵉⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵏⵏⴰⵎⵙⴰ. 

ⴳ ⵢⵉⴳⵔ ⵏ ⵓⵎⵙⵓⵔⵓⴼ ⴷ ⵜⵎⵢⵓⴷⵉⵔⵜ ⵊⴰⵔ ⵉⵙⴳⴷⵏ, ⵉⵙⵓⵜⴳ ⵎⴰⵙⵙ ⵜⵔⵓⵅ ⴰⵏⵣⵡⵉ ⴰⵏⵉⵎⴰⵏ ⵙ ⵜⵏⴰⵔⴰ ⵜⵓⵏⵥⵉⵥⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⴰⵎⴷ ⵡⵉⵙ ⵚⴹⵉⵚ ⴰⴳⵍⴷⵓⵏ ⵏ ⵉⵎⵓⵎⵏⵏ, ⵉⵙⴷⴷⵉⴷ ⵎⴰⵙ ⵉⵍⵍⴰ ⵓⵎⵏⴰⴷ ⴰⴷ ⴳ ⵏⵏⴰⵎⵙⴰ ⵎⴰⴷ ⵉⵍⴰ ⵓⵎⵣⵔⵓⵢ, ⵍⵍⵉⵖ ⵍⵍⴰⵏ ⵉⵎⴰⵙⵉⵃⵉⵢⵏ ⴳ ⵏⵏⴰⵎⵙⴰ ⵜⴳ ⴰⵡⴰⵏⴽ ⵏ ⵓⵕⵓⴱⴱⴰ ⴰⵎⵣⵡⴰⵔⵓ ⵍⵍⵉ ⵉⵙⴽⵔ ⴳ ⵍⵉⵙⵍⴰⵎ ⴰⵙⴳⴷ ⴰⵎⴰⴷⴷⵓⴷ ⵏ ⵓⵡⴰⵏⴽ ⵜⴰⵎⴰ ⵏ ⵓⴷⵢⴰⵏ, ⵖⵎⴽ ⵍⵍⵉ ⵜⴻⵟⵟⴰⴼ ⵜⵎⵔⵙⵍⵜ ⵏ ⵜⴳⵍⴷⵓⵏⵜ ⵏ ⵉⵎⵓⵎⵏⵏ ⵜⵉⵍⴰⵍⵜ ⴳ ⵓⴼⵔⴰⴳ ⵏ ⵜⴷⵔⵓⵙⵉⵏ ⵜⵉⵙⴳⴷⴰⵏⵉⵏ ⴳ ⵍⵎⵖⵔⵉⴱ ⵎⴰⴷ ⵉⵍⴰ ⵓⵎⵣⵔⵓⵢ.