ⵉⵏⵙⵙⵉⵅⴼⵏ ⵏ ⵓⴱⵕⵍⴰⵎⴰⵏ: ⵉⵇⵇⴰⵏ ⴷ ⴰⴷ ⵜⵉⵍⵉⵜ ⵜⵎⴷⵔⴰⵡⵜ ⵉⵥⵍⵉⵏ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ ⵙ ⵓⵙⵡⵓⵔⵉ ⵙ ⵓⵡⵇⵇⵔ ⴷ ⵜⵉⵔⴰⵜ

ⵙⴷⴷⵉⴷⵏ ⵉⵏⵙⵙⵉⵅⴼ ⵏ ⵉⵙⵇⵇⵉⵎⵏ ⵏ ⵓⴱⵕⵍⴰⵎⴰⵏ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⴷ ⵎⴰⵙⵙ ⵏⵏⵄⵎⴰ ⵎⵉⵢⵢⴰⵕⴰ ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵜⵎⴷⵔⴰⵡⵜ ⵊⴰⵔ ⵍⵎⵖⵔⵉⴱ ⴼ ⵜⴰⵎⵓⵏⵜ ⵏ ⵓⵕⵓⴱⴱⴰ ⵙ ⵓⵡⵇⵇⵔ ⴷ ⵜⵉⵔⴰⵜ, ⵜⴰⵎⵔⴰⵔⵓⵜ ⴼ ⵜⴱⵔⴰⵜ ⵏ ⵜⵏⵙⵙⵉⵅⴼⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵕⵓⴱⵉⵕⵜⴰ ⵎⵉⵜⵙⵓⵍⴰ ⵖ ⵜⵙⴷⴷⵉⴷ ⴼ ⵜⵉⵔⴰⵜ ⵉⵛⵛⴰⵔⵏ ⵉ ⵜⵣⵣⵉⴳⵣⵜ ⵏ ⵓⵎⵙⴰⵡⴰⵍ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵚⴰⵃⴰ ⵏ ⵜⵎⴷⵔⴰⵡⵜ ⵜⴰⵙⵜⵔⴰⵜⵉⵊⵉⵜ ⵊⴰⵔ ⵍⵎⵖⵔⵉⴱ ⴷ ⵜⴰⵎⵓⵏⵜ ⵏ ⵓⵕⵓⴱⴱⴰ.

ⵙⴷⴷⵉⴷⵏ ⵉⵏⵙⵙⵉⵅⴼⵏ ⴳ ⴱⵔⴰⵜ ⵉ ⵎⴰⵙⵙⴰ ⵎⵉⵜⵙⵓⵍⴰ ⵜⴰⵎⵔⴰⵔⵓⵜ ⴼ ⵜⴱⵔⴰⵜ ⵏⵏⵙ ⵏ 2 ⵎⴰⵢ, ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵜⵎⴷⵔⴰⵡⵜ ⴰⴷ ⵙ ⵓⵡⵓⵔⵉ ⵙ ⵓⵡⵇⵇⵔ ⵏ ⵜⵉⵔⴰⵜ ⵉ ⵚⴰⵃⴰ ⵏ ⵜⵣⴷⴰⵢⵉⵏ ⵊⴰⵔ ⵜⵉⴳⵔⴰⵡⵉⵏ ⵜⵉⵙⵔⵜⴰⵏⵉⵏ ⴳ ⵜⵎⵉⵣⴰⵔ ⵏⵏⵖ ⴷ ⵜⵎⵔⵙⴰⵍ ⵍⵍⴰⵏⵉⵏ ⴳ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ.

ⵣⵎⵎⵉⵎⵏ ⵎⴰⵙ ⵉⵥⴹⴰⵕ ⵍⵎⵖⵔⵉⴱ ⴷ ⵉⵡⴰⵏⴽⵏ ⵏ ⵓⵕⵓⴱⴱⴰ ⴰⵙⵎⵖⵔ ⵏ ⵓⵖⴰⵡⴰⵙ ⵉⵥⵉⵍⵏ ⴷ ⵜⵉⵍⴰⵍ ⵛⵛⴰⵔⵏⵉⵏ ⴳⴰⵏⵉⵏ ⵜⵉⵎⵣⵡⵓⵔⴰ ⴳ ⵓⵙⵡⵉⵔ ⴰⵙⵉⵏⵔⴰⵏ ⴷ ⵓⵣⴷⴰⵢ ⴳ ⵉⵏⵎⵓⵇⵇⴰⵔⵏ ⵉⴳⵜⵉⵔⴰⵏⵏ ⵉⵏⵉⵏ ⵎⴰⵙ ⵜⵎⵇⵇⵓⵔ ⵜⵎⴷⵔⴰⵡⵜ ⴰⴷ ⵙ ⵜⵎⵙⴽⴰⵔ ⴰⴷ, ⴷ ⵉⵙ ⵉⴳⴰ ⵙⴳ ⵜⵎⴰⵙⴰⵢⵜ ⵓⴼⵔⴰⴳ ⵏⵏⵙⵏⵜ.

ⵉⵏⵉⵏ ⵎⴰⵙ ⵜⴻⵟⵟⴰⴼ ⵜⵖⵜⴰⵙⵜ ⵏ 19 ⵉⵏⵏⴰⵢⵔ ⴰⴷⵔⵉⵣ ⵉⴷⵔⴰⵏ ⴼ ⵡⴰⵡⵍⴰⴼ ⵏ ⵜⴰⵎⵓⵏⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴷⴰⵔ ⵓⴷⴷⵉⵙⵏ ⵓⴷⴷⵉⵔⵏ ⵏ ⵜⵎⵜⵜⴰ ⵜⴰⵎⵖⵔⵉⴱⵉⵜ, ⵙⴷⴷⵉⴷⵏ ⵎⴰⵙ ⵉⴷ ⵉⵇⵇⴰⵏ ⵜⴱⵔⴰⵜ ⴰⵏⵏ ⵜⴰⵎⵍⴷⴰ ⵏ ⵓⵎⵙⴰⵡⴰⵍⵜ ⵜⴰⵔ ⴰⴷⴷⴰⴷⵏ ⵍⵍⴰⵏⵉⵏ ⴳ ⵓⵏⵇⵇⵉⵙ ⴼ ⵓⴽⵛⵓⵎ ⴰⴱⵕⵕⴰⵏ ⴳ ⵜⵡⵡⵓⵔⵉⵡⵉⵏ ⵜⵉⴷⵉⵎⵓⵇⵔⴰⵟⵉⵢⵉⵏ ⵏ ⵜⴰⵎⵓⵏⵜ ⵏ ⵓⵕⵓⴱⴱⴰ, ⴳ ⵍⵍⴰⵏ ⴳⴰⵔ ⵉⵏⵖⵎⵉⵙⵏ ⵍⵍⵉ ⴷ ⵜⵉⵡⵉ ⴳ 15 ⵎⴰⵢ 2023 ⵜⵙⵇⵇⵉⵎⵜ ⵉⵥⵍⵉⵏ ⴼ ⵓⴽⵛⵓⵎ ⴷ ⵜⵎⵓⵛⴰ ⵓⵔ ⵣⴳⴰⵏⵉⵏ ⴷ ⵓⵙⴷⵓⵙ ⵏ ⵜⵎⴰⴼⴰⵡⵜ ⴳ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ.

ⵉⵏⵉⵏ ⵉⵏⵙⵙⵉⵅⴼⵏ ⵏ ⵓⴱⵕⵍⴰⵎⴰⵏ ⵎⴰⵙ ⵔⴰⴷ ⵢⵉⵍⵉ ⵓⵙⵜⴰⵢ ⵏ ⵓⵙⵏⴼⴰⵔ ⴰⴷ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ, ⵉⵏⵉⵏ ⵎⴰⵙ ⵔⴰⴷ ⵉⵙⴱⵉⴹⵕ ⴰⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ ⵉⵖ ⵉⵍⵍⴰ ⵓⵙⵜⴰⵢ ⵏⵏⵙ ⵙ ⵜⵓⵎⴰⵢⵜ ⵏⵏⵙ ⵉⴳⴰⵏ ⴳⴰⵔ.

ⵣⵎⵎⵉⵎⵏ ⵓⵍⴰ ⵎⴰⵙ ⴰⵇⵇⵔⴰⵏ ⵉ ⵓⵙⵎⵔⵙ ⵏ ⵓⴼⵔⴰⴽ ⵙ ⵜⵎⴰⵙⴰⵢⵜ ⴷ ⵓⵙⵎⵀⵍ ⵏ ⵜⵖⵜⴰⵙⵜ ⵏ ⵓⵙⵎⵍ ⵏ ⵜⵙⴳⴰ ⵏ ⵓⵕⵓⴱⴱⴰ ⵏ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵃⵎⴰ ⴰⴷ ⵜⵎⵓⵏ ⵜⵙⵇⵇⵉⵎⵜ ⴰⴷ ⴷ ⵓⵍⴳⴳⵓⴷ ⵜⴰⴼⵉ ⵢⴰⵏ ⵓⴼⵙⵙⴰⵢ ⵉ ⵜⵎⵓⴽⵔⵉⵙⵜ ⴰⴷ.

ⵉⵏⵉⵏ ⵎⴰⵙ ⵜⵡⴰⵜⵜⵙ ⵜⵎⴷⵔⴰⵡⵜ ⵏⵏⵖ ⴰⵙⵉⵜⵜⵉ ⵏ ⵜⵎⵓⴽⵔⵉⵙⵉⵏ ⵍⵍⵉ ⵍⵍⴰⵏⵉⵏ, ⵎⴰⵛⵛ ⵉⵡⵏⵏⴰⵏ ⴷ ⵜⴻⵜⴳⴰⵔⵉⵏ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⵅⴼ ⵍⵎⵖⵔⵉⴱ, ⴰⴳⴳⵓⴳⵏ ⴷ ⵓⴼⵔⴰⵏ ⵉⵥⵉⵍⵏ ⴳⵉⵏ ⵙⴳ ⵜⴰⵔⴰⵄⵉⵜ ⵓⵔ ⵉⵟⵟⴰⴼⵏ ⴽⵔⴰ ⵏ ⵜⵔⵙⵍⵜ.

ⵉⵏⵉⵏ ⵙⵉⵎ ⵉⵎⵙⵜⴰⵢⵏ ⵎⴰⵙ ⴷ ⵇⵇⴰⵏ ⵉⵙⵏⴼⵍⵏ ⵍⵍⴰⵏⵉⵏ ⵉ ⵓⵎⵙⴰⵡⴰⵍ ⵊⴰⵔ ⵜⵉⴳⵔⴰⵡⵉⵏ ⵜⵉⵙⵔⵜⴰⵏⵉⵏ ⵙ ⵎⴰⵙ ⴷ ⵉⵣⴷⵉⵏ ⴷ ⵚⴰⵃⴰ ⵏ ⵉⵏⵎⵓⵔⴰⵏ.

ⵉⵏⵉⵏ ⵓⵍⴰ ⵎⴰⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵜⴷⵉⵏⴰⵎⵉⵜ ⵉⴷⵓⵙⵏ ⴳ ⵜⵣⴷⴰⵢⵜ ⵉⵙⵎⵓⵏⵏ ⵜⵉⵎⵔⵙⴰⵍ, ⵢⵉⵍⵉ ⵓⵍⴰ ⵓⵎⵙⴰⵡⴰⵍ ⵉⴼⴰⵡⵏ ⵅⴼ ⵎⴰⵕⵕⴰ ⵜⵉⵎⵙⴰⵔⵉⵏ ⵛⵛⴰⵔⵏⵉⵏ, ⴷ ⵎⴰⵙ ⴷ ⵉⵇⵇⴰⵏ ⴰⴷ ⵙⴰⵡⴰⵍⵏ ⵉⵏⵇⵇⵉⵙⵏ ⵜⵉⵍⴰⵡⴰⵜ ⵏ ⵜⵎⴰⵣⵉⵔⵜ ⵜⴰⵎⴷⵔⴰⵡⵜ  ⴱⴷⴷⵏ ⴼ ⵜⵔⵙⴰⵍ ⴷⵓⵙⵏⵉⵏ ⵍⵍⵉ ⵉⵙⴽⴰⵔ ⵓⵎⵙⴰⵡⴰⵍ ⵉⴳⴰⵏ ⵡⵉⵏ ⵜⵉⴷⵜ ⵉⴳⴰⴷⴷⴰⵏ.

ⵢⵉⵏⵉ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵎⴰⵙ ⵓⵊⴰⴷⵏ ⵉ ⵓⵎⴹⴰⴽⴰⵕ ⵏ ⵜⴱⵔⵉⴷⵉⵏ ⴷ ⵉⵎⵉⵥ ⵏ ⵉⵙⵉⵍⵍⵉⴼⵏ ⵥⵉⵍⵏⵉⵏ ⴳ ⵎⴰⴷ ⵉⵣⴷⵉⵏ ⴷ ⵓⵙⵎⵖⵜ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ.