ⵉⵎⴹⴰⴽⴰⵕ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴼ ⵜⵎⵓⵟⵟⵓⵏⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ

ⵉⵙⵏⵓⴱⴳ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙ ⵏ 22 ⵎⴰⵢ 2023 ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ, ⵎⴰⵙⵙ ⵄⴰⴱⴷⵓⵕⵕⵃⴰⵎⴰⵏ ⵍⵄⵙⵓⵎⵉ ⴰⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓ ⴷ ⵓⵙⵎⵓⵜⵜⵉ ⴰⵎⵓⵟⵟⵓⵏ ⴳ ⵜⵙⵎⵓⵏⵉ ⵏⵏⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ.

ⵍⵍⴰⵏ ⵉⵎⴹⴰⴽⴰⵕⵏ ⴼ ⵓⵙⵎⵓⵟⵟⵏ ⵏ ⵜⵡⵡⵓⵔⵉ ⵜⴰⴱⵕⵍⴰⴰⵎⵏⵉⵜ ⴳ ⵎⴰⵕⵕⴰ ⵜⵉⴼⵔⴽⵉⵡⵉⵏ ⵏⵏⵙ, ⴷ ⵓⵙⵙⵏ ⵏ ⵜⵉⵔⵎⵉⵜ ⵏ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴷ ⵓⴷⵔⴰⵡ ⵏⵏⵙ ⴷ ⵉⴱⵕⵍⴰⵎⴰⵏ ⴰⵄⵕⴰⴱⵏ. ⵉⴳ ⵓⵏⵎⵓⵇⵇⴰⵔ ⵜⴰⵎⵍⴷⴰ ⵏ ⵓⵙⵙⵏ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵏ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴳ ⵓⴱⵕⵍⴰⵎⴰⵏ ⴰⵄⵕⴰⴱ, ⴷ ⵓⵖⴰⵡⴰⵙⵏ ⵏ ⵜⵡⵡⵓⵔⵉ ⵏ ⵜⵙⵎⵓⵏⵉ ⵜⵉⵙ ⵙⵏⴰⵜ ⴳ ⵕⵕⴱⴰⵟ ⴷ ⵜⵉⵢⵢⴰⴼⵓⵜⵉⵏ ⵏ ⵉⵏⵎⵓⵇⵇⴰⵔⵏ ⵣⵔⵉⵏⵉⵏ ⴷ ⵜⵎⵣⵡⵓⵔⴰ ⵏ ⵜⵡⵡⵓⵔⵉ ⵏ ⵜⴼⵔⴽⴰ ⴷ ⵢⵓⵛⴽⴰⵏ, ⴷ ⵜⵎⵙⴰⵔⵉⵏ ⵛⵛⴰⵔⵏⵉⵏ ⴰⵎ ⴰⴼⵓⵍⵍⵙ ⴰⵎⴳⵓⵔⴰⵏ ⴷ ⵜⵏⴼⵔⵓⵜ ⵏ ⵜⵎⵓⵛⴰ.

ⵙ ⵜⵎⵍⴷⴰ, ⵉⵙⵏⵉⵎⵎⵔ ⵓⵏⵙⵙⵉⵅⴼ ⵏ ⵓⴱⵕⵍⴰⵎⴰⵏ ⴰⵄⵕⴰⴱ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵏⵎⵓⵇⵇⴰⵕ ⴷ ⵓⵎⴹⴰⴽⴰⵕ ⵉⵏⵏⵓⵕⵥⵎⵏ ⵉ ⵓⵙⵙⵏ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ, ⵉⵙⴷⴷⵉⴷ ⵎⴰⵙ ⴷ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵃⴼⴹ ⵕⴱⴱⵉ, ⵜⵙⵏⴰⵍ ⵜⵉⵎⵙⴰⵔⵉⵏ ⵜⴰⵄⵕⴰⴱⵉ, ⴷ ⵢⵉⵥⴹⵉⵕ ⵍⵎⵖⵔⵉⴱ ⴰⴷ ⵉⵙⴽⵔ ⵜⴰⵏⴽⵔⴰ ⵜⴰⵎⴳⵓⵔⴰⵏⵜ ⴷ ⵜⴻⵜⵉⴽⵏⵓⵍⵓⵊⵉⵜ, ⵢⵉⵏⵉ ⵎⴰⵙ ⵉⵡⴰⵜⵜⵙ ⵓⵏⵎⵓⵇⵇⴰⵔ ⴰⴷ ⵢⵉⵍⵉ ⵚⴰⵃⴰ ⵙⴳ ⵜⵉⵔⵎⵉⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵎⵓⵟⵟⵓⵏⵜ ⴷ ⵓⴷⵔⴰⵡ ⵏⵏⵙ ⴰⴽⴷ ⵉⴱⵕⵍⴰⵎⴰⵏⵏ ⴳ ⵉⴳⵔⴰⵏ ⵏ ⵜⵎⵙⵙⵓⴳⵓⵔⵜ ⵜⴰⴱⵔⵍⴰⴰⵎⵏⵉⵜ ⴷ ⵡⵉⵏ ⵓⵣⵣⵔⴰⴼ ⴷ ⵜⵉⴹⴰⴼ.

ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓ ⴷ ⵓⵙⵎⴰⵜⵜⵉⴰ ⵎⵓⵟⵟⵓⵏ ⴳ ⵓⴱⵕⵍⴰⵎⴰⵏ ⴰⵄⵕⴰⴱ ⵎⴰⵙⵙ ⵅⴰⵍⵉⴷ ⴰⴱⵓ ⵃⴰⵙⵙⴰⵏ ⴼ ⵓⵙⵓⵜⴳ ⵏⵏⵙ ⵙ ⵓⵔⵣⴰⴼ ⴷ ⵓⵏⵎⵓⵇⵇⴰⵔ, ⵉⵙⴷⴷⵉⴷ ⴰⵙⵓⵜⴳ ⵏ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴳ ⵢⵉⴳⵔ ⵏ ⵜⵎⵓⵟⵟⵓⵏⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⴷ ⵜⵣⵣⵉⴳⵣⵜ ⵜⵓⵏⴳⵉⵎⵜ ⵍⵍⵉ ⵜⵙⴽⵔ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵢⵉⵏⵉ ⵎⴰⵙ ⴷ ⴰⵡⵜⵜⴰⵙ ⵉⴳⴰ ⵜ ⴰⴷ ⵢⵉⵍⵉ ⵢⴰⵏ ⵓⵥⵟⵟⴰ ⵉⵙⵎⵓⵏⵏ ⵎⴰⵕⵕⴰ ⵏ ⵉⴱⵕⵍⴰⵎⴰⵏ ⴳ ⵢⵉⴳⵔ ⵏ ⵜⵎⵓⵟⵟⵓⵏⵜ ⴷ ⵜⵎⵙⴰⵔⵉⵏ ⵏ ⵏ ⵓⴼⵓⵍⵍⵙ ⴰⵎⴳⵓⵔⴰⵏ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ, ⴰⵢⵍⵍⵉ ⴼ ⵏⵉⵜ ⵙⴷⴷⵉⴷⵏ ⵉⴳⵎⴰⵎⵏ ⵜⵔⴰⴱⴱⵓⵜ ⴰⴷ.

ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⵍⴰⵖ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⴳ ⵓⵙⴰⵡⵓⵔ ⵏ ⵜⵎⴳⵓⵔⵉ ⴷ ⵓⵙⵎⴰⵓⵜⵜⵉ ⴰⵎⵓⵟⵟⵓⵏ ⴷ ⵓⵏⵏⵓⵕⵥⵎ ⴼ ⵜⴻⵜⵉⴽⵏⵓⵍⵓⵊⵉⵜ ⵜⴰⵎⴰⵢⵏⵓⵜ ⵏ ⵓⵙⵏⵖⵎⵙ ⴷ ⵓⵎⵢⴰⵡⴰⴹ,ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵕⴱⴱⵉ, ⵢⵉⵏⵉ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵎⴰⵙ ⵉⴽⵛⵎ ⵓⵙⵇⵇⵉⵎ ⵏ ⵉⵎⵓⵔⴰ ⵙⴳ ⴽⵉⴳⴰⵏ ⵏ ⵉⵙⴳⴳⵯⴰⵙⵏ ⴳ ⵓⴱⵔⵉⴷ ⵏ ⵜⵎⵓⵟⵟⵓⵏⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵖⵎⴽ ⵍⵍⵉ ⵉⵙⵓⵊⴰⴷ ⴳ 2014 ⵢⴰⵜ ⵜⵙⵜⵔⴰⵜⵉⵊⵉⵜ ⵉⴼⴰⵡⵏ ⴳ ⵢⵓⴳⵔ ⵏ ⵓⴱⵕⵍⴰⵎⴰⵏ ⴰⵍⵉⴽⵟⵕⵓⵏⵉ ⵉⴱⴷⴷⵏ ⴼ ⵓⵙⵎⵔⵙ ⵉⵕⵡⴰⵏ ⵏ ⵜⴻⵜⵉⴽⵏⵓⵍⵓⵊⵉⵜ ⵏ ⵓⵎⵢⴰⵡⴰⴹ ⴷ ⵓⵙⵏⵖⵎⵙ ⵉ ⵓⵙⴷⵓⵙ ⵏ ⵜⵎⵙⴽⵔⵜ ⴷ ⵓⵙⴷⵓⵙ ⵏ ⵜⵎⴰⴼⴰⵡⵜ ⴷ ⵓⵏⵏⵓⵕⵥⵎ ⴼ ⵜⵎⵓⵛⴰ ⵜⴰⴱⵕⵍⴰⵎⴰⵏⵉⵜ ⵏ ⵉⵙⵜ ⵎⴰⵙⵙⴰ ⴷ ⵉⴷ ⵎⴰⵙⵙ ⵉⵎⵓⵔⴰ ⴷ ⵉⵎⵔⵣⵓⵜⵏ ⴷ ⵎⴰⵕⵕⴰ ⵉⵏⵎⵓⵔⴰⵏ.

ⵉⵙⴰⵡⴰⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙ ⵜⵜⵓⵙⴽⴰⵔ ⵜⵡⵡⵓⵔⵉ ⴰⴷ ⵙ ⵜⵙⵓⴳⴰⵔ ⵏ ⵍⵎⵖⵔⵉⴱ, ⴰⵢⵍⵍⵉ ⵢⵉⵡⵙⵏ ⴳ ⵓⵙⵡⵓⴷⴷⵓ ⵉⵥⵉⵍⵏ ⵏ ⵓⵙⵎⵔⵙ ⵏ ⵜⴻⵜⴳⴰⵔⵉⵏ, ⴷ ⵜⵉⵍⵉⵜ ⵏ ⵜⵎⵓⵛⴰ ⵜⴰⴱⵕⵍⴰⵎⴰⵏⵉⵜ ⴷ ⵓⵍⴳⴳⵓⴷ, ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⴰⴽⴷ ⵉⵏⵎⵓⵔⴰⵏ ⴷ ⵜⵏⴱⴰⴹⵜ ⴷ ⵜⵎⵔⵙⴰⵍ ⵜⵉⴷⵙⵜⴰⵔⵉⵏ. ⵢⵉⵏⵉ ⵎⴰⵙⴷ ⵜⵉⵔⵎⵉⵜ ⵜⴰⵎⵓⵟⵟⵓⵏⵜ ⵏ ⵓⵙⵇⵇⵉⵎ ⵜⴳⴰ ⵜⴰⵙⵓⵖⵍⵜ ⴳ ⵓⵙⵡⵉⵔ ⴰⵏⵎⵏⴰⴹ ⴷ ⵓⴳⵔⴰⵖⵍⴰⵏ ⵙⵍⴰⵡⴰⵏ ⴰⴽⴽⵯ ⴳ ⵉⴳⵔⴰⵏ ⵏ ⵓⵣⵣⵔⴰⴼ ⴷ ⵜⵉⴹⴰⴼ ⵏ ⵜⵡⵡⵓⵔⵉ ⵜⵓⵏⴱⵉⴹⵟ ⴷ ⵜⵉⵔⵔⴰ ⵙ ⵉⵎⵉⵙⵙ ⵏ ⵉⵏⵇⵇⵉⵙⵏ ⵏ ⵜⵖⵉⵎⵉⵜⵉⵏ ⵜⵉⴳⴷⵓⴷⴰⵏⵉⵏ ⴷ ⵓⵙⵓⵜⴳ ⵏ ⵡⴰⵕⵛⵉⴼ.

ⵉⵙⵓⵜⴳ ⵎⴰⵙⵙ ⵄⴰⴱⴷⵉⵍⴰⵀ ⵃⴰⴼⴹⵉⴰⵎⵛⵛⵉⵡⵕ ⴰⴱⵕⵍⴰⵎⴰⵏⵉ ⴷ ⵎⴰⵙⵙⴰ ⵉⵍⵀⴰⵎ ⵙⵙⴰⵇⵉ ⵜⴰⵎⴰⵔⵉⵜ ⵜⴰⴱⵕⵍⴰⴰⵎⵏⵉⵜ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓ ⴷ ⵓⵙⵎⵓⵜⵜⵉ ⴰⵎⵓⵟⵟⵓⵏ, ⵓⵎⵎⵉⵥⵏ ⵍⵍⵉ ⵉⵙⴽⵔ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵜⵎⵓⵟⵟⵓⵏⵜ ⴷ ⵓⴷⵔⴰⵡ ⵏ ⵜⵎⵓⵛⴰ, ⵙⴰⵡⵍⵏ ⴼ ⵜⵓⵎⵔⵜ ⵏⵏⵙ ⵍⵍⵉⵖ ⵜⵙⵏⵓⴱⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵜⴰⵙⵍⵓⵏⵉ ⴰⴷ, ⵙⴷⴷⵉⴷⵏ ⴼ ⵢⵓⵊⴰⴷ ⵓⴱⵕⵍⴰⵎⴰⵏ ⵏ ⵍⵎⵖⵔⵉⴱ ⵉ ⵓⴷⵔⴰⵡ ⵏ ⵜⵉⵔⵎⵉⵜ ⵏⵏⵙ ⴰⴽⴷ ⵜⵉⵎⵉⵣⴰⵔ ⵏ ⵡⴰⵄⵕⴰⴱⵏ, ⴷ ⵓⵡⵙⵡⵓⵔⵉ ⵉⵛⵛⴰⵔⵏ ⵉ ⵓⵙⴱⴷⴷⵉ ⵏ ⵜⵏⴰⵥⴰⵕⵉⵏ ⵣⴷⵉⵏⵉⵏⴷ ⵜⵎⵓⵟⵟⵓⵏⵜ ⴰⵎ ⴰⴼⵓⵍⵍⵙ ⴰⵎⴳⵓⵔⴰⵏ ⴷ ⵜⵏⴼⵔⵓⵜ ⵜⴰⵙⵉⴱⵔⵏⵉⵜ.

ⵜⴰⵔⴰⴱⴱⵓⵜ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵜⴻⵜⵉⴽⵏⵓⵍⵓⵊⵉⵜ ⴷ ⵓⵙⵎⴰⵢⵏⵓ ⴷ ⵓⵙⵎⴰⵜⵜⵉ ⴰⵎⵓⵟⵟⵓⵏ ⵜⴹⴼⵕ ⴰⴱⵕⵍⴰⵎⴰⵏ ⴰⵄⵕⴰⴱⵏ ⵜⵙⴽⵔ ⵜⴰⵙⵎⵓⵏⵉ ⵏⵏⵙ ⵜⵉⵙ ⵙⵏⴰⵜ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵜⵓⵎⴰ ⵜⴰⴳⵍⴷⵉⵜ ⵏ ⵍⵎⵖⵔⵉⴱ ⴷ ⵍⵓⵕⴹⵓⵏ ⴷ ⵇⴰⵟⴰⵕ ⴷ ⵙⴰⵍⵟⴰⵏⴰⵜ ⵄⴰⵎⴰⵎⵏ ⴷ ⵍⴱⴰⵃⵕⴰⵢⵏ ⴷ ⵍⵢⴰⵎⴰⵏ ⴷ ⵍⵉⴱⵢⴰ ⴷ ⵍⵄⵕⴰⵇ ⴷ ⵎⵉⵚⵕ.