ⴰⵙⵉⵔⴰ ⵏ ⵓⵙⵇⵇⵉⵎ ⵏ ⵉⵎⵓⵔⴰ: ⵜⴰⵡⴰⵍⴰ ⵜⴰⵣⵣⵔⴰⴼⵜ ⵜⵉⵙ 11, 2021-2026:
ⵜⴷⵔⵓ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ, ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵜⵎⵜⵜⴰ ⵎⵓⵏⵏⵉⵏ ⵡⵉⵙ ⵙⵎⵎⵓⵙ ⵏ ⵜⵎⵉⵣⴰⵔ ⴳ ⵜⴷⵔⵓⵙ ⵜⴳⵎⵉ
ⵜⴷⵔⵓ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ, ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴳ ⵓⴳⵔⴰⵡ ⴰⴱⵕⵍⴰⵎⴰⵏⵉ ⵏ ⵓⴳⵔⴰⵡ ⵏ ⵜⵎⵜⵜⴰ ⵎⵓⵏⵏⵉⵏ ⵡⵉⵙ ⵙⵎⵎⵓⵙ ⵏ ⵜⵎⵉⵣⴰⵔ ⴳ ⵜⴷⵔⵓⵙ ⵜⴳⵎⵉ, ⵍⵍⵉ ⵜⵙⵏⵎⴰⵍⴰ ⵜⴰⵏⴰⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵜⴰⴳⵔⴰⵖⵍⴰⵏⵜ ⴷ ⵓⵙⵇⵇⵉⵎ ⵏ ⵉⵎⵛⵛⵉⵡⵕ ⵏ ⵇⴰⵟⴰⵕ ⴳ 4 ⵎⴰⵕⵚ 2023 ⴳ ⵜⵖⵔⵎⵜ ⵏ ⴷⴷⴰⵡⵃⴰ.
ⵉⵡⴰⵜⵜⵙ ⵓⴳⵔⴰⵡ ⴰⴷ ⴰⴱⵕⵍⴰⵎⴰⵏⵉ ⴰⵙⵡⵓⵔⵉ ⵏ ⵉⴱⵕⵍⴰⵎⴰⵏⵏ ⵉ ⵚⴰⵃⴰ ⵏ ⵓⵖⴰⵡⴰⵙ ⵏ ⴷⴷⴰⵡⵃⴰ 2022-2031 ⵏ ⵜⵎⵉⵣⴰⵔ ⴳ ⵜⴷⵔⵓⵙ ⵜⴳⵎⵉ.
ⵔⴰⴷ ⴷⵔⵓⵏ ⴳ ⵓⴳⵔⴰⵡ ⴰⴷ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⵙⴳ ⵓⵎⴰⴹⴰⵍ ⴷ ⵉⵎⵓⵣⴰⵢⵏ ⵙⴳ ⵜⵎⵜⵜⴰ ⵎⵓⵏⵏⵉⵏ ⴷ ⵉⴷⵉⴱⵍⵓⵎⴰⵙⵉⵢⵏ ⴷ ⵉⵎⵔⵣⵓⵜⵏ ⵥⵍⵉⵏⵉⵏ ⵣ ⵜⴳⵎⵉ ⵏ ⵜⵎⵉⵣⴰⵔ ⴳ ⵜⴷⵔⵓⵙ ⵜⴳⵎⵉ.
ⵜⵙⵎⵏⵉⴷ ⵎⴰⵙⵙⴰ ⵅⴰⴷⵉⵊⴰ ⵣⵣⵓⵎⵉ ⵜⴰⴳⵓⵔ ⴳ ⵓⵏⵎⵓⵇⵇⴰⵔ ⴰⴷ, ⵜⵏⵏⴰ ⵎⴰⵙ ⴷ ⵜⵇⵇⴰⵏ ⵜⵡⵡⵓⵔⵉ ⴷ ⵜⵉⵔⴰⵜ ⵜⵉⵙⵔⵜⴰⵏⵉⵏ ⴷⵓⵙⵏⵉⵏ ⴳ ⵉⵙⵡⵉⵔⵏ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ, ⴷ ⵓⵙⴷⵓⵙ ⵏ ⵜⵡⵡⵓⵔⵉ ⵜⴰⴱⵕⵍⴰⵎⴰⵏⵉⵜ ⵉ ⵜⵣⵣⵉⴳⵣⵜ ⵏ ⵜⴳⵎⵉ ⵖ ⵜⵎⵉⵣⴰⵔ ⴰⴷ, ⴰⵢⵍⵍⵉ ⵔⴰⴷ ⵢⵉⵍ ⵙ ⵓⵙⵎⵖⵔ ⵏ ⵓⴼⴳⴰⵏ ⵙ ⵓⵙⵎⵖⵔ ⵏ ⵓⵙⵙⵍⵎⴷ ⴷ ⵓⴼⵔⴰⴳ ⴰⴷⵓⵙⴰⵏ, ⴷ ⵉⵖⴰⵡⴰⵙⵏ ⵏ ⵓⴼⵔⴰⴳ ⴰⵏⴰⵎⵓⵔ ⵉ ⴽⵓⵢⴰⵏ, ⴷ ⵓⵙⴷⵓⵙ ⵏ ⵢⵉⵙⴽⵉⵍ ⴷ ⵉⵣⵔⴼⴰⵏ ⵏ ⵜⵎⵖⴰⵔⵉⵏ ⴷ ⵜⴼⵔⵅⵉⵏ ⴷ ⵉⵄⵔⵔⵉⵎⵏ ⵙ ⵓⵙⴷⵓⵙ ⵏ ⵜⵉⵍⵉⵜ ⵏⵏⵙⵏ ⴳ ⵉⴷⵖⴰⵔⵏ ⵏ ⵜⵖⵜⴰⵙⵜ, ⴰⵢⵍⵍⵉ ⵔⴰⴷ ⵉⵙⴷⵓⵙ ⵜⵉⵍⵉⵜ ⵏⵏⵙⵏⵜ ⴳ ⵜⵡⵉⵣⵉ ⴳ ⵜⴳⵎⵉ ⵜⴰⵏⴰⵎⵓⵏⵜ ⴷ ⵜⵏⴰⵎⵓⵏⵜ.
ⵜⵙⵎⵏⵉⴷ ⵎⴰⵙⵙⴰ ⵣⵣⵓⵎⵉ ⵜⵉⵙⵏⵜⴰⵢⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵉ ⵚⴰⵃⴰ ⵏ ⵜⵎⵉⵣⴰⵔ ⴳ ⵜⴷⵔⵓⵙ ⵜⴳⵎⵉ ⵙⵍⴰⵡⴰⵏ ⴰⴽⴽⵯ ⴳ ⵉⴼⵔⵉⵇⵢⴰ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⴼⴼⵓⵙ-ⵉⴼⴼⵓⵙ.
ⴰⵔ ⵜⵙⴽⴰⵔ ⵜⵎⵜⵜⴰ ⵜⴰⵎⴰⵜⴰⵢⵜ ⵏ ⵜⵎⵜⵜⴰ ⵎⵓⵏⵏⵉ ⴽⵓ ⵎⵔⴰⵡ ⵉⵙⴳⴳⵯⴰⵙⵏ, ⴳ ⵙⵉⵏ ⵉⴳⵣⵣⵓⵎⵏ, ⵉⵍⵍⴰ ⵓⵎⵣⵡⴰⵔⵓ ⴳ ⵏⵢⵓⵢⵓⵔⴽ ⴳ ⵎⴰⵕⵚ ⵉⵣⵔⵉⵏ ⴳ ⵉⵍⵍⴰ ⵓⵙⵓⵊⴷ ⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵏ ⴷⴷⴰⵡⵃⴰ ⵏ ⵜⵎⵔⴰⵡⵜ 2022-2031 ⵉ ⵜⵎⵉⵣⴰⵔ ⴳ ⵜⴷⵔⵓⵙ ⵜⴳⵎⵉ, ⵍⵍⵉ ⵔⴰⴷ ⵢⵉⵍⵉ ⵓⵙⵖⵣⵏ ⵏⵏⵙ ⴳ ⵜⴳⵉⵔⴰ ⵏ ⵜⵡⵡⵓⵔⵉⵡⵉⵏ ⵏ ⵓⵏⵎⵓⵇⵇⴰⵔ ⴰⴷ.