ⴰⵙⵓⵜⴳ ⵏ ⵜⵉⵔⵎⵉⵜ ⵏ ⵍⵎⵖⵔⵉⴱ ⴷ “ⴰⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ” ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⴳ ⵙⵜⵔⴰⵙⴱⵓⵔⴳ
ⴳ ⵜⴷⵔⴰⵡⵜ ⵏⵏⵙ ⴳ ⵓⴳⵣⵣⵓⵎ ⵡⵉⵙ ⵙⵉⵏ ⵏ ⵜⵙⵓⵜⵍⵜ ⵜⴰⵏⵎⵢⵓⵔⵜ 2023 ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⴳ 27 ⴰⵔ 28 ⵉⴱⵔⵉⵔ 2023, ⴳ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⵏ ⵓⵕⵓⴱⴱⴰ ⴳ ⵙⵜⵔⴰⵙⴱⵓⵔⴳ, ⵜⵙⵎⵏⵉⴷ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵜⴰⵎⵖⵔⵉⴱⵉⵜ ⵜⴰⵢⵢⴰⴼⵓⵜ ⵏ ⵓⵙⵓⵔⵙ ⵏ ⵓⵎⴷⵔⴰⵡ ⵉ ⵜⴷⵉⵎⵓⵇⵔⴰⵟⵉⵜ ⵍⵍⵉ ⵜⴻⵟⵟⴰⴼ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ, ⵍⵍⵉⵖ ⴼⵍⵍⴰⵙ ⵣⵔⵉⵏ 11 ⵏ ⵓⵙⴳⴳⵯⴰⵙ , ⴰⵙⵓⵔⵙ ⵉⴳⴰⵏ ⴰⵏⴰⵡ ⵉ ⵉⵎⴷⵔⴰⵡⵏ ⵉⵎⴰⵢⵏⵓⵜⵏ ⵔⴰⵏⵉⵏ ⴰⴷ ⵍⵜⵖⵏ ⴳ ⵓⵙⴰⵜⵉ ⴰⴷ ⴰⵎⴰⵢⵏⵓ ⵏ ⵓⵎⵢⴰⵡⴰⵙ ⵊⴰⵔ ⵉⵥⵥⵍⵎⴹ ⴷ ⵉⴼⴼⵓⵙ.
ⵜⵍⵍⴰ ⵜⵙⵓⵜⵍⵜ ⴰⴷ ⴳ ⵓⵎⵏⴰⴹ ⵉⵥⵍⵉⵏ ⵙ ⵓⵖⵉⵍⵓⴼ ⵙⴳ ⵜⵉⵎⵉⵣⴰⵔ ⵜⵉⴳⵎⴰⵎⵉⵏ ⴷ ⵉⵎⴷⵔⴰⵡⵏ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵓⵔ ⵟⵟⴰⴼⵏⵉⵏ ⴰⵙⵎⴰⵇⵇⵍ ⵉⴼⴰⵡⵏ ⵎⵏⵉⴷ ⵏ ⵓⵙⵓⵔⵙ ⵏ ⵜⵏⴼⵔⵓⵜ ⵜⴰⴳⵔⴰⵖⵍⴰⵏⵜ ⵏ ⵖⵉⵍⴰⴷ.
ⵜⵉⵡⵉ ⵜⵉⵔⵎⵉⵜ ⵜⴰⵎⵖⵔⵉⴱⵉⵜ ⴰⵙⵓⵜⴳ ⵏ ⵎⴰⵕⵕⴰ ⵉⴳⵎⴰⵎⵏ ⵍⵍⵉ ⵙⴷⴷⵉⴷⵏⵉⵏ ⴼ ⵜⵓⴳⴳⵯⴰⵙ ⵍⵍⵉ ⴷ ⵉⵇⵇⴰⵏⵏ ⵉⵎⴷⵔⴰⵡⵏ, ⵙ ⵜⵖⵔⵉ ⵏ ⵓⵏⵇⵇⵉⵙ ⵅⴼ ⵜⵎⴷⵔⴰⵡⵜ ⵉ ⵜⴷⵉⵎⵓⵇⵔⴰⵟⵉⵜ ⵍⵍⵉ ⵜⵙⵎⵏⵉⴷ ⵜⵙⵇⵇⵉⵎⵜ ⵜⵖⴰⵡⵙⵉⵡⵉⵏ ⵜⵉⵙⵔⵜⴰⵏⵉⵏ ⴷ ⵜⴷⵉⵎⵓⵇⵔⴰⵟⵉⵜ ⵢⵉⵍⵉ ⵓⵙⵖⵣⵏ ⵏⵏⵙ ⴳ ⵜⵖⵉⵎⵉⵜ ⵜⴰⵎⴰⵜⴰⵢⵜ.
ⵉⵙⴰⵡⵍ ⵓⴽⴰⴱⴰⵕ ⴰⵎⵖⵔⵉⴱⵉ ⴼ ⵓⵙⵓⵜⴳ ⵏⵏⵙ ⵉⵥⵉⵍⵏ ⴳ ⵓⵣⵣⴳⵉⵔ ⵏ ⵜⵎⴰⵙⴰⵢⵉⵏ ⴳ ⵓⵙⴰⵜⵉ ⵏ ⵓⵕⵓⴱⴱⴰ ⴳ ⵢⵉⴳⵔ ⵏ ⵜⴷⵉⵎⵓⵇⵔⴰⵟⵉⵜ ⵜⴰⴱⵕⵍⴰⵎⴰⵏⵉⵜ, ⴷ ⵜⵅⵅⵓⵜⵔⴰ ⵏ ⵓⵙⵍⴳⵏ ⴷ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴷⵔⴼⵉⵢⵉⵏ. ⵉⵙⵎⴰⵢⵏⵓ ⵓⴽⴰⴱⴰⵕ ⵏ ⵍⵎⵖⵔⵉⴱ ⵜⵉⵔⴰⵜ ⴰⴷ ⵉⵟⵟⴼ ⵜⴰⵎⴷⵔⴰⵡⵜ ⵉⵣⵣⵉⴳⵣⵏ ⴰⴽⴷ ⵜⴰⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ.
ⵜⵖⵔ ⵜⴰⵢⵢⴰⵡⵜ ⵜⴰⴱⵕⵍⴰⵎⴰⵏⵉⵜ ⵉ ⵜⵖⵔⵉ ⵏ ⵓⵙⴽⵔ ⵏ ⵉⵎⵉⵙⵙ ⵏ ⵓⴹⵓⴼ ⵏ ⵜⴷⵉⵎⵓⵇⵔⴰⵟⵉⵜ ⵙ ⵓⵎⵙⴰⵙⴰ ⴷ ⵉⵙⵖⴰⵍ ⴼ ⵉⵍⵍⴰ ⵓⵎⵙⴰⵙⴰ ⵏ ⵜⵎⵉⵣⴰⵔ ⵏ ⵜⵓⴷⵊⵓⵔⴰ ⵉⵔⴰⵏ ⴰⵙⵕⵚⵓ ⵏ ⵜⵎⵙⴽⴰⵔ ⵜⵉⴷⵉⵎⵓⵇⵔⴰⵟⵉⵢⵉⵏ ⵏⵖ ⵜⵉⵎⵉⵣⴰⵔ ⵍⵍⵉ ⵔⴰⴷ ⵜⵓⵔⵔⵉ ⴳ ⵓⵣⵎⵣ ⵏ ⵜⴰⵙⵙⴰⵙⵉⵏ.
ⵉⵎⴹⴽⴰⵕ ⵓⴽⴰⴱⴰⵕ ⴰⵎⵖⵔⵉⴱⵉ ⴷ ⵉⴽⴰⴱⴰⵕⵏ ⵉⵏⴰⵎⵓⵔⵏ ⴷⴰⵔ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵏ ⵓⵙⵇⵇⵉⵎ ⵏ ⵓⵕⵓⴱⴱⴰ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ.
