ⵜⴰⵙⵎⵓⵏⵉ ⵉⵛⵛⴰⵔⵏ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵏ ⵏ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ ⴷ ⵓⵙⵏⵓⴱⴳ ⵏ ⵓⵙⵇⵇⵉⵎ ⵏ ⵜⵙⵓⵜⵍⵜ ⵉⵥⵍⵉⵏ ⵏ ⵜⵙⵇⵇⵉⵎⵜ
ⵉⵙⵏⵓⴱⴳ ⵓⵙⵇⵇⵉⵎ ⵏ ⵉⵎⵓⵔⴰ ⵜⴰⵙⵎⵓⵏⵉ ⵉⵛⵛⴰⵔⵏ ⴷ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⴹⴼⵕ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ ⴳ 1 ⴰⵔ 6 ⵎⴰⵕⵚ 2023, ⵖⵎⴽ ⵍⵍⵉ ⵔⴰⴷ ⵜⵉⵍⵉⵜ ⵜⵙⵓⵜⵍⵜ ⵉⵥⵍⵉⵏ ⵏ ⵜⵙⵇⵇⵉⵎⵜ ⴰⴷ ⴰⵙⵙ ⵏ 2 ⵎⴰⵕⵚ ⴳ ⵓⵙⵖⵉⵎ ⵏ ⵓⵙⵇⵇⵉⵎ ⴳ ⵕⵕⴱⴰⵟ.
ⵜⴽⵛⵎ ⵜⵙⵎⵓⵏⵉ ⴰⴷ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵎⵙⵡⴰⵍ ⴰⵙⵔⵜⴰⵏ ⴷ ⵓⴱⵕⵍⴰⵎⴰⵏⵉ ⵊⴰⵔ ⵓⵙⵇⵇⵉⵎ ⵏ ⵉⵎⵉⵔⴰ ⴷ ⵉⵡⴰⵏⴽⵏ ⵏ ⵜⴰⵎⵓⵏⵜ ⵏ ⵓⴳⴰⵔⴰⵡ ⴰⵏⴳⵔⴰⵢ ⵙⴳ ⵛⵛⵉⵍⵉ ⴷ ⵍⴱⵉⵔⵓ ⴷ ⴽⵓⵍⵓⵎⴱⵢⴰ ⴷ ⵍⵎⵉⴽⵙⵉⴽ.
ⵍⵍⴰⵏⵜ ⴳ ⵓⵖⴰⵡⴰⵙ ⵜⴳⵓⵔⵉⵡⵉⵏ ⵏ ⵓⵏⵙⵙⵉⵅⴼ ⵏ ⵜⵙⵇⵇⵉⵎⵜ ⴰⴷ ⵙⴳ ⵓⴱⵕⵍⴰⵎⴰⵏ ⵏ ⵍⵎⵉⴽⵙⵉⴽ ⴷ ⵜⴳⵓⵔⵉ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵉⵏ ⵉⵏⵙⵙⵉⵅⵏ ⵏ ⵉⴽⴰⴱⴰⵕⵏ ⵙⴳ ⵛⵛⵉⵍⵉ ⴷ ⵍⴱⵉⵔⵓ ⴷ ⴽⵓⵍⵓⵎⴱⵢⴰ.
ⴳ ⵓⵏⵎⵓⵇⵇⴰⵔ ⴰⴷ, ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴼ ⵜⵎⵙⴰⵔⵜ ⵏ ⵓⵣⵡⴰⴳ, ⴷ ⵓⵙⵎⵏⵉⴷ ⵏ ⵜⵉⵔⵎⵉⵜ ⵉⵥⵉⵍⵏ ⵏ ⵍⵎⵖⵔⵉⴱ ⴳ ⵓⵙⵡⵓⴷⴷⵓ ⵏⵏⵙ. ⵔⴰⴷ ⵢⵉⵍⵉ ⵏ ⵓⵏⵇⵇⵉⵙ ⵏ ⵜⵙⵓⵜⵍⵜ ⵏ ⵜⵙⵇⵇⵉⵎⵜ ⴰⴷ ⵉⵣⵔⵉⵏ ⴳ ⵍⵎⵉⴽⵙⵉⴽ ⴷⴰⵜ ⵏ ⵓⵙⵖⵣⵏ ⵏ ⵓⵙⵉⵡⴹ ⵏⵏⵙ ⴰⵎⴳⴳⴰⵔⵓ.
ⵔⴰⴷ ⵙⴽⵔⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵉⵏⵎⵓⵇⵇⴰⵔⵏ ⴷ ⵉⵎⵙⵜⴳⴳⴰⵔⵏ ⴳ ⵍⵎⵖⵔⵉⴱ ⴷ ⵢⴰⵏ ⵓⵔⵣⴰⴼ ⵉ ⵜⵖⵔⵎⵜ ⵏ ⵍⵄⵢⵓⵏ.
ⵜⴳⴰ ⵜⴰⵎⵓⵏⵜ ⴰⴷ ⵢⴰⵜ ⵜⵙⵏⵜⴰⵢⵜ ⵉⵙⵎⵓⵏ ⴽⴽⵓⵥ ⵉⵡⴰⵏⴽⵏ: ⵛⵛⵉⵍⵉ, ⴽⵓⵍⵓⵎⴱⵢⴰ, ⵍⵎⵉⴽⵙⵉⴽ, ⵍⴱⵉⵔⴰ, ⴳⵉⵙ 60 ⵏ ⵓⵡⴰⵏⴽ ⵉⵎⵥⵕⵉ, ⴷ 40 % ⵏ ⵓⴼⴰⵔⵙ ⴰⴳⵯⵏⵙⴰⵏ ⵏ ⵎⴰⵔⵉⴽⴰⵏ ⵜⴰⵍⴰⵜⵉⵏⵉⵜ.
ⴼⴼⵖⵏ ⵉⵏⵙⵙⵉⵅⴼⵏ ⵏ ⵉⴱⵕⵍⴰⵎⴰⵏ ⵏ ⵜⴰⵎⵓⵏⵜ ⴰⴷ ⴰⴷ ⵜⵉⵍⵉⵜ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⴳ ⴽⵓⵍⵓⵎⴱⵢⴰ ⴳ 6 ⵎⴰⵢ 2013 ⴳ ⴱⵓⴳⵓⵜⴰ ⵉ ⵓⴹⴼⵕ ⵏ ⵜⵎⵢⴰⵇⵇⴰⵏⵜ ⵏⵏⵙ ⴰⵙⴰⵜⵉ. ⵉⴳⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⴳⵎⴰⵎ ⵉⵎⵥⵕⵉ ⴷⴰⵔ ⵜⵙⵇⵇⵉⵎⵜ ⵜⴰⴱⵕⵍⴰⵎⴰⵏⵉⵜ ⵉⵛⵛⴰⵔⵏ ⵙⴳ 2023 ⴷ ⵜⵎⵔⵙⵍⵜ ⵜⴰⵣⵣⵔⴰⴼⵜ ⵜⴰⵄⵕⴰⴱⵜ ⴷ ⵜⴰⴼⵔⵉⵇⵉⵜ.
ⵍⵍⵉⵖ ⵜⵙⴳⴰⴷⴷⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵙⵔⵙ ⵏ ⵍⴳⵔⴳⴰⵔⴰⵜ, ⵜⵙⴼⴼⵖ ⴷ ⵜⵙⵇⵇⵉⵎⵜ ⴰⴷ ⵜⴰⴱⵕⵍⴰⵎⴰⵏⵉⵜ ⴰⵙⵉⵡⴹ ⴳ 10 ⴷⵓⵊⴰⵏⴱⵉⵔ 2020 ⴳ ⵉⵍⵍⴰ ⵓⵙⵏⴰⵍ ⵏ ⵜⵙⵏⵜⴰⵢⵜ ⵏ ⵓⵏⴱⴰⴷ ⴰⵏⵉⵎⴰⵏ ⵍⵍⵉ ⵉⵙⵎⵏⵉⴷ ⵍⵎⵖⵔⵉⴱ ⴷ ⴰⴼⵙⵙⴰⵢ ⴰⵙⵔⵜⴰⵏ ⴷⴷⴰⵡ ⵏ ⵓⴼⵔⴰⴳ ⵏ ⵜⵎⵜⵜⴰ ⵉⵎⵓⵏⵏ ⴳ ⵓⵙⴰⵜⵉ ⵏ ⵜⵅⵅⵓⵜⵔⴰ ⵏ ⵍⵎⵖⵔⵉⴱ, ⴷ ⵓⵙⴷⴷⵉⴷ ⵏ ⵜⵎⵙⴽⴰⵔ ⴰⴷ ⵡⴰⵜⵜⵙⵏⵉⵏⵜⴰⵏⴼⵔⵓⵜ ⴷ ⵜⵣⵣⵉⴳⵣⵜ ⵉⵥⵉⵍⵏ ⵏ ⵉⵡⴷⴰⵏ ⴷ ⵜⵎⴳⵓⵔⴰ ⴳ ⵜⵙⴳⴰ ⵏ ⵍⴳⵔⴳⴰⵔⴰⵜ.
