ⴰⵔⵣⴰⴼ ⵏ ⵜⵡⵡⵓⵔⵉ ⵏ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⵉ ⴱⵕⵉⵟⴰⵏⵢⴰ
ⴰⵔ ⵉⵙⴽⴰⵔ ⴽⴰⴱⴰⵕ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ ⴰⵔⵣⴰⴼ ⵏ ⵜⵡⵡⵓⵔⵉ ⵉ ⴱⵕⵉⵟⴰⵏⵢⴰ ⴳ 27 ⴰⵔ 29 ⵎⴰⵕⵚ ⵙ ⵜⵖⵔⵉ ⵏ ⵎⴰⵙⵙⴰ ⵀⵉⵜⵔ ⵡⵉⵍⵉⵔ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴱⵕⵉⵟⴰⵏⵢⴰ-ⵍⵎⵖⵔⵉⴱ ⴳ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴱⵕⵉⵟⴰⵏⵢⴰ.
ⵢⵓⵎⴰ ⵓⴽⴰⴱⴰⵕ ⴰⵎⵖⵔⵉⴱⵉ: ⵎⴰⵙⵙⴰ ⵙⴰⵃⴰⵕ ⴰⴱⴷⵓⵃ, ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴱⵕⵉⵟⴰⵏⵢⴰ ⴳ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⵙⴰ ⵣⴰⵢⵏⴰ ⵉⴷⵃⵍⵉ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⴳⵎⴰⵎⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ, ⵜⴰⵎⵛⵛⵉⵡⵔⵜ ⵎⴰⵙⵙⴰ ⵊⴰⵍⵉⵍⴰ ⵎⵓⵔⵙⵍⵉ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⴱⵕⵉⵟⴰⵏⵢⴰ ⴳ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵉⵙⴽⵔ ⵓⴽⴰⴱⴰⵕ ⴰⵎⵖⵔⵉⴱⵉ ⵉⵎⴹⴰⴽⴰⵔⵏ ⵙⵜⴰⵡⵀⵎⵎⴰⵏⵉⵏ ⴷ ⵎⴰⵙⵙ ⵏⵉⵊⵉⵍ ⵉⴼⴰⵏⵙ ⴰⵎⴰⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴱⵕⵉⵟⴰⵏⵢⴰ ⴷ ⵍⵍⵓⵔⴷ ⵊⵉⵔⵉⵎⵉ ⴱⵓⵔⴼⵉⵙⴰⴳⵎⴰⵎ ⵏ ⵜⵙⵇⵇⵉⵎⵜ ⵏ ⵜⵖⴰⵡⵙⵉⵡⵉⵏ ⵏ ⵓⵕⵓⴱⴱⴰ ⴳ ⵓⵙⵇⵇⵉⵎ ⵏ ⵍⵍⵓⵔⴷⴰⵜ ⴳ ⴱⵕⵉⵟⴰⵏⵢⴰ ⴷ ⵎⴰⵙⵙⴰ ⵀⵉⵜⵔ ⵡⵉⵍⵉⵔ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⴱⵕⵉⵟⴰⵏⵢⴰ-ⵍⵎⵖⵔⵉⴱ, ⴷ ⵜⴱⴰⵕⵓⵏⵜ ⴳⵓⴷⵉ ⵉⵙⵡⵓⵔⵉⵏ ⴳ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵡⴰⵔⵔⴰⵡ ⴷ ⵜⵏⴼⵔⵓⵜ ⴷ ⵓⴼⵔⴰ ⵉⴳⵔⴰⵖⵍⴰⵏⵏ, ⴷ ⵎⴰⵙⵙ ⴰⵎⵙⵇⴰⴷ ⵙⵜⵉⴼⵏ ⵀⵉⴽⵉ ⴰⵏⵎⵀⴰⵍ ⵏ ⵍⵇⴱⵍⵜ ⵜⴰⵏⴰⵎⵎⴰⵙ ⴷ ⵉⵥⵥⵍⵎⴹ ⵏ ⵉⴼⵔⵉⵇⵢⴰ ⴳ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵜⴳⵎⵉ ⴳ ⴱⵕⵉⵟⴰⵏⵢⴰ.
ⴳⴰⵏ ⵉⵏⵎⵓⵇⵇⴰⵔⵏ ⴰⴷ ⵜⴰⵎⵍⴷⴰ ⵏ ⵓⵙⴷⴷⴻⴷ ⴼ ⵜⵉⵕⵡⴰ ⵏ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵍⵍⴰⵏⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ, ⴷ ⵓⵙⵓⵜⴳ ⵏ ⵓⵎⵢⴰⵡⴰⵙ ⴷ ⵓⵎⵙⴰⵡⴰⵍ ⴷ ⵜⵎⴷⵔⴰⵡⵜ ⵜⴰⴷⵎⵙⴰⵏⵜ ⵉⵍⵍⴰⵏ ⵊⴰⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ.
ⵉⵙⴷⴷⵉⴷ ⵓⴽⴰⴱⴰⵕ ⴰⵎⵖⵔⵉⴱⵉ ⴼ ⵓⵙⵏⴼⵍ ⵏ ⵉⵔⵣⴰⴼⵏ ⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ ⵉ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴷ ⵜⵉⵔⵎⵉⵜⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⴷ ⵓⵙⴷⵓⵙ ⵏ ⵓⵎⵢⴰⵡⴰⴹ ⴷ ⵓⵣⴷⴰⵢ ⵉⵛⵛⴰⵔⵏ ⴳ ⵉⵏⵎⵓⵇⵇⴰⵏ ⵖ ⴷⵔⵔⵓⵏ ⵉⴱⵕⵍⴰⵎⴰⵏⵏ ⵏ ⵙⵏⴰⵜ ⵜⵎⵉⵣⴰⵔ.
ⵉⵙⵓⵜⴳ ⵓⴽⴰⴱⴰⵕ ⴰⴱⵍⴰⵎⴰⵏⵉ ⴰⵎⵖⵔⵉⴱⵉ ⵜⵉⵍⴰⵍ ⴷ ⵉⵙⵏⴼⴰⵔⵏ ⵓⵏⴱⵉⴹⵏ ⵛⵛⴰⵔⵏⵉⵏ ⵍⵍⴰⵏⵉⵏ ⵙ ⵓⵙⵉⵎⵡⴰⵙ ⴰⵙⵉⵏⵔⴰⵏ ⴰⵎ ⴰⵎⵙⴰⵡⴰⵍ ⴰⵎⵙⴰⵡⴰⵍ ⴰⵙⵜⵔⴰⵜⵉⵊⵉ ⵏ 2018 ⴷ ⵓⵎⵙⴰⵡⴰⵍ ⵏ ⵜⵡⵡⵓⵔⵉⵡⵉⵏ ⵏ 2020.
ⵉⵖⵔ ⵓⴽⴰⴱⴰⵕ ⴰⵎⵖⵔⵉⴱⵉ ⵓⵍⴰ ⵉ ⵓⵙⴽⵔ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⵊⴰⵔ ⵍⵎⵖⵔⵉⴱ ⴷ ⴱⵕⵉⵟⴰⵏⵢⴰ ⵍⵍⵉ ⵔⴰⴷ ⵉⴳ ⴰⵙⴰⵜⵉ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉ ⵓⴹⴼⵕ ⵏ ⵉⵙⵏⴼⴰⵔⵏ ⵓⵏⴱⵉⴹⵏ ⵊⴰⵔ ⵙⵏⴰⵜ ⵜⵉⵎⵣⴰⵔ ⴷ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ.
ⵔⴰⴷ ⵢⵉⵎⴹⵉⴽⵉⵕ ⵓⴽⴰⴱⴰⵕ ⵓⵍⴰ ⴷ ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⴼ ⵜⵎⵖⴰⵔⵜ ⴷ ⵓⵎⵖⴰⵔ ⵏ ⵏ ⵜⵙⴳⴰ ⵏ ⵡⵉⵙⵜⵎⵉⵏⵙⵜⵔ ⵎⴰⵙⵙ ⵃⴰⵎⵣⴰ ⵜⵓⵣⴰⵍ ⵉⴳⴰⵏ ⴰⵎⵖⵔⵉⴱⵉ, ⴷ ⵓⵔⵣⴰⴼ ⵏ ⵓⵙⵖⵉⵎ ⵏ ⵓⴱⵕⵍⴰⵎⴰⵏ ⴰⴱⵕⵉⵟⴰⵏⵉ ⴷ ⵜⵉⵍⵉⵜ ⴳ ⵜⵖⵉⵎⵉⵜ ⵏ ⵓⵎⴹⴰⴽⴰⵕ ⴰⵎⴰⵜⴰⵢ ⴰⴽⴷ ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⴱⵕⵉⵟⴰⵏⵢⴰ.