ⴰⵙⴰⵢⵔⴰⵔ ⵏ ⵜⵏⵙⵙⵉⵅⴼⵜ : ⵜⴰⵡⴰⵍⴰ ⵜⴰⵣⵣⵔⴰⴼⵜ 2021-2026:
ⴰⵏⵇⴰⵕⴰ: ⵎⴰⵙⵙ ⵟⴰⵍⴱⵉ ⵍⵄⴰⵍⴰⵎⵉ ⴷ ⴰⴳⵯⵏⵙⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴳ ⵜⴼⴼⵓⴳⵍⴰ ⵏ ⵓⵙⵕⵚⵓ ⵏ ⵓⵏⵙⵙⵉⵅⴼ ⵕⴰⵊⴰⴱ ⵟⴰⵢⵢⵉⴱ ⴰⵔⴷⵓⴳⴰⵏ
ⵉⵃⴰⴹⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⴹⵢⴰⵚ ⴳ ⴰⵏⵇⴰⵕⴰ, ⴷ ⴰⴳⵯⵏⵙⴰⵙ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴷ ⵜⴼⴼⵓⴳⵍⴰ ⵏ ⵓⵙⵕⵚⵓ ⵏ ⵓⵏⵙⵉⵅⴼ ⵏ ⵜⵓⵕⴽⵢⴰ ⵕⴰⵊⴰⴱ ⵟⴰⵢⵢⵉⴱ ⴰⵔⴷⵓⴳⴰⵏ ⵍⵍⵉ ⵉⴳⴰⵏ ⴰⵏⵙⵙⵉⵅⴼ ⵉ ⵜⵡⴰⵍⴰ ⵜⵉⵙ ⴽⵕⴰⴹⵜ, ⴳ ⴰⵏⵇⴰⵔⴰ ⵙ ⵜⵉⵍⵉⵜ ⵏ ⴽⵉⴳⴰⵏ ⵏ ⵉⵏⵎⵖⵓⵔⵏ ⵏ ⵉⵡⴰⵏⴽⵏ ⴷ ⵜⵏⴱⴰⴹⵉⵏ ⴷ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ. ⵉⵃⴰⴹⵕ ⵓⵍⴰ ⵎⴰⵙⵙ ⵎⵓⵃⴰⵎⵎⴰⴷ ⵄⵍⵉ ⴰⵍⴰⵣⵔⴰⵇ ⴰⵎⵙⵇⵇⴰⴷ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴳ ⵜⵓⵕⴽⵢⴰ.
ⵉⵣⵡⴰⵔ ⵉⵙ ⵉⴼⴽⴰ ⵓⵏⵙⵙⵉⵅⴼⴳ ⴰⵔⴷⵓⴳⴰⵏ ⵜⴰⴳⴰⵍⵍⵉⵜ ⵜⴰⴷⵙⵜⴰⵔⵜ ⴳ ⵓⴱⵕⵍⴰⵎⴰⵏ ⵏ ⵜⵓⵕⴽⵢⴰ ⵃⵎⴰ ⴰⴷ ⵉⵙⵙⵏⵜⵉ ⵜⴰⵡⵡⵓⵔⵉ ⵏⵏⵙⴳ ⵜⵡⴰⵍⴰ ⵜⴰⵎⴰⵢⵏⵓⵜ.
ⴷⴼⴼⵉⵔ ⵏ ⵜⴳⴰⵍⵍⵉⵜ, ⵉⵔⵣⴼ ⴰⵔⴷⵓⴳⴰⵏ ⴰⵙⵎⴹⵍ ⵏ ⵓⵎⵙⴽⴰⵔ ⵏ ⵜⵓⵕⴽⵢⴰ ⵎⵓⵚⵟⴰⴼⴰ ⴽⴰⵎⴰⵍ ⴰⵜⴰⵜⵓⵔⴽ, ⵉⴼⵜⵓ ⵉⵍⵎⵎⴰ ⵙ ⵓⵙⵖⵉⵎ ⴰⵏⵙⵙⵉⵅⴼ ⵉ ⵓⴷⵔⴰⵡ ⴳ ⵜⴼⴼⵓⴳⵍⴰ ⵏ ⵓⵙⵕⵚⵓ. ⵖⵉⴷ ⴰⵖⴷ ⵜⵓⵛⴽⴰ ⵜⵔⴰⴱⴱⵓⵜ ⵏ ⵉⵎⵏⴰⵢⵏ ⵏ ⵉⵙⵏⵓⴱⴳⵏ ⵍⵍⵉ ⵉⵕⵥⵎⵏ ⵏ 101 ⵏ ⵓⴼⵓⵖ ⵏ ⵓⵇⵔⴰⵢⵏ. ⵖⵎⴽ ⵍⵍⵉ ⵜⴷⵔⵓ ⵜⵔⴰⴱⴱⵓⵜ ⵏ ⵓⵔⴽⵉⵙⵜⵔⴰ ⵜⴰⵙⵎⴼⵓⵏⵉⵜ ⵏ ⵜⵏⵙⵙⵉⵅⴼⵜ ⴷ ⵜⵔⴰⴱⴱⵓⵜ ⵏ ⵓⵥⴰⵡⴰⵏ ⴰⵇⴱⵓⵔ ⵜⴰⵜⵓⵔⴽⵉⵜ ⴷ ⵜⵔⴰⴱⴱⵓⵜ ⵏ ⵓⵥⴰⵡⴰⵏ ⵜⴰⵙⵔⴷⴰⵙⵜ ⵜⴰⵜⵓⵔⴽⵉⵜ.
ⴳ ⵜⴳⵉⵔⴰ ⵏ ⵜⴼⴼⵓⴳⵍⴰ, ⵔⴰⴷ ⵉⵙⴽⵔ ⵓⵏⵙⵙⵉⵅⴼ ⴰⵔⴷⵓⴳⴰⵏ ⵜⵉⵔⵎⵜ ⵏ ⵉⵎⵏⵙⵉ ⴼ ⵡⴰⴷⴷⵓⵔ ⵏ ⵉⵏⴱⴳⵉⵡⵏ ⵏⵏⵙ ⴳ ⵜⴳⴰⴷⵉⵔⵜ ⵏ ⵜⵛⴰⵏⵇⴰⵢⴰ.
ⴳ ⵓⴽⵡⴰⵙ, ⵜⵏⵏⴰ ⵜⴳⵔⴰⵡⵜ ⵜⴰⵎⴰⵜⵜⵓⵢⵜ ⵏ ⵉⵙⵜⴰⵢⵏ ⴳ ⵜⵓⵕⴽⵢⴰ ⵎⴰⵙ ⵢⵉⵡⵉ ⵓⵏⵙⵙⵉⵅⴼ ⵕⴰⵊⴰⴱ ⵟⴰⵢⵢⵉⴱ ⴰⵔⴷⵓⴳⴰⵏ ⵉⵙⴰⵜⴰⵏ ⵏ 28 ⵎⴰⵢ ⵙ 52.18 ⵏ ⵉⵙⵜⴰⵢⵏ.